Kuanjai Life Stlye

ວຽກມີປະສິດທິພາບຫຼາຍຂຶ້ນ ຈາກການສໍາຫຼວດຄວາມພຶງພໍໃຈຂອງພະນັກງານພົບວ່າ ພະນັກງານທີ່ເຮັດວຽກຢູ່ບ້ານຈະມີຄວາມສຸກ ແລະເຮັດວຽກໄດ້ມີປະສິດທິພາບຫຼາຍກວ່າພະນັກງານປະຈຳ ແລະເຮັດວຽກຢູ່ຫ້ອງການ ພັກຜ່ອນໄດ້ຫຼາຍກວ່າ ໃນທາງກົງກັນຂ້າມເວລາທີ່ເຮັດວຽກຢູ່ບ້ານ ບໍ່ຈຳເປັນຈະຕ້ອງສົນໃຈສາຍຕາຂອງຫົວໜ້າ ຫຼືເພື່ອນຮ່ວມງານ ຈະພັກຫຼາຍພຽງໃດ ຫຼືດົນເທົ່າໃດກໍໄດ້ ຂໍພຽງແຕ່ເຮັດວຽກຂອງເຮົາໃຫ້ອອກມາດີ ແລະ ແລ້ວທັນເວລາ ເລືອກເວລາເຮັດວຽກຕາມໃຈ ບໍ່ວ່າໃຜກໍປາຖະໜາຢາກຕື່ນສວາຍໆ ແລະ ເລືອກເວລາເຮັດວຽກໄດ້ຕາມໃຈຕົນເອງ ເຊິ່ງຄົນບາງກຸ່ມ ກໍມັກເຮັດວຽກໃນເວລາກາງຄືນ ເພາະເຊື່ອວ່າຈະມີສະມາທິ ແລະມີປະສິດທິພາບຫຼາຍກວ່າ ແຕ່ກໍຂຶ້ນກັບແຕ່ລະບຸກຄົນ ແລະຕາມຄວາມລຶ້ງເຄີຍຂອງໃຜມັນ ໃນຂະນະທີ່ ບາງຄົນກໍມັກເຮັດວຽກໃນຕອນເຊົ້າໆ ເພາະສະໝອງປອດໂປ່ງວ່າຊັ້ນ ເຊິ່ງແລ້ວແຕ່ຄວາມຖະໜັດຂອງໃຜມັນ ດັ່ງນັ້ນ ຈົ່ງຄົ້ນຫາຕົວເອງໃຫ້ພົບ ວ່າເວລາໃດທີ່ເຮົາຈະມີພະລັງ ແລະ ສະມາທິຫຼາຍທີ່ສຸດ ແລ້ວຈົ່ງຢ່າປ່ອຍໃຫ້ເວລາທີ່ເຮົາມີໄອເດຍຖິ້ມໄປລ້າໆ ບໍ່ຕ້ອງເດີນທາງໄປເຮັດວຽກ ເພາະການເດີນທາງໄປເຮັດວຽກເຮັດໃຫ້ເຮົາເສຍທັງເງິນ (ມີຄ່າໃຊ້ຈ່າຍ) ແລະ ເວລາ ບໍ່ມີຜົນກະທົບກັບບໍລິສັດ ຄວາມກັງວົນທີ່ວ່າ ຖ້າໃຫ້ພະນັກງານເຮັດວຽກຢູ່ບ້ານ ອາດບໍ່ດີຕໍ່ບໍລິສັດ ເພາະອາດບໍ່ສາມາດຄວບຄຸມການເຮັດວຽກຂອງພະນັກງານໄດ້ ບໍ່ແມ່ນຄວາມຈິງເລີຍ ເພາະໃນຍຸກປະຈຸບັນ ຮູບແບບຂອງບັນດາບໍລິສັດທີ່ເປີດໃໝ່ ແມ່ນອະນຸຍາດໃຫ້ພະນັກງານທຸກຄົນເຮັດວຽກຢູ່ບ້ານ (online) ແລະບໍລິສັດເຫຼົ່ານີ້ກໍປະສົບຜົນສຳເລັດ …

