Home

(ກິນເຂົ້າ ຫຼື ຍັງ ກຳລັງເຮັດຫຍັງຢູ່ນໍ…) ຄຸ້ນໜ້າຄຸ້ນຕາກັນສຸດໆ ເຊື່ອວ່າແຟນໆຫຼາຍໆທ່ານຄົງຈະພໍຮູ້ຈັກກັບ  ຕ່າຍ ອໍລະໄທ ນັກຮ້ອງເພງລູກທົ່ງຊື່ດັງຈາກຝັ່ງປະເທດເພື່ອນບ້ານ ເຈົ້າຂອງຜົນງານເພງດັງຫຼາຍບົດເພງ, ເມື່ອບໍ່ດົນມານີ້ທາງເພສເຟສບຸກຫຼັກຂອງເພິ່ນກໍ່ໄດ້ປ່ອຍຮູບພາບຂອງ ຕ່າຍ ອໍລະໄທ ກຳລັງເຮັດບຸນໃສ່ບາດ… ແຕ່ໆ…ຮູ້ບໍ່ວ່າສະຖານທີ່ໆ ຕ່າຍ ອໍລະໄທ ໄດ້ມາໃສ່ບາດໃນເທື່ອນີ້ແມ່ນ ແຂວງ ຫຼວງພະບາງ ປະເທດລາວ ແລະ ຍັງບໍ່ພາດທີ່ຈະນຸ່ງຊຸດໄໝລາວ ບ່ຽງແພ ຕາມເອກະລັກປະເພນີລາວ ເຊິ່ງມາໃນຊຸດສີ ຂາວ-ມ່ວງ ເບິ່ງແລ້ວງົດງາມ ອ່ອນຊ້ອຍແທ້ໆ. ກ່ອນໜ້າທີ່ ຕ່າຍ ອໍລະໄທ ຈະເດີນທາງໄປທີ່ ແຂວງ ຫຼວງພະບາງ ເມືອງມໍລະດົກໂລກນັ້ນ ນາງກໍ່ໄດ້ແວ່ທີ່ອີກໜຶ່ງສະຖານທີ່ທ່ອງທ່ຽວທີ່ງົດງາມນັ້ນກໍ່ຄື ວັງວຽງ ແລະ ຍັງໂພສຄລິບເຊັກອິນຫຼາຍຕໍ່ຫຼາຍຄລິບ ເຮັດໃຫ້ມີແຟນໆທັງ 2 ຝັ່ງ ລາວ ແລະ ໄທ ເຂົ້າໄປກົດໄລ້ ກົດແຊຣ ແລະ ສະແດງຄວາມຄິດເຫັນກັນຢ່າງຫຼວງຫຼາຍ. (ຢ່າງໃດກໍ່ຂໍຕ້ອນຮັບ …

ນະຄອນຫຼວງວຽງຈັນ, ວັນທີ 28 ເມສາ 2018 ທີ່ຜ່ານມາ, ຄໍ່າຄືນນັກອອກແບບໜຸ່ມນ້ອຍຂອງລາວ (The Lao Young Designers Night) ໄດ້ຈັດຂຶ້ນ ໂດຍໂຄງການນັກອອກແບບໜຸ່ມນ້ອຍລາວ ຂອງລາວແຟຊັ່ນວີກ ເພື່ອສະແດງໃຫ້ເຫັນເຖິງ ຄວາມສາມາດ ແລະ ຜົນງານການອອກແບບອາພອນຂອງໄວໜຸ່ມລາວ ທີ່ມີພອນສະຫວັນ ແລະ ໄດ້ເຂົ້າຮອບດີເດັ່ນ ຂອງໂຄງການນັກອອກແບບໜຸ່ມນ້ອຍລາວໃນແຕ່ລະປີ. ຄໍ່າຄືນດັ່ງກ່າວມີການສະແດງອາພອນເດີນແບບ ຜົນງານການອອກແບບຂອງນ້ອງໆນັກອອກແບບໜຸ່ມນ້ອຍດີເດັ່ນລາວ ທີ່ເຂົ້າຮອບດີເດັ່ນຂອງແຕ່ລະປີ ນັບແຕ່ປີ 2015 ມາເຖິງຮອບປີ 2017 ລວມເຖິງ ບິນລີ່ ສີອຳພັນ ຈັນທະວິຈິດ (ຜຸ້ສະນະເລີດປີ 2015) ແລະ ວິເສດ ສິດທິລາດ (ຜູ້ຊະນະເລີດປີ 2016) ທີ່ໄດ້ຈົບມາຈາກການໄປສຶກສາທີ່ສະຖາບັນເອດສໂມດ ທີ່ມະຫານະຄອນປະຣີ ປະເທດ ຝຣັ່ງ, ແລະ ຄຳປູນ ແສງປະກາຍ (ຮອງຊະນະເລີດປີ 2016) …

