Chic Working Women

ຕ້ອງຍອມຮັບເລີຍວ່າດຽວນີ້ມີແມ່ຍິງສາຍໄອທີເກີດຂຶ້ນຢ່າງຫຼວງຫຼາຍ ແລະມີຄວມຊ່ຽວຊານບໍ່ແພ້ຜູ້ຊາຍ ເຊິ່ງຖ້າໃຜເປັນແຟນພັນແທ້ນາງຟ້າວິກຕໍເຣຍ ຊີເຄຣັດ (Victoria’s Secret) ກໍຈະໄດ້ຍິນຊື່ຂອງ Lyndsey Scott ນາງແບບສາວຜິວສີ ອາຍຸ 34ປີ ກັນມາແດ່ແລ້ວ ບອກເລີຍວ່ານາງມີດີກຼີທີ່ບໍ່ທຳມະດາ ເພາະນອກຈາກຄວາມງາມ ຄວາມສຸດຍອດເລື່ອງຮູບຮ່າງຈົນໄດ້ເປັນນາງແບບໃຫ້ກັບ Victoria’s Secret, Klein, Gucci, Prada ແລະ ເປັນນາງແບບ ຊາວອາຟິກາຄົນທຳອິດທີ່ໄດ້ເຊັນສັນຍາກັບ Calvin Klein ນອກຈາກນີ້ນາງຍັງມີຄວາມສາມາດດ້ານໄອທີ ໂດຍສະເພາະການຂຽນໂປແກຣມຄອມພິວເຕີ້ອີກດ້ວຍ ເຊິ່ງກໍເຮັດໃຫ້ Lyndsey Scott ໂດດເດັ່ນກວ່ານາງແບບທົ່ວໄປອີກດ້ວຍ. ເຖິງແມ່ນວ່າຈະມີໂປຟາຍດີພຽງໃດ ແຕ່ກໍຍັງມີນັກເລງຄີບອດ ທີ່ອ້າງຕົວເອງວ່າເປັນຜູ້ຊ່ຽວຊານດ້ານຄອມພິວເຕີ້ເຂົ້າມາປັ້ນປະເດັນ ໂພສຂໍ້ຄວາມໃນເຊີງລົບລົງໃນອິນສະຕາແກຣມຂອງນາງວ່າ “ຂ້ອຍວ່ານາງບໍ່ເກັ່ງພໍທີ່ຈະຂຽນໂປແກຣມດອກ”  “ໂມ້ຫຼືບໍ່ ເຮັດໄດ້ຢ່າງທີ່ເວົ້າຫຼືບໍ່?” ບາງຄົນກໍເມັ້ນວ່າ “ຂຽນໄດ້ແຕ່ໂປແກຣມ Hello World ແນ່ນອນ” (ເປັນໂປແກຣມພື້ນຖານທີ່ງ່າຍທີ່ສຸດ) ຫຼື “ຂຽນເປັນແຕ່ໂປແກຣມແບບທຳມະດາຫຼືບໍ່?” ເຊິ່ງເຫັນໄດ້ຢ່າງຈະແຈ້ງວ່າການຄອມເມັ້ນແບບນີ້ເປັນການດູຖູກຄວາມສາມາດ ແລະ ເປັນການຢຽດເລື່ອງເພດ ງານນີ້ສາວ Lyndsey Scott …

ໃບທະບຽນສົມຣົດ ແມ່ນສິ່ງທີ່ຈະຮັບຮອງວ່າຊີວິດຄູ່ຈະຢູ່ກັນໄປແບບຕະຫຼອດຮອດຝັ່ງຫຼືບໍ່? ຕາມປະເພນີເມື່ອອອກພັນສາແລ້ວ ແນ່ນອນກໍຮອດຍາມທີ່ຄູ່ຮັກຫຼາຍໆຄູ່ຈະຕົກລົງປົງໃຈຢາກໃຊ້ຊີວິດຮ່ວມກັນ  ຈັດພິທີງານແຕ່ງດອງ ເຂົ້າພາຂວັນ-ປ້ອນໄຂ່ ຕາມແບບສະບັບປະເພນີລາວ ແຕ່ຮູ້ຫຼືບໍ່ວ່າການແຕ່ງດອງນັ້ນ ບໍ່ແມ່ນພຽງເຊັນຊື່ໃນເຈ້ຍໃບດຽວເພື່ອຍັ້ງຍືນການເປັນຜົວເມຍທີ່ຖືກຕ້ອງຕາມກົດໝາຍເທົ່ານັ້ນ ໃບທະບຽນສົມຣົດ ບໍ່ແມ່ນສິ່ງທີ່ຈະຮັບຮອງວ່າ ຊີວິດຄູ່ຂອງເຈົ້າຈະຢູ່ກັນໄປແບບຕະຫຼອດຮອດຝັ່ງສະເໝີໄປ, ແຕ່ການແຕ່ງດອງນັ້ນຖືເປັນເລື່ອງໃຫ່ຍ ເປັນວຽກທີ່ຕ້ອງຊ່ວຍກັນຄິດ ຊ່ວຍກັນແກ້ ຕ້ອງໄດ້ຕົກລົງກັນດ້ວຍຄວາມປະນິປະນອມ ແລະ ໝາຍເຖິງການໃຊ້ຊີວິດຊໍ້າໆ ໃນແຕ່ລະມື້ກັບມະນຸດຄົນເກົ່າ ເຊິ່ງເຂົາອາດຈະບໍ່ຈໍາເປັນຕ້ອງເຮັດໃຫ້ຖືກໃຈເຈົ້າໝົດທຸກຢ່າງ ບໍ່ຈໍາເປັນຕ້ອງຮູ້ສຶກ ຫຼືມີຄວາມຄິດເຫັນຄືເຈົ້າທຸກເລື່ອງ ເພາະຕ່າງຝ່າຍຕ່າງຖືກລ້ຽງດູມາໃນຄອບຄົວທີ່ແຕກຕ່າງກັນໄປ ສະນັ້ນຈຶ່ງຕ້ອງຍອມຮັບຂໍ້ເສຍຂອງກັນແລະກັນໃຫ້ໄດ້ ແລະ ຊີວິດຄູ່ບໍ່ຕ້ອງ ໂຣແມນຕິກ ຕະຫຼອດເວລາກໍສາມາດມີຄວາມໝາຍເລິກເຊິ່ງ ນັ້ນແຫຼະເປັນຮັກແທ້ທີ່ຈະໃຊ້ຊີວິດໄປນຳກັນຈົນຕະຫຼອດຊີວິດ. ດັ່ງນັ້ນ, ຄວາມຮັກຄວາມເຂົ້າໃຈ ການໃຫ້ກຽດເຊິ່ງກັນແລະກັນ ການໂອ້ລົມກັນໃນຍາມບໍ່ເຂົ້າໃຈ ແລະ ການໃຫ້ອະໄພ ຖືເປັນເລື່ອງທີ່ສຳຄັນທີ່ສຸດໃນຊີວິດຄູ່. (ຂໍອວຍພອນໃຫ້ທຸກໆຄູ່ ຈົ່ງມີຄວາມສຸກ ແລະ ຮັກກັນໄປຈົນແກ່ຈົນເຖົ້າ!!!) ທີ່ມາ: ວາລະສານ ຂວັນໃຈ ຮູບພາບ: Lao wedding, Lao culture

8 ນິດໃສ ທີ່ຈະເຮັດໃຫ້ກາຍເປັນຄົນທຸກ…ໂດຍບໍ່ຕັ້ງໃຈ ນັ່ງຖ້າໂຊກຊະຕາ ແຕ່ບໍ່ຄິດທີ່ຈະລົງມືເຮັດ ສາວໆຟັງທາງນີ້ ຄົນທີ່ຈະຮັ່ງມີນັ້ນ ໂຊກຊະຕາບໍ່ໄດ້ຈະຊ່ວຍຕະຫຼອດເວລາດອກເດີ້ ເພາະສ່ວນຫຼາຍຄົນທີ່ເຂົາປະສົບຜົນສຳເລັດແມ່ນມັກຈະໄດ້ມາຈາກເຫື່ອແຮງ ແລະ ສະໝອງເທົ່ານັ້ນ ໝາຍຄວາມວ່າ ຖ້າສາວໆຢາກເປັນຄົນຮັ່ງມີກໍຕ້ອງເລີ່ມທ້ອນໂຮມ ຕ້ອງຮູ້ຈັກຄິດ ແລະ ຊອກຫາຊ່ອງທາງ ວາງແຜນການເງິນໃຫ້ຕົນເອງ ດີກວ່ານັ່ງລໍຖ້າວາດສະໜາແລ້ວໃຊ້ເງິນໄປເລື້ອຍໆ. ເງິນເດືອນຫຼາຍຂຶ້ນ ຍິ່ງໃຊ້ຈ່າຍຟຸມເຟືອຍ ເງິນເດືອນເພີ່ມຂຶ້ນທຸກປີແມ່ນບໍ່ສາວໆ ແຕ່ພວກເພິ່ນຍັງໃຊ້ຈ່າຍຟຸມເຟືອຍ ຫາກເປັນເຊັ່ນນີ້ຄົງຈະບໍ່ມີເງິນທ້ອນແນ່ນອນ ສະນັ້ນພະຍາຍາມບໍລິຫານລາຍຮັບໃຫ້ເໝາະສົມກັບຄ່າໃຊ້ຈ່າຍທີ່ຈຳເປັນຈະດີກວ່າ ບໍ່ດັ່ງນັ້ນ ແລ້ວຢ່າຫາວ່າບໍ່ເຕືອນເດີ້ ໃຊ້ເງິນໂດຍບໍ່ຄຳນຶງເຖິງອະນາຄົດ ຫືມ…ບາງຄົນໃຊ້ຊີວິດຄືກັບວ່າ ມັນເປັນມື້ສຸດທ້າຍຂອງຊີວິດ ໃຊ້ຈ່າຍເງິນແບບລືມນຶກຄິດເຖິງອະນາຄົດ ມັນບໍ່ຄ່ອຍດີປານໃດເດີ້ເພິ່ນ ເພາະຫາກມີເລື່ອງສຸກເສີນ ເຮົາຈະຊ່ອຍຕົນເອງບໍ່ໄດ້ ເລື່ອງຊິຮັ່ງຊິມີຍິ່ງບໍ່ຕ້ອງເວົ້າເຖິງເລີຍ ລອງປັບປ່ຽນແນວຄິດໃໝ່ດີກວ່າເນາະ ໃຫ້ສາວໆລອງແບ່ງລາຍຮັບສ່ວນໜຶ່ງເກັບໄວ້ເພື່ອອະນາຄົດແດ່ເດີ້. ກັບຄວາມຄິດທີ່ວ່າ “ມື້ໜ້າຄ່ອຍທ້ອນກໍໄດ້” “ມື້ໜ້າຄ່ອຍທ້ອນກໍໄດ້” ແນະ!!! ຄຸ້ນໆກັບປະໂຫຍກນີ້ແນ່ບໍ່ສາວໆ, ຕໍ່ໃຫ້ເຮັດວຽກເມື່ອຍເກືອບຕາຍ ຫຼື ຈະມີເງິນເດືອນສູງປານໃດ ບອກເລີຍວ່າຍາກທີ່ຈະຮັ່ງມີ ເພາະຫາກມີເງິນເທົ່າໃດກໍໃຊ້ຈົນໝົດ ບໍ່ເຫຼືອໄວ້ທ້ອນເຮົາກໍຈະບໍ່ມີທາງທີ່ຈະມີເງິນເປັນກ້ອນ ໄດ້ຈັກເທື່ອເດີ້ສາວໆ. ບັນຊີລາຍຮັບ-ລາຍຈ່າຍ ຖືວ່າມີຄວາມສຳຄັນຫຼາຍກັບວິທີການໃຊ້ເງິນ …

ຫຼັງຈາກອຳລາຕຳແໜ່ງຈາກ Miss World Laos 2017 ໄປແລ້ວ ຫຼ້າສຸດກໍ່ເອີ້້ນສຽງຮືຮາ ເຈນນີ່ ຕົ້ນຄຳ ພົນຈັນເຮືອງ ໄດ້ອອກມາໂພສໃຫ້ແຟນຄລັບໄດ້ຮູ້ວ່ານາງໄດ້ເດີນທາງໄປເປັນໜຶ່ງໃນງານເດີນແບບ Surabaya ທີ່ ປະເທດ ອິນໂດເນເຊຍ ເຊິ່ງງານນນີ້ ເຈນນີ້ ໄດ້ຖືກເຊີນໄປເດີນແບບ ໃນຖານະນາງແບບເອເຊຍ ຂອງປະເທດລາວ. (ໂອ້ວ້າວວວວ ບໍ່ທຳມະດາກັນເລີຍ!!!) ເມື່ອບໍ່ດົນມານີ້ ເຈນນີ້ ຫາກໍ່ຜ່ານພົ້ນຊ່ວງອຳລາຕຳແໜ່ງຈາກ Miss World Laos 2017 ແລະ ກໍ່ ໄດ້ສົ່ງຕໍ່ຕຳແໜ່ງອັນຊົງກຽດໃຫ້ ຕິກນໍ້າ ກະດຸມເພັດ Miss World Laos 2018 ຄົນໃໝ່. ຢ່າງໃດ!!! ກໍ່ຝາກເປັນເປັນກຳລັງໃຈໃຫ້ ສາວ ເຈນນີ້ ຕົ້ນຄຳພົນຈັນເຮືອງ Miss World Laos 2017 ກັນແດ່ເດີ້ແຟນໆ. ຮູບພາບ: Tonkham Phonchanheuang

