News

ບໍ່ຄວນເບິ່ງຂ້າມ! ບັນຫາການລ່ວງລະເມີດທາງເພດທີ່ແມ່ຍິງ ແລະ ເດັກນ້ອຍຕ້ອງພົບຢູ່ເປັນປະຈໍາ… ດັ່ງປະສົບການທີ່ນັກຮ້ອງຊື່ດັງ ເລດີ່ ກາກ່າ ເຄີຍພົບ!!! ເຊື່ອວ່າແມ່ຍິງທຸກຄົນເຄີຍຖືກລ່ວງລະເມີດທາງເພດຢ່າງໜ້ອຍ 1 ຄັ້ງໃນຊີວິດ ບໍ່ວ່າຈະດ້ວຍສາຍຕາ, ວາຈາ ຫຼືການກະທໍາ ໃນລັກສະນະທີ່ສື່ເຖິງເລື່ອງເພດ; ເຊັ່ນດຽວກັນກັບນັກຮ້ອງຊື່ດັງ “ສະເຕຟານີ່ ໂຈແອນ ແອງເຈລີນາ ເຈີມານ໊ອດຕາ” ຫຼືທີ່ຮູ້ຈັກກັນດີໃນຊື່ ເລດີ່ ກາກ່າ (Lady Gaga) ສີລະປິນແນວ Pop ລູກເຄິ່ງອາເມຣິກາ-ອີຕາລີ່ ທີ່ໄດ້ອອກມາເລົ່າປະສົບການ ຖືກລ່ວງລະເມີດທາງເພດຕອນອາຍຸ 19 ປີ ເຊິ່ງເປັນໄລຍະທີ່ທຸກທໍລະມານທີ່ສຸດຂອງຊີວິດ ລາວຕ້ອງພົບກັບການຖືກລ່ວງລະເມີດທາງເພດພຽງລໍາພັງ ເຖິງວ່າຈະໄປຂໍຄໍາແນະນໍາຈາກບຸກຄົນທີ່ມີຊື່ສຽງໃນວົງການຫຼາຍຄົນ ແຕ່ທຸກຄົນກໍບໍ່ສາມາດທວງຄວາມຍຸຕິທໍາ ຫຼືແມ່ນແຕ່ແນະນໍາຊ່ອງທາງໃນການຮັກສາຈິດໃຈໃຫ້ລາວໄດ້, ລາວໄດ້ນັ່ງກ່າວໂທດຕົນເອງວ່າເປັນຍ້ອນການແຕ່ງຕົວ ແລະ ວີຖີຊີວິດຂອງລາວທີ່ນໍາໄປສູ່ຝັນຮ້າຍຄັ້ງນັ້ນ; ຈົນນໍາມາເຊິ່ງຄວາມທຸກທໍລະມານ ເປັນໂຣກຊຶມເສົ້າ, ໂຣກຈິດກັງວົນ ແລະໂຣກຄຼຽດຢ່າງໜັກ ລາວໃຊ້ເວລາເຖິງ 7 ປີໃນການບໍາບັດຈິດໃຈ ຈຶ່ງຫັນມາຍອມຮັບໃນຊີວິດ ແລະ ຕົວຕົນຂອງຕົວເອງອີກຄັ້ງ. ຫຼັງຈາກທີ່ເອົາຊະນະເຫດການສະເທືອນຂວັນໃນຄັ້ງນັ້ນໄດ້ສໍາເລັດ …

ໜຸ່ມ Choi Si Won ສິນລະປິນຊື່ດັງລະດັບໂລກ ເດີນທາງມາປະເທດລາວ ເພື່ອຮັບປະກັນເລື່ອງສິດທິເດັກນ້ອຍ ຕາມສົນທິສັນຍາຂອງ UNICEF… ເປັນກະແສຮືຮາສໍາລັບແຟນຄຣັບຊາວລາວ ກັບການມາຢ້ຽມຢາມປະເທດລາວຂອງສິນລະປິນລະດັບໂລກ ຄືໜຸ່ມ Choi Si Won (ນັກຮ້ອງ, ນັກສະແດງຊື່ດັງ ປະເທດ ເກົາຫລີໃຕ້) ໂດຍໜຸ່ມ Choi Si Won ໄດ້ເດີນທາງມາຮອດລາວໃນວັນທີ 10 ພະຈິກ ທີ່ຜ່ານມາ ແລະ ມີແຟນຄຣັບຊາວລາວໄປຖ້າຕ້ອນຮັບຢ່າງຄຶກຄື້ນ, ແຕ່ການເດີນທາງມາປະເທດລາວຂອງໜູ່ມ Choi Si Won ໃນຄັ້ງນີ້ ບໍ່ໄດ້ມາເພື່ອການສະແດງໃນຖານະສິນລະປິນແຕ່ຢ່າງໃດ ແຕ່ມາເພື່ອຮັບຕໍາແໜ່ງ “ທູດສັນທະວະໄມຕີ” ຂອງອົງການສະຫະປະຊາຊາດ (UNICEF) ປະຈໍາພາກພື້ນອາຊີ ແລະ ປາຊີຟິກ ໃນງານ ກອງປະຊຸມ ລະດັບສູງ ໂອກາດວັນຄົບຮອບ 30 ປີ ສົນທິສັນຍາ ວ່າດ້ວຍ ສິດທິເດັກ Lao …

ຈາກຄູ່ຈີ້ນໃນລາຍການ ມາເປັນຄູ່ແທ້ໃນປັດຈຸບັນ ແລະ ຈະເປັນຄູ່ຊີວິດໃນອະນາຄົດ “ນູ່ນີ່-ອ໊ອຟ”  ຖືວ່າເປັນຄູ່ຮັກ ທີ່ເລີ່ມຈາກຄູ່ຈິ້ນຈາກລາຍການເລຶອກຄູ່ Take me out Thailand (ປະເທດໄທ) ທີ່ຫຼາຍຄົນລຸ້ນມາຕະຫຼອດສໍາລັບສາວລາວ-ບ່າວໄທຄູ່ນີ້ ສາວ ນູ່ນີ່ ແລະ ໜຸ່ມ ອ໊ອຟ ເຊິ່ງທັງສອງຄົນນີ້ພົບຮັກກັນຍ້ອນລາຍການເລືອກຄູ່ (Take me out Thailand) ແລະ ທັງສອງຄົນກໍຖືກຍົກໃຫ້ເປັນຄູ່ຈິ້ນ (ຄົນທີ່ເໝາະສົມຈະເປັນແຟນກັນ) ຕັ້ງແຕ່ເຫັນກັນຄັ້ງທໍາອິດ ຫຼັງຈາກຜ່ານການວັດໃຈໃນລາຍການແລ້ວ ທັງສອງກໍຍັງຄົບຫາກັນໃນຖານະຄົນຮູ້ໃຈ ແລະ ມີແຟນຄຣັບທາງຊາວລາວ-ຊາວໄທ ລຸ້ນມາຕະຫຼອດວ່າມື້ໃດທັງສອງຈະເຂົ້າພິທີວິວາກັນຈັກເທື່ອ ຈົນໃນທີ່ສຸດ ຫຼັງຈາກເບິ່ງໃຈກັນມາເປັນເວລາ 2 ປີ ສາວນູ່ນີ່ ແລະ ໜຸ່ມອ໊ອຟ ກໍບໍ່ເຮັດໃຫ້ແຟນຄຣັບທັງສອງປະເທດຜິດຫວັງ… ເພາະໜຸ່ມອ໊ອຟໄດ້ຍົກຂັນໝາກຂ້າມແມ່ນໍ້າຂອງມາສູ່ຂໍສາວນູ່ນີ່ແລ້ວ ເມື່ອວັນເສົາ ວັນທີ 9 ພະຈິກ 2019 ທີ່ຜ່ານມາ ຕາມຮີດຄອງປະເພນີລາວ ເຊິ່ງກໍເຮັດໃຫ້ຫຼາຍຄົນຈິກໝອນນອນຟີນໄປອີກຮອບໜຶ່ງ. ແນວໃດກໍຂໍສະແດງຄວາມຍິນດີນໍາທັງສອງຫຼາຍໆເດີ່ …

ຮັກແທ້ແຕ່ຍັງຜິດກັນຍ້ອນເງິນ!! ເລື່ອງເງິນ-ຄໍາ ເຖິງວ່າມັນຈະບໍ່ສຳຄັນທີ່ສຸດໃນຊີວິດ ແຕ່ມັນກໍເປັນສິ່ງຈໍາເປັນທີ່ສຸດໃນຊີວິດ ຂອງທຸກຄົນ ເພາະສະນັ້ນ ຄວນຕົກລົງກັນ ກ່ອນຈະມີບັນຫາພາຍຫຼັງຕັດສິນໃຈໃຊ້ຊີວິດຮ່ວມກັນ. ສາວໆທີ່ກໍາລັງຈະຕັດສິນໃຈ ໃຊ້ຊີວິດຄູ່ ກະລຸນາ ຄິດໜ້ອຍໜຶ່ງກ່ອນເນາະ! ຢ່າເກງໃຈທີ່ຈະຖາມເຖິງການວາງແຜນເລື່ອງເງິນ ຂອງຄົນຮັກ ຖ້າບໍ່ຢາກຜິດກັນພາຍຫຼັງ ຄວນຖາມເຂົາກ່ຽວກັບການເງິນ ແລະ ຊ່ວຍກັນວາງແຜນຫຼືຕົກລົງເລື່ອງເງິນກ່ອນຕັດສິນໃຈໃຊ້ຊີວິດຄູ່ ຖ້າຫາກຕົກລົງກັນໃຫ້ເຂົ້າໃຈດີແລ້ວ ເຊື່ອໄດ້ວ່າເລື່ອງເງິນຈະບໍ່ມາເຮັດໃຫ້ຄວາມຮັກຂອງທ່ານມີບັນຫາແນ່ນອນ ໃຜຈະເປັນຄົນກໍາເງິນ?? ເປັນຄໍາຖາມທໍາອິດທີ່ຈະຕ້ອງລົມກັນໃຫ້ເຂົ້າໃຈທີ່ສຸດ ຖ້າຈະຕົກລົງແຕ່ງດອງກັນແລ້ວ ລາຍໄດ້ ແລະ ຊັບສິນຫຼັງຈາກແຕ່ງດອງ ຄວນຈະຕົກເປັນກອງກາງທັນທີ່ ການບໍລິຫານລາຍຮັບ-ລາຍຈ່າຍ ຄວນບໍລິຫານຮ່ວມກັນ ເພື່ອທັງສອງຈະໄດ້ມີສ່ວນຮັບຜິດຊອບຮ່ວມກັນ. ຕົກລົງກັນແລ້ວກໍຄວນມີຂໍ້ຈໍາກັດໃນການໃຊ້ເງິນ. ເພື່ອບໍ່ໃຫ້ມີບັນຫາກັນໃນໄລຍະຍາວ ທັງສອງຄວນລົມກັນເລື່ອງລາຍຈ່າຍໃນຊີວິດປະຈໍາວັນວ່າ ມີຫຍັງແດ່? ອັນໃດທີ່ຄວນເພີ່ມ-ຄວນຫຼຸດ ຫຼື ຄວນອອກກັນ ເພື່ອຄວາມສົມດຸນຂອງຊີວິດຄູ່. ເລື່ອງໜີ້ເປັນສິ່ງສຳຄັນທີ່ສຸດ!! ເລື່ອງໜີ້ ຫຼາຍຄົນເກືອບຕາຍຍ້ອນບໍ່ຮູ້ວ່າ ຄົນຮັກຂອງຕົນເປັນໜີ້ຫຼາຍປານໃດ ຖ້າຮັກກັນແທ້ ຄວນຍອມຮັບວ່າ ມີໜີ້ຫຍັງແດ່? ເທົ່າໃດ? ຍ້ອນຫຍັງຈິ່ງເປັນໜີ້? ຄວນບອກກັນໃຫ້ລະອຽດ ບໍ່ແມ່ນມາບອກຫຼັງແຕ່ງດອງ ເພາະຖ້າຮູ້ຫຼັງແຕ່ງດອງວ່າເປັນໜີ້ …

