Beauty

ສະບາຍດີສາວແຟນໆຂວັນໃຈ ສະບາຍດີກັບຕອນເຊົ້າວັນສຸກ ວ້າວ…ມື້ສຸດທ້າຍຂອງການເຮັດວຽກແລ້ວບໍນີ້ ເວລາມັນຜ່ານໄປໄວເນາະວ່າບໍ່ສາວໆ ບຶດດຽວຮອດວັນຈັນ ແລະ ອີກບຶດດຽວກໍຮອດວັນສຸກແລ້ວ ແລະ ອີກບຶດດຽວກໍໝົດເດືອນ, ອີກບຶດດຽວກໍໝົດປີ ເວລາມັນບໍ່ຄອຍຖ້າໃຜແທ້ລະສາວໆ ດັ່ງນັ້ນຖ້າໃຜທີ່ຄິດຢາກຈະເຮັດຫຍັງຮີບຟ້າວລົງມືເຮັດແຕ່ຕອນນີ້ເປັນຕົ້ນໄປຢ່າລໍຖ້າໂອກາດ ແລະ ເວລາທີ່ເໝາະສົມເພາະບາງເທື່ອໂອກາດ ແລະ ເວລາທີ່ເໝາະສົມມັນອາດຈະບໍ່ມາພ້ອມກັນ ມັນຈຶ່ງອາດຈະເຮັດໃຫ້ເຮົາພາດໂອກາດດີໆກໍເປັນໄດ້ ການທີ່ສາວໆເປັນຄົນກ້າຄິດ, ກ້າເຮັດ, ກ້າສະແດງອອກນັ້ນ ເຖິງຈະບໍ່ປະສົບຜົນສໍາເລັດໃນບາງເທື່ອ ແຕ່ມັນກໍເປັນບົດຮຽນທີ່ດີ ແລະ ມີຄ່າທີ່ສຸດໃນການປະຕິບັດວຽກງານຄັ້ງຕໍ່ໄປ. ເວົ້າໄປມັນກະອາດຈະຍາວເນາະສາວໆເຮົາມາເວົ້າເລື່ອງທີ່ BeautyGuru ເອົາມາຕ້ອນກັນດີກວ່າເພາະອັນທີ່ເວົ້າມານັ້ນບໍ່ກ່ຽວຂ້ອງຫຍັງກັບສິ່ງທີ່ເອົາມາຕ້ອນກັນໃນມື້ນີ້ເລີຍ ແຕ່ກໍຄືວ່າຫັ່ນລະຄິດຫຍັງດີ ແລະ ເປັນປະໂຫຍດໄດ້ກໍຢາກຈະມາສະເໜີໃຫ້ສາວໆໄດ້ຮູ້ໄປນໍາກັນ ເອົາລະເຮົາມາເຂົ້າເລື່ອງມື້ນີ້ກັນດີກວ່າ ເລື່ອງທີ່ເອົາມາຕ້ອນກັນໃນມື້ນີ້ນັ້ນກໍຄື: “ນາງຟ້າເທິງດິນ” ທີ່ເຮົາເຄີຍເວົ້າກັນ ແລະ ປະໂຫຍກນີ້ກໍອາດຈະບໍ່ພາດໄປຈາກບັນດາສາວກຸ່ມນີ້ເລີຍ ສາວແອ ນັ້ນເອງ ເຫດຜົນທີ່ວ່າເປັນຫຍັງຈຶ່ງເອີ້ນສາວແອວ່າ: “ນາງຟ້າເທິງດິນ” ກໍເພາະວ່າສາວແອນັ້ນມີທັງຄວາມງາມ, ເວົ້າຈາສຸພາບ, ກິລິຍາທ່າທາງອ່ອນນ້ອມຖ່ອມຕົວ, ຮັກຜູ້ໂດຍສານ ດ້ວຍເຫດຜົນເຫຼົ່ານີ້ພວກເຮົາຈຶ່ງມັກເອີ້ນສາວແອວ່າ: ນາງຟ້າເທິງດິນ ແລະ ມື້ນີ້ BeautyGuru ກໍໄດ້ຮວບຮວມເອົາຮູບບັນດາສາວໆແຕ່ລະສາຍການບິນມາຕ້ອນກັນນໍາ …

ຕ້ອນຮັບສາວໆ ແລະ ແຟນໆຂວັນໃຈສູ່ຕອນເຊົ້າຂອງ ມື້ວັນພະຫັດ ວັນດີວັນນີ້ BeautyGuru ຂໍໃຫ້ສາວໆແຟນຂວັນໃຈທຸກຄົນມີແຕ່ຄວາມສຸກສົມຫວັງຕະຫຼອດມື້ເດີ້ ສ່ວນ BeautyGuru ກໍຈະປະຕິບັດໜ້າທີ່ຂອງຕົນເອງໃຫ້ລາບລື່ນ ແລະ ນໍາສາລະດີໆມາໃຫ້ແຟນຂວັນໃຈຕະຫຼອດໝົດມື້ເຊັ່ນດຽວກັນ ມື້ນີ້ກໍໄດ້ເວລາທີ່ຈະພາສາວໆ ແລະ ແຟນຂວັນໃຈໄປພົບກັບເລື່ອງລາວທີ່ເອົາມາຝາກກັນເປັນປະຈໍາທຸກມື້ນັ້ນລ່ະ ຖ້າໃຜຢາກຮູ້ວ່າແຕ່ລະມື້ເຮົາເອົາຫຍັງມາຕ້ອນກັນແດ່ກໍຢ່າລືມຕິດຕາມ, ກົດ Like ກົດ Share ໃຫ້ກໍາລັງໃຈພວກເຮົາແນ່ເດີ້ ແລະ ສິ່ງທີ່ BeautyGuru ເອົາມາຕ້ອນໃນມື້ນີ້ກໍຫວັງຢ່າງຍິ່ງວ່າຈະຖືກໃຈແຟນໆຂວັນໃຈບໍ່ຫຼາຍກໍໜ້ອຍ ເນື່ອງຈາກວ່າວານນີ້ແອດໄປໂຮງໝໍມາລະບັງເອີນພົບສາວແພດຄົນງາມ ແຖມຍັງໃຈດີອີກຕ່າງຫາກ ແອດເລີຍຄິດຢາກຈະນໍາສະເໜີກ່ຽວກັບສາວແພດຄົນງາມ ແລະ ໃຈດີມີນໍ້າໃຈອັນງົດງາມ, ຊ່ວຍເຫຼືອຄົນເຈັບທຸກຄົນ ເຖິງຕົວເອງຈະເມື່ອຍແຕ່ກໍອົດໄດ້ ຂໍແຕ່ໃຫ້ຄົນເຈັບຫາຍຈາກອາການເຈັບປ່ວຍ ມື້ນີ້ BeautyGuru ຈຶ່ງໄດ້ຮວບຮວມເອົາຮູບພາບສາວແພດຄົນງາມຂອງລາວມາຕ້ອນແຟນໆກັນນໍາ ຖ້າໃຜຖືກໃຈກໍຢ່າລືມ ກົດ Like ກົດ Share ໃຫ້ບັນດາສາວແພດທັງຫຼາຍ ເພື່ອເປັນກໍາລັງໃຈໃນການປະຕິບັດໜ້່າທີ່ ວຽກງານຊ່ວຍເຫຼືອປະຊາຊົນຂອງພວກເຂົາແນ່ເດີ້.   By: BeautyGuru ເຄຼດິດຮູບຈາກ: ສາວແພດລາວ

ສະບາຍດີຕອນເຊົ້າວັນ ພຸດ ເດີ້ສາວໆ ແລະ ແຟນໆທີ່ໜ້າຮັກຂອງຂວັນໃຈທັງຫຼາຍ ມາພົບກັບ BeautyGuru ຄົນຜູ້ຮ້າຍໃຫຍ່ອີກແລ້ວ ມາພົບກັນມື້ນີ້ກໍປົກກະຕິຕາມເຄີຍຕ້ອງມີເລື່ອງເມົ້າມອຍຊາວບ້ານມາຕ້ອນກັນ ເອີ່ຍ! ບໍ່ແມ່ນເລື່ອງຂອງຄົນອື່ນທີ່ງາມກວ່າຕົນເອງ (ແລ້ວມັນຕ່າງກັນບ່ອນໃດລ່ະ 555) ແລະ ມື້ນີ້ BeautyGuru