“ສີໃດທີ່ບົ່ງບອກຄວາມເປັນຕົວທ່ານໄດ້ດີທີ່ສຸດ” ແຕ່ລະຄົນຍ່ອມມີສີທີ່ຕົນເອງມັກ. ສີທີ່ດຶງດູດພວກເຮົາ, ອາດມີ ຫຼືບໍ່ມີເຫດຜົນກໍ່ເປັນໄດ້, ທີ່ສະທ້ອນໃຫ້ເຫັນຄວາມຮູ້ສຶກທີ່ແທ້ຈິງຂອງພວກເຮົາ ແລະ ແຮງບັນດານໃຈຕ່າງໆອ້ອມໂຕເຮົາ. ທາງເລືອກທີ່ພວກເຮົາສ້າງຂຶ້ນ ແມ່ນເຊື່ອມໂຍງກັບຄວາມເປັນຈິງທີ່ຖືກຖ່າຍທອດອອກມາ ໄດ້ຫຼາຍກວ່າທີ່ເຮົາຈະນຶກເຖິງ, ຈາກເສື້ອຜ້າທີ່ເຮົານຸ່ງ, ຈາກສິລະປະຕ່າງໆທີ່ເຮົາມັກ ລວມທັງເຕັກໂນໂລຊີທີ່ເຮົາໃຊ້ຢູ່ທຸກມື້!!ຫົວເຫວີຍ ສະມາດໂຟນຍັກໃຫຍ່ທົ່ວໂລກ ເຂົ້າໃຈເຖິງຄວາມສຳຄັນດີວ່າ ສີເຮັດໃຫ້ເຮົາເພີດເພີນໄປກັບຊີວິດ.Huawei Y6II ມີ 4 ສີໃຫ້ທ່ານເລືອກ, ໂດຍສະເພາະສີບົວອ່ອນ ແລະ ສີຟ້າ. ແລ້ວສີໃດລະ ທີ່ບົ່ງບອກຄວາມເປັນຕົວທ່ານ? 1.ສີບົວ: ສຳລັບຜູ້ມັກສວຍມັກງາມ ສ່ວນຫຼາຍແລ້ວ ມັກຈະສື່ເຖິງຄວາມຄິດທີ່ອ່ອນໂຍນ, ໜ້າຮັກຄືກັບເດັກນ້ອຍ, ປຽບເປັນຮຸ່ນນ້ອງຂອງສີແດງ. ເໝາະສຳລັບຜູ້ທີ່ມັກໃນຄວາມຮັກອ່ອນຫວານທີ່ບໍ່ມີເງື່ອນໄຂ. ໃນຄວາມຈິງ “Rose Quartz” ເປັນສີແຫ່ງປີ 2016 ໂດຍ Pantone (ຜູ້ຊ່ຽວຊານກ່ຽວກັບສີ ຊື່ດັງລະດັບໂລກ) ແຕ່ສີບົວກໍ່ບໍ່ໄດ້ຖືກເບິ່ງຂ້າມໄປ ພວກເຂົາແນະນຳການປະສົມປະສານກັບ ໂທນສີເຢັນທີ່ໃກ້ຄຽງກັນ. ສີຟ້າ: Pantone ພັນລະນາເຖິງການປະສົມປະສານກັນລະຫວ່າງ Rose Quarts …

ທ່ານ ນາຍົກ ຢຽ້ມຢາມ ບໍລິສັດຫົວເຫວີຍ ທີ່ປັກກິ່ງ ວັນທີ 1 ເດືອນ ຕຸລາ 2016, ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ໄດ້ໄປຢ້ຽມຢາມ ບໍລິສັດຫົວເຫວີຍ ຢູ່ນະຄອນຫຼວງປັກກິ່ງ ປະເທດຈີນ. ໃນເວລາການຢຽ້ມຢາມທ່ານນາຍົກຍັງໄດ້ໂອ້ລົມກັບ ພະນັກງານຫົວເຫວີຍ ປະຈຳລາວ ໂດຍຜ່ານ ການປະຊຸມວີດີໂອທາງໄກ (Video Conference), ພ້ອມກັນນັ້ນເພີ່ນຍັງໄດ້ພົບປະໂອ້ລົມກັບນັກສຶກສາ “Seeds for the future” ເຊິ່ງແມ່ນການອຸປະຖໍາໂດຍບໍລິສັດຫົວເຫວີຍ ແລະ ປັດຈຸບັນນີ້ແມ່ນກໍາລັງທັດສະນະສຶກສາຢູ່ທີ່ນະຄອນຫຼວງປັກກິ່ງ. ທ່ານນາຍົກລັດຖະມົນຕີໄດ້ຕີລາຄາສູງທີ່ບໍລິສັດ ຫົວເຫວີຍ ໄດ້ໃຫ້ການ ສະໜັບສະໜູນ ICT ລາວ ແລະ ໄດ້ຍ້ອງຍໍຊົມເຊີຍຫົວເຫວີຍ ທີ່ໄດ້ໃຫ້ການ ຊ່ວຍເຫຼືອສັງຄົມ ແລະ ການລົງທຶນຢູ່ປະເທດລາວຢ່າງຕໍ່ເນື່ອງ.

