ຂ່າວບັນເທີງໃນປະເທດ

ມີຄວາມໜ້າຮັກ ມຸ້ງມິ້ງຟຣຸ້ງຟຣິ້ງ ສຳລັບສາວ ແອັບເປີ້ນ ສີສະຫງຽນ ສີຫາລາດ ວ່າທີ່ເຈົ້າສາວປ້າຍແດງ ທີ່ຫຼ້າສຸດຖືກບັນດາໝູ່ສະນິດຈັດງານເຊີໄພ້ (Surprise) ໂດຍມີການຈັດງານ ປາຕີ້ສະລະໂສດ (Apple’s Hen night) ກ່ອນທີ່ຈະຮອດມື້ແຕ່ງດອງແທ້ 3 ພະຈິກນີ້, ພາຍໃນງານເຕັມໄປດ້ວຍຄວາມ happy ເພາະຖືເປັນການລວມຕົວຂອງແກັງເພື່ອນສາວທັງໃນ ແລະ ນອກວົງການ ງານກໍຈັດໄດ້ໜ້າຮັກຫວານແວ໋ວ ເຕັມໄປດ້ວຍສີບົວໄປໝົດທົ່ວທັງງານ. ນອກຈາກນັ້ນບັນດາໝູ່ສະໜິດຂອງສາວ ແອັບເປີ້ນ ຍັງພ້ອມໃຈກັນໃສ່ໜ້າກາກ ຟຣຸກ ຈິລະ ເຊິ່ງເປັນວ່າທີ່ເຈົ້າບ່າວຂອງ ແອັບເປີ້ນ ນຳອີກ, ຢ່າງໃດກໍຂໍສະແດງຄວາມຍິນດີກັບຄຸ່ຮັກສາວລາວ-ບ່າວໄທຫຼາຍໆເດີ້!!! ຮູບພາບ: Appleminiberry

ວະລິສາລາ ຕັງສຸວັນ (ເມ) ອາຍຸ 28 ປີ ລວງສູງ 170 ຊັງຕີແມັດ ເດີນທາງຮ່ວມປະກວດ Miss Global 2017 ທີ່ປະເທດ ກຳປູເຈຍ (Cambodia) ເຊິ່ງສຳລັບການປະກວດຈະຈັດຂຶ້ນໃນວັນທີ 18 ພະຈິກ 2017 ນີ້ ຮ່ວມເປັນກຳລັງໃຈໃຫ້ ເມ ວະລິສະລາ ສູ້ສູ້. ສຳລັບ ເມ ວະລິສະລາ ເອີ້ນໄດ້ວ່າເປັນນາງງາມເດີນສາຍ ມີປະສົບການປະກວດໃນເວທີໃຫ່ຍໆໃນລະດັບໂລກມາແລ້ວຫຼາຍເວທີ ຫຼ້າສຸດສາມາດຄວ້າລາງວັນຊະນະເລີດ Miss exquisite Asia ມາໄດ້ແບບສົດໆຮ້ອນໆ ແລະ ຍັງເປັນ ຮອງອັນດັບ 2 Miss universe Laos 2017 ອີກດ້ວຍ. #ແຊຣໄປເປັນກຳລັງໃຈໃຫ້ສາວລາວ ຮູບພາບ: Varissara May Tangsouvanh

(Sexy sexy Naughty naughty) ທີ່ ຊະນີIndy ຂຶ້ນຕົ້ນມາດ້ວຍຄວາມເຊັກຊີ່ແບບນີ້ ເປັນຫຍັງໄປບໍ່ໄດ້ເລີຍ ກໍເພາະສາວ ກີ້ ທັດສະໄນ ລາມາງກຸນ ພິດຕີ້ຊື່ດັງ ທີ່ດຸໝັ່ນໂຊຄວາມເຊັກຊີ່ເລື້ອຍໆ ຊາວເນັດກໍຈະຄຸ້ນໜ້າຄຸ້ນຕານາງດີ ເພາະນອກຈາກນາງຈະເປັນ ນາງແບບ-ພິດຕີ້-ນັກສະແດງຮູບເງົາແລ້ວ ຍ້ອນບຸກຂະລິກທີ່ມີຄວາມໝັ້ນໃຈນາງກໍເປັນອີກໜຶ່ງສາວທີ່ມີຍອດຄົນຕິດຕາມບໍ່ແມ່ນໜ້ອຍ, ຫຼ້າສຸດ ກີ້ ກໍຈັດໃຫ້ແຟນໆກັບຮູບພາບທີ່ບອກໄດ້ເລີຍວ້າ ຕ້ອງຮ້ອງ ວ້າວວວ!!! ໃຜໄດ້ເຫັນຕ້ອງເຖິງຂັ້ນຕາລຸກເປັນໄຟກັບຄວາມ Hot ຮ້ອນແຮງ… ເດະໆໆ ເວົ້າແບບນີ້ແຟນໆຄົງຢາກຈະເຫັນກັນແລ້ວແມ່ນບໍ່? ຊະນີIndy ຈະບໍ່ຂໍເວົ້າຍາວເດີ້ ມາເບິ່ງຮູບພາບຂອງສາວ  ກີ້ ທັດສະໄນ ລາມາງກຸນ ກັບເຊັດນີ້ທີ່ຕ້ອງຂໍຍົກໂປ້ໃຫ້ໃນຄວາມໝັ້ນໃຈ ແລະ ເຊັກຊີ່ຂອງນາງອີຫລີເດີ້!!! (ຝາກ!!! ໜຸ່ມໆກຽມທິດຊູໄວ້ເຊັດນໍ້າລາຍແດ່ກໍດີເດີ້ ອິອິ) ຂໍຂອບໃຈຮູບພາບຈາກ: KY Ramangkoun , Saengsuriya Kanhajorn

