Chic Working Women

ເຖິງວ່າເງິນເດືອນ ຫຼືຄ່າຕອບແທນຈະເປັນປັດໃຈຫຼັກອັນດັບຕົ້ນໆ ທີ່ຜູ້ຄົນໃຫ້ຄວາມສໍາຄັນກ່ອນທີ່ຈະຕັດສິນໃຈຮ່ວມເຮັດວຽກກັບບໍລິສັດໃດໜຶ່ງກໍແມ່ນ ແຕ່ນອກເໜືອຈາກສິ່ງນີ້ແລ້ວ ຍັງມີໜຶ່ງເປົ້າໝາຍທີ່ຄົນເຮັດວຽກຕ້ອງການຄ້າຍໆກັນ ນັ້ນກໍຄືການປະສົບຄວາມສໍາເລັດ ແລະ ກ້າວໜ້າໃນເສັ້ນທາງການເຮັດວຽກ ເຊິ່ງເປົ້າໝາຍໃນຂໍ້ນີ້ ບາງຄົນອາດຈະໝາຍເຖິງການໄດ້ເລື່ອນຂັ້ນ ປັບປ່ຽນຕໍາແໜ່ງວຽກ ໄດ້ຮັບການຍອມຮັບຈາກເພື່ອນຮ່ວມງານ ຫຼືແມ່ນແຕ່ຄວາມເພິ່ງພໍໃຈໃນການເຮັດວຽກ ໂດຍທັງໝົດນີ້ກໍລ້ວນແຕ່ເປັນນິຍາມຂອງຄວາມສໍາເລັດດ້ວຍກັນທັງໝົດ!!! ແລ້ວຖ້າຫາກເຈົ້າເປັນໜຶ່ງໃນກຸ່ມຄົນເຮັດວຽກທີ່ຢາກປະສົບຄວາມສໍາເລັດໃນການເຮັດວຽກ ແຕ່ຍັງບໍ່ຮູ້ວ່າຄວນຈະເລີ່ມຕົ້ນຈາກບ່ອນໃດດີ ໃນມື້ນີ້ເຮົາຈະມາແຊຣ໌ 4 ຄຸນສົມບັດທີ່ຄົນເຮັດວຽກປະຈໍາຄວນມີ ເພື່ອຄວາມສໍາເລັດໃນການເຮັດວຽກ ທີ່ຈະເປັນອີກໜຶ່ງຕົວຊ່ວຍໃຫ້ເຈົ້າບັນລຸເປົ້າໝາຍທີ່ຕັ້ງເອົາໄວ້ໄດ້ງ່າຍຍິ່ງຂຶ້ນ 1. ມີເປົ້າໝາຍໃນການເຮັດວຽກ ສິ່ງສໍາຄັນຂໍ້ທໍາອິດທີ່ຄົນເຮັດວຽກຄວນມີ ກໍຄືການຕັ້ງເປົ້າໝາຍໃຫ້ຕົວເອງ ເຊິ່ງເປົ້າໝາຍໃນການເຮັດວຽກກໍຈະຊ່ວຍຕອບຄໍາມຖາມວ່າເຈົ້າມານັ່ງເຮັດວຽກໃນແຕ່ລະມື້ເພື່ອຫຍັງ? ເພື່ອເງິນເດືອນເອົາສະສົມເປັນເງິນເກັບ ເພື່ອໃຫ້ໄດ້ປະສົບການໄປຕໍ່ຍອດທຸລະກິດຂອງຕົວເອງໃນອະນາຄົດ ຫຼືພຽງແຕ່ນັ່ງທົນເຮັດວຽກໄປໃຫ້ໝົດມື້ ເຊິ່ງຖ້າເປັນແບບຫຼັງ ວີ່ແວວການປະສົບຄວາມສໍາເລັດໃນການເຮັດວຽກກໍເລີ່ມນ້ອຍລົງແລ້ວ… ການຕັ້ງເປົ້າໝາຍໃນການເຮັດວຽກທີ່ຊັດເຈນ ຈະຊ່ວຍໃຫ້ເຈົ້າເຫັນຈຸດໝາຍປາຍທາງ ແລະ ວາງແຜນການເຮັດວຽກໄດ້ຢ່າງມີປະສິດທິພາບຫຼາຍຍິ່ງຂຶ້ນ ທີ່ສໍາຄັນເປົ້າໝາຍເຫຼົ່ານີ້ຍັງເປັນແຮງຊຸກຍູ້ຊ່ວຍໃຫ້ເຈົ້າລົງມືລົງແຮງເຮັດສິ່ງຕ່າງໆ ໄດ້ຢ່າງຕໍ່ເນື່ອງ ແລະ ເຕັມທີ່ນັ້ນເອງ 2. ບໍ່ຈໍາກັດຂີດຄວາມສາມາດຂອງຕົວເອງ ເຄີຍໄດ້ຍິນຄົນເວົ້າຫຼືບໍ່? ຄົນເກັ່ງ ບໍ່ເປັນຕາຢ້ານເທົ່າ ຄົນດຸໝັ່ນ ນັ້ນກໍເພາະວ່າຖ້າເຈົ້າຮູ້ສຶກວ່າຕົວເອງເກັ່ງພໍແລ້ວ ດີແລ້ວ ຮູ້ຫຼາຍພໍແລ້ວ ກໍຈະເປັນການຈໍາກັດຂີດຄວາມສາມາດຂອງຕົວເຈົ້າເອງ ບໍ່ໃຫ້ໄດ້ຮັບການພັດທະນາຕໍ່ຍອດໃຫ້ດີຂຶ້ນຕຶ່ມແນວໃດລະ… …

ເຮົາຮັກແມ່ຍິງຕົວແມ່ທຸກຄົນ ເປັນຫຍັງນັ້ນຫວາ? ກໍເພາະວ່ານາງ Powerful ຕົວແມ່ແນວໃດລະ ໄປໃສກັບນາງ ຊີວິດແສນຈະງ່າຍ ແລະ ອອກຈະໄດ້ຮັບສິດທິພິເສດຫຼາກຫຼາຍ ບອກເລີຍວ່າຖ້າເຈົ້າມີໝູ່, ນ້ອງ, ແຟນ, ຫົວໜ້າ ຫຼືຄົນໃນຄອບຄົວເຂົ້າຂ່າຍ 11 ນິໄສທີ່ ຂັວນໃຈ ຈະມານໍາສະເໜີຕໍ່ໄປນີ້ ຂໍໃຫ້ຮັກສາມິດຕະພາບກັບນາງໄວ້ໃຫ້ໝັ້ນ ຖ້າຂາດນາງໄປເຈົ້າຈະຂາດຊີວິດຊີວາໃນຊີວິດໄປເລີຍ ບໍ່ມີດອກທີ່ນາງຈະຈົກເງິນໃບ 5000 ກີບໃຫ້ Tip ພະນັກງານເສີບ: Concept ເລື່ອງໃຫ້ Tip ຂອງສາວຕົວແມ່ເລີຍຄື: Tip ໜັກ Tip ຂັ້ນເທບ ນາງຈະບໍ່ຄິດແຄ່ມື້ນີ້ ແຕ່ຄິດເຜື່ອໄວ້ເລີຍວ່າ ຖ້າມື້ນີ້ນາງໃຫ້ Tip ພະນັກງານເສີບໄປ 100.000 ກີບ ມື້ໜ້າຖ້ານາງມາບ່ອນນີ້ກັບໝູ່ອີກ ລາວຕ້ອງຈື່ເຮົາໄດ້ແນ່ນອນ! ແລະ ນາງກໍຈະໄດ້ໂຕະທີ່ດີທີ່ສຸດ ລວມເຖິງບໍລິການທີ່ດີທີ່ສຸດຢ່າງແນ່ນອນ.ບໍ່ມີຫຍັງເປັນໄປບໍ່ໄດ້: ສໍາລັບສາວຕົວແມ່ແລ້ວ ທຸກສິ່ງເປັນໄປໄດ້ໝົດແນ່ນອນ ນາງໆຫຼາຍໆຄົນຫັກສໍຂຽນອອກເປັນ 2 ກ້ານ ດ້ວຍເຈ້ຍໃບດຽວມາແລ້ວ ນາງຈະເຊື່ອເລື່ອງພະລັງຈິດທີ່ເໜືອກວ່າທຸກສິ່ງຫຼາຍ ນາງບອກເຮົາວ່າ …

ຄວາມງາມເປັນສິ່ງທີ່ຢູ່ຄູ່ກັບແມ່ຍິງເຮົາມາທຸກຍຸກທຸກສະໄໝ ຈົນມີຫຼາຍຄົນມັກເວົ້າວ່າ ເປັນແມ່ຍິງຢ່າຫຍຸດງາມ ແຕ່ໂລກເຮົານັບມື້ນັບໝູນໄປໄວ ຍິ່ງຍຸກນີ້ແລ້ວເຮັດໃຫ້ຮູ້ເລີຍວ່າຄວາມງາມຢ່າງດຽວບໍ່ພໍ ແມ່ຍິງເຮົາຕ້ອງມີຫຍັງຫຼາຍກວ່ານັ້ນ!!! ນີ້ຄື 5 ລັກສະນະນິໄສ ທີ່ແມ່ຍິງຍຸກໃໝ່ຕ້ອງມີ ເພື່ອຄວາມງາມ ເກັ່ງ ສະຫຼາດທັນຄົນ ຈະໄດ້ງາມແບບຄົບເຄື່ອງ ຈຶ່ງບໍ່ຖືກໃຜເອົາປຽບໄດ້ງ່າຍໆ ບໍ່ວ່າຈະໃນຄວາມສໍາພັນ ການຮຽນ ຫຼືການເຮັດວຽກ… ງາມ ເກັ່ງ ສະຫຼາດທັນຄົນ ຕ້ອງຮູ້ຈັກ Check ກ່ອນ Share ລັກສະນະນິໄສສໍາຄັນຂອງສາວຍຸກໃໝ່ຄືເຮົາ ຄືການບໍ່ສົ່ງຕໍ່ຂ່າວປອມ ຫຼືຂໍ້ມູນທີ່ບໍ່ມີແຫຼ່ງທີ່ມາຊັດເຈນ ເພາະໂລກ Social ໃຫ້ທັງຜົນດີ ແລະ ຮ້າຍໃນເວລາດຽວກັນ ສະນັ້ນ ກ່ອນຈະ Share ຫຍັງ ເວົ້າຫຍັງເທິງ Social ຕ້ອງອ່ານ-ຄິດ ແລະ ພິຈາລະນາໃຫ້ລະອຽດກ່ອນຈັກ 2-3 ຮອບຈຶ່ງ Share ; ເພາະບໍ່ແມ່ນຂໍ້ມູນຜິດໆເທົ່ານັ້ນທີ່ເປັນອັນຕະລາຍ ແຕ່ການ Share ໂດຍບໍ່ຮູ້ຈັກທີ່ໄປທີ່ມານັ້ນ …

ເວົ້າເລື່ອງຄວາມສາມາດຂອງແມ່ຍິງແລ້ວ ບາງຄົນນັ້ນຜູ້ຊາຍແມນໆຍັງບໍ່ເທົ່າ ໂດຍສະເພາະຍຸກນີ້ ຍຸກແຫ່ງຄວາມສະເໝີພາບ ທຸກຄົນມີສິດສ້າງສັນສິ່ງໃໝ່ຕາມຄວາມສາມາດ ເຮົາຈະເຫັນວ່າມີແມ່ຍິງເກັ່ງຫຼາຍຄົນທີ່ຖືກເວົ້າເຖິງຫຼາຍຂຶ້ນ ເຊັ່ນ ຫຼາຍປະເທດກໍມີ ນາຍຍົກລັດຖະມົນຕີເປັນແມ່ຍິງ ແຖມຍັງສາມາດບໍລິຫານປະເທດໄດ້ດີບໍ່ດ້ອຍໄປກວ່າຜູ້ຊາຍ ລວມໄປເຖິງບັນດາກະຊວງ ອົງກອນ ແລະ ຫົວໜ່ວຍທຸລະກິດທີ່ຍົກລະດັບແມ່ຍິງໃຫ້ມີບົດບາດສູງຂຶ້ນ!!! ໜຶ່ງໃນນັ້ນບັນດາແມ່ຍິງເກັ່ງທີ່ແອັດຊື່ນຊົມ ແລະ ຍອມຮັບໃນຄວາມສາມາດຄື ສາວກາລະແມ ພັດຊະລະສີ ພິທີກອນຊື່ດັງ ຫຼາກຫຼາຍຄວາມສາມາດ ຫຼືທີ່ຮູ້ຈັກກັນດີຄື ພິທີກອນລາຍການ Take Me Out Thailand ທີ່ມີໜຸ່ມສາວລາວໄປຮ່ວມຫຼາຍຄົນແລ້ວ… ສໍາລັບ ສາວກາລະແມ ແມ່ນອາຍຸຂຶ້ນເລກ 4 ແລ້ວ ແລະ ເປັນເຈົ້າຂອງທຸລະກິດອາຫານເສີມເພື່ອສຸຂະພາບ Hi Power Shot ແຕ່ຍັງຄົງຄວາມງາມນັບມື້ນັບງາມຂຶ້ນ ແຖມນາງຍັງຖືສະຖານະໂສດຢູ່ອີກດ້ວຍ ນີ້ແຫຼະເພິ່ນວ່າ ໂສດສວຍລວຍ ໃຫ້ຜູ້ຊາຍເສຍດາຍຫຼິ້ນ… ເຊິ່ງຫຼ້າສຸດກໍມີຂ່າວຄາວວ່າ ສາວນາງໄດ້ເຮັດບຸນໃຫຍ່ຖວາຍທອງຄໍາໃຫ້ວັດຈໍານວນ 53 ກິໂລກຣາມ ຈາກການປະສົບຄວາມສໍາເລັດໃນທຸລະກິດຄວາມງາມຂອງນາງ… ນາງໄດ້ເຜີຍເຖິງເຄັດລັບຄວາມສໍາເລັດໃນທຸລະກິດວ່າ ນາງມີຄວາມເຊື່ອກ່ຽວກັບພຸດທະສາສະໜາກ່ອນທີ່ຈະເປີດຕົວຜະລິດຕະພັນຕົວໃໝ່ແມ່ນໄດ້ມີການບະບົນໄວ້ …

