News

ເປັນຄູ່ຮັກໄອດໍ້ຂອງຄົນທົ່ວໆໄປເລີຍກໍວ່າໄດ້ສຳລັບ ແອັບເປີ້ນ ສີສະຫງຽນ ສີຫາລາດ ແລະ ໜຸ່ມ ຟຸກ ຈິຣະ ຄູ່ຮັກດາລາ ສາວລາວ-ບ່າວໄທ ທີ່ມີຄົນຕິດຕາມຄວາມເຄື່ອນໄຫວກັນແບບບໍ່ມີຕົກກະແສ ແລະ ໃນໄວໆນີ້ທັງສອງກຳລັງຈະມີຂ່າວດີຮ່ວມກັນໃນທ້າຍປີທີ່ຈະມາເຖິງ, ຫຼ້າສຸດໃນວັນທີ 4 ມິຖຸນາ ທີ່ຜ່ານມາສາວ ແອັບເປີ້ນ ວ່າທີ່ເຈົ້າສາວຄົນງາມກໍໄດ້ໂພສຮູບພາບລອງຊຸດເຈົ້າສາວທີ່ມີຄວາມງາມອະລັງການງານສ້າງ ມີຄວາມຫຼູຫຼາ ໃນຊຸດລາຕີລາຍລູກໄມ້ສີຂາວ ເບິ່ງແລ້ວງາມໆ ບອກເລີຍອໍລ້າເຈົ້າສາວຈັບສຸດໆ ແຖມງານນີ້ໜຸ່ມ ຟຸກ ວ່າທີ່ເຈົ້າບ່າວກໍມາໃຫ້ກຳລັງໃຈສາວແອັບເປີ້ນແບບບໍ່ມີຫ່າງ… ຂໍສະແດງຄວາມຍິນດີກັບວ່າທີ່ເຈົ້າສາວເຈົ້າບ່າວນຳເດີ້, ເພາະຄວາມຮັກເປັນສິ່ງທີ່ງົດງາມສະເໝີ!!! #ແຊຣໄປໃຫ້ກຳລັງໃຈທັງສອງແດ່ ແລະ ຍັງມີຮູບຄູ່ທີ່ໜ້າຮັກຂອງທັງສອງມາຝາກທຸກຄົນນຳເດີ້!!! ຂໍຂອບໃຈຮູບພາບ: appleminiberry

ກຣີດໆໆ…ກັນແບບສຸດເລີຍແມ່ນບໍ່? ສຳລັບແຟນຄລັບຂອງໜຸ່ມ ກັນ ກັນຕະຖາວອນ ດາລາ-ພິທີກອນຊື່ດັງຂອງປະເທດເພື່ອນບ້ານ ເຊິ່ງໃນວັນທີ 4 ມິຖຸນາ 2017 ທີ່ຜ່ານມາເພິ່ນກໍໄດ້ມາຢ້ຽມຍາມປະເທດລາວຂອງເຮົາ ໂດຍມາທີ່ວຽງຈັນເຊັນເຕີ້ ແລະ ໜຸ່ມ ກັນ ກໍມາໃນມາດທີ່ສະບາຍໆໂດຍນຸ່ງເສື້ອເຊີດສີຂາວ ນຸ່ງສົ້ງລາຍແຊກຕາມແບບຕາມສະຕາຍຂອງເພິ່ນພ້ອມທັກທາຍສະບາຍດີແຟນໆຊາວລາວຢ່າງເປັນກັນເອງ ແຖມຍັງມີບາງຕອນທີ່ໜຸ່ມຄົນນີ້ຍັງເວົ້າລົມເປັນສຳນຽງພາສາລາວຈົນເຮັດໃຫ້ແຟນຄລັບຊາວລາວປື້ມໃຈໄປໄຕາມໆກັນ, ນອກຈາກນັ້ນຍັງບໍ່ພໍ ກັນ ກັນຕະຖາວອນ ຍັງໄດ້ໂພສຮູບພາບລົງໃນອິນສະຕຣາແກມແລະບອກວ່າ “ຜູ້ບ່າວຜູ້ສາວຊາວລາວໜ້າຮັກຫຼາຍ” ເຮັດໃຫ້ມີແຟນຄລັບທັງລາວ ແລະ ໄທເຂົ້າໄປໃຫ້ກຳລັງໃຈ ແລະ ຄອມເມັ້ນໃນຮູບພາບກັນຢ່າງຫຼວງຫຼາຍ!!! ผู้บ่าวผู้สาวชาวลาวน่าฮักหลาย #kankantathavorn ไว้เจอกัน(ต์)จ่ะ #เป๊กห้างแตก @peckpalit #ทอมห้างล้น @tom_reckless . . . #กันต์ห้าง…..ไกลเหลือเกิน5555 #kankantathavorn A post shared by Kan Kantathavorn (@kankantathavorn) on Jun 4, 2017 at …

