Home

ໃຜໆກໍຮູ້ວ່າ ເລື່ອງຮັກໆນັ້ນບໍ່ເຂົ້າໃຜອອກໃຜ ຍິ່ງໄປກວ່ານັ້ນຫົວໃຈຂອງເຮົາກໍເປັນສິ່ງທີ່ບັງຄັບຍາກທີ່ສຸດ ຈະສັ່ງໃຫ້ຄົນອື່ນມາຮັກເຮົາກໍບໍ່ໄດ້ ຖ້າໃຈບໍ່ຢາກຮັກ ຫຼືຈະສັ່ງຫ້າມບໍ່ໃຫ້ຮັກຄົນທີ່ເຮັດບໍ່ດີກັບເຮົາກໍບໍ່ໄດ້ອີກ ສະນັ້ນ ສາວໆມື້ນີ້ ຂວັນໃຈ ເລີຍຢາກຈະມາແນະນໍາຜູ້ຊາຍທີ່ ເຖິງໃຈຈະຢາກໄດ້ເກືອບຕາຍ ກໍຄວນຫັກຫ້າມໃຈບໍ່ໃຫ້ໄປຫຼົງຮັກເດັດຂາດ ໂດຍສະເພາະຜູ້ຊາຍ 5 ປະເພດນີ້… ຜູ້ຊາຍມີເຈົ້າຂອງ ອັນດັບທໍາອິດທີ່ສາວໆຄວນຫ້າມໃຈບໍ່ໃຫ້ໄປຮັກເດັດຂາດ ເຖິງເຂົາຈະເປັນຝ່າຍເຂົ້າມາຫາເຮົາກ່ອນ ຫຼືເປັນເພາະເຮົາເອງທີ່ໄປຫຼົງຮັກຄົນມີເຈົ້າຂອງກໍຕາມ ແນ່ນອນຖ້າສາວໆເຜີໃຈໄປຮັກຄົນມີເຈົ້າຂອງແລ້ວ ບໍ່ວ່າຈະເປັນຍ້ອນລາວກໍາລັງເລີກກັບແຟນ, ກໍາລັງປະເມຍ, ແຍກກັນຢູ່, ກໍາລັງແຍກທາງກັນ, ຍ້ອນແຟນ ຫຼືເມຍເປັນແນວນັ້ນແນວນີ້ ຈົນລາວພະຍາຍາມເລີກ ໄລຍະເວລານັ້ນເຖິງເຈົ້າຈະຢູ່ໃນຖານະໃດກໍຕາມຖ້າເຂົ້າໄປມີສ່ວນກ່ຽວຂ້ອງ ເພາະສຽງປະນາມທີ່ເຈົ້າຈະໄດ້ຮັບນັ້ນ ຄືຄວາມຈິງທີ່ເຈົ້າບໍ່ສາມາດຫຼີກລ່ຽງໄດ້. ສັກສີລູກຜູ້ຍິງຄວນຮັກສາ ເພື່ອໃຫ້ເຮົາສາມາດພາກພູມໃຈໃນຕົວເອງໄດ້ຢ່າງເຕັມທີ່ ແລະ ແທ້ຈິງ ຍັງມີຄົນທີ່ເກີດມາເພື່ອເຮົາ ແລະ ກໍາລັງຖ້າເຮົາຢູ່ ຂໍພຽງເຮົາເກັບຕົວ, ເກັບໃຈໄວ້ພົບກັບເຂົາເທົ່ານັ້ນ ແລະ ຖ້າຫ້າມໃຈຕົວເອງບໍ່ໄດ້ແທ້ໆກໍລອງຄິດເອົາໃຈເພິ່ນມາໃສ່ໃຈຕົວເບິ່ງວ່າ ຖ້າມື້ໜຶ່ງມີຄົນມາຍາດຄົນທີ່ເຮົາຮັກໄປເຮົາຈະຮູ້ສຶກແນວໃດ? ຜູ້ຊາຍປາກບໍ່ມີແນວອັດ ບໍ່ວ່າຜູ້ຊາຍທີ່ເຮົາມັກຈະເວົ້າເກັ່ງ, ປາກບໍ່ມີແນວອັດ ບ້າໄບ່ ເວົ້າຫຼາຍບໍ່ມີຈຸດມີຈ້ຳ ແບບສັນຍາແລ້ວບໍ່ເຮັດ, ສາບານແລ້ວບໍ່ໃສ່ໃຈ ປະຊົດທໍາຮ້າຍຈິດໃຈເກືອບທຸກປະໂຫຍກຄໍາເວົ້າ …

Hello ແຟນໆເລີ່ມຕົ້ນ ເດືອນພະຈິກ 2018 ກັບບັນຍາກາດເຢັນໆ ກ້າວເຂົ້າສູ່ລະດູໜາວແລ້ວຢ່າລືມຮັກສາສຸຂະພາບກັນແດ່ເດີ້… ເອົາລະ!!! ເຂົ້າເລື່ອງກັນເລີຍ ເຊື່ອວ່າແຟນໆຄົງໄດ້ຕິດຕາມການປະກວດ Miss International ທີ່ມີສາວງາມຕົວແທນປະເທດລາວ ຫຼ້າສຸດປີນີ້ກໍໄດ້ ບາບີ້ ປິຍະມາດ ພູນປະເສີດ Miss International Laos 2018 ທີ່ປັດຈຸບັນກຳລັງເກັບຕົວ ເຮັດກິດຈະກຳກັບທາງກອງປະກວດ ແຖມນາງຍັງຕິດກະແສ ຖືກຈັດອັນດັບຈາກເວັບໄຊ້ດັງໃຫ້ເປັນ ຕົວເກັງອັນດັບ 1 ທີ່ມີລຸ້ນວ່າອາດຈະຄວ້າມົງກຸດ Miss International 2018 ໃນປີນີ້ອີກດ້ວຍ. ແລະ ບັນຍາກາດແບບນີ້ໃນປີກາຍທີ່ຜ່ານມາກໍເຊັ່ນດຽວກັນ ເພາະອີກໜື່ງສາວງາມທີ່ເດີນທາງໄປປະກວດເປັນຄົນທຳອິດໃນເວທີນີ້ເລີຍກໍຄື ມິມີ່ ພູນຊັບ ພົນໂຍທາ Miss International Laos 2017 ທີ່ເດີນທາງໄປເປັນຕົວແທນປະເທດລາວເພື່ອເຂົ້າປະກວດນາງງາມເວທີລະດັບສາກົນ Miss International 2017 ຈັດຂຶ້ນທີ່ ປະເທດ ຍີ່ປຸ່ນ ໃນປີທີ່ຜ່ານມາ… ຈົນສາມາດເປັນທີ່ສົນໃຈຈາກຄົນທົ່ວໂລກໃນຖານະສາວງາມຕົວແທນປະເທດລາວ ແລະ ຍັງບໍ່ໝົດພຽງເທົ່ານັ້ນ …

ວົງການນາງງາມບ້ານເຮົາຖືວ່າກຳລັງມາແຮງຕິດກະແສກັນສຸດໆໃນເວລານີ້ ແວະວຽນມາທີ່ອີກໜຶ່ງເວທີ ນາງສາວລາວ (MISS LAOS  2018) ເຊິ່ງເປັນອີກເວທີໜຶ່ງທີ່ຈະເປີດໂອກາດໃຫ້ແມ່ຍິງລາວໄດ້ມາປະຊັນຄວາມງາມ ສະແດງຄວາມສາມາດ ແລະ ເປັນທູດວັດທະນະທຳ, ທ່ອງທ່ຽວລາວ ແລະ ນາງສາວທູດດ້ານການສຶກສາ. ຫຼ້າສຸດ!!! ທາງກອງປະກວດກໍໄດ້ເປີດໂຕ 40 ສາວງາມຜູ້ຜ່ານເຂົ້າຮອບ  MISS LAOS  2018 ເຊິ່ງສາວງາມທັງໝົດ 40 ຄົນແມ່ນໄດ້ຄັດເລືອກມາຈາກ 18 ແຂວງທົ່ວປະເທດລາວ, 40 ສາວງາມທີ່ຜ່ານເຂົ້າຮອບສຸດທ້າຍຈະໄດ້ຮ່ວມເກັບຕົວເພື່ອເຮັດກິດຈະກຳ ແລະ ຮອບຕັດສິນ ນາງສາວລາວ (MISS LAOS  2018 ) ຈະມີຂຶ້ນໃນວັນທີ 7 ທັນວາ 2018ທີ່ຈະມາເຖິງນີ້. (40 ສາວງາມຜູ້ຜ່ານເຂົ້າຮອບ  MISS LAOS  2018 ຕົວແທນຈາກ 18 ແຂວງ ມີໃຜແນ່ນັ້ນມາເບິ່ງກັນເລີຍ) ສາວງາມທີ່ໄດ້ຮັບຕຳແໜ່ງ Miss Laos 2018 ຈະໄດ້ຮັບເງິນ ພ້ອມມົງກຸດປະຈຳຕຳແໜ່ງ, ທຶນການສຶກສາຕໍ່ລະດັບປະລິນຍາຕີ ທີ ສປ …

