Home

ບໍ່ມີຫຍັງສາຍເກີນໄປສຳລັບການເຮັດຕາມຝັນ ບໍ່ວ່າຈະເດັກນ້ອຍ ຫຼື ຄົນແກ່ກໍ່ບໍ່ແມ່ນບັນຫາ ຫາກເຈົ້າໝັ້ນໃຈໃນສັກກະຍະພາບຂອງຕົວເອງ ເຮັດຕາມທີ່ຕົວເອງຕ້ອງການ ແລະ ສານຕໍ່ຄວາມຝັນຂອງຕົວເອງໃຫ້ປະສົບຜົນສຳເລັດ ດັ່ງກັບ ຊ່າຣ່າ ໂຈແຮນສັນ ຍິງສາວຊາວສະວີເດັນ ອາຍຸ 33 ປີ ອະດີດຊ່າງເສີມສວຍ ມຸ່ງໝັ້ນຕາມຄວາມຝັນ ເດີນໜ້າສຶກສາເລື່ອງການບິນຈົນສຳເລັດ ກ້າວເຂົ້າສູ່ ນັກບິນອາຊີບ ໃນທີ່ສຸດ. ຊ່າຣ່າ ເລົ່າເຖິງຄວາມຝັນທີ່ເປັນຈິງຂອງນາງວ່າ: “ຕອນຍັງນ້ອຍ ຂ້ອຍຢ້ານຄວາມສູງ ກ່ອນໜ້ານີ້ຂ້ອຍເຄີຍເຮັດວຽກເປັນຊ່າງເຮັດຜົມມາກ່ອນ ແຕ່ຕໍ່ມາຂ້ອຍໄດ້ຄົ້ນພົບຄວາມຝັນຂອງຕົວເອງແບບແທ້ຈິງກໍ່ຕອນທີ່ໄດ້ເຂົ້າໄປນັ່ງໃນກ້ອງຂັບຂອງນັກບິນ ຂ້ອຍຮູ້ສຶກວ່າຫ້ອງນັກບິນນັ້ນມັນໜ້າຕື່ນເຕັ້ນແລະທ້າທາຍສຸດໆ” “ຈາກນັ້ນຂ້ອຍກໍ່ເດີນໜ້າສານຝັນຂອງຕົວເອງຢ່າງຈິງຈັງ ຂ້ອຍໄປຮຽນບິນ ແລະ ເຝິກທັກສະ ຮຽນຮູ້ເລື່ອງຕ່າງໆ ເຊິ່ງມັນກໍ່ບໍ່ແມ່ນເລື່ອງງ່າຍ ແຕ່ຂ້ອຍກໍ່ບໍ່ເຄີຍທໍ້ຕໍ່ອຸປະສັກທາງໜ້າເລີຍ ແມ້ຈະຕ້ອງຖືກທົດສອບຢ່າງໜັກ ເຊິ່ງຜົນທີ່ອອກມາກໍ່ເປັນທີ່ໜ້າພໍໃຈຫຼາຍໆ ຕອນນີ້ຂ້ອຍໄດ້ເປັນນັກບິນໂບອິ້ງ 737 ແລ້ວ” ບໍ່ພຽງແຕ່ ຊ່າຣ່າ ຈະເຮັດຄວາມຝັນໃຫ້ເປັນຈິງແລ້ວ ນາງຍັງໄດ້ແຊຣເລື່ອງລາວຂອງນາງຜ່ານ ອິນສະຕາແກຮມ ເພື່ອສ້າງແຮງບັນດານໃຈໃຫ້ກັບຫຼາຍໆຄົນໄດ້ມີກຳລັງໃຈທີ່ຈະພິຊິດຄວາມຝັນໃຫ້ສຳເລັດອີກດ້ວຍ. ທີ່ມາ: https://women.mthai.com/amazing-women/359030.html , johsara