Hot and Hit ສຸດໆເລີຍສຳລັບໜຸ່ມ ອັດສະວິນ ເພັດສັງຫານ ຫຼື ບ໋ອບບີ້ ອາຍຸ 24 ປີ ພະເອກໜຸ່ມໜ້າຕີ໋ໜ້າໃສຈາກຮູບເງົາເລື່ອງ ຫົງຫາມເຕົ່າ ຂອງອ້າຍ ເຈ້ຍ ປາຊີຟິກ, ເຊິ່ງໜຸ່ມ ບ໋ອບບີ້ ຄົນນີ້ບອກເລິຍວ່າບໍ່ທຳມະດາ ນອກຈາກໜ້າຕາທີ່ຫຼໍ່ເຫຼົາເອົາການແລ້ວ ເພິ່ນກໍມີຄວາມສາມາດຫຼາຍຢ່າງອີກໄດ໋ ເພາະເພິ່ນໄດ້ຝາກຜົນງານໃນວົງການບັນເທິງມາແລ້ວຢ່າງຫຼວງຫຼາຍບໍ່ວ່າຈະເປັນ ນັກຮ້ອງ ພິທິກອນ ເດີນແບບ ຖ່າຍແບບ ພະເອກເອັມວີ ແລະ ກໍເປັນພະເອກຮູບເງົາມາແລ້ວຫຼາຍເລື່ອງ ເຊິ່ງຫຼ້າສຸດກໍຮັບບົດເປັນເຕົ່າພະເອກຂອງຮູບເງົາເລື່ອງ  “ຫົງຫາມເຕົ່າ ຂ້ອຍຕວົະເຈົ້າເຮົາຮັກກັນ”ແລະ ບ໋ອບບີ້ເອງກໍໄດ້ໂຊຝີມືໃນການສະແດງແຕກກະຈາຍ ເຮັດໃຫ້ແຟນໆອິນໄປຕາມໆກັນ ຈົນຂຶ້ນແທ່ນເປັນພະເອກໜຸ່ມຫຼໍ່ຂວັນໃຈສາວໆໄປໄດ້ຢ່າງງ່າຍດາຍ. ສ່ວນ Life style ຂອງໜຸ່ມ ບ໋ອບບີ້ ກໍບໍ່ທຳມະດາ ເພາະ He ມັກຈະໂພສຮູບພາບເອີ້ນງ່າຍໆວ່າ ຫຼໍ່ຂັ້ນເທບ ພຸ້ນລະ, ງານນີ້ເຮັດເອົາສາວໆນຳກົດໄລ້ ກົດແຊຣ ກັນສະໜັ່ນຫວັ່ນໄຫວ!!! #ເອົ້າ!!!ແຊຣໄປໃຫ້ໂລກຮູ້ພະເອກຮູບເງົາລາວ …

ມື້ນີ້ຈະພາມາຮູ້ຈັກກັບໜຸ່ມຫຼໍ່ສຸດຮ໋ອດ ບຸນຊຽນ ວິໄລວັນ ຫຼື ວິນລີ້ ນັກສະແດງໃນບົດພະຮອງໃນຮູບເງົາເລື່ອງ”ຫົງຫາມເຕົ່າ” ໜຸ່ມ ວິນລີ່ ອາຍຸ 24 ປີ ຈົບການສຶກສາຈາກວິທະຍາໄລ ຄອມເຊັນເຕີ້ ສາຂາການຕະຫຼາດ,  ວິນລີ້ ກຳລັງເປັນທີ່ເວົ້າເຖິງເພາະມີຄວາມຫຼໍ່ເຂົ້າຕາ  ແຖມມີບຸກຂະລິກທີ່ໂດດເດັ່ນ ເບິ່ງແລ້ວມາດກວນໆຖືກໃຈສາວໆຫຼາຍຄົນ (ໃນນັ້ນກໍມີ ຊະນີIndy ນຳ ຮະຮ່ະ) ແລະ ສຳລັບແຟນໆທ່ານໃດທີ່ຢາກຮູ້ທີ່ໄປທີ່ມາຂອງໜຸ່ມ ວິນລີ້ ຄົນນີ້ເຮົາກໍມີມາຝາກທຸກໆຄົນເຊັ່ນກັນ… ວິນລີ່ ເລີ່ມເຂົ້າວົງການບັນເທິງຈາກການເດີນແບບ ແລະ ສະແດງເປັນພະເອກເອັມວີ ແລະ ຕໍ່ມາກໍໄດ້ມີໂອກາດມາເປັນນັກຮ້ອງໃນກຸ່ມສິລະປິນວົງ MMaq ເຊິ່ງເພິ່ນກໍເປັນເຈົ້າຂອງຜົນງານເພງ “ບໍ່ຕ້ອງບອກໃຫ້ລືມ” ຫຼັງຈາກນັ້ນກໍເຮັດວຽກໃນວົງການບັນເທິງເລື້ອຍໆເຊັ່ນ: ເດີນແບບ, ຖ່າຍແບບ, ເປັນພີເຊັນເຕີ້ ແລະ ຫຼ້າສຸດກໍຮັບບົດພະຮອງໃນຮູບເງົາເລື່ອງ “ຫົງຫາມເຕົ່າ” ທີ່ກຳລັງເປັນກະແສໃນຕອນນີ້ນັ້ນເອງ. #ແຊຣໄປໃຫ້ກຳລັງໃຈໜຸ່ມສຸດຫຼໍ່ຄົນນີ້ແດ່  ສາມາດຕິດຕາມໜຸ່ມຄົນນີ້ໄດ້ທີ່: Bounxien Willy Vilayvanh 

ສະຖາບັນເສດຖະສາດ ແລະ ສັນຕິພາບ ທີ່ມີສໍານັກງານຕັ້ງຢູ່ ນະຄອນຊິດນີ່ ປະເທດອົດສະຕາລີ ໄດ້ເປີດເຜີຍຜົນສໍາຫຼວດດັດສະນີສັນຕິພາບປະຈໍາປີ 2017 ພົບວ່າ: ຄະແນນໂດຍລວມແມ່ນດີຂຶ້ນເປັນຄັ້ງທໍາອິດໃນຮອບ 3 ປີ ນັບຕັ້ງແຕ່ປີ 2014 ຈາກສັນຕິພາບທີ່ເພີ່ມຂຶ້ນໃນ 93 ປະເທດ ຈາກ 161 ປະເທດ ແຕ່ອີກ 68 ປະເທດມີຄະແນນທີ່ຫຼຸດລົງ ໂດຍດ້ານຄວາມປອດໄພ ແລະ ຄວາມໝັ້ນຄົງຂອງສັງຄົມ ຊຶ່ງວັດຈາກອາດຊະກໍາໃນປະເທດ, ຄວາມໝັ້ນຄົງທາງການເມືອງ, ຜົນກະທົບຈາກການກໍ່ການຮ້າຍທີ່ເພີ່ມຂຶ້ນ. ສປປ ລາວເຮົາຕິດອັນດັບ ລາວອັນດັບ 45, ໄທ ອັນດັບທີ 120, ສິງກະໂປທີ່ອັນດັບ 21, ມາເລເຊຍທີ 29, , ອິນໂດເນເຊຍທີ 52, ຫວຽດນາມ 59, ກໍາປູເຈຍ 89 ແລະ ມຽນມາ 104. …