ຂ່າວບັນເທີງໃນປະເທດ

ຈີ່ຈີ່ Net idol ເປີດໂຕແຟນແລ້ວ ໜ້າຕາແບບວ່າ… Net idol ຜູ້ທີ່ມີຊື່ສຽງໂດ່ງດັງຖ້າເວົ້າເຖິງຊື່ສາວ ຈີ່ຈີ່ ກໍຄົງຈະບໍ່ມີໃຜທີ່ບໍ່ຮູ້ຈັກນາງ ເພາະນາງມີຄວາມໜ້າຮັກ ແລະ ງາມໃນແບບທີ່ບໍ່ຕ້ອງເພິ່ງສັນຍະກຳຫຼາຍເທົ່າກັບ Net idol ຄົນອື່ນ, ໄລຍະນີ້ນາງກຳລັງໄປສຶກສາຕໍ່ທີ່ ລອນດອນ ປະເທດ ອັງກິດເຊິ່ງ “ຊະນີIndy” ກໍເປັນຄົນໜຶ່ງທີ່ມັກເຂົ້າໄປສ່ອງ IG ຂອງນາງແຕ່ກໍຕ້ອງສະດຸດຕາກັບຮູບຄູ່ນັ້ນນີ່ທີ່ນາງໄດ້ໂພສ (Post) ພ້ອມກັບແຄ໋ບຊັນ (Caption) ຫວານໆເລື້ອຍໆ ຈົນເຮັດໃຫ້ແຟນຄລັບຂອງນາງພາກັນມາສະແດງຄວາມຄິດເຫັນເຖິງຄວາມໜ້າຮັກ ບາງຄົນກໍວ່າມີຄວາມອິດສາທັງສອງຄົນທີ່ດຸໜັ່ນສ້າງຄວາມຮັກຫວານເວີ້. “ຊະນີIndy” ກໍບໍ່ໄດ້ເຂົ້າໄປສ່ອງລ້າໆແຕ່ກໍຍັງນໍາເອົາຮູບພາບຫວານໆຂອງສາວຈີ່ຈີ່ ແລະ ຜູ້ຊາຍຂອງນາງ (ແຟນ) ມາຝາກນໍາວ່າຈະງາມຈະຫຼໍ່ສົມກັນພຽງໃດ. ພາບຈາກ: chichiscl  ແລະ sl_blvcklist

ບ່າຍໆວັນ ອັງຄານ ແບບນີ້ບໍ່ຕ້ອງຊີລຽດໄປເດີ້ແຟນໆ ລອງມາຫຼິ້ນເກມທວາຍກັນເບິ່ງວ່ານີ້ແມ່ນຮູບຄົນດັງຄົນໃດ? ມື້ນີ້ເຮົາຈະມາຫຼິ້ນເກມທວາຍວ່າຮູບຂອງເດັກນ້ອຍຄົນນີ້ແມ່ນດາລາທ່ານໃດ? 1. ໄກ່ ໂອເວີ້ແດ້ນ 2. ແອນນິຕ້າ 3. ບາບີ້ ປິຍະມາດ 4. ລູກນ້ຳ ທິດາລັດ ລອງທວາຍກັນຫຼິ້ນໆເບິ່ງເດີ້ວ່າຈະແມ່ນດາລາຍິງທ່ານໃດ?  ຄຳຕອບກໍຄື………ສາວ ລູກນ້ຳ ທິດາລັດ ວົງສິຣິ ກັບແມ່ສຸດທີ່ຮັກຂອງນາງນັ້ນເອງ!!! ທີ່ມາຮູບພາບຈາກ: Louknum Miss Laos

ສາວຫຼິງຫຼິງ ປີຍະດາ ມາໃນຊຸດລາວສຸດອະລັງການ ວ້າວໆໆ…ງາມຫຼາຍໆສຳລັບສາວ ຫຼິງຫຼິງ ປິຍະດາ ທີ່ຫຼ້າສຸດນາງໄດ້ໂພສຮູບທີ່ເຮັດໃຫ້ຕະລຶງໃນຄວາມງາມໄປຕາມໆກັນເຊິ່ງນາງມາໃນ Look ແບບລາວໆ ຊຸດໄໝລາວຈົນເຮັດໃຫ້ລືມໄປເລີຍວ່ານາງເປັນສາວງາມປະເພດສອງ ແລະ ເຊື່ອເລີຍວ່າແມ່ຍິງຫຼາຍໆຄົນຕ້ອງມີຄວາມອິດສາໃນຄວາມເລີດ ຄວາມງາມທີ່ຫາບ່ອນຕິບໍ່ໄດ້ຂອງນາງ ຈະງາມຊໍ່າໃດນັ້ນມາເບິ່ງດ່ວນ! ພາບຈາກ: lingpiyadar

