Home

  ເປັນທີ່ໜ້າຈັບຕາເບິ່ງສຳລັບສາວນ້ອຍໄວສົດໃສຄົນນີ້ ນາງ ອາລີນ່າ ພິລາວົງ ສາວນ້ອຍໄວໃສອາຍຸພຽງ 17 ປີ, ຊະນີIndy ໄດ້ໄປຕິດຕາມໄປສືບຫາຂໍ້ມູນມາກໍເລີຍຮູ້ວ່າສາວນ້ອຍຄົນນີ້ເປັນລູກຊອດ ລາວ-ຍູເຄນຣ  (Ukraine) ກໍາລັງສຶກສາຢູ່ທີ່ ມສ.ວຽງຈັນ ຊັ້ນ ມໍ.7 ແລະ ທີ່ສະດຸດຕາຫຼາຍກໍຄືນາງມີຄວາມສູງເຖິງ 1,73 cm (ໂອ້ຍ…ຈັ່ງແມ່ນສູງນໍລູກ), ຜົນງານຂອງນ້ອງເທົ່າທີ່ຜ່ານມາແມ່ນເປັນນາງແບບຕາມງານແຟຼຊັ່ນໂຊຕ່າງໆ (ວາລະສານ ຂວັນໃຈ ກໍຖ່າຍປົກມາແລ້ວເດີ້ ບໍ່ທຳມະດາໃດນິ), ທັງສະແດງຊີ່ຣີ່ໄວລຸ້ນຊື່ດັງ Until you ແລະ ຫຼ້າສຸດແມ່ນສາວນ້ອຍຄົນນີ້ໄດ້ເປັນເຖິງພີເຊັນເຕີ້ສະມາດໂຟນແບຼນດັງ Samsung Galaxy A 2017, ປະຕິໂທ້ ບໍ່ທຳມະດາອີ່ຫລີ ຊະນີIndy ຍັງໄດ້ຍິນມາອີກເດີ້ວ່າສາວນ້ອຍຄົນນີ້ເປັນທີ່ຈັບຕາເບິ່ງຂອງລຸ້ນເອື້ອຍລຸ້ນອ້າຍໃນວົງການບັນເທິງລາວເຮົາ ດັ່ງນັ້ນຮັບຮອງສາວນ້ອຍ ອາລີນ່າ ຄົນນີ້ຕ້ອງມີອະນາຄົດໄກໃນວົງການບັນເທິງລາວເຮົາແນ່ນອນ! ກົດໄລ້-ກົດແຊຣເປັນກຳລັງໃຈໃຫ້ອາລີນ່າດ່ວນ ແລະ ມາເບິ່ງຮູບພາບໜ້າຮັກສົດໃສຂອງນ້ອງໄດ້ເລີຍ!!!   ຂໍຂອບໃຂຮູບພາບຈາກ: Alina Philavong  

ມາພົບກັນອີກແລ້ວສາວໆມາພົບກັບ BeautyGuru ຄົນເກົ່າຄົນເດີມເພີ່ມເຕີມຄືສາລະ (ຄິດເຂົ້າຂ້າງຕົວວ່າຊັ້ນ) ເພາະໃນມື້ນີ້ BeautyGuru ຈະມາເວົ້າກ່ຽວກັບວັດທະນະທໍາການນຸ່ງຖືຂອງຄົນລາວແທ້ໆມາໃຫ້ສາວໆໄດ້ອ່ານກັນຈັກໜ້ອຍ, ເນຶ່ອງຈາກວ່າສາວໆຍຸກໃໝ່ຄືພວກເຮົານັ້ນອາດຈະຢູ່ກັບຍຸກແຫ່ງແຟຊັ່ນບາງເທຶ່ອເຮົາກໍອາດຈະລືມໄປວ່າເອກະລັກການນຸ່ງຖືນັ້ນຄົນລາວເຮົາແມ່ນຖືເປັນມຸນມໍລະດົກອັນໜື່ງ ທີ່ບັນພະບູລຸດປະໄວ້ໃຫ້ລູກຫຼານຄົນລາວສືບທອດມາເຖິງທຸກວັນນີ້ ອັນເປັນສິ່ງເອກອ້າງສະແດງໃຫ້ຊາວໂລກໄດ້ເຫັນເອກະລັກໜຶ່ງ ຂອງຄວາມເປັນຊາດລາວ. ແຕ່ປະເພນີການນຸ່ງຖື ບາງຮູບການກໍ່ໄດ້ວິວັດໄປຕາມແຕ່ລະຍຸກ ແຕ່ລະສະໄໝ ຕາມຄວາມນິຍົມເຊັ່ນ: ການໄປສົ່ງສະການແຕ່ກ່ອນເພີ່ນນຸ່ງເສື້ອສີຂາວ ຫຼື ສີບໍ່ບາດຕາ ເພື່ອເຮັດໃຫ້ບັນຍາກາດຂອງນັ້ນມີຄວາມໂປ່ງໃສ, ບໍ່ໃຫ້ຜູ້ໄປຮ່ວມພິທີ ແລະ ຍາດມິດຂອງຜູ້ຕາຍມີຈິດໃຈໂສກເສົ້າ ແຕ່ມາຮອດປັດຈຸບັນກໍ່ນິຍົມກັນໃສ່ຊຸດດຳໄປສົ່ງສະການ ຈົນເປັນປະເພນີແລ້ວ. ການນຸ່ງຖືເຂົ້າວັດວາອາຮາມເພື່ອໄປເຮັດບຸນຕັກບາດຢາດນໍ້າ ສ້າງສິນກິນທານຕາມຮີດຄອງປະເພນີ ແມ່ຍິງຕ້ອງເກົ້າຜົມ ຫຼື ມັດຜົມ ແລະ ບ່ຽງຜ້າ ຫຼື ຖືແພພາດບ່າພ້ອມເປັນເອກະລັກຂອງແມ່ຍິງລາວທີ່ມີຄວາມງົດງາມ ການນຸ່ງສິ້ນແມ່ຍິງລາວສະໄໝກ່ອນແມ່ນນຸ່ງສິ້ນມີ່ຕໍ່ຫົວ ແລະ ຕໍ່ຕີນ, ນຸ່ງສິ້ນລ່າມບໍ່ໃຫ້ປົກປາຍຕີນ, ນຸ່ງພໍເຂີນຕາຕຸ່ມມ໋ອງ ພໍໃຫ້ໄດ້ອວດປອກຂາເງີນ (ແຕ່ກ່ອນ ແມ່ຍິງລາວນິຍົມໃສ່ປອກຂາ), ຖ້ານຸ່ງສິ້ນເຂີນນ່ອງຖືວ່າເປັນການບໍ່ສຸພາບ, ຜ້າບ່ຽງແພໃໝ ແມ່ນຄວາມງາມຂອງສີລະປະສີໄມ້ລາຍມືຂອງຄົນລາວ. ສ່ວນຜົມທີ່ເກົ້ານັ້ນ ກໍ່ປະດັບດ້ວຍສາຍຄ້ອງ, ສາຍຍັງ ແລະ ປັກປິ່ນເກົ້າ. ຄວາມສວຍງາມຂອງອາເພດຊົງລາວ …

ສຸພາບສະຕີໝາຍເລກ 1 ສະຫະລັດເລືອກນັກອອກແບບເຊື້ອສາຍລາວຕົກແຕ່ງທໍານຽບຂາວ ເວັບໄຊ WWD ລາຍງານວ່າ: ທ່ານ ນາງ ເມລາເນຍ ທຼັມ ສຸພາບສະຕີໝາຍເລກ 1 ຂອງສະຫະລັດອາເມລິກາ ໄດ້ຈ້າງນັກອອກແບບ ຄົນອາເມລິກາເຊື້ອສາຍລາວ ນາງ ທໍາ ຂັນນາລີຄໍາ ມາຕົກແຕ່ງພາຍໃນທໍານຽບຂາວ. ນາງ ທໍາ ຂັນນາລີຄໍາ ເປັນຄົນທີ່ສອງທີ່ໄດ້ຮັບການແຕ່ງຕັ້ງຢ່າງເປັນທາງການໂດຍນາງເມລາເນຍ. ນາງ ທໍາ ຂັນນາລີຄໍາ ເປັນນັກອອກແບບພາຍໃນ ຢູ່ໃນມະຫານະຄອນນິວຍອກ ແລະ ເລີ່ມຕົ້ນເຮັດວຽກກັບ ຣາບ ລໍເລນ ໂຮມ ກ່ອນຈະມີບໍລິສັດເປັນຂອງຕົນເອງ.

