News

ອ້າຍ ເອ ສຸພະໄຊ ຜູ້ຈັດການຂອງ Superstar ອໍ້າ ພັດຊະຣາພາ ໄຊເຊື້ອ ກໍມີໂອກາດໄດ້ເດີນທາງມາ ສປປ ລາວ ພ້ອມກັບດາລາສາວ, ຫຼ້າສຸດອ້າຍ ເອ  ກໍໄດ້ໂພສຄລິບທີ່ມີແຟນຄລັບສາວອໍ້າທີ່ໄປແຫ່ໃຫ້ກຳລັງໃຈສາວອໍ້າກັນຢ່າງເນື່ອງແໜ້ນ ພ້ອມຂຽນຄຳອະທິບາຍກ້ອງຄລິບວ່າ: “ມ່ວນຫຼາຍ ມີຄົນໄປຮ່ວມງານຫຼາຍ ເຫັນແບບນີ້ກໍປື້ມໃຈແທນນ້ອງອໍ້າ ອ້າຍເອເລີຍຢາກເກັບພາບບັນຍາກາດມາຝາກທຸກໆຄົນ ປະກົດວ່າເວລາແຍກຕົວອອກມາຖ່າຍແລ້ວກັບເຂົ້າໄປບໍ່ໄດ້ ເລີຍຕ້ອງໄດ້ຮ້ອງໃຫ້ນ້ອງອໍ້າມາຊ່ວຍ 555 ຂອບໃຈທຸກໆຄົນທີ່ ສປປ ລາວ ທີ່ໃຫ້ການຕ້ອນຮັບ” ຊະນີIndy ເອງກໍມີໂອກາດໄດ້ໄປງານນີ້ເຊັ່ນກັນ ແລະ ກໍມີໂອກາດໄດ້ເຈິທັງ ເອື້ອຍ ອໍ້າ ແລະ ອ້າຍ ເອ ເຊິ່ງທັງສອງກໍໜ້າຮັກດີ ແລະ ກໍແມ່ນຕາມທີ່ຄວາມ ອ້າຍ ເອ ເພິ່ນໄດ້ໂພສແທ້ ເພາະວ່າໃນງານມີຄົນໄປຮ່ວມເປັນຈຳນວນຫຼາຍ ເຮັດໃຫ້ ອ້າຍ ເອ ເຖິງຂັ້ນເກືອບຂຶ້ນລົດບໍ່ທັນພຸ້ນລະ ເພາະຊົ່ວຈະຝ່າກອງທັບແຟນຄລັບໄປໄດ້ບໍ່ແມ່ນເລື່ອງງ່າຍເລີຍແມ່ນບໍ່ ອ້າຍ ເອ 555. …

ດັ່ງທີ່ທຸກຄົນໄດ້ຮູ້ໄປແລ້ວວ່າມີໜຸ່ມສຸດເຈົ້າຊູ້ ທົດສະພອນ ສິດພາໄຊ (ອຸງ) ໄດ້ເດີນທາງໄປເປັນຕົວແທນປະເທດລາວໃນການແຂ່ງຂັນໃນເວທີ “MISTER NATIONAL UNIVERSE 2017”  ເຊິ່ງເປັນເວທີການປະກວດໃນລະດັບສາກົນມີທັງໝົດ 13 ປະເທດຈາກທົ່ວໂລກມາປະຊັນຄວາມເຈົ້າຊູ້ ຄວາມສະຫຼາດ ແລະ ຄວາມມີບຸກຂະລິກດີນັ້ນເອງ, ແລະ ໃນເວລານີ້ທາງກອງປະກວດກຳລັງຢູ່ໃນຊ່ວງເກັບຕົວ ແລະ ກໍໄດ້ມີການເປີດໂຕຊຸດປະຈຳຊາດຂອງແຕ່ລະປະເທດ ໃນນັ້ນກໍມີພາບຊຸດປະຈຳຊາດລາວ ເຊິ່ງຊຸດປະຈຳຊາດລາວເຮົາໄດ້ມີແຮງບັນດານໃຈໃນການອອກແບບມາຈາກວັນນະຄະດີເລື່ອງ “ສັງສິນໄຊ”, ດັ່ງນັ້ນລອງມາເບິ່ງຊຸດປະຈຳຊາດຂອງລາວທີ່ທາງໜຸ່ມອຸງໄດ້ເປັນຕົວແທນນຸ່ງໃນການປະກວດໃນເທື່ອນີ້ກັນເລີຍ! ສຳລັບການປະກວດ “MISTER NATIONAL UNIVERSE 2017” ໄດ້ເລີ່ມຕັ້ງແຕ່ 5-13 ມິຖຸນາ 2017 ທີ່ຫົວຫິນ ປະເທດໄທ!!! #ແຊຣໄປເພື່ອເປັນກຳລັງໃຈໃຫ້ຕົວແທນຈາກປະເທດລາວ ຮູບພາບຈາກ: misternationaluniverse , Oung Thotsaphone Sitphaxay