ວັນອາທິດ ດ້ານວຽກງານໃນມື້ນີ້ຕ້ອງມີສະຕິ ແລະ ຕັດສິນໃຈຢ່າງຮອບຄອບ, ດ້ານການເງິນມີລາຍຈ່າຍຫຼາຍ ຈົນບາງເທື່ອກໍ່ທໍ້ແທ້ໃຈ ເພາະມີລາຍຮັບທີ່ບໍ່ພໍໃຊ້, ດ້ານຄວາມຮັກຊ່ວງນີ້ກໍ່ຍັງຕ້ອງລໍຖ້າຄົນທີ່ແມ່ນຕໍ່ໄປ. ວັນຈັນ ດ້ານວຽກງານໃນມື້ນີ້ບໍ່ຄວນຕັ້ງຄວາມຫວັງຫຼາຍຈົນເກີນໄປ ເພາະອາດຈະມີບາງສິ່ງທີ່ເຮັດໃຫ້ເກີດຜິດພາດ, ດ້ານການເງິນຍັງຢູ່ໃນເກນປົກກະຕິ ຈະໄດ້ເລີ່ມຕົ້ນເຮັດທຸລະກິດໃໝ່ໆ, ດ້ານຄວາມຮັກຍັງຄິດຫຼາຍ ແລະ ຄິດໄປເອງຝ່າຍດຽວ. ວັນອັງຄານ ດ້ານວຽກງານໃນມື້ນີ້ຍັງບໍ່ສົມຫວັງໃນເລື່ອງທີ່ຕັ້ງໃຈ ຈົ່ງລໍຖ້າຕໍ່ໄປ, ດ້ານການເງິນມີເລື່ອງທີ່ດີ ຈະມີຂ່າວດີເລື່ອງການເງິນໃນໄວໆນີ້, ດ້ານຄວາມຮັກຢ່າຟ້າວຝັ່ງ ໃຫ້ລໍຖ້າ ດຽວຈະເຈິຄົນທີ່ພໍໃຈໄວໆນີ້. ວັນພຸດ ດ້ານວຽກງານໃນມື້ນີ້ຄວນມີສະຕິ ຢ່າຫູເບົາ, ດ້ານການເງິນມີລາຍຈ່າຍທີ່ເຂົ້າມາເລື້ອຍໆ ບໍ່ສົມດຸນກັບລາຍຮັບເທົ່າທີ່ຄວນ, ດ້ານຄວາມຮັກເຂົ້າໃຈກັັນດີ ມີເກນຈະໄດ້ໄປທ່ອງທ່ຽວຮ່ວມກັນ. ວັນພະຫັດ ດ້ານວຽກງານໃນມື້ນີ້ຕ້ອງທຳໃຈ ເພາະຈະມີເລື່ອງບັນຫາຈຸກຈິກເຂົ້າມາໃຫ້ແກ້ໄຂ ແຕ່ກໍ່ຜ່ານໄປໄດ້ດ້ວຍດີ, ດ້ານການເງິນຈະມີການປ່ຽນແປງເກີດຂຶ້ນໄດ້ຕະຫຼອດເວລາ ແລ້ວແຕ່ບຸນວາດສະໜາທີ່ເຮັດມາ, ດ້ານຄວາມຮັກຈະມີບັນຫາກັນເລັກໜ້ອຍ ແຕ່ກໍ່ຖືເປັນເລື່ອງປົກກະຕິ ແລະ ຍັງຮັກກັນດີ. ວັນສຸກ ດ້ານວຽກງານໃນມື້ນີ້ຈະມີເກນຈະເລີນກ້າວໜ້າ ສົມຫວັງທຸກປະການ, ດ້ານການເງິນກໍ່ມີໃຊ້ມີຈ່າຍລົ້ນມື ແລະ ຍັງຈະມີລາຍຮັບເຂົ້າມາເລື້ອຍໆ ເອີ້ນໄດ້ວ່າ ນໍ້າຂຶ້ນໃຫ້ຮີບຕັກ, ດ້ານຄວາມຮັກຈະຫຼົງກົນຄົນທີ່ມີເຈົ້າຂອງ ເຂົາເຂົ້າມາເຮັດດີນຳກໍ່ເຜີໃຈໄປແລ້ວ …

