ໄວໜຸ່ມ

ມາອັບເດດຜົນງານຂອງສິລະປິນລາວ ຫຼ້າສຸດ ຕານຸ ວັນນະສິນ ໄດ້ປ່ອຍເພງ “ຢາກໃຫ້ກັບມາ” ມາໃຫ້ແຟນໆໄດ້ຟັງກັນແບບຊຶ້ງໆກິນໃຈ ແລະ ພໍແຕ່ປ່ອຍບໍ່ພຽງເທົ່າໃດມື້ ກໍເຮັດໃຫ້ມີກະແສ ແລະ ເປັນບົດເພງລາວທີ່ມີຄົນເວົ້າເຖິງຫຼາຍທີ່ສຸດໃນເວລານີ້… (ມີເພງ “ຢາກໃຫ້ກັບມາ” ມາຝາກແຟນໆທຸກຄົນ ລອງມາຟັງກັນ…) ສຳລັບ ຕານຸ ວັນນະສິນ ກ່ອນໜ້ານີ້ແມ່ນໄດ້ປ່ອຍຜົນງານເພງ “ເຫຼືອໄວ້ແຕ່ນໍ້າຕາ” ເຊິ່ງກໍເຮັດໃຫ້ມີຍອດວິວທາງ Youtube ກັນຢ່າງຫຼວງຫຼາຍ ແລະ ໃນວັນທີ 26 ພຶດສະພາ 2019 ທີ່ຜ່ານມາ ກໍໄດ້ປ່ອຍບົດເພງ “ຢາກໃຫ້ກັບມາ” ເປັນບົດເພງທີ່ 2. ໄດ້ຟັງເພງ “ຢາກໃຫ້ກັບມາ”  ແລ້ວຮູ້ສຶກມ່ວນ ຊຶ້ງກິນໃຈສຸດໆເລີຍແມ່ນບໍ່? ຢ່າງໃດ! ກໍຝາກແຟນໆເປັນກຳລັງໃຈໃຫ້ສິລະປິນລາວກັນຫຼາຍໆໂລດເດີ້ ເຮົາຄົນລາວສະໜັບສະໜູນຜົນງານຄົນລາວນຳກັນເນາະ. ທີ່ມາຄລິບ: Tanu Vannasin

ມາອັບເດດ Instagram ຂອງ ວີ ວິໂອເຣັດ ວໍເທຍ ນັກຮ້ອງ/ນັກສະແດງຊື່ດັງຈາກປະເທດໄທ ເມື່ອບໍ່ດົນມານີ້ນາງກໍໄດ້ເດີນທາງມາທີ່ ນະຄອນຫຼວງວຽງຈັນ ປະເທດລາວ ເພື່ອພົບພໍ້ກັບແຟນໆຊາວລາວ ແລະ ຈັດມິນິຄອນເສີດຢ່າງອົບອຸ່ນ… ຫຼ້າສຸດ ວີ ວິໂອເຣັດ ກໍໄດ້ໂພສຮູບພາບ ແລະແຄັບຊັ່ນຄວາມປະທັບໃຈທີ່ມີຕໍ່ແຟນໆຊາວລາວວ່າ: “Thank you for shout-singing with me for the last two nights. You guys were awesome. Love love love Laos” ເຊິ່ງມີຄວາມໝາຍວ່າ: ຂອບໃຈສຳລັບການຮ້ອງເຊຍ-ຮ້ອງເພງ ໄປພ້ອມໆກັນກັບຂ້ອຍໃນ 2 ຄໍ່າຄືນທີ່ຜ່ານມາ, ພວກເຈົ້າສຸດຍອດຫຼາຍໆ. ຮັກ ຮັກ ຮັກ ປະເທດລາວ ຈົນເຮັດໃຫ້ໂພສດັ່ງກ່າວມີແຟນໆທັງລາວ ແລະ ໄທ ເຂົ້າໄປສະແດງຄວາມຄິດເຫັນ ແລະ ຕອບກັບວ່າ …

ເຊື່ອວ່າຄົງຈະບໍ່ມີໃຜຢາກໃຫ້ສີຜົມທີ່ຍ້ອມມາງາມໆ ຫຼຸດໄປຢ່າງໄວວາ ຫຼື ສີຜິດໄປຈາກເກົ່າ ໄດ້ຍ້ອມຜົມສີງາມໆທັງທີກໍຢາກຈະໃຫ້ມັນຢູ່ໄດ້ດົນໆ, ດັ່ງນັ້ນ ລອງມາເບິ່ງວິທີເບິ່ງແຍງເສັ້ນຜົມຫຼັງຍ້ອມກັນດີກວ່າ ຮັບຮອງຜົນລັບດີແນ່ນອນ… ຫຼັງຈາກຍ້ອມສີຜົມຮຽບຮ້ອຍແລ້ວ ບໍ່ຄວນຟ້າວສະຜົມ ຄວນລໍຖ້າປະມານ 72 ຊົ່ວໂມງຈຶ່ງເລີ່ມສະຜົມ ເພາະເມື່ອມີການຍ້ອມ ເສັ້ນຜົມຈະເປີດຮັບສີທີ່ຍ້ອມ ແຕ່ຖ້າຫາກສະຜົມໄວຈົນເກີນໄປສີຜົມກໍຈະຫຼຸດ ແລະ ຜິດສີໄດ້ງ່າຍ ຢ່າໃຊ້ນໍ້າອຸ່ນ ຫຼື ຮ້ອນສະຜົມເດັດຂາດ ເພາະເມື່ອເສັ້ນຜົມຖືກນໍ້າຈະເຮັດໃຫ້ເສັ້ນຜົມເປີດ ເມື່ອສະຜົມກໍຈະເຮັດໃຫ້ສີຜົມຫຼຸດອອກມາໄດ້ງ່າຍ ເປັນທີ່ມາຂອງສີຜົມທີ່ບໍ່ຕິດທົນ ຢ່າສະຜົມຫຼາຍຈົນເກີນໄປ ເພາະນອກຈາກຈະເຮັດໃຫ້ຄວາມຊຸ່ມຂອງເສັ້ນຜົມຫຼຸດລົງ ຍັງເຮັດໃຫ້ສີຜົມບໍ່ຕິດທົນນານ ຄວນສະຜົມອາທິດລະ 2-3 ເທື່ອ ຫຼັງເຮັດສີຜົມຈະດີກວ່າ ກ່ອນທີ່ຈະໃຊ້ອຸປະກອນເຮັດຜົມທີ່ມີຄວາມຮ້ອນ ແນະນຳວ່າຄວນໃຊ້ສະເປ ຫຼື ຄຣີມປ້ອງກັນເສັ້ນຜົມຈາກຄວາມຮ້ອນກ່ອນ ເພື່ອບໍ່ໃຫ້ເສັ້ນຜົມແຫ້ງ ກ່ອນຍ້ອມຜົມຄວນຕັດເລັມປາຍທີ່ແຕກ ແລະ ແຫ້ງອອກເສຍກ່ອນ ເພາະນອກຈາກຈະກຳຈັດຜົມທີ່ແຫ້ງ ເສຍອອກໄປແລ້ວ ຍັງຈະຊ່ວຍໃຫ້ຜົມທີ່ຍ້ອມມີສີທີ່ງາມ ພະຍາຍາມຢ່າໃຫ້ຜົມຖືກຄໍລີນຫຼາຍຈົນເກີນໄປ ເພາະຄໍລີນຈະກັດສີຜົມ ດັ່ງນັ້ນຖ້າຫາກມີການລອຍນໍ້າອາດຈະໃສ່ໝວກເພື່ອປ້ອງກັນ ແລະ ເມື່ອລອຍນໍ້າແລ້ວກໍຄວນສະຜົມ ແລະະ ໃສ່ຄຣີມບຳລຸງໃຫ້ໄວທີ່ສຸດ. ທີ່ມາ: https://women.mthai.com/hair/hair-to-do/373621.html

ມາເລີ່ມຕົ້ນຂ່າວດີສົ່ງທ້າຍເດືອນ ພຶດສະພາ 2019 ຫຼ້າສຸດ ອາໂກ້ຍ ວັນນະກອນ  Mister United World Laos 2019 ກໍຄວ້າລາງວັນ “Best Photogenic” ຈາກງານປະກວດ Mister United World 2019 ຢູ່ປະເທດໄທ ມາຝາກຄົນລາວທຸກໆຄົນແບບສົດໆຮ້ອນໆ. Mister United World Laos 2019 ເຊິ່ງປີນີ້ໄດ້ແກ່ ອາໂກ້ຍ ວັນນະກອນ  ຈາກແຂວງ ຈຳປາສັກ ເຊິ່ງໄດ້ເປັນໂຕແທນປະເທດລາວໄປຮ່ວມປະກວດໃນເວທີ “Mister United World 2019” ຢູ່ພັດທະຍາ ປະເທດໄທ ເຊິ່ງຕັດສິນໃນວັນທີ 26 ພຶດສະພາ 2019 ທີ່ຜ່ານມາ ແລະ ກໍບໍ່ເຮັດໃຫ້ຜິດຫວັງ ເພາະສາມາດຄວ້າລາງວັນ “Best Photogenic” ໃນເວທີ Mister United World 2019 ມາຝາກຄົນລາວທຸກໆຄົນ ຢ່າງໃດ! ກໍຂໍສະແດງຄວາມຍິນດີນຳຫຼາຍໆ #ແຊຣໄປໃຫ້ໂລກຮູ້ຄົນລາວເກັ່ງຫຼາຍ ຮູບພາບ: Mister United World …

ພໍຮອດງານເທສະການຮູບເງົາລະດັບໂລກນັ້ນກໍຄື ເທສະການຮູບເງົາເມືອງຄານ ທີ່ປະເທດ ຝຣັ່ງ ເຮົາອາດຈະຕິດພາບທີ່ວ່າເຄີຍເຫັນແຕ່ທີມຜູ້ສ້າງຮູບເງົາ ຫຼື ນັກສະແດງ ເຊເລັບຄົນດັງທີ່ເປັນຄົນຕ່າງຊາດໄປຮ່ວມງານ ໄປແລກປ່ຽນປະສົບການ ໄປຍ່າງພົມແດງ ແຕ່ມາຮອດປີ 2019 ເອີ້ນໄດ້ວ່າເປັນສິ່ງທີ່ຄົນລາວເຮົາພູມໃຈອີກໜຶ່ງຢ່າງ ເພາະໄດ້ມີຜູ້ກໍາກັບໜຸ່ມໄຟແຮງຈາກລາວ ໄຊສົງຄາມ ອິນດວງຈັນທີ ໄດ້ຖືກຄັດເລືອກຈາກ la Fabrique Cinéma ພ້ອມທັງໄດ້ໄປຮ່ວມງານເທດສະການຮູບເງົາເມືອງຄານ ປີ 2019 ທີ່ປະເທດ ຝຣັ່ງ, ເຊິ່ງໜຸ່ມຄົນນີ້ໄດ້ຮ່ວມເປັນໜຶ່ງໃນ 10 ຄົນສ້າງຮູບເງົາຈາກທົ່ວໂລກ ທີ່ຖືກເຊີນເຂົ້າຮ່ວມເທດສະການຮູບເງົາທີ່ເມືອງຄານ. ໄຊສົງຄາມ ອິນດວງຈັນທີ ໜຸ່ມລາວເຈົ້າຂອງບົດຮູບເງົາ ເອື້ອຍ (Raising a beast) ໄດ້ພົບປະກັບບັນດາຜູ້ສ້າງຮູບເງົາມືອາຊີບ ຝຣັ່ງ ແລະ ປະເທດຕ່າງໆ, ເພື່ອຄົ້ນຫາຜູ້ໃຫ້ທຶນສໍາລັບການຖ່າຍທໍາຜົນງານຮູບເງົາເລື່ອງຍາວເລື່ອງທໍາອິດ. ສຳລັບ ໄຊສົງຄາມ ອິນດວງຈັນທີ ຜູ້ກຳກັບໜຸ່ມໄຟແຮງຄົນນີ້ ຈົບການສຶກສາລະດັບປະລິນຍາຕີ ສາຂາສື່ສານມວນຊົນ ທີ່ປະເທດ ສິງກະໂປ ,ຈົບການສຶກສາປະລິນຍາໂທ ສາຂາສ້າງຮູບເງົາທີ່ ນິວຍອກ USA ພາຍໃຕ້ທຶນ …