ຂ່າວພາຍໃນ

ລັດວິສາຫະກິດນໍ້າປະປາ ນະຄອນຫຼວງວຽງຈັນ ໄດ້ອອກແຈ້ງການ ສະບັບເລກທີ 0982 ໃນວັນທີ 3 ກັນຍາ 2018 ທີ່ຜ່ານມາ ເຊິ່ງລາຍລະອຽດມີດັ່ງຕໍ່ໄປນີ້: “ລັດວິສາຫະກິດນໍ້າປະປາ ນະຄອນຫຼວງວຽງຈັນ ຂໍຖືເປັນກຽດຢ່າງສູງມາຍັງ ພະນັກງານ, ທະຫານ, ຕຳຫຼວດ, ພໍ່ແມ່ປະຊາຊົນ ແລະ ທົ່ວທຸກຫົວໜ່ວຍທຸລະກິດທຸກພາກສ່ວນ ຢູ່ນະຄອນຫຼວງວຽງຈັນຊາບວ່າ: ການສະໜອງນໍ້າປະປາຈະບໍ່ເປັນປົກກະຕິຍ້ອນສະພາບນໍ້າຂອງມີຄວາມຂຸ່ນສູງເກີນມາດຕະຖານການຜະລິດ ຂອງໂຮງງານຜະລິດນໍ້າປະປາ ເຊິ່ງອາດຈະສົ່ງຜົນຕໍ່ການຜະລິດ-ສະໜອງນໍ້າປະປາຢູ່ບາງເຂດ ບໍ່ປົກກະຕິ ແລະ ພຽງພໍຕໍ່ການຊົມໃຊ້ພາຍໃນ ນະຄອນຫຼວງວຽງຈັນ ໃນໄລຍະລະດູຝົນນີ້, ສະນັ້ນ ຈຶ່ງແຈ້ງມາຍັງທ່ານເພື່ອກະກຽມໂຕ່ງນໍ້າໄວ້ຊົມໃຊ້ໃຫ້ພຽງພໍ ຈົນກວ່າການຜະລິດ-ສະໜອງນໍ້າ ຈະເຂົ້າສູ່ສະພາບປົກກະຕິ” ດັ່ງນັ້ນ, ຈຶ່ງແຈ້ງມາຍັງທ່ານເພື່ອຮັບຊາບ ແລະ ຂໍອະໄພໃນຄວາມບໍ່ສະດວກ ຂອງການບໍລິການນໍ້າປະປາ ໃນໄລຍະນີ້ດ້ວຍ. ທີ່ມາ: Support Prime Minister Thongloun Sisoulith

ສີມືຄົນລາວບໍ່ແພ້ຊາດໃດໃນໂລກ!!! ມາຮ່ວມສົ່ງກຳລັງໃຈໃຫ້ທີມ Graphic Design ຈາກປະເທດລາວເຮົາທີ່ເດີນທາງໄປຮ່ວມງານແຂ່ງຂັນ “World Skills ASEAN Bangkok 2018” ງານແຂ່ງຂັນສີມືແຮງງານ, ເຊິ່ງໃນປີນີ້ລາວເຮົາມີສາຂາ “Graphic Design” ເຂົ້າຮ່ວມແຂ່ງຂັນ ແລະ ໃນວັນທີ 31 ສິງຫາ 2018 ກໍຈະເປັນມື້ແຂ່ງຂັນມື້ທຳອິດ. ຢ່າງໃດຄົນລາວເຮົາກໍຢ່າລືມຊ່ວຍເຊຍນັກ Graphic Design ທີມລາວ. #ຮັກລາວເຊຍລາວ #ລາວສູ້ໆ ທີ່ມາ: Graphic JipJip