 ເວລາທີ່ເຮົາຕ້ອງຂີ່ຍົນເປັນເວລາດົນໆ ຫຼາຍຊົ່ວໂມງ ຫຼື ຂ້າມມື້ ຂ້າມຄືນ ບາງຄົນອາດຈະເກີດອາການເມົາ, ບໍ່ສະບາຍຕົວ, ນອນບໍ່ຫຼັບເປັນຕົ້ນ ຈົນເຮັດໃຫ້ຫຼາຍໆຄົນ ຄິດນັກກ່ອນຈະເດີນທາງທຸກຄັ້ງ ມື້ນີ້ ຂວັນໃຈເລີຍຢາກຈະມາແນະນໍາເຄັດລັບດີໆ ກຽມຕົວໃຫ້ພ້ອມ! ເມື່ອຕ້ອງຂີ່ຍົນເປັນເວລາດົນໆ ຈະຕ້ອງເຮັດແນວໃດ? ແລະ ບໍ່ສະເພາະແຕ່ການຂີ່ຍົນຢ່າງດຽວ ສາວໆສາມາດນໍາໄປໃຊ້ກັບການເດີນທາງໃນຮູບແບບອື່ນກໍໄດ້… 1. ແຕ່ງຕົວໃຫ້ສະບາຍ: ນຸ່ງເຄື່ອງທີ່ຫຼົມ ແລະ ຖ້າເປັນຜ້າຝ້າຍຈະຍິ່ງດີ ເພາະເຮົາຕ້ອງນັ່ງຢູ່ກັບທີ່ເປັນເວລາດົນກວ່າປົກກະຕິໃນສະຖານທີ່ຈໍາກັດ ອຸນຫະພູມທີ່ປ່ຽນແປງຈາກຮ້ອນເປັນໜາວ ສະນັ້ນ ເຮົາຄວນຈະໄດ້ນັ່ງຢ່າງສະບາຍຈະດີທີ່ສຸດ. ເກີບກໍຄວນໃສ່ເກີບທີ່ບໍ່ຄັບ ຮູ້ສຶກຢູ່ສະບາຍ. 2. ດຶ່ມນໍ້າໃຫ້ຫຼາຍ: ກ່ອນຍົນຈະຂຶ້ນ ແລະ ລະຫວ່າງທີ່ຢູ່ໃນຍົນອາກາດຈະແຫ້ງຫຼາຍຂຶ້ນ ແລະ ນໍ້າຈະລະເຫີຍອອກໄປ ພະຍາຍາມງົດເວັ້ນການດື່ມເຄື່ອງດື່ມທີ່ມີທາດເຫຼົ້າ ແລະ ເຄື່ອງດື່ມທີ່ເຮັດໃຫ້ປັດສະວະຫຼາຍ ເພາະຈະເຮັດໃຫ້ຮ່າງກາຍຂອງທ່ານສູນເສຍນໍ້າຫຼາຍຂຶ້ນ. 3. ພົກພາສິ່ງທີ່ຕ້ອງໃຊ້ຕິດຕົວ: ເຊັ່ນໂລຊັ່ນທີ່ໃຫ້ຄວາມຊຸ່ມຊື່ນແກ່ຜິວ ລິບມັນ ແລະ ຢາຢອດບໍ່ໃຫ້ຕາແຫ້ງ Mask ໃຫ້ຄວາມຊຸ່ມຊື່ນແກ່ຜິວໜ້າເວລານອນ ເປັນສິ່ງທີ່ໄດ້ຮັບຄວາມນິຍົມສໍາລັບກຸ່ມທີ່ເດີນທາງຕະຫຼອດ. 4. …

ຊ່ວງນີ້ກະແສນາງງາມກຳລັງມາແຮງ  ເລີຍຢາກພາແຟນໆມາເຮັດຄວາມຮູ້ຈັກກັບສາວງາມຈາກປະເທດຕ່າງໆ  ນິ້ງ ໂສພິດາ ການຈະນະລິນ  Miss Universe Thailand 2018 ປີນີ້ຖືວ່າເປັນປີທີ່ພິເສດແດ່ ເພາະຈະມີການຈັດການປະກວດໃນເວທີ ນາງງາມຈັກກະວານ ( Miss Universe 2018) ໃກ້ໆກັບປະເທດລາວເຮົາ ຈັດຂື້ນທີ່ປະເທດໄທ. ສຳລັບມື້ນີ້ລອງມາສ່ອງໂປຟາຍຂອງສາວງາມຈາກປະເທດເພື່ອນບ້ານ ນິ້ງ ໂສພິດາ ການຈະນະລິນ  Miss Universe Thailand 2018  ອາຍຸ 23 ປີ ລວງສູງ 169 ຊັງຕີແມັດ ນິ້ງເປັນສາວງາມດີກຼີນັກຮຽນນອກ ຈົບການສຶກສາລະດັບປະລິນຍາຕີຈາກຄະນະ Business administration  ສາຂາ Finance ຈາກ University of Nevada, Las Vegas ດ້ວຍກຽດນິຍົມອັນດັບ 2 ແຖມຍັງໄດ້ຮັບລາງວັນໃນຖານະນັກຮຽນດີເດັ່ນ ຈາກ ອະດີດປະທານນາທິບໍດີ ບາຣັກ ໂອບາມາ ແລະ ກ່ອນໜ້າທີ່ຈະໄດ້ຮັບຕຳແໜ່ງນາງເຄີຍດຳລົງຕຳແໜ່ງຜູ້ຈັດການທະນະຄານທະຫານໄທ …