ດາລາສາຍເຮຮາ ແຈ້ງເກີດໄດ້ຍ້ອນຄວາມຕະຫຼົກ! ໂດຍ: “ຊະນີIndy” ຄົງຈະຄຸ້ນໜ້າຄຸ້ນຕາກັນດີ ກັບດາລາຍິງສາຍເຮຮາຄົນນີ້ ອາມມີ່ ໄຊຊະນະວົງເພັດ ເພາະນາງກໍມີຜົນງານຫຼາກຫຼາຍ ແຕ່ນັ້ນບໍ່ແມ່ນປະເດັນທີ່ຈະມາພັນລະນາຜົນງານຂອງນາງແຕ່ຢ່າງໃດເພາະ “ຊະນີIndy” ໄດ້ມັກສັງເກດເຫັນນາງມັກໂພສຮູບພ້ອມກັບແຄັບຊັ່ນ (Captoin) ແນວຕະຫຼົກ ເຮຮາເຮັດໃຫ້ມີແຟນໆເຂົ້າມາກົດໄລ້ກົດແຊຣ (share) ຮູບຂອງນາງຢ່າງຫຼວງຫຼາຍ ດັ່ງນັ້ນ ສາເຫດທີ່ເຮັດໃຫ້ນາງສາມາດແຈ້ງເກີດ ນອກຈາກຄວາມສາມາດແລ້ວ ກໍແມ່ນຄວາມໂດດເດັ່ນແນວຕະຫຼົກເຮຮາຂອງນາງນັ້ນເອງ ບາງເທື່ອ “ຊະນີIndy” ວ່າຈະເປັນດາລາ ຫຼື ເປັນຄົນທຳມະດາກໍບໍ່ຈຳເປັນທີ່ຈະຕ້ອງໜ້າຕາດີຢ່າງດຽວ ຂໍແຕ່ກ້າເປັນຕົວເອງ ໝັ້ນໃຈໃນທາງທີ່ດີ ມີແນວຄິດສ້າງສັນ ບໍ່ສ້າງຄວາມເດືອດຮ້ອນໃຫ້ແກ່ຄົນອ້ອມຂ້າງ ພຽງເທົ່ານີ້ໂອກາດດີໆກໍອາດຈະມາຫາເຮົາເອງໂດຍທີ່ບໍ່ຕ້ອງສະແຫວງຫາ.   “ປີນຂືນໄປເພືອຫມາກກະທັນໂດຍສະເພາະ” “ຄິດຮອດຕົ້ມເປັດຢູ່ບ້ານ..,,ໃຜໃຈສີຕົ້ມໃຫ້ກີນອີກນໍ” “ຄັ້ງທຳອີດທີ່ໄດ້ຂີ້ຊ້າງ ຕື່ນເຕັ້ນຫລາຍ” “ເຮັດສວນຢູ່ນິແຕ່ນອ້ຍຈົນໃຫ່ຍ .ຜັກປອດສານພິດ” “ກີນກະແລ໋ມ..ທ້າລົມຫນາວ ກະແລ໋ມໂຄດຫນ້າຮັກຈົນສີບໍ່ກ້າກີນ” “ຂະຫນາດຄຳແກ້ວເປັນງູ ທົດສະພົນກະຍັງຮັກ ຂອ້ຍເປັນຄົນຄັກຄັກຄືບໍ່ມີໃຜມາຮັກຂອ້ຍແດ” ຮູບພາບຈາກ: Armmy Saysanavongphet

ເຈ້ຍ ປາສິຟິກ ເປີດກ້ອງຮູບເງົາເລື່ອງໃໝ່ ລວມດາລາດັງໆໄວ້ພ້ຽບ!!! ໂດຍ:  “ຊະນີIndy” ຜ່ານໄປແບບສົດໆຮ້ອນໆກັນເລີຍກັບພິທີໄຫ້ວຄູຂອງຮູບເງົາເລື່ອງ “ຫົງຫາມເຕົ່າ” ໃນວັນ 8 ມັງກອນ 2017 ທີ່ຜ່ານມາ, ເຊິ່ງມີນັກສະແດງ ແລະ ທີມງານເຂົ້າຮ່ວມເປັນຈຳນວນຫຼວງຫຼາຍນຳທີມໂດຍ ເຈ້ຍ ປາສິຟິກ, ລູກນ້ຳ ທິດາລັດ, ເບບີ້ ປິຍາມາດ, ອາມມີ່ ແລະ ອີກຈຳນວນຫຼາຍ, ເຊິ່ງໄດ້ຍິນມາວ່າເລື່ອງນີ້ນັກຮ້ອງສາຍຕະຫຼົກ ເຈ້ຍ ປາຊີຟິກ ເປັນທັງຄົນກຳກັບ ແລະ ຂຽນບົດເອງ ສ່ວນວ່າຮູບເງົາເລື່ອງນີ້ຈະອອກມາໃນແນວທາງໃດນັ້ນຈົ່ງລໍຖ້າຕໍ່ໄປເພາະເພິ່ນກຳລັງຢູ່ໃນຊ່ວງຖ່າຍທຳນັ້ນເອງ. “ຊະນີIndy” ບໍ່ໄດ້ມາອັບເດດສູ່ຟັງລ້າໆໃດແຕ່ຍັງນຳເອົາພາບບັນຍາກາດມາໃຫ້ເພື່ອນໆໄດ້ເບິ່ງນຳ ລໍຖ້າຢູ່ເຮັດຫຍັງມາເບິ່ງເລີຍ…! ພາບຈາກ: Jear Pacific, B’Bie Piyamarth