Home

ມາຍ້ອນເບິ່ງພາບເກົ່າ ຈາກເຫດນໍ້າຖ້ວມຄັ້ງໃຫ່ຍທີ່ ນະຄອນຫຼວງວຽງຈັນ ຕັ້ງແຕ່ປີ 1966, ເຊິ່ງພາບດັ່ງກ່າວໄດ້ຖືກເປີດເຜີຍຈາກຜູ້ໃຊ້ເຟສບຸກລາຍໜຶ່ງ ເຮັດໃຫ້ມີຄົນໃຫ້ຄວາມສົນໃຈກົດໄລ້ ແຊຣ ແລະ ສະແດງຄວາມຄິດເຫັນກັນຢ່າງຫຼວງຫຼາຍ. (ມີຄລິບ) Posted by Gonzalo Cancino on Monday, August 20, 2018 ນ້ໍາຖ້ວມຢູ່ວຽງຈັນ ປີ໑໙໖໖ (Part 2) Posted by Gonzalo Cancino on Monday, August 20, 2018 ທີ່ມາ: Gonzalo Cancino

ເຊື່ອວ່ານັກເດີນທາງຫຼາຍຄົນອາດຈະຍັງບໍ່ຮູ້ບາງຢ່າງເທິງຍົນ ວ່າເຮົາສາມາດຂໍຫຍັງໄດ້ແດ່ ໂດຍສະເພາະເຄື່ອງໃຊ້ບາງຢ່າງ ຫຼື ຂໍເພີ່ມບາງຢ່າງ ເພາະແອໂຮສເຕດບໍ່ເຄີຍບອກ ແລະ ເຮົາເອງກໍບໍ່ໄດ້ສົນໃຈຖາມນໍາ ມີແຕ່ກະກຽມໄປເອງ!! ແຕ່ສາວໆຮູ້ບໍ່ວ່າ 9 ສິ່ງ ຕໍ່ໄປນີ້ ພຽງແຕ່ສາວໆເອີ່ຍຢາກຂໍກໍຈະໄດ້ສິດນັ້ນທັນທີ… ແຕ່ແນວໃດກໍຕາມ ສິດຜົນປະໂຫຍດຕ່າງໆເຫຼົ່ານີ້ ກໍຂຶ້ນກັບຫຼາຍປັດໃຈປະກອບດ້ວຍ ທັງສາຍການບິນ, ລະດັບຂອງສາຍການບິນ (Low cost ຫຼື Full Service) ແລະ ຊັ້ນໂດຍສານ ແລະ ນີ້ຄື 9 ຄວາມລັບນັ້ນ… 1. ຂໍຢາສາມັນ ຫຼື ອຸປະກອນລ້າງບາດ: ຖ້າມີອາການເຈັບຫົວ, ເຈັບທ້ອງ, ເມົາຍົນ ຫຼື ອາການອື່ນໆ ທີ່ບໍ່ຮຸນແຮງຈົນເກີນໄປ ທ່ານສາມາດຂໍຢາກັບພະນັກງານຕ້ອນຮັບເທິງຍົນໄດ້ ແລະ ຖ້າຜູ້ໂດຍສານເກີດອຸບັດເຫດເລັກໜ້ອຍ ພະນັກງານທຸກຄົນກໍພ້ອມທີ່ຈະປະຖົມພະຍາບານເບື້ອງຕົ້ນ ມີທັງພາສເຕີ່ຕິດບາດ ແນວຕິດບາດ ສະນັ້ນ, ຢ່າຢ້ານທີ່ຈະເອີ່ຍປາກຂໍ 2. ຂໍອາຫານເພີ່ມ: …

