Home

ກະຊວງໂຍທາທິການ ແລະ ຂົນສົ່ງ ພະແນກ ຍທຂ ນະຄອນຫລວງວຽງຈັນ ໄດ້ອອກແຈ້ງການເລື່ອງ: ການປິດເສັ້ນທາງການສັນຈອນພາຫະນະທຸກປະເພດ ໃນຊ່ວງບຸນອອກພັນສາປະວໍລະນາ ແລະ ບຸນຊ່ວງເຮືອ ປະຈຳປີ 2018 ທີ່ທ່າວັດຈັນ ເມືອງ ຈັນທະບູລີ ນະຄອນຫລວງວຽງຈັນ ໃນລະຫວ່າງວັນທີ 22-27 ຕຸລາ 2018. ເລີ່ມຕັ້ງແຕ່ວັນທີ 22 ຫາ 27 ຕຸລາ 2018 ເປັນຕົ້ນໄປ ໃຫ້ງົດການສັນຈອນທຸກປະເພດຊົ່ວຄາວ ເປັນບາງເວລາ ຕາມຖະໜົນດັ່ງລຸ່ມນີ້: – ຖະໜົນ ດອນຈັນ (ແຄມຂອງ) ແຕ່ສາມແຍກປາກປາສັກ ຫາ ອານຸສາວະລີເຈົ້າອານຸວົງ – ຖະໜົນ ເຈົ້າຟ່າງຸ່ມ (ແຕ່ສາມແຍກປາກປາສັກ ຫາ ຫໍພະແຫ້ວ) (ຂໍຂອບໃຈສຳລັບຮູບພາບ)  

ມາເບິ່ງກັນວ່າຈະເປັນແນວໃດເມື່ອ??? ພະລັນຍູ ໂລດຈະນະວຸດທຳ (ແທັກ)  ນັກສະແດງ-ພິທີກອນສຸດແນວຈາກປະເທດເພື່ອນບ້ານ ໄດ້ເດີນທາງມາທ່ອງທ່ຽວພ້ອມກັບຖ່າຍທຳລາຍການ ເຊິ່ງການເດີນທາງມາຂອງ ແທັກ ໃນຄັ້ງນີ້ເພິ່ນກໍໄດ້ມີໂອກາດເດີນທາງໄປທີ່ ຕະຫຼາດຂົວດິນ ນະຄອນຫຼວງວຽງຈັນ ປະເທດລາວ ແລະ ກໍໄດ້ຍ່າງທ່ຽວຊົມເບິ່ງວິຖີຊີວິດໃນຍາມເຊົ້າຂອງພໍ່ແມ່ພີ່ນ້ອງຊາວລາວ. (ມີຄລິບລາຍການມາຝາກ)  ແລະ ຍັງບໍ່ໝົດພຽງແຕ່ເທົ່ານັ້ນໄດ້ມາເຖິງ ນະຄອນຫຼວງວຽງຈັນ ປະເທດລາວ ທັງທີ ໜຸ່ມ ແທັກ ພະລັນຍູ ກໍບໍ່ພາດທີ່ຈະໄປທ່ຽວຊົມສະຖານທີ່ທ່ອງທ່ຽວທີ່ເປັນຈຸດແລນມາກບໍ່ວ່າຈະເປັນ ພຣະທາດຫຼວງວຽງຈັນ, ພິພິທະພັນ ຫໍພຣະແກ້ວ ແລະ ສວນປະຕູໄຊ… (ລອງມາເບິ່ງຄລິບລາຍການທີ່ຖ່າຍທຳໃນປະເທດລາວ) ເບິ່ງແລ້ວປະເທດລາວງົດງາມແທ້ໆເລີຍວ່າບໍ່ແຟນໆ???, ຢ່າງໃດກໍຝາກ ໜຸ່ມ ແທັກ ພະລັນຍູ ຢ່າລືມມາຢ້ຽມຍາມປະເທດລາວກັນອີກແດ່ ແຟນໆຊາວລາວຍິນດີຕ້ອນຮັບ!!! ຮູບພາບ: IG/tack_pharunyoo ຄລິບ: BRIGHT TV/บิน กิน เฮ