  ແລງໆ…ແບບນີ້ຮອດເວລາມາຝອຍນຳກັນກັບ ຊະນີIndy ເນື່ອງຈາກວ່າກະແສໂຊຊ່ຽວໃນມື້ທີ່ຜ່ານມີເຟັກບຸກສ່ວນຕົວຂອງສາວງາມຄົນໜຶ່ງຊື່ວ່າ ມິນຕາ ລາດຊະວົງ ໄດ້ໂພສຮູບໄປທ່ຽວສະຖານທີ່ທ່ອງທ່ຽວຊື່ດັງ ມ.ວັງວຽງ ແລະ ໃນການໄປທ່ຽວຫຼິ້ນເທື່ອນີ້ກໍຖືເປັນການໄປທ່ຽວຕາມພາສາໄວລຸ້ນລາວເຮົາທົ່ວໄປ ແຕ່ທີ່ສະດຸດຕາ ຊະນີIndy ເຂົ້າແບບກົງໆກໍຄືສາວງາມແກ້ງນີ້ໄດ້ໄປຢ້ຽມຢາມພໍ່ຕູ້ທີ່ຂ້ອນຂ້າງລຳບາກ ອາໄສຢູ່ຄົນດຽວໃນຕູບຮ້າງໆຫົວຂົວ ບ້ານນາມອນ ມ.ວັງວຽງ ເຊິ່ງນາງກໍໄດ້ໂພສຮູບພາບໄປຢາມພໍ່ຕູ້ແບບຍົກແກ້ງ ພ້ອມຂຽນແຄບຊັ່ນເທິງຮູບທີ່ວ່າ: “ໄປຫຼິ້ນວັງວຽງເທື່ອນີ້ຄຸ້ມຫຼາຍ ດີໃຈທີ່ໄດ້ຊ່ວຍພໍ່ຕູ້ສຳລັບໃຜທີ່ມີແຜນຈະໄປຫຼິ້ນວັງວຽງ ແລະ ຢາກເອົາອາຫານ ນ້ຳ ເຄື່ອງນຸ່ງ ຫຼື ແລ້ວແຕ່ສັດທາ ໄປໃຫ້ພໍ່ຕູ້ແວ່ມາຫາເພິ່ນໄດ້ເດີ້ທາງຜ່ານພໍດີ ພໍ່ຕູ້ເພິ່ນເຖົ້າແລ້ວອາໄສຢູ່ຄົນດຽວກະຕູບຂ້າງຂົວນາມອນ ໄກ້ກັບຕະຫຼາດຂາຍປາແຫ້ງ ຊ່ວຍກັນຄົນລະເລັກລະໜ້ອຍກໍໄດ້ ” ຈົນເຮັດໃຫ້ມີແຟນໆເຂົ້າມາກົດໄລ້ກົດແຊຣ ແລະ ຄອມເມັ້ນຍົກຍ້ອງສາວໆແກ້ງນີ້ວ່າທັງງາມ ແລະ ມີຈິດໃຈດີກັນເປັນຈຳນວນຫຼາຍ… ຢ່າງໃດ ຊະນີIndy ແລະ ແຟນໆກໍຂໍອະນຸໂມທາບຸນນໍາເດີ້ #ແຊຣໄປໃຫ້ໂລກຮູ້ວ່າສາວລາວທັງງາມທັງໃຈດີ ມາເບິ່ງຮູບພາບງາມໆຂອງສາວໆແກ້ງນີ້ກັນເລີຍ ຂໍຂອບໃຈຮູບພາບຈາກ: Minta Lardsavong ແລະ KY Ramangkoun  

ຮືຮາ ທີມນັກວິທະຍາສາດໃນແອັບຟຣິກາໃຕ້ ພົບຫຼັກຖານໃໝ່ ພົບທະວີບທີ່ສາບສູນໃນມະຫາສະມຸດອິນເດຍ ຢູ່ໃຕ້ເກາະມໍລິເຊຍ ຈຶ່ງຕັ້ງຊື່ເກາະວ່າ: ທະວີບມໍລີເຊີຍ ເຊື່ອວ່າ: ກໍາເນີດຈາກລາວາພູເຂົາໄຟ ກ່ອນຈະຖືກນໍ້າໃນມະຫາສະໝຸດກືນກິນຈົນສາບສູນໄປຈາກແຜນທີ່ໂລກ 84 ລ້ານປີກ່ອນ. ວັນທີ 6 ກຸມພາ ສື່ຕ່າງປະເທດ ແລະ ສໍານັກຂ່າວ ຊີເອັນເອັນ ລາຍງານເລື່ອງທີ່ສ້າງຄວາມຮືຮາໃຫ້ແກ່ຊາວໂລກໃນຍຸດປັດຈຸບັນ ເມື່ອທີມນັກວິທະຍາສາດຂອງມະຫາວິທະຍາໄລເວີດສະແລນ ໃນແອັບຟຣິກາໃຕ້ ໄດ້ພົບຫຼັກຖານສໍາຄັນພົບທະວີບທີ່ສາບສູນຢູ່ໃຕ້ມະຫາສະໝຸດອິນເດຍເມື່ອ 84 ລ້ານປີກ່ອນ ແລະ ໄດ້ຕັ້ງຊື່ວ່າ “ມໍລີເຊຍ” ເນື່ອງຈາກບໍລິເວນທີ່ພົບທະວີບສາບສູນ ຢູ່ໃຕ້ເກາະ ມໍລິເຊຍ ເກາະທ່ອງທ່ຽວຊື່ດັງໃນມະຫາສະມຸດອິນເດຍຍຸດນີ້ ແລະ ທະວີບມໍລິເຊຍໄດ້ຖືກກືນກິນສາບສູນຈາກນໍ້າໃນມະຫາສະມຸດ. ທີມນັກວິທະຍາສາດກ່າວວ່າ: ຈາກການສຶກສາວິໄຈແຮ່ທາດຈາກກ້ອນຫີນທີ່ພົ້ນຈາກໜ້ານໍ້າໃນມະຫາສະມຸດອິນເດຍ ເຮັດໃຫ້ຮູ້ວ່າ: ທະວີບດັ່ງກ່າວນີ້ ເກີດຈາກລາວາຂອງພູເຂົາໄຟທີ່ເກີດລະເບີດໃນອະດີດ ແລະ ອີກຫຼັກຖານທີ່ສໍາຄັນຄື: ພົບແຮ່ຊີຄອນ ໃນກ້ອນຫີນອາຍຸ 3 ພັນລ້ານປີ ຊຶ່ງມີອາຍຸແກ່ກວ່າແຮ່ທາດທີ່ພົບໃນເກາະມໍລິເຊຍໃນປັດຈຸບັນ ທີ່ພົບກ້ອນຫີນຢູ່ເກາະແຫ່ງນີ້ອາຍຸດົນກວ່າ 9 ລ້ານປີ. ຈາກການວິໄຈຍັງພົບອີກວ່າ: …