ທິດາລັດ ວົງສິຣິ (ລູກນໍ້າ) ນາງສາວລາວ ປີ 2011 ພົບປະແຟນໆນາງງາມ ມາພ້ອມກັບລຸກທີ່ເບິ່ງແລ້ວ ໜ້າຮັກ ສົດໃສ…ງົດງາມສົມກັບເປັນ ນາງສາວລາວ. ແລະ ຍັງມີພາບບັນຍາກາດທີ່ ສາວ ລູກນໍ້າ ພ້ອມກັບບັນດານາງສາວລາວເຊັ່ນ: ໄພລິນດາ ພິລາວັນ (ກິກ) ນາງສາວລາວ ປີ 2009, ມາໄລທິບ ສິງສາຫະນາດ ນາງສາວລາວ ປີ 2010, ຄຣິດຕິນາ ລາສະສິມມາ ນາງສາວລາວ ປີ 2012 ແລະ ດວງພະໄທ ເມກສີທອງ ນາງສາວລາວ ປີ 2017 ໄດ້ພົບປະແຟນໆນາງງາມ ແບບໄກ້ຊິດເປັນພາບທີ່ໜ້າຮັກຫຼາຍໆ… ຂໍຂອບໃຈຮູບພາບຈາກ:Louknum Vongsili , Alex Aliya Soundala  

“ທຸກຢ່າງບໍ່ມີຫຍັງແນ່ນອນ ຢ່າໄປຄາດຫວັງຄວາມສຸກຈາກຄົນອື່ນ ແຕ່ໃຫ້ຊອກຈາກຕົວເຮົາເອງ” ເຄີຍສົງໄສບໍ່ວ່າເປັນຫຍັງເມື່ອເຮົາມີຄົບທຸກຢ່າງແລ້ວ ຫຼືເຮົາກໍບໍ່ໄດ້ດ້ອຍຈາກຄົນອື່ນປານໃດ ແຕ່ເຮົາຄືຍັງບໍ່ມີຄວາມສຸກເລີຍ ກົງກັນຂ້າມບາງຄົນທີ່ເຂົາຍັງດ້ອຍກວ່າເຮົາຫຼາຍ ແຕ່ເປັນຫຍັງມີຄວາມສຸກໃນການໃຊ້ຊີວິດຫຼາຍແທ້ ແລ້ວເຮົາຕ້ອງເຮັດແນວໃດຈຶ່ງມີຄວາມສຸກໄດ້ ລອງມາອ່ານ 5 ຂໍ້ເຕືອນໃຈໃນການໃຊ້ຊີວິດໃຫ້ຄຸ້ມຄ່າ ແລະມີຄວາມສຸກ ນຳກັນເບິ່ງເນາະ! ຄິດສະເໝີວ່າຊີວິດນີ້ສຸດແສນສັ້ນ ຫຼາຍໆຄົນມີແຕ່ໝົກມຸ່ນຢູ່ກັບໜ້າທີ່ວຽກງານ ເພື່ອໃຫ້ໄດ້ມາເຊິ່ງເງິນຄໍາຫຼາຍໆ ຈົນຫຼົງລືມໄປວ່າຊີວິດເຮົານັ້ນສັ້ນພຽງໃດ ເຮົາເສຍເວລາໃຫ້ກັບການຮຽນ, ການສຶກສາ ໄປຫຼາຍກວ່າ 20 ປີ ແລ້ວຈາກນັ້ນກໍຕ້ອງເຂົ້າສູ່ຕະຫຼາດແຮງງານ ເພື່ອຫາເງິນຫຼາຍກວ່າ 40 ປີ ແລ້ວຄວາມສຸກມັນຢູ່ໃສລະ? ເຮົາເຫັນມັນແລ້ວຫວາ? ເຮົາສູນເສຍເວລາໄປຫຼາຍກວ່າ 60 ປີ ໃນການຊອກຫາສິ່ງຂອງນອກກາຍ ທີ່ເຮັດໃຫ້ເຮົາມີຄວາມສຸກພຽງຊົ່ວຄາວ ແຕ່ຄວາມສຸກທີ່ແທ້ຈິງໃນຊີວິດເຮົາຢູ່ໃສ? ຫຼາຍໆຄົນມັກຄິດໃນໃຈຕະຫຼອດ ແຕ່ພັດນັ່ງລໍຖ້າມື້ທີ່ຈະເລີ່ມຕົ້ນຊີວິດໃໝ່ (ແຕ່ບໍ່ມາຮອດຈັກເທື່ອ) … ສິ່ງນີ້ເປັນສິ່ງທີ່ຜິດເດີ້ ເຈົ້າຄວນເລີ່ມແຕ່ຕອນນີ້ເລີຍ ບໍ່ຕ້ອງຖ້າໃຫ້ຮອດປີໜ້າ, ເດືອນໜ້າ, ມື້ອື່ນ ຫຼືມື້ໃດເພາະບາງເທື່ອມື້ນັ້ນອາດຈະສາຍເກີນໄປກໍໄດ້. ຊີວິດຄືສິ່ງທີ່ເຮົາເລືອກເອງ ຫົວຂໍ້ນີ້ຮູ້ສຶກຄຸ້ນໆບໍ່? ບາງຄົນອາດຈະເຂົ້າໃຈສິ່ງນີ້ຢ່າງຈະແຈ້ງແລ້ວ ແຕ່ຄໍານີ້ມັນສາມາດອະທິບາຍໄດ້ຫຼາຍໆຢ່າງ ໃນຊີວິດຂອງເຮົານັ້ນ …