Kuanjai Foodie

ເພື່ອນໆຮູ້ຫຼືບໍ່? ໝາກຖົ່ວດຳເປັນທັນຍະພືດທີ່ມີຄຸນປະໂຫຍດຢ່າງດີເລີດ ຖ້າກິນເປັນປະຈຳຈະສາມາດປ້ອງກັນ ແລະ ຮັກສາພະຍາດຕ່າງໆໄດ້ເປັນຢ່າງດີ, ດັ່ງນັ້ນບໍ່ລໍຊ້າ ເພື່ອນໆລອງມາເບິ່ງຄຸນປະໂຫຍດຕ່າງໆຂອງ ຖົ່ວດຳ ເບິ່ງແລ້ວຈະຮູ້ວ່າດີພຽງໃດ!!! ປ້ອງກັນພະຍາດມະເຮັງລໍາໄສ້       ຖົ່ວດຳ ມີສັບພະຄຸນຊ່ວຍຕ້ານພະຍາດມະເຮັງ ເພາະເປືອກຂອງຖົ່ວດໍາເປັນແຫຼ່ງອາຫານສະສົມສານຟຣາໂວນອຍ (Flavonoids) ຊຶ່ງເປັນສານຕ້ານອະນຸມູນອິດສະຫຼະ ໂດຍມີງານວິໄຈພົບວ່າ ສານຟຣາໂວນອຍທີ່ມີຢູ່ໃນເປືອກຖົ່ວດໍາມີເຖິງ 8 ຊະນິດ ປ້ອງກັນພະຍາດມະເຮັງຕັບ ໝາກຖົ່ວດໍາຍັງມີສານ ຊີລີນຽ່ມ (Selenium) ຊຶ່ງເປັນສານຊ່ວຍປັບຄວາມສົມດຸນ ເຮັດໃຫ້ຕັບເຮັດວຽກໄດ້ດີຂຶ້ນ ແລະ ຊ່ວຍສະລ້າງສານພິດໃນຕັບທີ່ອາດກໍ່ໃຫ້ເກີດເຊວພະຍາດມະເຮັງ ປ້ອງກັນພາວະເລືອດຈາງ ເນື່ອງຈາກປະລິມານທາດເຫຼັກໃນໝາກຖົ່ວດໍາມີຫຼາຍ ຈຶ່ງຊ່ວຍເພີ່ມທາດເຫຼັກໃຫ້ກັບຄົນເຮົາ ທີ່ມີຄວາມສ່ຽງຕໍ່ພະຍາດເລືອດຈາງໄດ້ເປັນຢ່າງດີ ຊ່ວຍລ້າງສານພິດ       ໝາກຖົ່ວດໍາມີສັບພະຄຸນຊ່ວຍລ້າງສານພິດ ແລະ ບໍາລຸງໝາກໄຂ່ຫຼັງ ເພາະມີສານຟຣາໂວນອຍ (Flavonoids) ທີ່ເປັນສານລ້າງພິດ ແລະ ຖົ່ວດໍາຍັງມີສານສໍາຄັນຢ່າງ ແອນໂທໄຊຢານິນ (Anthocyanin) ທີ່ເປັນສານລ້າງສານຜິດໄດ້ດີເຊັ່ນກັນ ຫຼຸດຄວາມສ່ຽງການເປັນມະເຮັງເຕົ້ານົມ       ຈາກການສຶກສາພົບວ່າ …

ແກງເຫັດລວມ ຖືວ່າເປັນອາຫານພື້ນບ້ານ ທີ່ນິຍົມທີ່ສຸດຂອງລາວເຮົາ ມື້ນີ້ Kuanjai Foodie ຈະມາແນະນຳວິທີເຮັດແກງເຫັດລວມແບບແຊບໆ ໃສ່ຜັກຂະ ມາໃຫ້ແຟນເພສ ໄດ້ເຮັດກິນເອງຢູ່ບ້ານໄດ້ງ່າຍໆໃຫ້ກັບຄອບຄົວໄດ້.  