ຫຼັງຈາກທີ່ລຸ້ນກັນມາດົນເຕີບ ແຟນໆຫຼາຍໆທ່ານຄົງເປັນແຟນຄລັບຂອງ ຄູ່ຮັກສາວລາວ ນູ່ນີ່ ກຸມພົນພັກດີ ແລະ ອ໋ອບ ລາຍພາງ ບ່າວໄທ ທີ່ທັງສອງໂດ່ງດັງມາຈາກລາຍການເລືອກຄູ່ Take Me Out Thailand  ແລະ ມາຮອດໃນວັນທີ 14 ຕຸລາ 2018 ທີ່່ຜ່ານມາ ເຊິ່ງເປັນວັນຄ້າຍວັນເກີດຂອງ ສາວ ນຸນີ່ ແລະ ຍັງບໍ່ໝົດພຽງແຕ່ເທົ່ານັ້ນ ເພາະໄດ້ປະກົດຮູບພາບຄຸກເຂົ່າສວມແຫວນລະຫວ່າງ ສາວລາວ-ບ່າວໄທ ຄູ່ນີ້ເກີດຂຶ້ນ… ການຄຸກເຂົ່າໃນເທື່ອນີ້ແມ່ນ ໜຸ່ມອ໋ອບ ໄດ້ຈັດເຊີໄພ້ ຂໍໝັ້ນ ສາວ ນຸນີ່ (ໂອ້ຍ!!! ເຫັນແລ້ວເຂີນແທນ) ໜຸ່ມອ໋ອບໄດ້ກຽມຈັດເຊີໄພ້ຕັ້ງແຕ່ 2ເດືອນກ່ອນໜ້າວັນເກີດ ແລະ ທີ່ສຳຄັນໃນງານນີ້ຍັງມີແມ່ຂອງນຸນີ່ ແລະ ພໍ່ຂອງອ໋ອບມາເປັນສັກຂີພະຍານອີກດ້ວຍ. ເບິ່ງແລ້ວ “Happy Ending” ສຸດໆ ເບິ່ງໄປຍິ້ມໄປ, ຢ່າງໃດກໍຂໍສະແດງຄວາມຍິນດີກັບ ສາວ ນຸນີ່ ແລະ ໜຸ່ມ …

ເວລາໄປທ່ອງທ່ຽວປະເທດຕ່າງໆ ໂດຍສະເພາະໃນປະເທດທີ່ມີປະຫວັດສາດອັນຍາວນານນັ້ນ ເຮົາມັກຈະເພີດເພີນໄປກັບເຂດທີ່ເປັນ ສະຖານທີ່ເກົ່າແກ່ ຫຼາຍກວ່າບ່ອນທີ່ທັນສະໄໝ ເພາະວ່າໃນເຂດນີ້ລ້ວນແຕ່ອຸດົມໄປດ້ວຍປະຫວັດສາດ, ສິລະປະ ແລະ ວີຖີຊີວິດຊາວເມືອງໃນເມື່ອກ່ອນ ທີ່ຍາກຈະຊອກເບິ່ງໄດ້ຈາກບ່ອນອື່ນຈັ່ງໃດລະ! ສະນັ້ນ ມື້ນີ້ຂວັນໃຈເລີຍຢາກຈະມາພາສາວໆ ໄປເບິ່ງສະຖານທີ່ເມືອງເກົ່າທີ່ໜ້າໄປຢ້ຽມຊົມທີ່ສຸດ ຈາກທົ່ວທຸກມຸມໂລກ… ນໍາມາເບິ່ງນໍາກັນ! 1. VILNIUS LITHUANIA ສະຖານທີ່ເກົ່າແກ່ນ້ອຍໆ ຂອງປະເທດນ້ອຍໆ ລີທົວເນຍ ແຕ່ຄວາມນ້ອຍກະທັດຮັດນີ້ເອງທີ່ມັດໃຈເຮົາໃຫ້ຢູ່ມັດ… ບໍ່ວ່າຈະເປັນບ້ານເຮືອນ, ຮ້ານຄ້າ, ເດີ່ນກາງເມືອງ, ສາສະໜາສະຖານ… ທັງໝົດຍັງຢູ່ໃນສະພາບສົມບູນ ແລະ ຄົງຄວາມເກົ່າແກ່ເອົາໄວ້ຢ່າງດີ; ລອງໄດ້ໄປເບິ່ງຈັກຄັ້ງຮັບຮອງວ່າລືມບໍ່ລົງແນ່ນອນ. 2. PRAGUE CZECH ແນ່ນອນວ່າບໍ່ຕິດ Chart ບໍ່ໄດ້ສໍາລັບເມືອງເກົ່າສຸດແສນຈະ Classic ແຫ່ງນີ້… ດ້ວຍສະຖາປັດຕະຍະກໍາທີ່ໂດດເດັ່ນ ຄວາມງາມທີ່ແຝງໄປດ້ວຍຄວາມມ່ວນຊື່ນ, ຄຶກຄື້ນ, ສວນສາທາລະນະງົດງາມ ແລະ ສວນສະໜຸກຢູ່ທົ່ວທຸກມຸມຈົນເຮັດໃຫ້ຜູ້ຄົນຈາກທົ່ວໂລກ ຫຼົງໄຫຼເມືອງນີ້ມາຫຼາຍຕໍ່ຫຼາຍຄົນແລ້ວ. 3. KYOTO JAPAN ເຖິງວ່າຈະຖືກເວົ້າສະເໝີວ່າ ກຽວໂຕນັ້ນເປັນເມືອງໃຫຍ່ໄປແລ້ວ …