ສ່ອງ!!! ຄູ່ຮັກເນັດໄອດໍ້ສາວລາວ-ບ່າວໄທ “ອ໊ອຟ-ນູ່ນີ່” ຫວານແຮງຈົນແຟນຄຣັບພາກັນລຸ້ນວ່າມື້ໃດຈະແຕ່ງ… ເມື່ອເວົ້າເຖິງຄູ່ຮັກເນັດໄອດໍ້ ສາວລາວ-ບ່າວໄທ ຄູ່ທໍາອິດທີ່ຈະຄິດພໍ້ຄົງຈະໜີບໍ່ພົ້ນຄູ່ຮັກສຸດຫວານຄູ່ນີ້ ສາວນູ່ນີ່ ແລະ ໜຸ່ມອ໊ອຟ ທີ່ພົບຮັກກັນໃນລາຍການຊອກຄູ່ Take me out Thailand ແລະ ປັດຈຸບັນນີ້ກໍຍັງຮັກກັນດີ ແຖມຍັງເພີ່ມທະວີຄູນຄວາມຫວານຂຶ້ນນັບມື້ ຈົນຊາວເນັດ ແລະ ແຟນຄຣັບຕ່າງກໍລຸ້ນຢູ່ວ່າ ມື້ໃດຈະມີຂ່າວດີຈັກເທື່ອ. ແລະ ເມື່ອບໍ່ດົນມານີ້ທັງສອງກໍໄດ້ຄວງຄູ່ກັນໄປງານແຕ່ງດອງຂອງໝູ່ຄົນສະນິດຂອງສາວນູ່ນີ່ ນັ້ນກໍຄື ສາວສຸດາ ທີ່ໄດ້ແຕ່ງດອງໄປເມື່ອວັນເສົາແລ້ວນີ້ເອງ. ຍິ່ງເຫັນວ່າໝູ່ສະນິດເຂົ້າພິທີວິວາໄປແລ້ວແບບນີ້ ແຟນຄຣັບຍິ່ງເຊຍ ແລະ ລຸ້ນເຂົ້າໄປອີກ ເພາະຕັ້ງແຕ່ຄົບກັນເປັນແຟນກໍຈະວ່າ ທັງສອງແມ່ນໂຕຕິດກັນຕະຫຼອດ ບໍ່ວ່າຈະໄປເຮັດວຽກ ຫຼືອອກງານ ເຫັນນູ່ນີ່ຈະຕ້ອງເຫັນອ໊ອຟເກືອບວ່າທຸກງານເລີຍແຫຼະ… ໂອ໊ຍຍຍ ເວົ້າໄປແລ້ວກໍລັກອິດສານູ່ນີ່ເບົາໆທີ່ໄດ້ແຟນທັງຫລໍ່, ທັງເທ້ ແລະ ຮັກແບບສະເໝີຕົ້ນສະເໝີປາຍແບບນີ້!!! ເອົາເປັນວ່າຂໍອວຍພອນໃຫ້ທັງສອງຮັກກັນໄປດົນໆໆໆໆ ແອັດມິ້ນ ແລະ ແຟນຄຣັບຈະຄອຍເຊຍ, ຕິດຕາມຜົນງານ ແລະ ຖ້າມື້ທີ່ທັງສອງຕັດສິນໃຈເຂົ້າສູ່ປະຕຸວິວາກະແລ້ວກັນເດີ້!!!    ຂອບໃຈຮູບພາບຈາກ: …