5 ວິທີເບິ່ງແຍງຜິວພັນໃນຊ່ວງລະດູໜາວ ເມື່ອໃກ້ເຂົ້າຊ່ວງລະດູໜາວກໍ່ໄດ້ເວລາກຽມຊຸດງາມໆໃຫ້ພ້ອມຮັບລົມໜາວທີ່ກໍາລັງຈະມາຮອດ ແຕ່ຢ່າລືມກຽມເບິ່ງແຍງຜິວພັນໃຫ້ຮັບມືກັບອາກາດໜາວ ເພາະອາກາດທີ່ໜາວເຢັນມາພ້ອມກັບອາກາດແຫ້ງທີ່ເຮັດໃຫ້ຜິວພັນແຫ້ງເຄັ່ງ ຫຼື ແຫ້ງລອກ, ແດງຄັນ ຫຼື ຄັນຄາຍໄດ້ງ່າຍ ແລະ ມື້ນີ້ ວາລະສານຂັວນໃຈໄດ້ນໍາເອົາ 5 ວິທີເບິ່ງແຍງຜິວພັນໃຫ້ມີສຸຂະພາບດີ. ບໍ່ອາບນໍ້າ ຫຼື ລ້າງໜ້າດ້ວຍນໍ້າຮ້ອນ. ລະດູໜາວນີ້ການອາບນໍ້າຮ້ອນອາດຈະເຮັດໃຫ້ຮູ້ສຶກຜ່ອນຄາຍ ແຕ່ນໍ້າຮ້ອນນັ້ນຈະຊ່ວຍລ້າງໄຂມັນທີ່ຢູ່ເທິງຜິວພັນເຮັດໃຫ້ຜິວພັນບໍ່ສາມາດສະສົມຄວາມຊຸ່ມເອົາໄວ້ໄດ້ຈຶ່ງເກີດມີບັນຫາຜິວພັນແຫ້ງ ດັ່ງນັ້ນບໍ່ຄວນອາບນໍ້າຮ້ອນ ແລະ ປ່ຽນມາໃຊ້ນໍ້າອຸ່ນ ຫຼື ນໍ້າທໍາມະດາ. ບໍາລຸງຜິວພັນທັນທີຫຼັງຈາກອາບນໍ້າ. ການທາຄີມບໍາລຸງຜິວພັນທີ່ຢາກໃຫ້ຜິວພັນຊຸ່ມຂຶ້ນນັ້ນຄວນຈະບໍາລຸງທັນທີຫຼັງຈາກອາບນໍ້າແລ້ວ ການທາຄີມບໍາລຸງລົງເທິງພັນທີ່ກໍາລັງບໍ່ແຫ້ງດີນັ້ນຈະຊ່ວຍສະສົມນໍ້າໄວ້ໃນຜິວພັນໄດ້ດີ ບໍ່ວ່າຈະເປັນເວລາອາບນໍ້າຫຼືລ້າງມື້ຄວນທາຄີມບໍາລຸງຜິວພັນທຸກຄັ້ງ ເພື່ອຈະຊ່ວຍເຮັດໃຫ້ຜິວພັນນຸ່ມນວນໄດ້ຕະຫຼອດ. ຢ່າລືມປົກປ້ອງຜິວພັນ. ໃສ່ຜ້າແພພັນຄໍ ຫຼື ເສື້ອໜາໆ ເພື່ອປົກປ້ອງຜິວພັນຈາກລົມໜາວທີ່ຈະທໍາຮ້າຍຜິວພັນໃຫ້ແຫ້ງຫຼາຍຂຶ້ນ ໃນຂະນະດຽວກັນກໍ່ຄວນທາຄີມກັນແດດ ເພາະແສງຕາເວັ້ນໃນລະດູໜາວນັ້ນກໍ່ທໍາຮ້າຍຜິວພັນໄດ້ເທົ່າກັບແສງແດດຮ້ອນຄືກັນ. ດື່ມນໍ້າໃຫ້ພຽງພໍ. ພໍເຂົ້າຊ່ວງລະດູເຮົາກໍ່ມັກຈະດື່ມນໍ້າໜ້ອຍລົງໃນລະດູໜາວເພາະບໍ່ຮູ້ສຶກຮ້ອນ ຫຼື ເສຍເຫື່ອຫຼາຍ ແຕ່ຢ່າລືມວ່າຜິວພັນນັ້ນຕ້ອງການນໍ້າຈາກພາຍໃນເພື່ອຜິວພັນງາມຊຸ່ມນຸ່ມນວນສູ່ພາຍນອກ ລອງປ່ຽນຈາກການດື່ມກາເຟ ຫຼື ດື່ມນໍ້າຊາມາລອງດື່ມນໍ້າອຸ່ນປະສົມໝາກນາວເລັກນ້ອຍ ນອກຈາກຈະຊ່ວຍໃຫ້ຮູ້ສຶກສົດຊື່ນ ແລະ ອຸ່ນສະບາຍຕົວແລ້ວຍັງເພີ່ມນໍ້າເຂົ້າສູ່ຮ່າງກາຍ ແລະ ຜິວພັນໄດ້ເປັນຢ່າງດີ. …

ສາວໆ ປະຈຸບັນການແຕ່ງໂຕແນວ Street Style ຖືວ່າເປັນແນວທີ່ກຳລັງມາ… ກຳລັງໄດ້ຮັບຄວາມນິຍົມກັນຢ່າງແຜ່ຫຼາຍເລີຍໃດ  ໂດຍສະເພາະການແຕ່ງໂຕແບບສະບາຍໆ ພ້ອມດ້ວຍເກີບຜ້າໄບ ໄປໃສໄປກັນ ເພາະສາວໆບໍ່ຈຳເປັນຈະຕ້ອງແຕ່ງໂຕໜັກໆ ເວີ້ໆ ຊົ່ວຈະອອກບ້ານໄດ້ແຕ່ລະເທື່ອເປັນຊົ່ວໂມງອີກແລ້ວ , ເພາະຖ້າສາວໆແຕ່ງແນວ Street Style ຈະເບິ່ງເປັນສາວ Cool ຂື້ນມາທັນທີ ບໍ່ມີຕົກຍຸກແນ່ນອນ!!  