ໃນວັນທີ 20 ສິງຫາ 2018 ທີ່ຜ່ານມາ ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກ ສປປ ລາວ 1623 ໄດ້ລາຍງານໃຫ້ຮູ້ວ່າ ໄດ້ປະຕິບັດການພິເສດລົງຊ່ວຍເຫລືອປະຊາຊົນທີ່ໄດ້ຮັບຜົນກະທົບຈາກອຸທົກກະໄພ ເຂດບ້ານໜອງດາ ເມືອງ ສີໂຄດຕະບອງ ນະຄອນຫຼວງວຽງຈັນ, ເຊີ່ງແບ່ງອອກເປັນ 2 ທີມເພື່ອໃຫ້ຊ່ວຍປະຊາຊົນໄດ້ວ່ອງໃວຂື້ນ. ເຊີ່ງການເຂົ້າຊ່ວຍເຫຼືອຄັ້ງນີ້ສາມາດຊ່ວຍຜູ້ທີ່ໄດ້ຮັບຜົນກະທົບໄດ້ 10 ຄອບຄົວ ຊ່ວຍປະຊາຊົນອອກຈາກພື້ນທີ່ເກີດເຫດ ແລະ ນອກຈາກນັ້ນຍັງສາມາດຊ່ວຍແມ່ຍິງທ້ອງແກ່ທີ່ກຳລັງຈະເກີດລູກໄດ້ 1ຄົນ ແລະ ນຳສົ່ງໂຮງໝໍເມືອງສີໂຄດ.   (ຢ່າງໃດກໍ່ຂໍເປັນກຳລັງໃຈໃຫ້ແກ່ຜູ້ປະສົບໄພນໍ້າຖ້ວມ ແລະ ເຈົ້າໜ້າທີ່ທຸກໆຄົນ ເຮົາຈະຜ່ານອຸທົກກະໄພເທື່ອນີ້ໄປນຳກັນ) ທີ່ມາ: ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ 1623

“ຫ້ອງການສຳນັກງານນາຍົກແຈ້ງການ ປະຊາຊົນກຽມພ້ອມຮັບມືກັບໄພນໍ້າຖ້ວມນະຄອນຫຼວງວຽງຈັນ” ເພື່ອຮັບປະກັນ ແລະ ຫຼຸດຜ່ອນຜົນເສຍຫາຍທີ່ເກີດຈາກອຸທົກກະໄພທີ່ອາດເກີດຂຶ້ນ ເຊິ່ງສົ່ງຜົນກະທົບແກ່ຊີວິດ ແລະ ຊັບສິນຂອງພໍ່ແມ່ນປະຊາຊົນ, ຫ້ອງວ່າການສຳນັກງານນາຍົກລັດຖະມົນຕີຈຶ່ງ ອອກແຈ້ງການ ເລກທີ 1372/ຫສນຍ.ກລຂ ລົງວັນທີ 20 ສິງຫາ 2018 ເພື່ອແຈ້ງເຕືອນໃຫ້ປະຊາຊົນກຽມພ້ອມຮັບມື ແລະ ແກ້ໄຂໄພນ້ຳຖ້ວມຕະຫຼອດເວລາ. ໂດຍໃນແຈ້ງການລະບຸໄວ້ວ່າ: ເນື່ອງຈາກຜົນກະທົບຂອງພາຍຸ ເບີບີນກາ ໃນໄລຍະວັນທີ 16-18 ສິງຫາ 2018 ທີ່ຜ່ານມາ ໄດ້ເຮັດໃຫ້ນ້ຳຂອງ ແລະ ບາງສາຂາແມ່ນ້ຳຂອງ ມີລະດັບສູງຂຶ້ນ ແລະ ປັດຈຸບັນຄວາມກົດດັນອາກາດຕໍ່າ ຍັງສືບຕໍ່ປົກຄຸມຢູ່ທົ່ວທຸກພາກຂອງປະເທດລາວ ເຊິ່ງຈະເຮັດໃຫ້ສະພາບລະດັບແມ່ນ້ຳຂອງ ແຕ່ພາກກາງ ຫາ ພາກໃຕ້ ຍັງສືບຕໍ່ຂຶ້ນຢ່າງຕໍ່ເນື່ອງ ໂດຍສະເພາະນະຄອນຫຼວງວຽງຈັນ ຢູ່ເຂດ ບ້ານຫ້ອມ, ບ້ານ ນາທາມ ເມືອງ ຫາດຊາຍຟອງ ແລະ ເຂດ ບ້ານໜອງດາ ເມືອງ ສີໂຄດຕະບອງ …