ເຮົາມາເບິ່ງສ່ວນປະກອບກັນເລີຍ. ສ່ວນປະກອບ: 1. ເຫັດ  (ບໍ່ວ່າຈະເປັນເຫັດນາງລົມ, ເຫັດເຂັມ, ເຫັດເຟືອງ ຫຼື ເຫັດຫູໜູ). 2. ຜັກຂະ 3. ຫົວຜັກບົ່ວແດງ 4. ຫົວສີໄຄ 5. ໝາກເຜັດ 6. ປາແດກດິບ ຫຼື ສຸກ 7. ນ້ຳຕານ 8. ເກືອ 9. ນໍ້າໃບຢານາງ 10. ເຂົ້າເບື່ອ ວິທີປຸງແຕ່ງ: – ຊ້ອມຜັກຂະ ແລະ ເຫັດໃຫ້ຮຽບຮ້ອຍແລ້ວລ້າງນໍ້າໃຫ້ສະອາດ. ຈາກນັ້ນ, ກໍເອົານໍ້າໃບຢານາງ ແລະ ຕໍາເຂົ້າເບື່ອໃສ່ໝໍ້ຄ້າງໄຟແຮງໆພໍໃຫ້ນໍ້າຟົດ, ຕຳໝາກເຜັດ, ຫົວຜັກບົ່ວແດງ …

ອາຍຸເພີ່ມຂຶ້ນການຮັກສາສຸຂະພາບຈຶ່ງເປັນສິ່ງທີ່ຈຳເປັນທີ່ສຸດ ແລະ ການທີ່ຈະຮັກສາສຸຂະພາບໄດ້ດີນັ້ນ ເຮົາຈຳເປັນຈະຕ້ອງເປັນຄົນທີ່ມີວິໄນໃສ່ໃຈໃນການກິນ ຄວນເລືອກອາຫານທີ່ມີປະໂຫຍດ ສະອາດ ບໍ່ຄວນກິນມັນ ແລະ ຫວານຈົນເກີນໄປ, ສຳລັບທ່ານໃດທີ່ມີບັນຫາເລື່ອງນໍ້າໜັກ ມີນໍ້າໜັກເກີນ ຈົນແພດຕ້ອງສັ່ງໃຫ້ກິນຢ່າງລະມັດລະວັງ ເພື່ອສຸຂະພາບທີ່ດີ ມື້ນີ້ເຮົາມີຄຸນປະໂຫຍດໃນການກິນອາຫານເຊົ້າແຕ່ສາມາດຊ່ວຍຫຼຸດນໍ້າໜັກຂອງທ່ານໄດ້ ແລະ ຍັງມີຄຸນປະໂຫຍດດີໆໃນການກິນອາຫານເຊົ້າມາຝາກ ຈະມີຄຸນປະໂຫຍດຢ່າງໃດແດ່ ລອງມາເບິ່ງໄດ້ເລີຍ… ກະຕຸ້ນຈິດໃຈໃຫ້ແຈ່ມໃສ-ມີຄວາມຈື່ຈຳດີ ການວິໄຈຂອງ  National Weight Control Registry ພົບວ່າ 78% ຂອງຄົນທີ່ຫຼຸດນ້ຳໜັກໄດ້ມັກຈະເປັນຄົນທີ່ກິນອາຫານເຊົ້າຫຼັງຕື່ນນອນບໍ່ເກີນ 1 ຊົ່ວໂມງ ເຊິ່ງນອກຈາກຈະເປັນຜົນປະໂຫຍດເລຶ່ອງຫຼຸດຄວາມຕຸ້ຍແລ້ວຜົນການວິໄຈພົບອີກວ່າ ຄົນທີ່ກິນອາຫານເຊົ້າຫຼັງຕື່ນນອນ 1 ຊົ່ວໂມງມີທ່າອ່ຽງອາລົມແຈ່ມໃສ ຈິດໃຈເບີກບານ ລວມທັງມີທັກສະການຮຽນຮູ້ ແລະ ຈື່ຈຳໄດ້ດີຂຶ້ນກວ່າປົກກະຕິນຳອີກ ແລະ ຊ່ວຍໃຫ້ມີສຸຂະພາບທີ່ແຂງແຮງ ບໍ່ເຈັບບໍ່ໄຂ້ໄດ້ງ່າຍ ແຖມຍັງຊ່ວຍໃຫ້ຫຼຸດນ້ຳໜັກໄດ້ງ່າຍຂຶ້ນອີກດ້ວຍ     ຊ່ວຍຫຼຸດນ້ຳໜັກໄດ້ດີ ການກິນອາຫານເຊົ້າໃນຊົ່ວໂມງທຳອິດຂອງການຕື່ນນອນຈະຊ່ວຍຄວບຄຸມລະດັບນ້ຳຕານໃນເລືອດໃຫ້ເປັນປົກກະຕິ ໃນເວລາດຽວກັນນ້ຳຕານໃນເລືອດຈະຊ່ວຍປຸກລະບົບເຜົາຜານໃຫ້ຕື່ນມາເຮັດວຽກດ້ວຍຄວາມດຸໝັ່ນແຂງແຮງໄປໄດ້ໝົດມື້ ແຕ່ຖ້າທ່ານອົດອາຫານເຊົ້າ ລະດັບນ້ຳຕານໃນເລືອດທີ່ຢູ່ໃນລະດັບຕ່ຳຕັ້ງແຕ່ຕອນຕື່ນນອນຈະເຮັດໃຫ້ທ່ານຫວັ່ນໄຫວໄປກັບອາການແຄລໍລີ່ສູງ ແລະ ນ້ຳຫວານໄດ້ງ່າຍຂຶ້ນ …

ແກງໜໍ່ໄມ້ເປັນອາຫານພື້ນບ້ານຂອງຄົນລາວເຮົາ ແຕ່ເໜືອຮອດໃຕ້ເລີຍ ເຊິ່ງເປັນອາຫານທີ່ຂຶ້ນຊື່ວ່າແຊບຫຼາຍອີຫລີ ແລະ ທຸກໆຄົນມັກກິນ ແບບປະຕິເສດບໍ່ໄດ້ເລີຍ.  ມື້ນີ້! GookGril ຈະມາບອກວິທີ່ເຮັດແກງໜໍ່ໄມ້ ເພາະເຊື່ອວ່າບາງຄົນໄວໜຸ່ມໄວລຸ້ນເຮົາ ຍັງເຮັດແກງໜໍ່ບໍ່ເປັນ ແຕ່ມັກກິນຕະຫຼອດ ແມ່ນບໍ່?. ແຕ່ຕໍ່ໄປນີ້ ການເຮັດແກງໜໍ່ກິນເອງບໍ່ບ້ານຈະບໍ່ຄິດຍາກອີກຕໍ່ໄປ ເຮົາກໍສາມາດເຮັດກິນເອງດ້ວຍວິທີງ່າຍໆ ທີ່ GookGril ນຳມາບອກ ອີກຢ່າງສ່ວນປະກອບຕ່າງໆທີ່ຈະເຮັດແກງໜໍ່ໄມ້ ດຽວນີ້ກໍສະດວກສະບາຍເພາະແມ່ຄ້າຢູ່ຕະຫຼາດເພິ່ນເຮັດເປັນຊຸດ, ເປັນກອງ ໄວ້ຂາຍໂດຍສະເພາະເລີຍກໍມີ. ສ່ວນປະກອບ:  ໜໍ່ໄມ້,  ໝາກອຶ, ໝາກບວບ,  ຍອດໝາກອຶ,  ເຂົ້າເບືອ, ເຫັດຂາວ ຫຼື ເຫັດຫູໜູ, ປາແດກ, ຢານາງ,  ຜັກຂະແຍງ, ໝາກເຜັດ, ໝາກແຄ້ງຟ້າ(ບາງທ້ອງຖິ່ນກໍ່ບໍ່ໃສ່). ການກະກຽມ: ໜໍ່ໄມ້ຊອຍເປັນຕ່ອນພໍດີ, ໝ່າເຂົ້າເບືອແລ້ວຕຳໃສ່ກັບໝາກເຜັດ, ຢານາງຄັ້ນນ້ຳໄວ້, ໝາກອຶຕັດເປັນຕ່ອນພໍດີຄຳ, ສ້ອມຍອດໝາກອຶເອົາເຍືອກອອກ. ວິທີເຮັດ: ກ່ອນອື່ນຄ້າງໝໍ້ນ້ຳລ້າແລ້ວຕົ້ມໜໍ່ໄມ່ທີ່ຕຽມມາໃຫ້ຈືດ.  ຫຼັງຈາກນັ້ນກໍປ່ຽນນ້ຳອອກແລ້ວເອົານ້ຳຢານາງໃສ່, ຫຼັງຈາກນໍ້າຟົດແລ້ວເອົາເຂົ້າເບືອທີ່ຕຳໃສ່ໝາກເຜັດລົງ, ໃສ່ໝາກອຶ, ໝາກບວບ ແລະ ໝາກແຄ້ງຟ້າ(ບາງທ້ອງຖຶ່ນກໍ່ບໍ່ໃສ່ໝາກແຄ້ງ) ແລ້ວຕາມດ້ວຍເຫັດ, …

