Kuanjai Foodie

ທ່ານໃດທີ່ຄຸ້ນເຄີຍກັບບໍລິເວນວັດມີໄຊ ຄົງຈະບໍ່ປະຕິເສດວ່າ ເຂດນັ້ນຖືເປັນອີກເຂດຫນຶ່ງທີ່ມີຮ້ານອາຫານຫລາກຫລາຍປະເພດ ເຊິ່ງທ່ານສາມາດຍ່າງເລາະກິນໄດ້ແບບສະບາຍໆເລີຍ. ພິເສດ ຫລາຍທ່ານອາດຈະເຄີຍຜ່ານກາຍ ຮ້ານເບເກີຣີ້ ໃນຮູບແບບຕາເວັນຕົກທີ່ມີຊື່ວ່າ Pricco. ຮ້ານ Pricco ໃຫ້ບໍລິການເບເກີຣີ້ ຕາມເອກະລັກຂອງຝຣັ່ງ ເຊັ່ນ: ເຂົ້າໜົມຕ່າງໆ, ແຊນວິສ, ເຄື່ອງດື່ມປະເພດຕ່າງໆເຊັ່ນ:  ກາເຟ…  ທາງຮ້ານເປີດບໍລິການແຕ່ເຊົ້າໆ ດັ່ງນັ້ນ, ທ່ານໄດ້ທີ່ຕ້ອງການແວ່ຮັບປະ ທານອາຫານເຊົ້າ ກໍສາມາດຢ້ຽມຢາມ ຫລື ຈະແວ່ຮັບປະທານອາຫານທ່ຽງເພື່ອສຸຂະພາບຈັກຈານກໍ່ໄດ້ເຊັ່ນດຽວກັນ. ຮ້ານ Pricco ເນັ້ນການຕົກແຕ່ງໃນຮູບແບບ ຄລາສສິກ ແຕ່ມີຄວາມລຽບງ່າຍ ແບບສະບາຍ ສະບາຍ ເປັນກັນເອງ ຈຶ່ງເໝາະສົມສໍາລັບການພົບປະກັບໝູ່ຄູ່ ຫລື ຈະໃຊ້ເວລາກັບຄອບຄົວ. ທາງຮ້ານມີການແບ່ງຂອບເຂດໃນການນັ່ງອອກເປັນສອງລັກສະນະ ກໍ່ຄືພາຍໃນຮ້ານແບບຕິດແອເຢັນສະບາຍ ຫລື ທ່ານສາມາດເລືອກນັ່ງໄດ້ທີ່ດ້ານໜ້າຂອງຮ້ານ ກໍໄດ້ບັນຍາກາດອີກແບບໜຶ່ງ ໃນການເບິ່ງຄົນຜ່ານໄປມາ ໂດຍສະເພາະ ໃນໄລຍະທີ່ອາກາດເຢັນສະບາຍແບບນີ້. ຈຸດພິເສດຂອງທາງຮ້ານ ກໍ່ແມ່ນເຂົ້າຈີ່ທີ່ທາງຮ້ານເຮັດເອງ ຮັບປະກັນຄວາມສົດໃໝ່ທຸກມື້, ນອກ ຈາກນັ້ນ, ຍັງມີການນໍາໃຊ້ຜັກສະຫລັດ, …

ກາເຟ (Coffee) ກາຍເປັນເຄື່ອງດື່ມ ທີ່ຫຼາຍຄົນມັກ ບໍ່ວ່າຈະດື່ມກິນເພື່ອຄວາມສົດຊື່ນ ກິນເພື່ອຄວາມກະຕືລືລົ້ນໃນການເຮັດວຽກ ຫຼືຈາກການຢາກນອນໃນລະຫວ່າງມື້ ດັ່ງນັ້ນເພື່ອສຸຂະພາບທີ່ດີເຮົາເອງກໍ່ຕ້ອງແນ່ໃຈວ່າກາເຟກິນຢ່າງຖືກວິທີຫຼືບໍ່? ດັ່ງນັ້ນໃນມື້ນີ້ Kuanjai foodie ມີວິທີດີໆໃນການກິນກາເຟ ແລະ ບໍ່ເກີດຜົນຮ້າຍຕໍ່ຮ່າງກາຍມາຝາກ ມາເບິ່ງດ່ວນ: ຕ້ອງໝັ່ນສັງເກດຕົວເອງວ່າມີຄວາມໄວຕໍ່ການຕອບສະໜອງຕໍ່ປະລິມານຂອງກາເຟຢູ່ປະມານຈັກຈອກ ແລະ ມີອາການເປັນແບບໃດ? ເພາະຄວາມຈິງແລ້ວຮ່າງກາຍມະນຸດເຮົາບໍ່ສາມາດຮັບປະລິມານຄາເຟອີນ (Caffeine) ໄດ້ຫຼາຍໃນແຕ່ລະມື້ ດັ່ງນັ້ນ, ຄົນທີ່ເຄີຍກິນກາເຟຫຼາຍກວ່າ 3 ຈອກໃນແຕ່ລະມື້ ກໍຄວນປັບປ່ຽນມາກິນກາເຟມື້ລະ 1-2 ຈອກ ກໍ່ພຽງພໍແລ້ວ. 2. ຖ້າທ່ານເປັນຄົນທີ່ນອນຫຼັບຍາກກໍຄວນຫຼີກລ່ຽງການກິນກາເຟໃນຊ່ວງຫົວຄ່ຳ ທາງທີ່ດີກໍຄວນກິນກາເຟກ່ອນທ່ຽງຈະເປັນການດີທີ່ສຸດ. 3. ຢ່າກິນກາເຟເພື່ອຫວັງເປັນຕົວຊ່ວຍໃນການຫັກໂຫມການເຮັດວຽກ ເພາະເຖິງວ່າຄາເຟອີນຈະຊ່ວຍເຮັດໃຫ້ຮ່າງກາຍຕື່ນໂຕໄດ້ແທ້ ແຕ່ສະໝອງກໍຕ້ອງການເວລາໃນການພັກຜ່ອນເພື່ອເພີ່ມປະສິດທິພາບໃນການຮັບຮູ້ (ບໍ່ດັ່ງນັ້ນສະໝອງຈະເຮັດວຽກບໍ່ໄດ້ເຕັມທີ່) ທາງທີ່ດີທີ່ສຸດຄວນກິນໃນປະລິມານທີ່ໜ້ອຍລົງຈະເປັນການດີໃຫ້ແກ່ຮ່າງກາຍ. 4. ຢ່າກິນກາເຟຕອນທ້ອງກຳລັງຫວ່າງເດັດຂາດ ເພາະໃນກາເຟມີລິດເປັນກົດເຊິ່ງອາດຈະໄປທຳຮ້າຍກະເພາະອາຫານ ແລະ ລຳໃສ້ໄດ້ ນອກຈາກນີ້ຍັງເຮັດໃຫ້ລະດັບນ້ຳຕານໃນເລືອດສູງຂຶ້ນຈົນເຮັດໃຫ້ມີຄວາມຮູ້ສຶກຢາກກິນອາຫານຕະຫຼອດເວລາ ເມື່ອເປັນແບບນີ້ຈະເຮັດໃຫ້ນ້ຳໝັກໂຕເພີ່ມຂຶ້ນຢ່າງໄວວາ. 5.  ຄວນໃສ່ນ້ຳເຜິ້ງແທນນ້ຳຕານເພື່ອສຸຂະພາບທີ່ດີ 6. ຖ້າທ່ານໃດກິນກາເຟທຸກມື້ເປັນປະຈຳ ຄວນກິນອາຫານທີ່ເປັນແຄວຊຽມເພີ່ມຕື່ມບໍ່ວ່າຈະເປັນ: ນົມ …

ອາຫານເຊົ້າເປັນອາຫານທີ່ຄົນສ່ວນຫຼາຍບໍ່ມັກໃສ່ໃຈຈົນຕິດເປັນນິໃສ ເພາະອາດຟ້າວໄປເຮັດວຽກ ຫຼືອາດນອນຕື່ນສວາຍ ຖ້າໃຜຮູ້ໂຕວ່າກຳລັງເປັນໜື່ງໃນຈຳນວນທີ່ກ່າວມານັ້ນ ຂໍໃຫ້ທ່ານຈົ່ງຮີບປັບປ່ຽນພຶດຕິກຳດັ່ງກ່າວໂດຍດ່ວນ ເພາະມີຄວາມສ່ຽງທີ່ຈະເປັນພະຍາດຮ້າຍເຊິ່ງແຕ່ລະພະຍາດທີ່ຈະກ່າວມານີ້ບອກເລີຍວ່າເປັນຕາຍ້ານຫຼາຍ: ພະຍາດອ້ວນ ບາງທ່ານເຂົ້າໃຈຜິດມາໂດຍຕະຫຼອດວ່າການອົດອາຫານເຊົ້າຕ້ອງຈ່ອຍຈະຕຸ້ຍໄດ້ຢ່າງໃດ? ແນ່ນອນທີ່ສຸດວ່າຕ້ອງຕຸ້ຍຂຶ້ນແນ່ນອນ ເພາະວ່າຖ້າທ່ານບໍ່ກິນອາຫານເຊົ້າລະບົບເຜົາຜານໃນຮ່າງກາຍຈະເຮັດວຽກຊ້າລົງເຮັດຮູ້ສຶກຢາກອາຫານເລື້ອຍໆ ແລະ ເຮັດໃຫ້ກິນຫຼາຍກວ່າທີ່ຮ່າງກາຍຕ້ອງການ. ພະຍາດເບົາຫວານ ອາຫານເຊົ້າເປັນສິ່ງທີ່ສຳຄັນທີ່ສຸດໃນບັນດາຄາບທັງ 3 ຄາບເພາະຮ່າງກາຍຕ້ອງການພະລັງ ງານ ແລະ ສານອາຫານເຂົ້າໄປກະຕຸ້ນລະບົບເຜົາຜານ ລວມເຖິງສາມາດຊ່ວຍຫຼຸດພາວະ ປົກກະຕິຂອງຮໍໂມນ ອິນຊູລິນ (Insulin) ເຊິ່ງຖືເປັນສາເຫດຂອງການເກີດພະຍາດເບົາ ຫວານກວ່າ 40-50% ດັ່ງນັ້ນບໍ່ແມ່ນພຽງແຕ່ໄວສູງອາຍຸທີ່ສາມາດເປັນພະຍາດເບົາຫວານ ໄດ້ແຕ່ຄົນທີ່ມັກບໍ່ກິນອາຫານເຊົ້າກໍ່ສາມາດເປັນເບົາຫວານໄດ້ທຸກເພດທຸກໄວເຊັ່ນກັນ. ກະເພາະລຳໃສ້ ກະເພາະອາຫານຂອງຄົນເຮົາເມື່ອເຖິງເວລາ ມັນກໍ່ຈະຫຼັ່ງນ້ຳຢ່ອຍອອກມາເພື່ອຍ່ອຍອາຫານເປັນເວລາປົກກະຕິ ແຕ່ເຮົາເອງກັບອົດອາຫານບໍ່ຍອມກິນ ນ້ຳຍ່ອຍເຫຼົ່ານີ້ກໍ່ຈະບໍ່ຖືກໃຊ້ງານ ແລະ ຖືກຂັງຢູ່ໃນຮ່າງກາຍຂອງຄົນເຮົາເຮັດໃຫ້ຫຼອດອາຫານ ແລະ ເຫຍື່ອບຸໂພງອາຫານເກີດການລະຄາຍເຄືອງ ແລະ ຖ້າເຮົາປ່ອຍໃຫ້ເປັນແບບນີ້ຕໍ່ໄປດົນໆຈະເຮັດໃຫ້ກົດນ້ຳຍ່ອຍເຫຼົ່ານີ້ຍ້ອນກັບຈາກຫຼອດອາກຫານຂຶ້ນໄປເທິງຄໍຫອຍ ເຊິ່ງເປັນອັນຕະລາຍຕໍ່ສຸຂະພາບຢ່າງຍິ່ງ. ຄວາມຈຳເຊື່ອມ (Alzheimer) ພະຍາດດັ່ງກ່າວກ່ຽວກັນໂດຍກົງກັບຄົນທີ່ບໍ່ກິນອາຫານເຊົ້າ ກໍ່ເພາະວ່າອາຫານເປັນສິ່ງສຳຄັນທີ່ສຸດສຳຫຼັບສະໝອງ ໃນເວລາກາງຄືນທີ່ເຮົານອນຫຼັບຮ່າງກາຍຂອງຄົນເຮົາຈະບໍ່ໄດ້ຮັບສານອາຫານດົນກວ່າ 8-10 ຊົ່ວໂມງ ຖ້າເຮົາບໍ່ກິນອາຫານເຊົ້າອີກຈະເຮັດໃຫ້ນ້ຳຕານໃນເລືອດຕໍ່າລົງເຮັດໃຫ້ນ້ຳຕານໄປລ້ຽງສະໝອງໜ້ອຍ ສົ່ງຜົນໃຫ້ສະໝອງສ່ວນຄວາມຈື່ຈຳເຮັດວຽກໄດ້ບໍ່ເຕັມທີ່ ແລະ …