ຄວາມສຸກທີ່ຫາໄດ້ຈາກການເປັນ “ໂສດ” ສາວເຖົ້າ ຂຶ້ນຄານ ບໍ່ມີໃຜເອົາ… ສາວໂສດທີ່ອາຍຸເລີ່ມຫຼາຍຂຶ້ນ ຄົງຈະເຄີຍໄດ້ຍິນຄົນອື່ນເວົ້າ ແລະ ຕົວເອງກໍເຊື່ອວ່າ ຄວາມໂສດເປັນເລື່ອງໜ້າອາຍ, ເປັນເລື່ອງເສົ້າ ຫຼືແມ່ຍິງທີ່ໂສດມາດົນແລ້ວນັ້ນແປວ່າບໍ່ມີໃຜຢາກໄດ້ ຫຼືເວົ້າງ່າຍໆວ່າບໍ່ມີໃຜເອົາແລ້ວ ແລະ ອີກສາລະພັດແງ່ລົບ ທີ່ທໍາຮ້າຍຈິດໃຈສາວໂສດເປັນທີ່ສຸດ ແຖມຍັງເວລາທີ່ຕ້ອງອອກໄປໃສມາໃສແລ້ວເຫັນຄົນມີຄູ່ຍ່າງຈັບມືກັນ ເມື່ອເຂົ້າໄປເບິ່ງໃນໂຊຊ່ຽວກໍຍັງຫຼີກບໍ່ໄດ້ ເຫັນໝູ່ ເຫັນຄົນຮູ້ຈັກໂພສຮູບຄູ່ກັນລົວໆ ໂອ໋ຍ! ຊີວິດ ອີ່ຫຍັງຈະມາຊໍ້າເຕີມກັນຂະໜາດນີ້ ແຕ່ສາວໆຢ່າວຟ້າວນ້ອຍເນື້ອຕໍ່າໃຈໄປ ຫຼືໄປຕັດສິນຕາມຄົນອື່ນໄປ ສາວໆລອງມາເບິ່ງໃນຄວາມແຕກຕ່າງ ແລະ ກົງກັນຂ້າມແລ້ວສາວໆຈະຮູ້ວ່າ ຂໍ້ດີບໍ່ແມ່ນແຕ່ການມີຄູ່ພຽງຢ່າງດຽວ ຄົນໂສດກໍມີຂໍ້ດີອີກຫຼາຍຢ່າງທີ່ຄົນມີຄູ່ບໍ່ມີຄືກັນ ແຖມຍັງສາມາດມີຄວາມສຸກໄດ້ນໍາອີກ ເພາະເມື່ອໃດກໍຕາມທີ່ເຈົ້າຍັງມີໝູ່ເພື່ອນ, ມີຄອບຄົວ ຫຼືຍາດພີ່ນ້ອງ ເຈົ້າສາມາດພົບຄວາມສຸກເຫຼົ່ານັ້ນໄດ້ຈາກໃນເຮືອນ ແລະ ອ້ອມຕົວນັ້ນແຫຼະ ເພາະຄວາມສຸກບໍ່ແມ່ນການທີ່ໄດ້ຮັບການເບິ່ງແຍງ ເອົາໃຈໃສ່ຈາກຄົນຮັກ ຫຼືຄູ່ຄອງສະເໝີໄປ ເປັນຫຍັງຕ້ອງເອົາຄວາມຮູ້ສຶກຂອງເຮົາໄປແຂວນໄວ້ກັບຄົນອື່ນ ໃນເມື່ອເຈົ້າກໍສາມາດຊອກຄວາມສຸກໃສ່ຕົວເອງໄດ້ ຄວາມຮັກຈາກຄອບຄົວ ແລະ ໝູ່ເພື່ອນເຊື່ອວ່າຈະບໍ່ເຮັດໃຫ້ເຈັບ ຫຼືຜິດຫວັງຢ່າງແນ່ນອນ ເປັນສາວໂສດກໍມີຄວາມສຸກໄດ້ ແຖມຍັງເປັນອິດສະຫຼະຢ່າງເຕັມຕົວ ບໍ່ຕ້ອງໄປຢ້ານວ່າເຮັດຫຍັງໄປແລ້ວຈະໄປທໍາຮ້າຍໃຈໃຜນໍາອີກ. ທີ່ມາ: ວາລະສານ …