10 ນິດໄສທີ່ຄວນເຊົາໄດ້ແລ້ວ ຖ້າບໍ່ຢາກຖືກຖິ້ມ!! ເຄີຍບໍ່ເວລາທີ່ຄາດຫວັງແລ້ວບໍ່ໄດ້ດັ່ງໃຈທຸກເທື່ອ ສາເຫດອາດຈະມາຈາກຫຼາຍຢ່າງ ແຕ່ໜຶ່ງໃນນັ້ນກໍອາດຈະເກີດຈາກນິດໄສເຮົານີ້ແຫຼະ! ມາ Check ກັນດ່ວນວ່າເຮົາມີນິດໄສໜ້າລໍາຄານທີ່ຜູ້ຊາຍຢາກຈະເທຖິ້ມບໍ່? ໄປເບິ່ງເລີຍ ຖ້າໃຫ້ຜູ້ຊາຍເປັນຄົນທັກແຊດມາກ່ອນ ຍ້ອນຄວາມໝັ້ນໜ້າ, ໝັ້ນໃຈເກີນໄປອາດຈະເຮັດໃຫ້ເຮົາເສຍຜູ້ຊາຍດີໆໄປກໍໄດ້ ຄາດຫວັງຈະໄດ້ແນວນັ້ນແນວນີ້ຈາກເຂົາທັ້ງທີ່ເຮົາບໍ່ເຄີຍເຮັດຫຍັງໃຫ້ເຂົາ ໃຫ້ເຂົາເປັນຝ່າຍບອກຮັກເຮົາກ່ອນ ສະໄໝນີ້ຄໍາວ່າຮັກມັນເວົ້າງ່າຍ ຖ້າເຮົາຈະເວົ້າກ່ອນກໍບໍ່ໄດ້ເສຍຫາຍຫຍັງ ແລະ ສິ່ງສໍາຄັນຄືໃຫ້ເບິ່ງທີ່ການກະທໍາ ໃຫ້ເຂົາເປັນຝ່າຍຂໍໂທດເຮົາກ່ອນ ສັກສີມັນມີ ແຕ່ໃນເລື່ອງຂອງຄວາມຮັກມັນກໍມີຂີດຈໍາກັດຂອງມັນ ຖ້າເຮົາຜິດກໍຄວນຂໍໂທດຈະດີທີ່ສຸດ ຖືກທໍາຮ້າຍຈິດໃຈ ແຕ່ຊອກຂໍ້ແກ້ຕົວໃຫ້ເຂົາ ແບບນີ້ເຂົາເອີ້ນວ່າຮັກຈົນໜ້າມືດຕາມົວ ຍອມເຂົາໝົດທຸກຢ່າງ ຈົນສູນເສຍຄວາມເປັນຕົວເອງແບບບໍ່ມີເຫດຜົນ ມັນຈະເຮັດໃຫ້ເຮົາທົນບໍ່ໄດ້ດົນດອກ ບໍ່ຊື່ສັດຕໍ່ໃຈຕົວເອງ ເຊື່ອວ່າແມ່ຍິງທຸກຄົນມີສັນຍານທີ່ບົ່ງບອກວ່າຕົວເອງເໝາະ ຫຼືບໍ່ເໝາະກັບຫຍັງ ສະນັ້ນຢ່າຕົວະຕົວເອງຍ້ອນຄໍາວ່າຮັກ ຍອມຮັບໃນສິ່ງທີ່ບໍ່ຄວນໄດ້ຮັບ ແບບວ່າຍອມເປັນທຸກຢ່າງເພື່ອເຂົາ ຍອມເປັນຄົນຂັ້ນເວລາ ຈົນຕົວເອງໄຮ້ຄ່າ ບໍ່ຍອມຮັບຄວາມຈິງ ເຮັດຜິດຊໍ້າແລ້ວຊໍ້າອີກ ເມື່ອຖືກຈັບໄດ້ກໍບໍ່ຍອມຮັບຄວາມຈິງ ບໍ່ມີຜູ້ຊາຍດີໆຢູ່ໃສມາທົນໄດ້ດອກ ໝົດກໍາລັງໃຈ ຍຶດຕິດຢູ່ກັບອາດີດ ບໍ່ວ່າໃຜຈະມາປອບໃຈແນວໃດກໍບໍ່ສົນໃຈ  ທີ່ມາ: ວາລະສານ ຂວັນໃຈ ຮູບພາບ: Google