ໃນວັນທີ 25 ສິງຫາ 2018 ທີ່ຜ່ານມາ ໄດ້ມີເພສເຟສບຸກ ນະຄອນຫລວງພຣະບາງ Luangprabang City ໄດ້ລາຍງານສະພາບເສັ້ນທາງແຄມແມ່ນໍ້າຄານທີ່ນະຄອນຫຼວງພະບາງ ເຂດ ບ້ານ ຄີລີ-ຊຽງທອງ  ຕັ້ງແຕ່ບ້ານວັດແສນ ຫາຜາມຕຳນັກ (ຜາມໄຊ) ເຊິ່ງໄດ້ມີເຫດການດິນເຈື່ອນ. ເຊິ່ງເພສດັງກ່າວຍັງໄດ້ໂພສຮູບພາບ ພ້ອມຄຳອະທິບາຍວ່າ:  “ມື້ຄືນນີ້ ວັນທີ່ 25/08/2018 ເສັ້ນທາງແຄມຄານແຖວບ້ານຄີລີ-ຊຽງທອງ ຕັ້ງແຕ່ບ້ານວັດແສນ ຫາຜາມຕຳນັກ ( ຜາມໄຊ ) ໄດ້ເຈື່ອນລົງ ພໍ່ຕື່ນເຊົ້າມາມື້ນີ້ ວັນທີ່ 26/08/2018 ກໍ່ເຫັນສະພາບ ແບບນີ້ ເພາະທາງນີ້ມີບັນຫາ ການຍຸບຕົວມາຫລາຍປີແລ້ວ ຍ້ອນຂາດການເປັນເຈົ້າການໃນການປົກປັກຮັກສາ ແລະນ້ຳຄານຂຶ້ນຫລາຍອີກດ້ວຍ ດັ່ງນັ້ນຈຶ່ງຂໍຮຽກຮ້ອງໃຫ້ໂຍທາ ນະຄອນຫລວງພຣະບາງ , ໄຟຟ້າລາວ ສາຂານະຄອນຫລວງພຣະບາງ ແລະ ສາຍໂທລະສັບຈາກບໍລິສັດຕ່າງໆ ມາເບິ່ງແລະປົວແປງໂດຍດ່ວນ ເພາະອີກບໍ່ຈັກມື້ຂ້າງຫນ້ານີ້ ຄືວັນທີ່ 09/09/2018 ນີ້ກໍ່ຈະຮອດມື້ບຸນຊ່ວງເຮືອເດືອນເກົ້າ …

ໃກ້ເຂົ້າມາແລ້ວກັບການສອບເສັງເຂົ້າຮຽນທີ່ ມະຫາວິທະຍາໄລແຫ່ງຊາດ ສົກຮຽນ 2018-2019 ໃນວັນທີ 25 ສິງຫາ 2018 ນີ້, ສຳລັບນ້ອງໆທີ່ຍັງບໍ່ຮູ້ຈຸດສອບເສັງ ແລະ ຕາຕະລາງການສອບເສັງ ມື້ນີ້ ຂວັນໃຈ ເຮົາກໍ່ບໍ່ພາດທີ່ຈະໄປຊອກຫາຂໍ້ມູນມາຝາກນ້ອງໆ ລອງເຂົ້າເບິ່ງຕາມລາຍລະອຽດດັ່ງລຸ່ມນີ້ເລີຍ… (ຢ່າລືມແຊຣເກັບໄວ້ເບິ່ງເດີ້ນ້ອງໆ) ຕາຕະລາງສອບເສັງໃນວັນທີ 25.82018 ແລະ ແຜນທີ່ຈຸດສອບເສັງທັງໝົດ ⚠️ ໃຫ້ນ້ອງນັກຮຽນສັງເກດປ້າຍສີຝ້າແຕ່ລະຈຸດສອບເສັງຈະບອກທາງໄປຫ້ອງສອບ ? ສຳລັບໃຜບໍ່ຮູ້ສະຖານທີສອບເສັງຕົນເອງແມ່ນໃຫ້ໃຊ້ໂທລະສັບ ສະແກນ QRCode ໃນບັດສອບເສັງໃດ້ເລີຍ ? ເບິ່ງວີດີໂອວິທີສະແກນhttps://www.facebook.com/NUOLOFFICIAL/videos/216689845669628/ ? ອ່ານລາຍລະອຽດໃຊ້ແອັບຫຍັງແດ່ແມ່ນກົດບ່ອນນີ້http://lesstalk.nirankoon.com/t/qrcode/27?u=nirankoon ທີ່ມາ: ຂ່າວສານ ມຊ NUoL News

ມາຍ້ອນເບິ່ງພາບເກົ່າ ຈາກເຫດນໍ້າຖ້ວມຄັ້ງໃຫ່ຍທີ່ ນະຄອນຫຼວງວຽງຈັນ ຕັ້ງແຕ່ປີ 1966, ເຊິ່ງພາບດັ່ງກ່າວໄດ້ຖືກເປີດເຜີຍຈາກຜູ້ໃຊ້ເຟສບຸກລາຍໜຶ່ງ ເຮັດໃຫ້ມີຄົນໃຫ້ຄວາມສົນໃຈກົດໄລ້ ແຊຣ ແລະ ສະແດງຄວາມຄິດເຫັນກັນຢ່າງຫຼວງຫຼາຍ. (ມີຄລິບ) Posted by Gonzalo Cancino on Monday, August 20, 2018 ນ້ໍາຖ້ວມຢູ່ວຽງຈັນ ປີ໑໙໖໖ (Part 2) Posted by Gonzalo Cancino on Monday, August 20, 2018 ທີ່ມາ: Gonzalo Cancino