ຂໍແນະນໍາຮ້ານອາຫານອີກແຫ່ງໜຶ່ງ ທີ່ຢູ່ໃຈກາງເມືອງ ເຖິງບໍ່ແມ່ນຮ້ານອາຫານເປີດໃໝ່ ແຕ່ກໍຢາກໃຫ້ຊອກຫາໂອກາດໄປລອງຊີມ. ເພາະມີອາຫານລາວໄວ້ຄອຍເອົາໃຈທຸກທ່ານ ຮ້ານນີ້ມີຊື່ວ່າ: “ຮ້ານອາຫານລາວເດີມ” ຕັ້ງຢູ່ເຂດຕະຫລາດວັງທອງ 450 ປີ,ສະຖານທີ່ໂດດເດັ່ນ ຕິດແຄມທາງໃຫຍ່ ຮັບປະກັນວ່າຊອກງ່າຍ. ຟັງແຕ່ຊື່ຮ້ານ ກໍຮູ້ແລ້ວວ່າ ຮ້ານອາຫານລາວເດີມນີ້ ໃຫ້ບໍລິການອາຫານລາວຈາກທຸກພາກຂອງປະເທດໂດຍເນັ້ນລົດຊາດແບບດັ່ງເດີມນັ້ນເອງ ເຊິ່ງມີຫລາຍລາຍການອາຫານຈານຫາຍາກ ຂ້າພະເຈົ້າເຊື່ອແນ່ວ່າຈະຖືກໃຈນັກຊີມລຸ້ນອາວຸໂສ ຫລື ແມ່ນແຕ່ນັກຊິມລຸ້ນໃໝ່ ທີ່ອາດຍັງບໍ່ທັນມີໂອກາດ ໄດ້ຮັບປະທານອາຫານລາວຫາຍາກນີ້ດ້ວຍ. ຮ້ານອາຫານລາວເດີມ ມີການປະດັບປະດາໃນແບບທີ່ແຕກຕ່າງຈາກຮ້ານອາຫານລາວທົ່ວໄປ ໂດຍປະສົມປະສານການອອກແບບສະໄໝໃໝ່ ບວກກັບເອກະລັກຂອງຄວາມເປັນລາວ ໃຫ້ບັນຍາກາດແບບເຮືອນສະໄໝເກົ່າ. ພິເສດຢູ່ຊັ້ນສອງຂອງຮ້ານກໍ່ເໝາະສໍາລັບທ່ານທີ່ກໍາລັງຊອກຫາສະຖານທີ່ເພື່ອພົບປະສັງສັນ ເຊິ່ງເພິ່ນໃຫ້ຊື່ ວ່າ: Sky Bar . ຮ້ານອາຫານລາວເດີມ ໃຫ້ບໍລິການອາຫານລາວເປັນຫລັກ ໂດຍນໍາໃຊ້ວັດຖຸດິບທີ່ຜ່ານການຄັດເລືອກມາເປັນພິເສດ ທາງຮ້ານເພິ່ນເອົາໃຈໃສ່ເປັນພິເສດ ໃນການຄັດເລືອກສ່ວນປະກອບ ທີ່ນໍາມາປຸງແຕ່ງອາຫານ ບໍ່ວ່າຈະເປັນ ຜັກສົດ, ຊີ້ນ ແລະ ອື່ນໆ ເພື່ອໃຫ້ໝັ້ນໃຈວ່າ ລູກຄ້າຈະໄດ້ຮັບປະທານອາຫານລົດຊາດແຊບ ທັງມີຄຸນນະພາບໄປພ້ອມໆກັນ. ທາງຮ້ານມີການປັບປຸງ ແລະ ປ່ຽນລາຍການຕາມລະດູການຂອງອາຫານ …