ຫຼັງຈາກທີ່ Superstar ອໍ້າ ພັດຊະຣາພາ ໄຊເຊື້ອ ໄດ້ເດີນທາງມາໂຊໂຕທີ່ລາວເຮົາໃນວັນທີ 7 ມິຖຸນາ 2017 ທີ່ຜ່ານມາ, ເຮັດເອົາສ້າງຄວາມຮືຮາເພາະມີແຟນຄລັບຊາວລາວໄປໃຫ້ກຳລັງໃຈສາວອໍ້າຢ່າງລົ້ນເຫຼືອ… ຈົນນາງເອງກໍອົດບໍ່ໄດ້ທີ່ຈະອອກມາໂພສຮູບພາບພ້ອມຄຳອະທິບາຍວ່າ: “Top Thai Brands 2017 ຂອບໃຈຫຼາຍໆ ສປປ ລາວ” ແລະ ແຕ່ລະຮູບທີ່  Superstar ສາວຄົນນີ້ໄດ້ໂພສກໍຄືຮູບພາບທີ່ມີແຟນຄລັບຈຳນວນຫຼວງຫຼາຍໄປໃຫ້ກຳລັງໃຈນາງນັ້ນເອງ!!! Top Thai Brands 2017 ขอบคุณมากๆค่ะ สปป.ลาว??❤️ A post shared by aum_patchrapa (@aum_patchrapa) on Jun 7, 2017 at 7:58am PDT via: aum_patchrapa

ໃນຕອນບ່າຍວັນທີ 7 ມິຖຸນາ 2017 ຢູ່ທີ່ ສູນການຄ້າລາວ ໄອເຕັກ (ຕຶກເກົ່າ) ນະຄອນຫຼວງວຽງຈັນ. ກົມສົ່ງເສີມ ແລະ ພັດທະນາສິນຄ້າ, ກະຊວງອຸດສາຫະກຳ ແລະ ການຄ້າ ແຫ່ງ ສປປ ລາວ ຮ່ວມກັບ ສຳນັກງານສົ່ງເສີມການຄ້າລະຫວ່າງປະເທດ ກະຊວງພານິດ ແຫ່ງຣາຊະນາອາຈັກໄທ ໄດ້ຈັດພິທີເປີດງານວາງສະແດງສິນຄ້າ “ສຸດຍອດກາໄທ” (Top thai brands) ປະຈຳປີ 2017, ພິທີການເປີດງານຢ່າງເປັນທາງການ ໃຫ້ກຽດເຂົ້າຮ່ວມໂດຍທ່ານ ພັນທອງ ພິດທຸມມາ ຮອງລັດຖະມົນຕີກະຊວງອຸດສາຫະກຳ ແລະ ການຄ້າ, ທ່ານ ນົບພະດົນ ເທບພິທັກ ເອກອັກຄະລາຊະທູດ ແຫ່ງຣາດຊະນາຈັກໄທ ປະຈຳນະຄອນຫຼວງວຽງຈັນ, ທ່ານ ນາງ ຢານີ ສີມີໄຊ ອັກຄະລາຊະທູດທີ່ປຶກສາ ຝ່າຍການພານິດ ແຫ່ງຣາດຊະອານາຈັກໄທ, ມີບັນດານັກທຸລະກິດລາວ-ໄທ, ພໍ່ແມ່ປະຊາຊົນ …

