ເດີນທາງມາຢ້ຽມຢາມປະເທດລາວເຮົາອີກໜຶ່ງຄົນ ນົກ ອຸສະນີ ວັດທະນາ ນັກສະແດງສາວຊື່ດັງຈາກປະເທດເພື່ອນບ້ານ ເຊັກອິນທີ່ປະເທດລາວ ໃນວັນທີ 24 ເມສາ 2018 ທີ່ຜ່ານມາ, ເຊິ່ງ ນົກ ອຸສະນີ ກໍ່ໄດ້ເດີນທາງໄປກາບໄຫ້ວ ພຣະທາດຫຼວງວຽງຈັນ ແລະ ແວ່ຖ່າຍຮູບຢູ່ທີ່ ປະຕູໄຊ. ไหว้พระธาตุหลวงที่ลาวค่ะ ?? A post shared by Usanee Wattana (@nokusanee) on Apr 23, 2018 at 6:18am PDT ສຳລັບ ນົກ ອຸສະນີ ແມ່ນເປັນນັກສະແດງແຖວໜ້າຂອງວົງການບັນເທີງປະເທດເພື່ອນບ້ານ, ປັດຈຸບັນອາຍຸ 36 ປີ ມີຜົນງານການສະແດງມາແລ້ວຢ່າງຫຼວງຫຼາຍ ແລະ ບົດບາດການສະແດງທີ່ເດັ່ນໆຂອງເພິ່ນທີ່ໄດ້ຮັບຄຳຍ້ອງຍໍນັ້ນກໍຄືບົດບາດນາງລ້າຍ ຈົນໄດ້ຮັບສາຍາ ນາງຮ້າຍໜ້າຫວານ, ຢ່າງໃດກໍ່ຂໍຕ້ອນຮັບເຂົ້າສູ່ປະເທດລາວ. ຮູບພາບຈາກ: IG/nokusanee …

ວັນອາທິດ ດ້ານວຽກງານຄວນມີສະຕິ ແລະ ຄິດໄຕ່ຕອງໃຫ້ດີ , ດ້ານການເງິນຍັງຢູ່ໃນເກນທີ່ດີ , ດ້ານຄວາມຮັກຍັງມີເລື່ອງໃຫ້ຕ້ອງຄິດຫຼາຍ. ວັນຈັນ ດ້ານວຽກງານຈະມີເລື່ອງເຂົ້າມາໃຫ້ຕ້ອງແກ້ໄຂແບບກະທັນຫັນ, ດ້ານການເງິນມີລາຍຈ່າຍຫຼາຍ ຈົນໝູນເງິນບໍ່ທັນ , ດ້ານຄວາມຮັກຈະຖືກຖອຍຫ່າງ ເພາະເຂົາຄິດວ່າເຮົາບໍ່ມີເວລາໃຫ້. ວັນອັງຄານ ດ້ານວຽກງານໃນມື້ນີ້ຈະມີເພື່ອນຮ່ວມງານ ຫຼື ຫົວໜ້າ ເຂົ້າມາເຮັດດີຈົນແປກໃຈ , ດ້ານການເງິນດີ ມີລາຍໄດ້ເຂົ້າມາຕະຫຼອດ ອາດເປັນຍ້ອນຄວາມດຸໝັ່ນຂອງທ່ານເອງ , ດ້ານຄວາມຮັກຫວານເລື້ອຍໆສຳລັບຄົນມີຄູ່ ສ່ວນຄົນໂສດຫົວໃຈກໍ່ບໍ່ເຫງົາ ເປັນຄົນໂສດທີ່ບໍ່ສະໜິດ. ວັນພຸດ ດ້ານວຽກງານໃນມື້ນີ້ຍັງມີເລື່ອງໃຫ້ຕ້ອງຄິດຫຼາຍ ຈະມີການຕັດສິນໃຈແບບກະທັນຫັນ, ດ້ານການເງິນເຖິງຈະຍັງມີລາຍໄດ້ເຂົ້າມາແບບສະດວກ ແຕ່ກໍ່ຍັງບໍ່ພໍສຳລັບລາຍຈ່າຍ , ດ້ານຄວາມຮັກຍັງຄົງຄິດຫຼາຍ ແລະ ເກີດມີປາກສຽງຕໍ່ກັນ. ວັນພະຫັດ ດ້ານວຽກງານມີວຽກເຂົ້າມາຈົນລົ້ນມື ແຕ່ຍັງດີທີ່ແກ້ໄຂບັນຫາທັນ, ດ້ານການເງິນຈະມີບັນຫາກັບຫຸ້ນສ່ວນ ເລື່ອງເງິນໆທອງໆ ທີ່ແກ້ໄຂແບບບໍ່ເຂົ້າບໍ່ອອກ , ດ້ານຄວາມຮັກຈະແອບຮັກຄົນມີເຈົ້າຂອງ ສຸດທ້າຍກໍ່ເຈັບເອງ…ຫາເລື່ອງແທ້ໆ. ວັນສຸກ ດ້ານວຽກງານມີແຕ່ຄົນໃຫ້ຄວາມສຳຄັນ ຈະເຮັດຫຍັງກໍ່ຈະເປັນມື້ທີ່ໂຊກດີໄປໝົດ, ດ້ານການເງິນບໍ່ເດືອດຮ້ອນ ມີລາຍໄດ້ເຂົ້າມາເລື້ອຍໆ, ດ້ານຄວາມຮັກຫຼັງຈາກທີ່ມີເລື່ອງບໍ່ເຂົ້າໃຈກັນ …

ເດີນທາງມາຮອດຈຸດຈົບຂອງການແຂ່ງຂັນ ແລະ ຈະຕັດສິນໃຫ້ໄດ້ຮູ້ຜົນການແຂ່ງຂັນໃນຄໍ່າຄືນວັນທີ 24 ເມສາ 2018 ນີ້ແລ້ວ,  ແພັດ ເພັດດາວອນ ຄຳມະນີວົງ ສາວລາວສຽງດີຈາກພາກໃຕ້ ທີ່ກຳລັງໂດ່ງດັງໄປທົ່ວບ້ານທົ່ວເມືອງ ເພາະນາງເດີນທາງຕາມຫາຝັນຢາກເປັນນັກຮ້ອງ ແລະ  ຝັນຢາກເອົາເງິນລາງວັນ 1 ລ້ານບາດ ມາປຸກບ້ານໃຫ້ແມ່ ໂດຍການໄປແຂ່ງຂັນເພງໃນລາຍການ ສຶກວັນດວນເພງ ຂອງປະເທດເພື່ອນບ້ານ. ໃນວັນທີ 23 ເມສາ 2018 ທີ່ຜ່ານມາ ສາວ ແພັດ ເພິ່ນກໍ່ຫາກໍ່ປ້ອງກັນແຊ້ມໃນສະໄໝທີ 20 ໄດ້ແບບສົດໆຮ້ອນໆ ແລະ ໃນມື້ນີ້ມາຮ່ວມລຸ້ນ ຮ່ວມເຊຍເປັນສັກຂີພະຍານໄປພ້ອມໆກັນວ່າສາວລາວຄົນນີ້ຈະສາມາດຊິງເອົາເງິນລາງວັນ 1 ລ້ານບາດ ຫຼື ປະມານ 265,000,000 ລ້ານກີບ ໄປໄດ້ ຫຼື ບໍ່? ໃນເວລາ 18:20 ນາທີ ທາງຊ່ອງ 31 (ປະເທດເພື່ອນບ້ານ) ຢ່າພາດເປັນກຳລັງໃຈໃຫ້ຄົນລາວນຳກັນແດ່ເດີ້. …

ການບາສີໃນວັນຂຶ້ນປີໃໝ່ລາວ ເຊິ່ງແມ່ນຮີດຄອງປະເພນີລາວທີ່ມີມາແຕ່ບູຮານນະການ ການບາສີແມ່ນການມັດແຂນດ້ວຍຝ້າຍສີຂາວບໍລິສຸດ ເປັນການອວຍພອນເພື່ອໃຫ້ເປັນສິລິມຸງຄຸນແກ່ຜູ້ທີ່ຖືກອວຍພອນ ໄດ້ບັນລຸຈຸດປະສົງຕາມທີ່ປາດຖະໜາ ແລະ ອື່ນໆ. ຕາມປະເພນີລາວ ການບາສີ ບໍ່ໄດ້ມີແຕ່ການບາສີໃນວັນຂຶ້ນປີໃໝ່ລາວເທົ່ານັ້ນ ຍັງໃຊ້ໃນຫຼາຍກໍລະນີທີ່ຕິດພັນກັບການດໍາລົງຊີວິດຂອງຄົນລາວເປັນຕົ້ນ: ການບາສີຂຶ້ນເຮືອນໃໝ່, ການບາສີແຕ່ງດອງ, ການບາສີໃນໂອກາດແຂກມາຢ້ຽມຢາມ ແລະ ອື່ນໆເປັນຕົ້ນ. ການບາສີເພິ່ນຈະມີພາຂວັນທີ່ປະກອບດ້ວຍຂັນໝາກເບັງເຮັດຈາກໃບຕອງ ທີ່ພັບເປັນຈວຍສິລະປະງົດງາມ ເອ້ຢ້ອງດ້ວຍດອກໄມ້ສົດທີ່ຊອກຫາມາໄດ້ຕາມທ້ອງຖິ່ນ ເຊິ່ງສ່ວນໃຫຍ່ເພິ່ນນິຍົມໃສ່ດອກດາວເຮືອງເພາະມີຄວາມເຊື່ອວ່າຈະຮຸ່ງເຮືອງ. ນອກນັ້ນຍັງມີຝ້າຍຜູກແຂນສີຂາວບໍລິສຸດສອດໃສ່ໄມ້ສຽບສັບຫວ່າງກັບດອກໄມ້ ເປັນອົງປະກອບທີ່ຂາດບໍ່ໄດ້ເມື່ອມີງານບາສີຕ່າງໆ ຍ້ອນວ່າຝ້າຍຜູກແຂນແມ່ນ ເຄື່ອງຕ້ອນຮັບພະລັງມະຫັດສະຈັນ ທີ່ມາຈາກນອກຕົວຂອງພວກເຮົາ ແລະ ເພື່ອໃຫ້ພະລັງແຮງດັ່ງກ່າວ ຄົງຕົວຢູ່ໃນຝ້າຍຜູກແຂນ ເພີ່ນຈຶ່ງໄດ້ເຮັດຂອດເອົາໄວ້ທາງກາງສອງຂອດ ແລະ ກໍແມ່ນພະລັງແຮງອັນ ມະຫັດສະຈັນນີ້ເອງທີ່ໄດ້ນໍາຄວາມໝາຍ ແລະ ຄຸນຄ່າມາໃຫ້ຝ້າຍຜູກແຂນທີ່ໝົດທຸກຄົນທີ່ເຂົ້າຮ່ວມໃນພິທີບາສີຮັບຮູ້ນັບຖືພ້ອມທັງເຂົ້າໃຈດີເຖີງຄວາມໝາຍ ແລະ ຄວາມສໍາຄັນຂອງ ຝ້າຍຜູກແຂນ ດັ່ງກ່າວນໍາ ອີກດ້ວຍ. ຝ້າຍຜູກແຂນສີຂາວແມ່ນ ສັນຍາລັກຂອງຄວາມບໍລິສຸດຄວາມຖືກຕ້ອງປອງດອງ ແລະ ຮັກແພງ, ຫມາຍເຖິງສັນຕິພາບ, ໂຊກລາບ, ການຢູ່ດີມີແຮງແລະ ຄວາມອົບອຸ່ນໃນ ຄອບຄົວ ແລະ ສັງຄົມ …

ລາບວດຕ້ອນຮັບປີໃໝ່ລາວ ສຳລັບ ບຸນຊຽນ ວິໄລວັນ (ວິນລີ່) ນາຍແບບ-ນັກສະແດງໜຸ່ມສຸດຫຼໍ່ຈາກຮູບເງົາ ຫົງຫາມເຕົ່າ ທີ່ໄດ້ຂໍລາບວດເພື່ອຮຽນສຶກສາພະທຳ ແລະ ເຝິກສະມາທິ ພ້ອມທັງຕອບບຸນແທນຄຸນບິດາ-ມານດາ ແລະ ຜູ້ທີ່ມີພະຄຸນ ແລະ ເນື່ອງໃນວັນເກີດຂອງ ວິນລີ່ ທີ່ຈະມາເຖິງໃນວັນທີ 11 ເມສາ ນີ້ອີກດ້ວຍ ແລະ ງານນີ້ກໍຍັງມີໝູ່ເພື່ອນຮ່ວມວົງການເຊັ່ນ ສາວ ລູກນໍ້າ ທິດາລັດ ວົງສິຣິ, ແຟນຄລັບ ແລະ ຍາດພີ່ນ້ອງຂອງ ວິນລີ່ໄປຮ່ວມ ອະນຸໂມທະນາສາທຸ ຈົນແໜ້ນວັດ, ຢ່າງໃດ ຂວັນໃຈ ເຮົາກໍ່ຂໍອະນຸໂມທະນາສາທຸຮ່ວມກັບໜຸ່ມ ວິນລີ່ ເຊັ່ນກັນເດີ້…ສາທຸ ສາທຸ ສຳລັບພິທີບວດຂອງ ວິນລີ່ ມີເລີກງາມຍາມດີໃນວັນທີ 9 ເມສາ 2018 ເປັນພິທີຮັບຂວັນນາກ-ປົງຜົມນາກ ແລະ ໃນວັນທີ 10 ເມສາ 2018 ເປັນພິທີອຸບປະສົມບົດບວດເປັນພຣະ, …