ຈະພາສາວຂວັນໃຈໄປເບີ່ງບັນດາສາວຄູທີ່ງາມຂອງລາວກັນ ສາວຄູເຫຼົ່ານີ້ນອກຈາກຈະງາມແລ້ວຈິດໃຈຍັງເຕັມໄປດ້ວຍຄວາມອ່ອນນ້ອມ, ໂອບເອື້ອາລີ, ຮັກເດັກນ້ອຍ, ຮັກປະເທດຊາດບ້ານເມືອງດ້ວຍການສອນໃຫ້ເດັກນ້ອຍຜູ້ທີ່ຈະເປັນອະນາຄົດຂອງຊາດໃຫ້ມີຄວາມຮູ້ຄວາມກ້າວໜ້າ ເພື່ອທີ່ຈະມາພັດທະນາປະເທດຊາດເຮົາໃນອະນາຄົດ (ຕົບມືດັງໆໃຫ້ເພີ່ນແນ່ເດີ້ສາວ) ໂອ໋ຍ…ເຫັນບັນດາສາວຄູລາວງາມໆແບບນີ້ແລ້ວໜຸ່ມທັງຫຼາຍຄົງມີຄວາມຄິດໃນຫົວວ່າ ຢາກກັບໄປຮຽນອີກເດ້ຢ່າງແນ່ນອນ ເອົ້າເພື່ອເະປັນການບໍ່ເສຍເວລາເຮົາໄປເບີ່ງພ້ອມກັນເລີຍໄປ… By: BeautyGuru ເຄຼດິດຮູບຈາກ: ສາວລາວ

ມາແລ້ວ BeautyGuru ຄົນຜູ້ຮ້າຍໃຫຍ່ມາພົບກັບສາວໆຕາມໂມງເກົ່າເວລາເດີມ ມາເພີ່ມຄືເລື່ອງລາວດີໆວ່າຊັ້ນສາ ແລະ ມື້ນີ້ຖ້າສາວຄົນໃດຢາກຮູ້ວ່າ BeautyGuru ມີຫຍັງມາຕ້ອນນັ້ນກໍຢ່າລືມຕິດຕາມກັນເດີ້ ແລະ ສິ່ງທີ່ເອົາມາຕ້ອນມາຝາກສາວໆໃນມື້ນີ້ກໍຄື ບັນດາສາວງາມໆໃນຊຸເຄື່ອງແບບຮົ້ວຂອງຊາດ ຄົງຈະເປັນໃຜໄປບໍ່ໄດ້ນອກຈາກສາວ ທະຫານນັ້ນເອງ ແລະ ຍັງບໍ່ໝົດພຽງແຕ່ສາວທະຫານງາມໆ ມື້ນີ້ຍັງມີມາໃຫ້ສາວໆປຽບທຽບກັນກໍຄືວ່າ ສາວທະຫານ VS ສາວຕໍາຫຼວດໃຜຈະງາມກວ່າກັນ ຖ້າທຽບເລື່ອງອື່ນກໍຄົງຈະທຽບບໍ່ໄດ້ເພາະຕ່າງຝ່າຍຕ່າງມີບົດບາດ ແລະ ໜ້າທີ່ສໍາຄັນ ທັງເກັ່ງອີກ ສະນັ້ນແອດເລີຍໃຫ້ສາວໆສົມທຽບກັນທີ່ຄວາມສາມັນຈຶ່ງສົມເຫດສົມຜົນເນາະສາວໆ ວ່າແລ້ວເຮົາກະໄປເບີ່ງກັນເລີຍວ່າ ລະຫວ່າງສາວທະຫານ VS ສາວຕໍາຫຼວດໃຜຈະງາມກວ່າກັນແທ້ ໄປເລີຍ!!! ສາວທະຫານລາວ ສາວຕໍາຫຼວດລາວ ໃຜງາມກວ່າກັນ ຢ່າລືມໄລ & ແຊຣກັນແນ່ເດີ້ By: BeautyGuru ເຄຼດິດຮູບຈາກ: ຂ້ອຍຮັກປະເທດລາວ ຂ້ອຍຮັກເມືອງລາວ