ຊ່ວງນີ້ວົງການບັນເທີງປະເທດລາວເຮົາຖືວ່າຄຶກຄັກ ຄືກຄື້ນແບບບໍ່ເຄີຍມີມາກ່ອນ ແລະ ເມື່ອບໍ່ດົນມານີ້ກໍມີຂ່າວດີມາຝາກພໍ່ແມ່ພີ່ນ້ອງຊາວລາວເຮົາອີກແລ້ວ ເພາະຫຼ້າສຸດ “ທີມມິດຕະພາບກັນເອງ” ນັກກາຍະສິນຈາກລາວໄດ້ຜ່ານເຂົ້າສູ່ຮອບ Final ໃນລາຍການ Thailand’s Got Talent ເປັນທີ່ຮຽບຮ້ອຍ. (ຊົມເຊີຍ! ຂໍສະແດງຄວາມຍິນດີນຳຫຼາຍໆ) (ມີຄລິບ) TGT11 มิตรภาพกันเอง | Semi – Final | 29 ต.ค. 61 ? TGT11 มิตรภาพกันเอง โชว์จาก คุณแหวง และคุณสิบ สองหนุ่มสาวจากประเทศเพื่อนบ้านที่เดินทางมาจาก สาธารณรัฐประชาธิปไตยประชาชนลาว ยังคงทำให้เราประทับใจในความแข็งแกร่ง และงดงามอ่อนช้อยเหมือนเดิม ▶▶▶▶▶▶#ThailandsGotTalent ทุกวันจันทร์ เวลา 20.05 น. #Workpoint23 Posted by Thailand's Got Talent on Monday, October 29, 2018 …

ມາມາມາ…ມາອັບເດດວົງການນາງງາມທີ່ກຳລັງເປັນກະແສກັນແບບສົດໆ ຮ້ອນໆ ຫຼ້າສຸດມີຂ່າວດີມາຝາກພໍ່ແມ່ພີ່ນ້ອງຊາວລາວ ຫຼັງຈາກທີ່ເວັບໄຊ້ນາງງາມລະດັບໂລກ www.officialglobalbeauties.com ໄດ້ອອກມາຈັດລຳດັບວ່າ https://www.globalbeauties.com/ ສາວງາມ 1-15 ປະເທດດັ່ງຕໍ່ໄປນີ້ແມ່ນມີສິດຈະຄວ້າມົງກຸດໃນເວທີ Miss International 2018 ທີ່ປະເທດ ຍີ່ປຸ່ນຫຼາຍທີ່ສຸດ. ແລະ ບາບີ້ ປິຍະມາດ Miss International Laos 2018 ກໍບໍ່ເຮັດໃຫ້ຜິດຫວັງ ເພາະສາມາດຂຶ້ນເປັນຕົວເກັງອັນດັບ 1 ທີ່ມີສິດຈະຄວ້າມົງກຸດ Miss International 2018 ທີ່ປະເທດ ຍີ່ປຸ່ນ. #ແຊຣໄປໃຫ້ໂລກຮູ້ນີ້ຄືສາວງາມຈາກປະເທດລາວ ?????? ການຂຶ້ນເປັນຕົວເກັງອັນດັບ 1 ໃນເທື່ອນີ້ ນັບວ່າເປັນຄັ້ງປະຫວັດສາດຂອງສາວງາມຈາກລາວເລີຍກໍວ່າໄດ້ ແລະ ໄລຍະນີ້ ບາບີ້ ປິຍະມາດ Miss International Laos 2018 ຢ່າງໃດກໍຢ່າລືມເປັນກຳລັງໃຈໃຫ້ສາວງາມຕົວແທນປະເທດລາວໃນການປະກວດເວທີລະດັບໂລກ Miss International 2018 ທີ່ ປະເທດ ຍີ່ປຸ່ນ ແລະ ຈະມີຮອບຕັດສິນໃນວັນທີ 9 ພະຈິກ 2018 ນີ້ ເຮົາຄົນລາວກໍຢ່າລືມເຊຍ …