Beauty

ສະບາຍດີສາວໆ ແຟນຂວັນໃຈມາພົບກັບ BeautyGuru ຄົນເກົ່າຄົນເດີມ ເພີ່ມເຕີມຄືສິ່ງດີໆທີ່ຈະເອົາມາຕ້ອນແຟນໆ (ວ່າຊັ້ນ) ຫຼັງຈາກທີ່ຫາຍໄປດົນ (ເກືອບອາທິດ) ກໍໄດ້ກັບມາປະຕິບັດໜ້າທີ່ສອດສ່ອງເລື່ອງຊາວບ້ານຄືເກົ່າ ມາປະຈໍາການບ່ອນເກົ່າເວລາເດີມ ມື້ນີ້ມາພົບພໍ້ກັນກໍແນ່ນອນ ວ່າຕ້ອງມີເລື່ອງດີໆມາຕ້ອນມາຝາກກັນແນ່ນອນ ສາວໆຄົງເຄີຍໄດ້ຍິນຄໍານີ້ເນາະ ເມືອງວິລະຊົນ ແນ່ນອນວ່າເຄີຍເພາະ ເມືອງວິລະຊົນນັ້ນ ເປັນດິນແດນບ້ານເກີດເມືອງນອນຂອງ ລຸງ ໄກສອນ ພົມວິຫານ ຜູ້ນໍາທີ່ແສນເຄົາລົບຮັກຂອງປະຊາຊົນລາວນັ້ນເອງ ແຕ່ທີ່ BeautyGru ມາເວົ້າມື້ນີ້ບໍ່ໄດ້ຈະມາເວົ້າເລື່ອງປະຫວັດສາດໃຫ້ສາວໆຟັງດອກ ແຕ່ໄດ້ຍິນເພີ່ນເວົ້າມາວ່າ ສາວແຫ່ງເມືອງວິລະຊົນນັ້ນມີແຕ່ຄົນງາມໆວ່າຊັ້ນ (ໃຜວ່າລະ) ແລ້ວໜຸ່ມໆສາວໆແຟນຂວັນໃຈວ່າຄືກັນກັບເພີ່ນບໍ່ລ່ະ ແຕ່ຖ້າຈະເວົ້າໄປເວົ້າເລື່ອງສາວງາມນັ້ນ ບໍ່ວ່າຢູ່ໃສກໍມີທັງຄົນງາມ ແລະ ບໍ່ງາມ ສະນັ້ນມື້ນີ້ແອດກໍໄດ້ຮວບຮວມເອົາຮູບພາບບັນດາສາວງາມແຫ່ງເມືອງວິລະຊົນມາໃຫ້ເບີ່ງ ແລະ ຕັດສິນນໍາກັນສ່ວນວ່າຈະງາມ ຫຼືບໍ່ນັ້ນເຮົາກໍໄປເບີ່ງນໍາກັນເລີຍ. ເປັນແນວໃດ ສາວໆຈາກເມືອງວິລະຊົນຂອງເຮົາ ງາມ ຫຼືແນວໃດກໍຢ່າລືມ ຄອມເມັ້ນ Like and Share ໃຫ້ແອດຮູ້ກັນນໍາເດີ້!!! By: BeautyGru ເຄຼດິດຮູບຈາກ: ສາວສະຫວັນ  

ສາວ Bank ເປັນຄວາມຝັນທີ່ສາວໆຫຼາຍຄົນໄຟ່ຝັນ ເພາະເປັນອາຊີບທີ່ໄດ້ແຕ່ງຕົວງາມໆ, ເວົ້າຫວານໆ, ເຮັດໃຫ້ລູກຄ້າພໍໃຈ ແລະ ເປັນນາງຟ້າຂອງລູກຄ້າທີ່ມາໃຊ້ບໍລິການເລີຍລະ ແຕ່ທະນາຄານໃນບ້ານເຮົານັ້ນກໍມີຫຼາຍທະນາຄານ ດັ່ງນັ້ນໃນມື້ນີ້ເຮົາຈະມາໃຫ້ໂຫວດກັນວ່າສາວໆທະນາຄານໃດວ່າງາມກວ່າກັນ ອ່ະແນ່ຮູ້ສຶກວ່າຈະມ່ວນເນາະມີໃຫ້ຫຼິ້ນກັນນໍາ ແລະ ສາວໆທະນາຄານທີ່ຈະເອົາມາໃຫ້ໂຫວດໃນມື້ນີ້ມີ: ທະນາຄານພັດທະນາລາວ, ທະນາຄານການຄ້າຕ່າງປະເທດລາວ, ທະນາຄານຮ່ວມພັດທະນາ, ທະນາຄານເອສທີ  ແລະ ທະນາຄານພົງສະຫວັນນັ້ນເອງ. ວ່າແລ້ວເຮົາມາເລີ່ມກັນເລີຍດີກວ່າ. ສາວທະນາຄານພັດທະນາລາວ ສາວທະນາຄານການຄ້າ ສາວທະນາຄານຮ່ວມພັດທະນາລາວ ສາວທະນາຄານເອສທີ ສາວທະນາຄານພົງສະຫວັນ   ສາວທະນາຄານໃດງາມກວ່າກັນຢ່າລືມ C.M, Like and Share ບອກຕໍ່ກັນໃຫ້ຮູ້ນໍາເດີ້ By: BeautyGuru ເຄຼດິດຮູບຈາກ: ສາວທະນາຄານ

ວັດທະນະທໍາ ປະເພນີອັນດີງາມຂອງຊາດຄວນແກ່ການຮັກສາ ສະບາຍດີຕອນເຊົ້າຂອງມື້ທໍາອິດ ຂອງເດືອນມີນາ ເດີ້ສາວໆຜ່ານພົ້ນໄປແລ້ວສໍາລັບເດືອນກຸມພາ ເຮົາກໍສືບຕໍ່ປະຕິບັດໜ້າທີ່ວຽກງານຂອງເຮົາຕໍ່ໄປ ມື້ນີ້ BeautyGuru ກໍໄດ້ເອົາເລື່ອງລາວຂອງ ວັດທະນະທໍາ ຮີດຄອງປະເພນີອັນດີງາມຂອງຊາດລາວທີ່ຄວນແກ່ການຮັກສາ ໂດຍທຸກຄົນທີ່ເປັນຄົນລາວກໍສາມາດເຮັດໄດ້ບໍ່ຍາກ ເພາະວັດທະນະທໍາທີ່ຈະຍົກໃຫ້ເຫັນໃນມື້ນີ້ໄດ້ແກ່ ວັດທະນະທໍາການນຸ່ງຖືໄປວັດຟັງທໍາຂອງແມ່ຍິງລາວນັ້ນເອງ ເຊິ່ງວັດທະນະທໍານີ້ແມ່ນໄດ້ສືບທອດກັນມາແຕ່ສະໄໝປູ່ຍ່າຕາຍາຍເຮົາແລ້ວ ແລະ ມາຮອດປັດຈຸບັນນີ້ສາວໆເຄີຍສັງເກດບໍ່ວ່າເວລາເຂົ້າວັດຟັງທໍາ, ໄປເຮັດບຸນຕ່າງກໍຈະເຫັນໄດ້ວ່າ ແມ່ຍິງລາວເຮົານັ້ນແມ່ນມີການນຸ່ງສິ້ນໄໝ ຫຼືສິ້ນຝ້າຍ, ໃສ່ເສຶ້ອໄໝ ຫຼືເສຶ້ອສຸພາບ ບ່ຽງແພ ບາງຄົນກໍມີການເກົ້າຜົມນໍານັ້ນກໍສະແດງເຖິງຄວາມເປັນເອກະລັກວັດທະນະທໍາຂອງລາວທີ່ດີທີ່ສຸດ ອັນນີ້ກໍຂໍຊົມເຊີຍນໍາຜູ້ທີ່ຍັງຮັກສາວັດທະນະທໍາທີ່ດີງາມນີ້ໄວ້ ແຕ່ທີ່ BeautyGuru ຍົກມາໃຫ້ເຫັນນີ້ບໍ່ໄດ້ໝາຍຄວາມວ່າຈະໃຫ້ສາວໆໄປປະຕິບັດຕາມແບບລາວດັ້ງເດີມເປະໆດອກ ພຽງແຕ່ເອົາມາໃຫ້ອ່ານວ່າເມື່ອກ່ອນເຂົາປະຕິບັດກັນມາແນວໃດ ແຕ່ຖ້າເປັນໄປໄດ້ກໍຢາກຈະແນະນໍາເວລາເຂົ້າວັດເຂົ້າພຽງແຕ່ຢ່າແຕ່ງຕົວ ຫຼືນຸ່ງເຄື່ອງທີ່ມັນ Sexy ເກີນໄປກໍພໍແລ້ວ ແລະ ຖ້າເປັນໄປໄດ້ອີກກໍຢາກແນະນໍາໃຫ້ນຸ່ງສີ້ນກໍພໍ ສ່ວນວ່າເສື້ອໄໝ ເກົ້າຜົມບ່ຽງແພນັ້ນກໍແລ້ວແຕ່ບຸກຄົນທີ່ມັກກໍແລ້ວກັນເນາະສາວໆ ແຕ່ວ່າຕອນນີ້ເຮົາໄປເບີ່ງກັນດີກວ່າ ການທີ່ແຕ່ງຕົວໄປວັດຕາມແບບສະບັດຂອງຄົນລາວດັ້ງເດີມນັ້ນຈະງາມພຽງໃດ? By: BeautyGuru ເຄຼດິດຮູບຈາກ: Sk Dony

ສາວໆ ແລະ ແຟນໆຂວັນໃຈມື້ນີ້ກໍແມ່ນມື້ສຸດທ້າຍຂອງເດືອນ ກຸມພາແລ້ວ ມື້ສຸດທ້າຍຂອງເດືອນແຫ່ງຄວາມຮັກແລ້ວ ສໍາລັບຄົນທີ່ຍັງໂສດກໍໃຊ້ຊີວິດກັບຕົວເອງໃຫ້ມີຄວາມສຸກ ສ່ວນຄົນມີຄູ່ກໍຈົ່ງໃຊ້ຊີວິດຄູ່ຢ່າງມີຄວາມສຸກເດີ້ ຊີວິດມີຄວາມສຸກແລ້ວກໍຢ່າລືມຕິດຕາມຂວັນໃຈແນ່ເດີ້ເພື່ອຈະໄດ້ຂໍ້ມູນ ແລະ ສາລະດີໆເພີ່ມຕື່ມເຮັດໃຫເຮົາທັນໂລກ ທັນເຫດການຕ່າງໆທີ່ເກີດຂຶ້ນນັ້ນເອງ. ເອົາລ່ະມື້ນີ້ກໍປົກກະຕິຄືເກົ່າທີ່ຕ້ອງໄປຊອດສ່ອງຊາວບ້ານແລ້ວນໍາເອົາເລື່ອງລາວຕ່າງໆນັ້ນມາຕ້ອນສາວໆ ອາດຈະມີຄວາມສ່ຽງແນ່ແຕ່ກໍຍອມເພື່ອສາວໆ ແລະ ແຟນໆຂວັນໃຈ (ງານດຣາມ່າກໍມາ 555) ຫຼັງຈາກທີ່ໄປສອດສ່ອງມາກໍໄດ້ເລື່ອງລາວວ່າແນວນີ້ ສາວນັກສຶກສາລາວຄືມີແຕ່ຜູ້ງາມໆແທ້ ເຫັນແລ້ວເປັນຕາສະອອນຫຼາຍໆ ເລີຍເອົາມາໃຫ້ສາວໆແຟນຂວັນໃຈຕັດສິນຊ່ວຍກັນວ່າງາມຄືກັບທີ່ BeautyGuru ເຫັນບໍ່ ຫຼືວ່າແອດສາຍຕາບໍ່ດີ. ໄປເບີ່ງຊ່ວຍກັນແນ່ວ່າງາມແທ້ບໍ່? ຖ້າໃຜເຫັນວ່າສາວໆນັກສຶກສາຂອງລາວເຮົາງາມກໍຢ່າລືມ C.M  Like & Share ໃຫ້ໂລກຮັບຮູ້ແນ່ວ່າສາວລາວງາມບໍ່ແພ້ຊາດໃດໃນໂລກ ໂດຍສະເພາະສາວນັກສຶກສາທີ່ທັງງາມ ທັງເກັ່ງເຫຼົ່ານີ້ By: BeautyGuru ເຄຼດິດຮູບພາບຈາກ: ສາວລາວ Lao girl

ສະບາຍດີສາວໆແຟນໆຂວັນໃຈ ໝູນວຽນມາອີກຮອບກັບວັນຈັນ ມື້ທໍາອິດຂອງອາທິດ ວັນເລີ່ມຕົ້ນຂອງການເຮັດວຽກ ແລະ ຍັງອີກແຕ່ມື້ດຽວເທົ່ານັ້ນກໍຈະເປັນມື້ສຸດທ້າຍຂອງເດືອນກຸມພາ ເດືອນແຫ່ງຄວາມຮັກແລ້ວ ເຖິງວ່າເວລາຈະໝູນວຽນປ່ຽນໄປຮອດມື້ໃດ ແຕ່ສິ່ງທີ່ບໍ່ປ່ຽນໄປຕາມເວລາກໍຄື ສິ່ງດີໆທີ່ BeautyGuru ຈະເອົາມາຕ້ອນມາຝາກສາວໆກັນເປັນປະຈໍານັ້ນເອງ ສ່ວນວ່າສິ່ງທີ່ຈະເອົາມາຕ້ອນກັນໃນມື້ນີ້ນັ້ນບໍ່ຕ້ອງໄປເດົາວ່າແມ່ນຫຍັງມີແຕ່ວ່າໄປອ່ານເອງເລີຍແລ້ວຈະຮູ້ເອງ! ສິ່ງນັ້ນກໍຄື ເອກະລັກການຸ່ງຖືຂອງຊົນເຜົ່າກຶມມຸ (ລາວເທິງ) ນັ້ນເອງ ເຊື່ອວ່າຫຼາຍຄົນຄົງຈະເຄີຍໄດ້ຍິນມາກ່ອນເນາະສໍາລັບຊໍື່ຂອງຊົນເຜົ່າກຶມມຸ ຫຼືລາວເທິງ ເພາະວ່າຊົນເຜົ່ານີ້ກໍເປັນໜຶ່ງໃນສາມຂອງຊົນເຜົ່າຂອງລາວນັ້ນເອງ ທີ່ມີການດໍາລົງຊີວິດຢູ່ຮ່ວມກັບຊາວສລາວທົ່ວໄປ ແຕ່ມີສິ່ງແຕກຕ່າງກໍອາດຈະເປັນວັດທະນະທໍາທີ່ເປັນເອກະລັກຂອງເຜົ່ານັ້ນເອງ ສິ່ງທີ່ BeautyGuru ເອົາມາຕ້ອນມື້ນີ້ກໍເປັນອີກວັດທະນະທໍາທີ່ເປັນເອກະລັກຂອງຊົນເຜົ່າກຶມມຸທີ່ມີຄວາມໝາຍຫຼາຍອີກວັດທະນະທໍາໜຶ່ງກໍຄື ວັດທະນະທໍາການນຸ່ງຖືນັ້ນເອງ. ສ່ວນວ່າຈະງາມ ແລະ ແຕກຕ່າງຈາກເຜົ່າອື່ນແນວໃດນັ້ນເຮົາໄປເບີ່ງພ້ອມກັນເລີຍ… By: BeautyGuru ເຄຼດິດຮູບຈາກ: Laos 08 ແລະ Una Studio