Home

ສະຫະພາບເອີຣົບ ແລະ ສປປລາວ ເພີ່ມທະວີການຮ່ວມມື ດ້ານການສຶກສາຊັ້ນສູງ ສະຫະພາບເອີຣົບ (European Union) ແລະ ກະຊວງສຶກສາທິການ ແລະ ກິລາ ແລະ ມະຫາວິທະຍາໄລແຫ່ງຊາດລາວ ໄດ້ຮ່ວມກັນຈັດກອງປະຊຸມຮ່ວມມືດ້ານການສຶກສາຊັ້ນສູງ ລະຫວ່າງ ສປປລາວ ແລະ ສະຫະພາບເອີຣົບ ຄັ້ງທີ 2, ໃນວັນທີ 15 ພະຈິກ 2016 ຢູ່ທີ່ຫ້ອງປະຊຸມໃຫຍ່ຂອງຄະນະເສດຖະສາດ ແລະ ບໍລິຫານທຸລະກິດ ມະຫາວິທະຍາໄລແຫ່ງຊາດ, ເຂົ້າຮ່ວມເປັນກຽດໂດຍ ທ່ານ ສຈ ປອ ສົມສີ ຍໍພັນໄຊ ຮັກສາການ ອະທິການບໍດີ ມະຫາວິທະຍາໄລແຫ່ງຊາດ, ພະນະທ່ານ ແສງເດືອນ ຫຼ້າຈັນທະບູນ ລັດທະມົນຕີກະຊວງສຶກສາທິການ ແລະ ກິລາ ແລະ ພະນະທ່ານ ເລໂອ ຟາແບ໋ກ ເອກອັກຄະລັດຖະທູດ ສະຫະພາບເອີຣົບປະຈຳລາວ. …

ວິທີເຮັດໃຫ້ໜ້າຂາວໃສແບບສາວເກົາຫລີ ວິທີເຮັດໃຫ້ໜ້າຂາວຄືສາວເກົາຫລີທີ່ເບິ່ງແນວໃດກໍ່ໜ້າຮັກສົດໃສ ມື້ນີ້ເຮົາມີວິທີໃນການເບິ່ງແຍງຜິວໜ້າຂອງທ່ານໃຫ້ຂາວ ແລະ ງາມຄືກັບສາວເກົາຫລີມາຝາກ ເຊິ່ງວິທີເຮັດໃຫ້ໜ້າຂາວນັ້ນບໍ່ຍາກ ຖ້າໃຜຍາກມີໜ້າຂາວໃສ ນັ້ນມາເບິ່ງວິທີກັນເລີຍ. ວິທີເຮັດໃຫ້ໜ້າໃສໂດຍການນອນຫຼັບພັກຜ່ອນໃຫ້ພຽງພໍ. ຢ່າງນ້ອຍມື້ລະ 8 ຊົ່ວໂມງ ເພາະໃນຊ່ວງເວລາພັກຜ່ອນເປັນຊ່ວງທີ່ຮ່າງກາຍສ້ອມແປງພາກສ່ວນທີ່ຊຸດໂຊມໂດຍສະເພາະຊ່ວງເວລາ 11 ໂມງກາງຄືນຫາ 4 ໂມງເຊົ້າຈະເປັນເວລາຂອງຜິວພັນຢ່າງແທ້ຈິງ. ວິທີເຮັດໃຫ້ໜ້າໃສ ໂດຍການຮັບປະທານຜັກໝາກໄມ້ສົດທີ່ຫຼາກຫຼາຍ. ໂດຍສະເພາະໃນກຸ່ມທີ່ອຸດົມໄປດ້ວຍໄຟເບີ ເພາະບໍ່ພຽງແຕ່ໄດ້ຮັບວິຕາມິນທີ່ຈໍາເປັນຕໍ່ຜິວພັນແລ້ວຍັງຊ່ວຍໃຫ້ລະບົບການຂັບຖ່າຍເປັນປົກກະຕິ ແຕ່ຖ້າເປັນຜັກ, ໝາກໄມ້ທີ່ມີວິຕາມິນເອ, ວິຕາມິນຊີ, ວິຕາມິນອີ ແລະ ແຄໂລທີນຍິ່ງຈະຊ່ວຍສົ່ງເສີມການເບິ່ງແຍງຜິວພັນ, ປົກປ້ອງຜິວພັນຈາກອະນຸມູນອິດສະລະໄດ້ອີກດ້ວຍ. ວິທີເຮັດໃຫ້ໜ້າໃສ ໂດຍການດື່ມນໍ້າມື້ລະປະມານ 1.5-2 ລິດ. ເພື່ອເປັນການລ້າງຂອງເສຍອອກຈາກພາຍໃນ ເພື່ອຜິວພັນຂາວໃສສູ່ພາຍນອກເຊິ່ງວິທີດື່ມນໍ້າທີ່ຖືກວິທີເຮົາຕ້ອງຈິບເລື່ອຍໆບໍ່ແມ່ນຈະດື່ມເທື່ອລະຈອກໃຫຍ່ໆ ແລະ ບໍ່ຄວນດື່ມນໍ້າສະເພາະເວລາທີ່ຮູ້ສຶກຢາກດື່ມເທົ່ານັ້ນ ໂດຍສະເພາະຜູ້ທີ່ເຮັດວຽກໃນຫ້ອງແອ ເພາະຜິວພັນຈະເສຍນໍ້າ ແລະ ຄວາມຊຸ່ມໄປໂດຍບໍ່ຮູ້ຕົວ. ວິທີເຮັດໃຫ້ໜ້າໃສ ໂດຍຫຼີກລ້ຽງແສງແດດ ແລະ ໃຊ້ຄີມກັນແດດເປັນປະຈໍາ. ການໃຊ້ຄີມກັນແດດທີ່ດີບໍ່ຈໍາເປັນຕ້ອງເລືອກຄີມກັນແດດທີ່ມີຄ່າ SPF ສູງຈົນເກີນໄປເພາະຖ້າ SPF ສູງສານເຄມີກໍ່ຫຼາຍ ຄ່າ …

ຮັກແທ້ແຕ່ຍັງຜິດກັນຍ້ອນເງິນ!! ເລື່ອງເງິນ-ຄໍາ ເຖິງວ່າມັນຈະບໍ່ສຳຄັນທີ່ສຸດໃນຊີວິດ ແຕ່ມັນກໍເປັນສິ່ງຈໍາເປັນທີ່ສຸດໃນຊີວິດ ຂອງທຸກຄົນ ເພາະສະນັ້ນ ຄວນຕົກລົງກັນ ກ່ອນຈະມີບັນຫາພາຍຫຼັງຕັດສິນໃຈໃຊ້ຊີວິດຮ່ວມກັນ. ສາວໆທີ່ກໍາລັງຈະຕັດສິນໃຈ ໃຊ້ຊີວິດຄູ່ ກະລຸນາ ຄິດໜ້ອຍໜຶ່ງກ່ອນເນາະ! ຢ່າເກງໃຈທີ່ຈະຖາມເຖິງການວາງແຜນເລື່ອງເງິນ ຂອງຄົນຮັກ ຖ້າບໍ່ຢາກຜິດກັນພາຍຫຼັງ ຄວນຖາມເຂົາກ່ຽວກັບການເງິນ ແລະ ຊ່ວຍກັນວາງແຜນຫຼືຕົກລົງເລື່ອງເງິນກ່ອນຕັດສິນໃຈໃຊ້ຊີວິດຄູ່ ຖ້າຫາກຕົກລົງກັນໃຫ້ເຂົ້າໃຈດີແລ້ວ ເຊື່ອໄດ້ວ່າເລື່ອງເງິນຈະບໍ່ມາເຮັດໃຫ້ຄວາມຮັກຂອງທ່ານມີບັນຫາແນ່ນອນ ໃຜຈະເປັນຄົນກໍາເງິນ?? ເປັນຄໍາຖາມທໍາອິດທີ່ຈະຕ້ອງລົມກັນໃຫ້ເຂົ້າໃຈທີ່ສຸດ ຖ້າຈະຕົກລົງແຕ່ງດອງກັນແລ້ວ ລາຍໄດ້ ແລະ ຊັບສິນຫຼັງຈາກແຕ່ງດອງ ຄວນຈະຕົກເປັນກອງກາງທັນທີ່ ການບໍລິຫານລາຍຮັບ-ລາຍຈ່າຍ ຄວນບໍລິຫານຮ່ວມກັນ ເພື່ອທັງສອງຈະໄດ້ມີສ່ວນຮັບຜິດຊອບຮ່ວມກັນ. ຕົກລົງກັນແລ້ວກໍຄວນມີຂໍ້ຈໍາກັດໃນການໃຊ້ເງິນ. ເພື່ອບໍ່ໃຫ້ມີບັນຫາກັນໃນໄລຍະຍາວ ທັງສອງຄວນລົມກັນເລື່ອງລາຍຈ່າຍໃນຊີວິດປະຈໍາວັນວ່າ ມີຫຍັງແດ່? ອັນໃດທີ່ຄວນເພີ່ມ-ຄວນຫຼຸດ ຫຼື ຄວນອອກກັນ ເພື່ອຄວາມສົມດຸນຂອງຊີວິດຄູ່. ເລື່ອງໜີ້ເປັນສິ່ງສຳຄັນທີ່ສຸດ!! ເລື່ອງໜີ້ ຫຼາຍຄົນເກືອບຕາຍຍ້ອນບໍ່ຮູ້ວ່າ ຄົນຮັກຂອງຕົນເປັນໜີ້ຫຼາຍປານໃດ ຖ້າຮັກກັນແທ້ ຄວນຍອມຮັບວ່າ ມີໜີ້ຫຍັງແດ່? ເທົ່າໃດ? ຍ້ອນຫຍັງຈິ່ງເປັນໜີ້? ຄວນບອກກັນໃຫ້ລະອຽດ ບໍ່ແມ່ນມາບອກຫຼັງແຕ່ງດອງ ເພາະຖ້າຮູ້ຫຼັງແຕ່ງດອງວ່າເປັນໜີ້ …

7 ນິໄສເລື່ອງຄວາມງາມ ທີ່ຫ້າມເຮັດເດັດຂາດ!!! ໃຊ້ຄວາມຮ້ອນກັບເສັ້ນຜົມຕອນເສັ້ນຜົມປຽກ. ບາງທ່ານຢາກຫຼຸດເວລາທີ່ຈະເຮັດໃຫ້ເສັ້ນຜົມແຫ້ງໄວຂຶ້ນໂດຍການໃຊ້ເຄື່ອງລີດຜົມ, ໄດລີດຜົມເພື່ອຫວັງວ່າຄວາມຮ້ອນຈະຊ່ວຍໃຫ້ເສັ້ນຜົມແຫ້ງໄດ້ໄວຂຶ້ນ ແລະ ຈັດຊົງໄປໃນຕົວ ແຕ່ທ່ານຮູ້ບໍ່ວ່າເສັ້ນຜົມຂອງເຮົານັ້ນອ່ອນແອທີ່ສຸດໃນເວລາທີ່ມັນກໍາລັງປຽກ ແລະ ຖ້ານໍາເອົາຄວາມຮ້ອນໄປກະທົບໃສ່ກັບໂມເລກຸນຂອງນໍ້າຈະເຮັດໃຫ້ນໍ້າຮ້ອນຂຶ້ນລະເຫີຍອອກໄປ ແລະ ນໍາພາຄວາມຊຸ່ມຊື່ນອອກຈາກເສັ້ນຜົມໄປນໍາເສັ້ນຜົມຈຶ່ງແຫ້ງເສຍແຕກປາຍງ່າຍຂຶ້ນ. ແຖຂົນເທິງໃບໜ້າ. ໃຜທີ່ຄິດຈະແຖຂົນໜ້າຕົນເອງດ້ວຍການໃຊ້ມີດແຖນັ້ນໃຫ້ຢຸດຄິດໄດ້ເລີຍ ແມ່ນຢູ່ວ່າການໃຊ້ມີດແຖຂົນນັ້ນມັນອາດຈະໄວ ແລະ ສະດວກສະບາຍແຕ່ໃຫ້ຍົກເວັ້ນການແຖຂົນໃບໜ້າການແຖຂົນເທິງໃບໜ້າຈະເຮັດໃຫ້ຂົນທີ່ຂຶ້ນມາໃໝ່ກາຍເປັນສ້ຽນນ້ອຍໆ ແລະ ສ່ຽງຕໍ່ການເປັນບາດແຜເພາະຖືກມີດແຖບາດ. ບີບສິວ. ຖ້າທ່ານໃດຄິດທີ່ຈະກໍາຈັດສິວດ້ວຍການບີບມັນອອກມາ ທ່ານຮູ້ບໍວ່າຈະເຮັດໃຫ້ເກີດຮອຍດຳ ແລະ ຮອຍແຜເປັນທີ່ປິ່ນປົວໄດ້ຍາກກວ່າເກົ່າ. ບໍ່ເຮັດຄວາມສະອາດອຸປະກອນແຕ່ງໜ້າ. ທ່ານຮູ້ບໍວ່າຖ້າຫາກທ່ານບໍ່ເຮັດຄວາມສະອາດອຸປະກອນແຕ່ງໜ້າເລີຍນັ້ນມັນຈະກາຍເປັນແຫຼ່ງຕົກຄ້າງຂອງເຄື່ອງສໍາອາງເມື່ອປະສົມກັບຄວາມມັນ ແລະ ເຊວຜິວໜັງທີ່ຕາຍແລ້ວຈາກຜິວໜ້າຈະຖືກສະສົມຢູ່ເທິງອຸປະກອນແຕ່ງໜ້າມັນອາດຈະກາຍເປັນແຫຼ່ງສະສົມຂອງເຊື້ອພະຍາດ ແລະ ອາດເປັນສາເຫດໜຶ່ງທີ່ເຮັດໃຫ້ສິວເກີດຂຶ້ນໄດ້. ນອນທັງທີ່ຍັງແຕ່ງໜ້າ. ບາງຄົນຫຼັງຈາກໄປທ່ຽວກັບມາກໍເຂົ້ານອນເລີຍໂດຍທີ່ບໍ່ໄດ້ລ້າງເຄື່ອງສໍາອາງອອກ ເພາະອາດຈະຄິດວ່າການໄດ້ພັກຜ່ອນໃຫ້ພຽງພໍນອນຫຼັບໃຫ້ເຕັມອີ່ມພຽງເທົ່ານີ້ກໍຈະເຮັດໃຫ້ຜິວໜ້າສົດໃສໜ້າຕາສົດຊື່ນໄດ້ແລ້ວ ແຕ່ທ່ານຮູ້ບໍ່ວ່າການລ້າງເຄື່ອງສໍາອາງນີ້ກໍເປັນເລື່ອງທີ່ສໍາຄັນເຖິງແມ່ນວ່າທ່ານຈະໄດ້ພັກຜ່ອນໄດ້ນອນເຕັມອີ່ມປານໃດ  ແຕ່ຖ້ານອນຫຼັບທັງທີ່ມີເຄື່ອງສໍາອາງຢູ່ນັ້ນມັນມີໂອກາດທີ່ຈະເຮັດໃຫ້ຜິວໜ້າໝອງຄໍ້າ ແລະ ສິວກໍອາດຈະເກີດຂຶ້ນມາອີກດ້ວຍ. ແຕ່ງໜ້າທັບລົງໃບໜ້າທີ່ມີ Make-up ຢູ່ແລ້ວ. ການແຕ່ງໜ້າທັບລົງໃບໜ້າທີ່ມີ Make-up ຢູ່ແລ້ວນັ້ນໃຊ້ໄດ້ຖ້າເປັນການແຕ່ງແບບເພີ່ມເລັກໆນ້ອຍໆເຊັ່ນ: ການເພີ່ມສີໜ້າ, ເພີ່ມຄິ້ວ, ເພີ່ມສີປາກ, ເພີ່ມສີຂອບຕາ ແຕ່ຖ້າເປັນການແຕ່ງແບບທາຄຣີມຮອງພື້ນ, ທາແປ້ງເພີ່ມນັ້ນຈະເຮັດໃຫ້ຜິວໜ້າຂອງທ່ານນັ້ນໝອງຄໍ້າ …