ຕ້ອງຍອມຮັບວ່າ ການເປັນມະນຸດເງິນເດືອນ ໃນຍຸກສະໄໝນີ້ນໍາມາເຊິ່ງຄວາມຕຶງຄຽດຫຼາກຫຼາຍ ທັງຈາກບັນຫາທີ່ເກີດຈາກຫົວໜ້າວຽກຈອມນ໋ຽບ ເພື່ອນຮ່ວມງານເຫັນແກ່ຕົວ ພາລະວຽກທີ່ຫຼາຍຂຶ້ນ ສະພາບແວດລ້ອມໃນການເຮັດວຽກທີ່ບໍ່ເປັນອິດສະຫຼະ ຫຼືແມ່ນແຕ່ບັນຫາການເດີນທາງທີ່ແສນລໍາບາກ ລ້ວນແລ້ວແຕ່ມີອິດທິພົນຫຼາຍ ຈົນເຮັດໃຫ້ຫຼາຍໆຄົນຕັດສິນໃຈລາອອກ ປ່ຽນວຽກໃໝ່ວົນໄປເລື້ອຍໆ ແນວໃດກໍຕາມ ທ່າມກາງຄວາມຕຶງຄຽດເຫຼົ່ານີ້ ກໍມີແສງສະຫວ່າງທີ່ສາມາດເຮັດໃຫ້ຄົນເຮົາສາມາດເຮັດວຽກໄດ້ຢ່າງມີຄວາມສຸກ ແລະ ສໍາເລັດຜົນໄດ້ກໍຄື ການມີໝູ່ຢ່າງໜ້ອຍໜຶ່ງຄົນທີ່ດີ ແລະ ຈິງໃຈຢູ່ບ່ອນເຮັດວຽກ ໂດຍການສຶກສາຂອງ Gallup ບໍລິສັດທີ່ຊ່ຽວຊານດ້ານຊັບພະຍາກອນມະນຸດ ພົບວ່າ ການມີເພື່ອນຮ່ວມງານທີ່ດີຈະຊ່ວຍໃຫ້ເຈົ້າເຮັດວຽກໄດ້ດີ ແລະ ມີຮີປະສິດທະພາບຫຼາຍຍິ່ງຂຶ້ນ ຈົນສາມາດນໍາໄປສູ່ລາຍໄດ້ທີ່ສູງຂຶ້ນອີກດ້ວຍ ເຫດຜົນກໍເພາະວ່າ ການມີໝູ່ເພື່ອນຊ່ວຍສ້າງຄວາມເປັນໄປໄດ້ຈະເຮັດສິ່ງຕ່າງໆ ໃຫ້ສໍາເລັດໄດ້ຫຼາຍຍິ່ງຂຶ້ນນັ້ນເອງ. ນັກຈາການີ້ ການມີໝູ່ໃນບ່ອນເຮັດວຽກສາມາດກະຕຸ້ນໃຫ້ເຈົ້າຮູ້ສຶກຢາກໄປເຮັດວຽກໄດ້ຫຼາຍຂຶ້ນ ເນື່ອງຈາກວ່າ ມັນຈະກາຍເປັນສະຖານທີ່ທີ່ເຈົ້າສາມາດໃຊ້ເວລາກັບຄົນທີ່ເຈົ້າມັກ ແລະ ມີຄວາມສຸກໄດ້ ແລະ ເປັນພື້ນທີ່ປອດໄພທີ່ຢາກຈະເຮັດວຽກໃນທຸກໆມື້ ດ້ວຍເຫດນີ້ຈຶ່ງມີຄວາມເປັນໄປໄດ້ວ່າ ສິ່ງນີ້ຈະເຮັດໃຫ້ເຈົ້າມີຄວາມຕ້ອງການໃນການມີສ່ວນຮ່ວມກັບໂຄງການຂອງບໍລິສັດຫຼາຍຂຶ້ນ ສູງເຖິງ 7 ເທົ່າ ນອກຈາກນີ້ ຍັງສາມາດຫຼຸດໂອກາດທີ່ເຮັດໃຫ້ເຈົ້າຢາກລາກອອກໄດ້ໜ້ອຍລົງເຖິງ 20% ເພື່ອນຮ່ວມງານດີ ການສຶກສາຍັງສະແດງໃຫ້ເຫັນອີກວ່າ 50% ຂອງພະນັກງານທີ່ເຮັດວຽກຮ່ວມກັບເພື່ອນຮ່ວມງານທີ່ດີ …