ມາແລ້ວໆໆໆ!!! Superstar ອໍ້າ ພັດຊະຣາພາ ໄຊເຊື້ອ ດາລາໝາຍເລກ 1 ຂອງປະເທດເພື່ອນບ້ານ ໄດ້ເດີນທາງມາທີ່ ສປປ ລາວ ເຮົາ ເພື່ອເປັນສິລະປິນຮັບເຊີນໃນງານ “Top Thai Brands Vientiane 2017” ຢູ່ທີ່ສູນການຄ້າ ລາວ-ໄອເຕັກ, ເຊິ່ງກໍເປັນໄປຕາມຄາດ ແລະ ຕາມສາຍາຂອງເອື້ອຍອໍ້າທີ່ວ່າເປັນ “ຊຸບເປີສະຕາຫ້າງແຕກ” ເພາະນາງປະກົດຕົວຢູ່ໃສກໍຈະມີເຫຼົ່າແຟນຄລັບນຳໄປເຊີຍ ແລະ ໃຫ້ກຳລັງໃຈຢ່າງລົ້ນເຫຼືອ, ໃນມື້ນີ້ Superstar ອໍ້າ ພັດຊະຣາພາ ກໍມາພົບກັບແຟນໆດ້ວຍໄບໜ້າຍິ້ມແຍ້ມແຈ່ມໃສ ຊຸດທີ່ນາງໃສ່ກໍເປັນຊຸດສີຂາວລາຍລູກໄມ້ລຽບໆ ແຕ່ເບິ່ງແລ້ວງາມຫຼາຍ, ແຖມງານນີ້ເອື້ອຍ ອໍ້າ ຍັງເອີ່ຍທັກທາຍສະບາຍດີແຟນໆຊາວລາວ ແຖມຍັງບອກຮັກແຟນໆຊາວລາວໃນສຳນຽງສຽງພາສາລາວເຮົາ ແລະ ຍັງກ່າວອີກວ່າໃນເທື່ອນີ້ກໍເປັນເທື່ອທີ່ 2 ແລ້ວທີ່ເດີນທາງມາ ແລະ ຕົນກໍມີຄວາມດີໃຈຫຼາຍ ບໍ່ຄິດວ່າແຟນໆຊາວລາວຈະໃຫ້ການຕ້ອນຮັບຕົນຫຼາຍປານນີ້ ພ້ອມຍັງບອກອີກວ່າຕົນຍັງຈື່ໄດ້ທີ່ເທື່ອກ່ອນທີ່ໄດ້ມາລາວນັ້ນຕົນມີໂອກາດໄດ້ນຸ່ງຊຸດໄໝລາວ ແລະ ກໍໄດ້ນຳເອົາກັບປະເທດເພາະມັກໃນຊຸດໄໝລາວຫຼາຍ ແລະ ຊຸດໄໝລາວກໍເປັນສິ່ງທີ່ຕົນເອງມີຄວາມດີໃຈທີ່ໄດ້ເຫັນ ໄດ້ນຸ່ງໃນເທື່ອນັ້ນອີກດ້ວຍ!!! ເຫັນແບບນີ້ແລ້ວກໍເປັນທີ່ໜ້າພູມໃຈທີ່ວ່າຂະໜາດ Superstar ເພິ່ນກໍຍັງຫຼົງໄຫຼໃນຄວາມເປັນລາວ, …