ຂວັນໃຈຂອງທຸກຄົນ “ໜ້າກາກຊາກຸລະ” ຫຼື ອາເລັກແຊນດຼ້າ ທິດາວັນ ບຸນຊ່ວຍ ນັກຮ້ອງສາວຊື່ດັງຫຼາກຫຼາຍຄວາມສາມາດຈາກລາວເຮົາ ຫຼັງຈາກໄດ້ໄປອອກລາຍການ The mask single3 ເພື່ອໂຊຄວາມສາມາດ ນິດໃສ ໃນຫຼາຍໆດ້ານທີ່ຫຼາຍໆຄົນຍັງບໍ່ຮູ້ພາຍໃຕ້ໜ້າກາກ, ໃນລາຍການ ໜ້າກາກຊາກຸລະ ກໍຮ້ອງທັງໝົດ 2 ເພງຄື “Dangerous woman” ແລະ “ຄິດຮອດ” ແຕ່ກໍເສຍດາຍທີ່ເສຍໃຫ້ “ໜ້າກາກແອັບເປີ້ນ” ແລະ ໄດ້ຖອດໜ້າກາກໃນທີ່ສຸດ, ຫຼ້າສຸດຫຼັງຈາກທີ່ຖອດໜ້າກາກແລ້ວ ອາເລັກແຊນດຼ້າ ຈາກທີ່ເຄີຍດັງຢູ່ແລ້ວ ກໍຍິ່ງດັງເຂົ້າໄປອີກເພາະມີແຟນຄລັບໃຫ້ຄວາມສົນໃຈ ແລະຕິດຕາມກັນຢ່າງຫຼວງຫຼາຍ ທັງຍັງຊົມເຊີຍໃນຄວາມສາມາດສະເພາະຕົວຂອງນາງ ແລະ ໃນໄວໆນີ້ ອາເລັກແຊນດ້າ ກຳລັງຈະມີຜົນງານຜ່ານລາຍການ “ໄມທອງຄຳ” ໂດຍນາງໄດ້ໄປໂຊໂຕທັງຮ້ອງເພງ ແລະ ຫຼິ້ນໄວໂອລີນ ແຖມຍັງໃສ່ຊຸດໄໝລາວງາມໆໄປອີກດ້ວຍ ແຕ່ລາຍການຍັງບໍ່ໄດ້ອອນແອ, ດັ່ງນັ້ນ Kuanjai ເຮົາກໍບໍ່ພາດທີ່ຈະເອົາຮູບຂອງ ຊຸບເປີສະຕາ ສາວຄົນນີ້ມາຝາກເປັນນໍ້າຈິ້ມໄປກ່ອນ ສ່ວນວ່າລາຍການອອກອາກາດມື້ໃດນັ້ນ ສັນຍາເລີຍວ່າຈະເອົາມາຝາກແຟນໆແນ່ນອນ!!! #ໃຜເປັນແຟນຄລັບໜ້າກາກຊາກຸລະຢ່າລືມແຊຣໄປເປັນກຳລັງໃຈນາງແດ່ ຮູບພາບ: Alexandra …

ງາມເດ!!! ລູກນໍ້າ ທິດາລັດ ວົງສິລິ ດາລາ-ນັກສະແດງຈາກລາວເຮົາ ເດີນທາງຮ່ວມງານ “Tourism EXPO Japan 2017” ທີ່ ເມືອງ ໂຕກຽວ ປະເທດ ຍີ່ປຸ່ນ ເຊິ່ງງານດັ່ງກ່າວເປັນມະຫາກໍາທ່ອງທ່ຽວທີ່ໃຫຍ່ທີ່ສຸດຂອງຍີ່ປຸ່ນ ແລະ ໃຫຍ່ທີ່ສຸດຂອງອາຊີ ພາຍໃນງານກໍຈະມີບັນດາບູດການທ່ອງທ່ຽວທົ່ວປະເທດຍີ່ປຸ່ນຂອງແຕ່ລະແຂວງ ແລະ ຍັງມີບັນດາບູດຂອງຕົວແທນແຕ່ລະປະເທດໃນທົ່ວໂລກອີກດ້ວຍ .  ໂດຍສາວ ລູກນໍ້າ ກໍໄດ້ນຸ່ງຊຸດໄໝລາວປະຍຸກທີ່ມີຄວາມລຽບຫຼູ ເບິ່ງແລ້ວງາມຫຼາຍ ແລະ ລູກນໍ້າຍັງໄດ້ນຸ່ງຊຸດປະຍຸກ ເຈົ້າຍິງຊົນເຜົ່າໄທແດງ ຈົນເຮັດໃຫ້ຜູ້ທີ່ມາຮ່ວມງານຈາກທົ່ວໂລກໃຫ້ຄວາມສົນໃຈ ແລະ ຂໍຖ່າຍຮູບຢ່າງຫຼວງຫຼາຍ. ນອກຈາກນັ້ນ ລູກນໍ້າ ຍັງມີການຈັດງານ Meet and greet ໃຫ້ແຟນຄລັບທັງຊາວລາວ ແລະ ຍີ່ປຸ່ນ ໄດ້ຮ່ວມໃກ້ຊິດອີກດ້ວຍ!!! #ແຊຣໄປໃຫ້ໂລກຮູ້ເຖິງຄວາມເປັນລາວ   ລູກນໍ້າ ກັບແຟນຄລັບ ໜ້າຮັກຫຼາຍໆ ທີ່ມາ: Louknum Vongsili