ປັດຈຸບັນ, ຄົນສ່ວນຫຼາຍໃນສັງຄົມເລີ່ມມີການພັດທະນາ ຫັນມາໃສ່ໃຈເລື່ອງອາຫານການກິນທີ່ຫຼາກຫຼາຍແບບແຕກຕ່າງກັນໄປ ບໍ່ວ່າຈະເປັນອາຫານແບບງ່າຍໆ ໄວໆ ຫຼື ພິຖີພິຖັນໃນການປຸງແຕ່ງ ເຖິງຢ່າງໃດກໍຕາມ ບາງຄັ້ງເຮົາກໍຕ້ອງເລືອກສິ່ງທີ່ດີໃຫ້ກັບຊີວິດ, ໃຊ້ຊີວິດໃຫ້ກຸ້ມຄ່າ ໂດຍການເລືອກກິນອາຫານທີ່ດີຕໍ່ສຸຂະພາບຮ່າງກາຍ ເຊິ່ງບາງທີກໍໄດ້ໃຊ້ເວລາໃນການພິຈາລະນາ ເໝືອນດັ່ງ ຮ້ານອາຫານ Farm a licious café  ທີ່ໄດ້ຄັດສັນແຕ່ສິ່ງທີ່ດີໆຕໍ່ສຸຂະພາບມາໃຫ້ລູກຄ້າສະເໝີ ຍ້ອນຄຳນຶງເຖິງສຸຂະພາບຂອງຄົນລາວໃນຍຸກສະໄໝທີ່ເສດຖະກິດດີຂຶ້ນແນ່ນອນວ່າ ເລື່ອງຂອງການເບິ່ງແຍງສຸຂະພາບກໍຕ້ອງມີເຂົ້າມາຫຼາຍຂຶ້ນຄືກັນ. ຮ້ານອາຫານ Farm a licious cafe ແມ່ນເນັ້ນອາຫານເພື່ອສຸຂະພາບ ວັດຖຸດິບສ່ວນຫຼາຍແມ່ນຜັກປອດສານພິດສຳລັບວັດຖຸດິບບາງຢ່າງ ເພິ່ນກໍສັນຫາສິ່ງທີ່ດີທີ່ສຸດຕໍ່ສຸຂະພາບແທ້ໆ ເຊິ່ງລາຍການອາຫານທີ່ຮ້ານຂໍນຳສະເໜີລວມມີປະເພດສະຫລັດ, ແຊນວິສຄຣົວຊອງ, ຂະໜົມປັງ, ເຄື່ອງດື່ມ ແລະ ເຂົ້າໜົມຫວານພິເສດມີນໍ້າສະຫລັດທີ່ຮ້ານໄດ້ຈັດຂາຍ ແລະ ອາຫານທີ່ຖືກສັ່ງຫຼາຍທີ່ສຸດຈະແມ່ນສະຫລັດທູນາ, ສະຫລັດໝາກໄມ້, ສະຫລັດທັນຍາພືດຕ່າງໆ, ສະຫລັດແຮມ, ສະຫລັດແຊວມອນ ສ່ວນນ້ຳສະຫລັດຈະມີ 7 ຊະນິດ ແຕ່ຖືກສັ່ງຫຼາຍແມ່ນນ້ຳສະຫລັດຍີ່ປຸ່ນ ຊຶ່ງມີລົດຊາດມັນ, ນົວ ແລ້ວຄົນລາວກໍຈະມັກຫຼາຍສ່ວນນ້ຳສະຫລັດໝາກກອກຈະມີລົດສົ້ມໆຫອມໆຕ່າງປະເທດຈະມັກສັ່ງຫຼາຍທີ່ສຸດ ແລະ ນ້ຳສະຫລັດມຼາດຕຼາດມີລົດຊາດຈະອອກເຜັດສົ້ມອົມຫວານຝຣັ່ງຈະມັກສັ່ງຊື້ກິນຢູ່ຕະຫຼອດ …

ໝາກ​ລິ້ນ​ໄມ້ ​ເປັນ​ຜັກ​ພື້ນ​ບ້ານ​ ທີ່​ພົບ​ເຫັນ​ໂດຍ​ທົ່ວ​ໄປ ​ເປັນ​ຜັກ​ທີ່​ເກີດ​ຂຶ້ນ​ເອງ​ ຕາມ​ທຳ​ມະ​ຊາດ ມີ​ຄວາມ​ຂົມ, ຍອດ​ອ່ອນ ​ແລະ ດອກ ນິຍົມ​ມັກ​ເອົາ​ມາ​ລວກ ກັບ​​ແຈ່ວ ສ່ວນ​ໝາ​ກມັກ​ຈະ​ເອົາ​ມາ​ເຜົາ ກິນ​ກັບ​ລາບ, ກ້ອຍ ຫຼື ​ເຮັດ​ໝົກ​ກິນຈະ​ແຊບ​ດີ. ທັງໝາກ, ​ໃບ ​ແລະ ຍອດ ​ມີ​ປະ​ໂຫຍ​ດຕໍ່​ຮ່າງກາຍ ຊ່ວຍ​ຂັບ​ລົມ​ໃນ​ລຳ​ໃສ້ ຊ່ວຍ​ບຳລຸງ​ສາຍຕາ, ມີມິດຕະມິນ​ສູງ.