ເບິ່ງແຍງເລັບໃຫ້ມີສຸຂະພາບດີ ເລີ່ມຕັ້ງແຕ່ການເຮັດຄວາມສະອາດເລັບ ທ່ານຄວນລ້າງມື ແລະ ເລັບດ້ວຍນໍ້າສະບູ່ອຸ່ນໆແລ້ວໃຊ້ໄມ້ແປງຂົນອ່ອນມາຂັດຕາມເລັບຄ່ອຍໆເມື່ອສະອາດດີແລ້ວລ້າງອອກດ້ວຍນໍ້າລ້າ ຫຼັງຈາກນັ້ນທາຄີມບໍາລຸງມື ແລະ ເລັບເພື່ອເພີ່ມຄວາມຊຸ່ມໃຫ້ກັບຜິວພັນ ແລະ ເລັບຂອງທ່ານ ແຕ່ຖ້າທ່ານຕ້ອງການຕັດເລັບຂໍແນະນໍາເວລາທີ່ເໝາະສົມທີ່ສຸດໃນການຕັດເລັບນັ້ນກໍ່ຄືກໍ່ຄືຫຼັງຈາກອາບນໍ້າ, ການລ້າງຖ້ວຍ ຫຼື ການຊັກເຄື່ອງ ເພາະຊ່ວງເວລາຫຼັງຈາກນີ້ເລັບຈະມີຄວາມອ່ອນນຸ່ມງ່າຍຕໍ່ການຕັດແຕ່ງ ຖ້າທ່ານບໍ່ໄດ້ເຮັດກິດຈະວັດເຫຼົ່ານັ້ນກໍ່ສາມາດນໍາເລັບໄປແຊ່ໃນນໍ້າອຸ່ນ ປະໄວ້ປະມານ 5 ນາທີກໍ່ສາມາດຕັດໄດ້ເລີຍ. ການຕັດເລັບທີ່ຖືກວິທີຄວນຕັດໃຫ້ມີຄວາມໂຄ້ງມົນໄປຕາມນິ້ວມື ສ່ວນເລັບຕີນຄວນຕັດໃຫ້ເປັນແນວຊື່ຫຼາຍທີ່ສຸດເພື່ອຫຼຸດການສະສົມຂອງແບດທີເຣຍ ແລະ ຄວາມເປິເປື້ອນຕາມຂອບເລັບ ເຊິ່ງອາດຈະພາໃຫ້ເກີດເລັບສັກໄດ້ງ່າຍແຕ່ກໍ່ບໍ່ຄວນຕັດຈົນສັ້ນໃກ້ກັບຊີ້ນຫຼາຍເກີນໄປ ອີກທັງຫຼີກການໃຊ້ວັດສະດຸຕ່າງໆໄປງັດແງະຂອບເລັບ ຫຼື ໜັງຂອບເລັບເພາະອາດຈະເກີດບາດ ແລະ ມີການອັກເສບຂຶ້ນໄດ້. ເມື່ອສໍາເລັດຂັ້ນຕອນການຕັດແລ້ວຂາດບໍ່ໄດ້ອີກໜຶ່ງຂັ້ນຕອນສໍາຄັນກໍຄືການສະໄບເລັບ ຄວນເລີ່ມສະໄບຈາກຂອບເລັບເຂົ້າໄປຫາປາຍເລັບ ຖ້າຫາກເປັນສະໄບທີ່ເຮັດມາຈາກເລັບຄວນສະໄບໄປໃນທິດທາງດຽວກັນ ບໍ່ຄວນຖູກັບໄປກັບມາເພາະອາດຈະເຮັດໃຫ້ເລັບເກີດຈີກຫັກ ຫຼື ເປັນສ້ຽນໄດ້ ແຕ່ຖ້າທ່ານໃຊ້ສະໄບທີ່ເຮັດມາຈາກເຊລາມິກທ່ານສາມາດສະໄບໃຫ້ສວນທາງໄປມາໄດ້.