ສະບາຍດີສາວໆຂວັນໃຈທີ່ໜ້າຮັກທັງຫຼາຍ ເວລາມັນສັ້ນແທ້ໆວ່າບໍ່ສາວໆ (ເສົາ-ອາທິດໝົດໄປ) ຜ່ານໄປໜ້ອຍດຽວໝູນວຽນມາຮອດວັນຈັນອີກແລ້ວ ບໍ່ພໍ້ກັນດົນ (ຕັ້ງສອງມື້) ຄິດຮອດກັນຢູ່ບໍນໍ້ ສ່ວນວ່າ BeautyGuru ນັ້ນຄິດຮອດສາວໆແຟນຂວັນໃຈຢູ່ຕະຫຼອດຕະຫຼອດເລີຍ ຢາກຈະມາເວົ້າມາລົມ, ເອົາເລຶ່ອງລາວຕ່າງໆມາໃຫ້ສາວໆຍຸກໃໝ່ທີ່ຢູ່ກັບ Net Work ໄດ້ອັບເດດສາລະຄວາມຮູ້, ຄວາມບັນເທີງຕ່າງໆ ແລະ ມື້ນິີ້ກໍປົກກະຕິເຊັ່ນເຄີຍທີ່ BeautyGuru ກໍບໍ່ພາດກັບເລຶ່ອງລາວດີໆທີ່ຊອກຄົ້ນຫາເອົາມາຕ້ອນສາວໆ ສ່ວນວ່າຈະເປັນເລຶ່ອງໃດນັ້ນເຮົາໄປອ່ານ ແລະ ຮູ້ຈັກພ້ອມກັນເລີຍ!! ເລຶ່ອງທີ່ເອົາມາຕ້ອນໃນມື້ນີ້ໄດ້ແກ່…ຊຸດຊົນເຜົ່າງາມໆທີ່ສາວໆຫຼາຍຄົນອາດຈະບໍ່ເຄີຍເຫັນມາກ່ອນ ແລະ ຊຸດງາມທີ່ວ່ານີ້ແມ່ນ ຊຸດຂອງຊົນເຜົ່າໄຕລື້ນັ້ນເອງ. ຊົນເຜົ່າໄຕລື້ນີ້ເປັນອີກຊົນເຜົ່າໜຶ່ງຂອງລາວ ຫຼືທີ່ຫຼາຍຄົນເຄີຍໄດ້ຍິນຈາກຄໍາວ່າ ລື້ສິບສອງປັນນານັ້ນເອງ ຊົນເຜົ່າລື້ນີ້ກໍຄືກັບຊົນເຜົ່າອື່ນໆໃນປະເທດລາວທີ່ມີການດໍາລົງຊີວິດ, ວັດທະນະທໍາການນຸ່ງຖືທີ່ເປັນເອກະລັກສະເພາະ ຊົນເຜົ່າລື້ ສ່ວນຫຼາຍແມ່ນຕັ້ງຖີນຖານ, ດໍາລົງຊີວິດຢູ່ທາງພາກເໜຶອຂອງລາວເປັນຕົ້ນແມ່ນ: ແຂວງ ຜົ້ງສາລີ, ຫຼວງນໍ້າທາ, ບໍ່ແກ້ວ, ຫຼວງພະບາງ, ໄຊຍະບູລີ… ທີ່ມີຊາຍແດນຕິດກັບປະເທດຈີນເພາະໃນຕໍານານບູຮານເລົ່າກັນມາວ່າ ຊົນເຜົ່າໄຕລື້ແມ່ນເຜົ່າຄົນທີ່ອົບພະຍົບມາແຕ່ປະເທດຈີນ. (ຂໍຈົບເລຶ່ອງປະຫວັດສາ) ແລະ ສິ່ງທີ່ສະດຸດຕາແອດທີ່ສຸດກໍຄືຊຸດທີ່ເປັນເອກະລັກຂອງຊົນເຜົ່າລື້ທີ່ມີຄວາມສວຍງາມບໍ່ແພ້ເຜົ່າອື່ນໆ ເຊິ່ງກໍພາດບໍ່ໄດ້ເລີຍທີ່ຈະເອົາມາຕ້ອນມາຝາກກັນໃຫ້ສາວໆໄດ້ເບິ່ງນໍາກັນ. ສ່ວນວ່າຈະງາມຂະໜາດໃດ ແລະ ເຂົ້າຕາສາວໆຄົນໃດບໍ່ນັ້ນເຮົາໄປເບິ່ງພ້ອມໆກັນເລີຍ. …