7 ເລື່ອງງ່າຍໆ ທີ່ຍິ່ງເຮັດ ຍິ່ງສະຫຼາດຂຶ້ນ!! ເຄີຍໄດ້ຍິນຫຼາຍຄົນເວົ້າມາຕະຫຼອດວ່າ ຢາກສະຫຼາດກວ່ານີ້ເດ້… ແນ່ນອນວ່າສາວໆຫຼາຍຄົນເຖິງຈະບໍ່ເວົ້າອອກມາ ແຕ່ກໍເຊື່ອວ່າໃຜກໍຄົງຢາກເກັ່ງກັນໝົດຫັ້ນລະ ເພາະວ່າຍິ່ງເຮົາເກັ່ງຫຼາຍຂຶ້ນເທົ່າໃດ ກໍຍິ່ງຊຸກຍູ້ໃຫ້ສາວໆເຂົ້າເຖິງໂອກາດດີໆໃນຊີວິດໄດ້ຫຼາຍຂຶ້ນເທົ່ານັ້ນ ແມ່ນຫຼືບໍ່? ແຕ່ໃນຂະນະດຽວກັນ ສາວໆຫຼາຍຄົນກໍມັກເຂົ້າໃຈວ່າ ຄວາມສະຫຼາດນັ້ນເປັນພອນສະຫວັນມາແຕ່ເກີດ ຫຼືຈາກກໍາມະພັນ ໂດຍບໍ່ສາມາດປ່ຽນແປງ ຫຼືພັດທະນາໄດ້ເມື່ອອາຍຸຫຼາຍແລ້ວ ແຕ່ຄວາມຈິງ ກິດຈະກຳທີ່ເຮົາເຮັດຢູ່ທຸກໆມື້ໃນຊີວິດປະຈໍາວັນນີ້ ກໍສາມາດເຮັດໃຫ້ສາວໆປັບສະໝອງຈົນກາຍເປັນຄົນທີ່ສະຫຼາດຂຶ້ນໄດ້ເດີ້ຮູ້ບໍ່? ຈະແມ່ນກິດຈະກຳຫຍັງແດ່ ໄປອ່ານພ້ອມກັນເລີຍ ສະຫຼາດທີ່ຈະ Online ໃຫ້ໄດ້ປະໂຫຍດ ຄົນຍຸກ Digital ມັກເປັນພະຍາດເສບຕິດການ Online ແລະ ໃຊ້ເວລາສ່ວນຫຼາຍຢູ່ໃນໂລກ Online ສະນັ້ນ ເຮົາກໍຕ້ອງຊອກປະໂຫຍດຈາກມັນໃຫ້ໄດ້ຫຼາຍໆ ເພາະຄົນສ່ວນໃຫຍ່ກໍມັກ Online ພຽງເພື່ອຝອຍກັບໝູ່ຄູ່ ບາງຄົນກໍຫຼິ້ນເພື່ອຜ່ອນຄາຍອາລົມ ແຕ່ຄວາມຈິງແລ້ວ ໂລກ Online ເປັນຂຸມຊັບທາງປັນຍາຊັ້ນດີ ສໍາລັບຄົນຢາກຊອກຄວາມຮູ້ເລີຍເດີ້ ເພາະມັນຮວບຮວມເອົາຂໍ້ມູນຈາກທົ່ວໂລກໃນຫຼາຍໆດ້ານ ທີ່ສາວໆບໍ່ຄວນເບິ່ງຂ້າມໄປເດັດຂາດ ຮູ້ຈັກບັນທຶກວ່າເຈົ້າຮຽນຮູ້ຫຍັງໄປແດ່ ສາວໆຮູ້ບໍ່ວ່າທຸກສິ່ງທຸກຢ່າງໃນຊີວິດທີ່ເຮົາພົບເຫັນນັ້ນ ສາມາດກາຍເປັນບົດຮຽນຊັ້ນດີໃຫ້ເຮົາໄດ້ ຢູ່ທີ່ເຮົາເລືອກເຫັນມັນເປັນບົດຮຽນ ຫຼືເປັນເລື່ອງໄຮ້ສາລະໄປ …