HUAWEI  ມ່ວນຊື່ນບຸນອອກພັນສາ ຈັດໂປຣໂມຊັ້ນພິເສດ ຫຼຸດແລກແຈກແຖມກະໜ່ຳ! ຫົວເຫວີຍຂົນຄວາມສຸກໄປເສີບໃຫ້ແກ່ມວນຊົນທີ່ບຸນອອກພັນສາປະວໍລະນາ ຫຼືບຸນຊ່ວງເຮືອປະຈຳປີ 2016 ໃນລະຫວ່າງວັນທີ 14-18 ຕຸລາ ທີ່ທ່າວັດຈັນ, ນະຄອນຫຼວງວຽງຈັນ ໂດຍມີການຈັດກິດຈະກໍາຮ່ວມມ່ວນຊື່ນ ແຈກລາງວັນ ແລະ ມອບໂປຣໂມຊັ້ນສຸດພິເສດໃຫ້ກັບລູກຄ້າທີ່ຊື້ສະມາດໂຟນຂອງຫົວເຫວີຍທຸກຮຸ່ນ. ພາຍໃນບູດຂອງຫົວເຫວີຍ ນອກຈາກຈະມີການຍົກຂະບວນສະມາດໂຟນ ຫຼາຍຮຸ່ນທີ່ມີຄຸນນະພາບມານຳສະເໜີ ແລະ ໃຫ້ລູກຄ້າທົດລອງສຳຜັດແລ້ວ ທີມງານກໍໄດ້ມີການຈັດກິດຈະກຳເພື່ອຮ່ວມມ່ວນຊື່ນກັບພໍ່ແມ່ພີ່ນ້ອງຊາວນະຄອນຫຼວງວຽງຈັນ ກໍຄືຊາວຕ່າງແຂວງທີ່ມາທ່ຽວບຸນຄັ້ງນີ້ ບໍ່ວ່າຈະເປັນ ການຫຼິ້ນເກມລຸ້ນຮັບລາງວັນສຸດພິເສດ, ການແຈກຂອງທີ່ລະນຶກຢ່າງຫຼວງຫຼາຍ ເຊິ່ງກໍໄດ້ຮັບຄວາມສົນໃຈ  ແລະ ກະແສຕອບຮັບຈາກມວນຊົນຢ່າງລົ້ນເຫຼືອ ເຮັດໃຫ້ຍອດຂາຍໂທລະສັບມືຖືພາຍໃຕ້ແບຣນຫົວເຫວີຍທະລຸເປົ້າເກີນຄາດໝາຍ. ຫົວເຫວີຍມີຄວາມຍິນດີເປັນຢ່າງຍິ່ງທີ່ຮ່ວມເປັນສ່ວນໜຶ່ງໃນເທດສະການ ແຫ່ງຄວາມສຸກ ແລະ ໄດ້ສົ່ງມອບຮອຍຍິ້ມໃຫ້ກັບປະຊາຊົນ. ຂອບໃຈລູກຄ້າ ທຸກທ່ານທີ່ໄວ້ວາງໃຈໃນຜະລິດຕະພັນຂອງຫົວເຫວີຍທຸກຮຸ່ນ ແລະ ກິດຈະກຳ ແຫ່ງຄວາມສຸກຂອງພວກເຮົາຍັງບໍ່ໝົດພຽງເທົ່ານີ້ທ່ານຍັງສາມາດສຳຜັດໂປຣໂມຊັ້ນພິເສດໄດ້ທີ່ຕົວແທນຈຳໜ່າຍຫົວເຫວີຍທຸກສາຂາໃນທົ່ວປະເທດ.