ສະໄໝນີ້ບໍ່ວ່າຈະເຮັດກິດຈະກຳຕ່າງໆໃນຊີວິດປະຈຳວັນເຊື່ອວ່າໝູ່ເພື່ອນກໍຈະຕິດການຖ່າຍຮູບເປັນຊີວິດຈິດໃຈ ບໍ່ວ່າຈະຍາມກິນ ຍາມເຮັດວຽກ ຮຽນໜັງສື ຫຼື ຍາມນອນກໍຈະມັກຖ່າຍຮູບອັບເດດຄວາມເຄື່ອນໄຫວລົງໃນໂລກໂຊຊ່ຽວເປັນປະຈຳ, ແຕ່ຖ້າຈະອັບຮູບເລື້ອຍໆ ແບບມື້ໜຶ່ງໂພສເຖິງ 10-20 ຮູບມັນກະຈະເບິ່ງຄືໂອເວີ້ໄປ ຄວນສົງສານໝູ່ທີ່ຈະຕ້ອງໄດ້ນັ່ງກົດໄລ້ໃຫ້ເຮົາຕະຫຼອດແດ່… (555), ດັງນັ້ນໃນມື້ນີ້ ຊະນີIndy ເລີຍໄປຊອກເອົາໄອເດຍການຖ່າຍຮູບໃນແບບຂອງ Hipster ມາຝາກ. ແຕ່ກ່ອນອື່ນຕ້ອງຂໍອະທິບາຍຄຳວ່າ ຮິບສເຕີ້ (Hipster) ກັນກ່ອນ ຄວາມໝາຍຂອງຄຳນີ້ກໍຄືເປັນ style  ຂອງເດັກແນວທີ່ມີຄວາມ Art ໃນຕົວເອງສູງ ຄ້າຍໆຄືກັບສິລະປິນທີ່ມັກແລະຮັກໃນອິດສະຣະ ໃຫ້ອາລົມການດຳເນີນຊີວິດແນວສະໂລໄລ້ (Slow life) ລັກສະນະຂອງການຖ່າຍຮູບກໍຈະເປັນໃນລັກສະນະການຖ່າຍແບບເຊວຟີ່ຕົວເອງ ຈະຖ່າຍອອກແນວແບບບໍ່ໄດ້ຕັ້ງໃຈຖ່າຍຈົນຫຼາຍເກີນໄປ ເຖິງແມ່ນວ່າຈະເປັນການຖ່າຍໂດຍການຕັ້ງໃຈຂອງເຮົາເອງກໍຕາມ ແຕ່ຮູບພາບທີ່ອອກມາຕ້ອງບອກເລີຍວ່າ ມີຄວາມ Art ທີ່ງາມຫຼາຍ ແລະ ພາບກໍຈະເປັນແບບເບີ່ງຄືບໍ່ແຈ້ງ ແຕ່ໄດ້ອາລົມເບິ່ງແລ້ວມີສະເໜ່ບໍ່ມີເບື່ອ. ອຸ໋ຍ! ມີໃຜກຳລັງລັກຖ່າຍຮູບເຮົາຢູ່ບໍ່ນໍ…(555) ເອົ້າ!!! ໃຜທີ່ຄິດທ່າໂພສບໍ່ອອກເຮົາກໍມີມາຝາກມາເບິ່ງວິທີຖ່າຍຮູບແນວ Hipster ເບິ່ງໄວ້ຈະໄດ້ບໍ່ຕົກກະແສ!!! ໂພສທ່າໃຫ້ເບິ່ງຄືວ່າບໍ່ໄດ້ຕັ້ງໃຈຖ່າຍ… ຍືນປິ່ນໜ້າໃສ່ກ້ອງແຕ່ຕາຕ້ອງເບິ່ງໄປທາງອື່ນ ຖ່າຍກັບຕົ້ນໄມ້ໃບຫຍ້າ…ເລີດໄປອີກໆໆໆ ຖ່າຍໃຫ້ເຫັນພຽງສ່ວນໃດສ່ວນໜຶ່ງຂອງຮ່າງກາຍ ແລະ ຕ້ອງຈັດວາງອົງປະກອບໃຫ້ …

ເຄີຍບໍ່ ເຫັນຜົວເມຍຕີກັນ ແລ້ວຄິດວ່າເປັນເລື່ອງສ່ວນຕົວ ຈຶ່ງບໍ່ເຂົ້າໄປຫ້າມ ຫຼືໃຫ້ຄວາມຊ່ວຍເຫຼືອ? ເຄີຍບໍ່ ເຫັນຄົນເຈັບ ຫຼືອຸບັດຕິເຫດຕາມທ້ອງຖະໜົນ ແຕ່ບໍ່ຊ່ວຍນຳສົ່ງໂຮງໝໍ ຍ້ອນຢ້ານເຂົາວ່າເຮົາເປັນຜູ້ກໍ່ເຫດ? ເຄີຍບໍ່ ເຫັນຄົນຕົກຢູ່ໃນອັນຕະລາຍ ແຕ່ເມີນເສີຍ ບໍ່ສົນໃຈ ເພາະຄິດວ່າບໍ່ແມ່ນເລື່ອງຂອງເຮົາ? ແລ້ວເຊື່ອບໍ່ວ່າ ພຶດຕິກຳແບບນີ້ ຜິດກົດໝາຍອາຍາ ມີໂທດຈຳຄຸກ? ບໍ່ຕ້ອງຕົກໃຈດອກ ແມ່ນແທ້ໆ ເພາະໄດ້ຖືກກ່າວໄວ້ໃນ ກົດໝາຍວ່າດ້ວຍອາຍາ (2005) ມາດຕາ 93 ການທີ່ບໍ່ໄດ້ໃຫ້ຄວາມຊ່ວຍເຫຼືອແກ່ຜູ້ອື່ນ ໃນເວລາຕົກຢູ່ໃນໄພອັນຕະລາຍ: “ບຸກຄົນຜູ້ໃດ ຫາກໄດ້ພົບເຫັນຜູ້ອື່ນຕົກຢູ່ໃນໄພອັນຕະລາຍແກ່ຊີວິດ ຫຼືສຸຂະພາບ ແຕ່ບໍ່ໄດ້ໃຫ້ຄວາມຊ່ວຍເຫຼືອ ທັງໆທີ່ຕົນເອງມີເງື່ອນໄຂພໍຊ່ວຍເຫຼືອໄດ້ ຫຼືບອກຄົນອື່ນໃຫ້ຊ່ວຍເຫຼືອ ຈະຖືກລົງໂທດຕັດອິດສະຫຼະພາບ ແຕ່ ສາມເດືອນ ຫາ ໜຶ່ງປີ ແລະຈະຖືກປັບໃໝແຕ່ 100.000 ກີບ ຫາ 500.000 ກີບ ບຸກຄົນທີ່ມີໜ້າທີ່ຊ່ວຍເຫຼືອ ແຕ່ບໍ່ໄດ້ປະຕິບັດໜ້າທີ່ຂອງຕົນ ໃນການຊ່ວຍເຫຼືອຜູ້ທີ່ຕົກຢູ່ໃນໄພອັນຕະລາຍແກ່ຊີວິດ ຫຼືສຸຂະພາບ ຈະຖືກລົງໂທດຕັດອິດສະຫຼະພາບ …

ຂວັນໃຈ ເຮົາໄດ້ນຳສະເໜີເລື່ອງລາວຂອງ ເມືອງແຫ່ງຄວາມ Slow Life ຫຼວງພະບາງ ໄປແລ້ວໃນເທື່ອກ່ອນ, ມາມື້ນີ້ຈະພາແຟນໆຂວັນໃຈມາຕອກຢ້ຳຄວາມ Slow Life ຂອງແຫ່ງນີ້ຕື່ມອີກ ໂດຍການພາໄປ ນອນກອດໝອກ ສູດເອົາໂອໂຊນ (Ozone) ບໍລິສຸດໃຫ້ເຕັມປອດທີ່ ເມືອງງອຍ, ຂຶ້ນຊື່ວ່າແຂວງຫຼວງພະບາງ ເມືອງມໍລະດົກໂລກ ທີ່ໄດ້ຊື່ວ່າເປັນເມືອງທ່ອງທ່ຽວອັນດັບ 1 ຂອງປະເທດລາວ ທີ່ໃຜໆກໍນຶກເຖິງ ເມື່ອຢາກພັກຜ່ອນທ່າມກາງຄວາມ Classic ທີ່ປະສົມປະສານລະຫວ່າງວັດທະນະທຳຕາເວັນຕົກ ແລະ ຕາເວັນອອກໄດ້ຢ່າງລົງຕົວ. ເຊິ່ງນອກຈາກຄວາມອຸດົມສົມບູນທາງດ້ານຮີດຄອງປະເພນີ ແລະ ວັດທະນະທຳອັນດີງາມແລ້ວ ອີກສິ່ງໜຶ່ງທີ່ຈະບໍ່ເວົ້າເຖິງບໍ່ໄດ້ເລີຍແມ່ນ ຄວາມອຸດົມສົມບູນທາງດ້ານທຳມະຊາດ. ດ້ວຍຄວາມທີ່ແຂວງຫຼວງພະບາງຕັ້ງຢູ່ທ່າມກາງພູເຂົາອ້ອມຮອບ ຈິ່ງເຮັດໃຫ້ມີແຫຼ່ງທ່ອງທຽວທາງທຳມະຊາດຫຼາຍແຫ່ງ ແລະ ເມືອງງອຍກໍ່ເປັນອີກເມືອງໜຶ່ງທີ່ໜ້າສົນໃຈ ສາວໃດທີ່ມາຮອດແຂວງຫຼວງພະບາງແລ້ວ ບໍ່ມາເມືອງນີ້ຖືວ່າພາດ​ຢ່າງ​ແຮງ ການເດີນທາງ ເລີ່ມຈາກເມືອງຫຼວງພະບາງເລີຍ ເມື່ອອອກຈາກທີ່ພັກ ເຮົາກໍໄປທີ່ຄິວລົດສາຍເໜືອເພື່ອຂຶ້ນລົດໄປເມືອງງອຍ ລາຄາປີ້ໂດຍສານແມ່ນ 50,000 ກີບ/ຄົນ  ເພາະມີລົດຫຼາຍສາຍຜ່ານເມືອງງອຍ ເຊິ່ງສ່ວນຫຼາຍຈະແລ່ນແຕ່ຕອນເຊົ້າ ຮອດທ່ຽງເທົ່ານັ້ນ ຫຼືຖ້າໃຜຢາກກິນລົມຊົມວິວເຊົ່າລົດຈັກຂັບໄປເອງກໍບໍ່ວ່າກັນ. ຄ່າເຊົ່າລົດຈັກຈາກເມືອງຫຼວງພະບາງອອກນອກເມືອງ ລາຄາປະມານ …

ເຫັນໝູ່ຕັ້ງ Status ແປກໆ ແລະ Post ເພງ ແລ້ວຍັງມັກແທັກ (Tag) ຫຍັງມາບໍ່ຮູ້ ເພາະບໍ່ເຄີຍສົນໃຈ ຈົນມີຄົນມາບອກວ່າ! “ເຮີ່ຍ…ເຮົາວ່າລາວຕ້ອງມັກໂຕຢູ່ແນ່ນອນ” ຫາກໍຮູ້ຄວາມໝາຍ! ຢູ່ນໍາກັນທຸກມື້ຈົນມີໃຜຄົນໜຶ່ງຫວັ່ນໄຫວ ຢາກຮູ້ບໍ່ວ່າໝູ່ຜູ້ຊາຍທີ່ເຂົາກໍາລັງລັກມັກເຮົາຢູ່ມີອາການແນວໃດ, ຕ້ອງເບິ່ງແນວໃດ? ມາ Check ກັນເລີຍ! ອອກປາກມາວ່າຈະລ້ຽງເຂົ້າ ບາງເທື່ອກໍຮູ້ຈັກກັນໄດ້ບໍ່ດົນ ແຕ່ກໍພໍຮູ້ຈັກກັນຢູ່ ເຮືອນເຮົາກໍບໍ່ໄດ້ອຶດຫິວ ແຕ່ທ້າວມາຂໍລ້ຽງເຂົ້າ, ລ້ຽງຂະໜົມເຮັດຫຍັງກໍບໍ່ຮູ້? ຮູ້ ຫຼືບໍ່ວ່າການທີ່ຜູ້ຊາຍບອກວ່າຈະລ້ຽງເຂົ້ານັ້ນໝາຍຄວາມວ່າ ລາວກໍາລັງຊອກໂອກາດຢູ່ນຳເຮົາສອງຕໍ່ສອງ ຕ້ອງການໃຊ້ເວລາຢູ່ກັບເຮົາພຽງລໍາພັງ ເພາະຖ້າຫາກໄປກັບໝູ່ຫຼາຍໆຄົນກໍໝົດໂອກາດໄດ້ລົມກັນເລີຍ! ອ້າວ! ຖ້າມີໝູ່ມາຊວນແບບນີ້ກໍບອກໄວ້ກ່ອນວ່າ ບໍ່ມີໃຈກໍຢ່າຕົວະກິນຟຣີເດີ້! ຊວນໄປໃສກໍໄປ ບໍ່ວ່າເຈົ້າຈະມີກິດຈະກຳທີ່ບໍ່ມີປະໂຫຍດປານໃດກໍຕາມ ແຖມຍັງຊອກເພື່ອນສາວໄປນໍາບໍ່ໄດ້ ສຳລັບໝູ່ຄົນນີ້ແລ້ວເມື່ອອອກປາກຊວນ ເຂົາຈະບໍ່ຍອມພາດ ຍິນດີໄປນໍາເຮົາທຸກແຫ່ງຫົນ ທຸກສະຖານະການ ພ້ອມຈະເປັນຄົນຂັບລົດ, ຂີ່ເຮືອໄປເປັນໝູ່ເຈົ້າ ເຖິງວ່າຈະຍັງບໍ່ຮູ້ວ່າເຈົ້າມີແຜນຈະໄປເຮັດຫຍັງຢູ່ໃສ ກໍມັນເປັນຄວາມສຸກຂອງລາວທີ່ໄດ້ຢູ່ກັບຄົນທີ່ມັກ! ເປັນຄົນທໍາອິດທີ່ທ້ວງໃນການປ່ຽນແປງຂອງເຈົ້າ ຖ້າເຈົ້າຫາກໍເຮັດສີຜົມ, ຕັດຜົມ, ທາເລັບມາໃໝ່! ເຊື່ອບໍ່ວ່າ ໝູ່ຄົນນັ້ນຂອງເຈົ້າຈະສັງເກດເຫັນການປ່ຽນແປງຂອງເຈົ້າກ່ອນໃຜ …