“ອາຊີບທີ່ແມ່ຍິງສ່ວນຫຼາຍໃຝ່ຝັນຢາກເປັນ ແລະ ຍັງຕັ້ງສາຍາໃຫ້ວ່າເປັນນາງຟ້າໃນເຄື່ອງບິນນັ້ນ ຄືເຮົາຮູ້ຫັ້ນແຫຼະເນາະວ່າ ກ່ອນທີ່ໃຜຈະເຂົ້າໄປຢູ່ຈຸດນັ້ນໄດ້ມັນບໍ່ແມ່ນເລື່ອງງ່າຍໆ” ອາຊີບທີ່ສາວໆໃຝ່ຝັນຢາກເປັນຫຼາຍທີ່ສຸດແມ່ນຫຍັງ? ໜຶ່ງໃນຄຳຕອບອັນດັບຕົ້ນໆ ຕ້ອງແມ່ນ ພະນັກງານຕ້ອນຮັບເທິງເຮືອບິນ ຫຼື ແອໂຮສເຕດ (Airhostess)ຢ່າງແນ່ນອນ ເພາະເປັນອາຊີບທີ່ຖືກຂະໜານນາມວ່າ “ນາງຟ້າ” ຟັງແລ້ວຈັ່ງແມ່ນຟຸ້ງຟິ້ງ ສູງສົ່ງ ສະຫງ່າງາມເຫຼືອເກີນ ແລ້ວການທີ່ຈະໄດ້ເປັນ ນາງຟ້າ ຂອງສາຍການບິນຕ່າງໆ ມັນຍາກງ່າຍແນວໃດ ມື້ນີ້ ຂວັນໃຈ ເຮົາມີຄຳຕອບ ຈາກປະສົບການຕົວຈິງຂອງນາງຟ້າສາຍການບິນດັງເລີຍໃດ .. ມາຮອດສາວແອ (Air hostess) ຄົນທີ 2 ແລ້ວ ນາງຊື່ວ່າ ຈາລິຍາ ນາເໝືອງຮັກ (ປ໋ອກ) ອາຍຸ 26 ປີ ຈົບການສຶກສາ ຈາກສະຖາບັນການທະນາຄານ ສາຂາ ການເງິນ-ການບັນຊີ ແລະ ພາສາອັງກິດ ລະດັບປະລິນຍາຕີ ນອກຈາກນາງມີຮູບຮ່າງໜ້າຕາທີ່ງົດງາມແລ້ວ ນາງຍັງມີນໍ້າສຽງດີ ມີນໍ້າສຽງທີ່ມ່ວນຫູອີກ ຈົນນາງໄດ້ເປັນນັກຮ້ອງປະຈໍາສາຍການບິນ …

ໃນຕອນບ່າຍມື້ນີ້ ວັນທີ 3 ພຶດສະພາ 2018, ຢູ່ທີ່ ສູນກາງສະຫະພັນແມ່ຍິງລາວ,​ ນະຄອນຫຼວງວຽງຈັນ ໄດ້ມີພິທີ ມອບ-ຮັບ ຍອດເງິນບໍລິຈາກ ທັງໝົດ 74.382.000 ກີບ ຈາກໂຄງການ ປັ່ນລົດຖີບເພື່ອການກຸສົນ BIKE FOR HER 2018 ທີ່ຈັດຂຶ້ນໃນວັນທີ 3 ມີນາ 2018 ທີ່ຜ່ານມາ ຢູ່ທີ່ສວນເຈົ້າອານຸວົງ, ຈັດຂຶ້ນໂດຍ ວາລະສານ ຂວັນໃຈ  ຮ່ວມກັບ  ສະຫະພັນລົດຖີບນະຄອນຫຼວງວຽງຈັນ ແລະ ສະມາຄົມ ນັກທຸລະກິດແມ່ຍິງລາວ.  ໂດຍການກ່າວມອບຂອງທ່ານ ນາງ ວັນທະວີ ສຸພານຸວົງ ບັນນາທິການ ວາລະສານຂວັນໃຈ ແລະ ທ່ານ ນາງ ເກດສະຫວັນ ປັນຍາທິບ ຜູ້ອຳນວຍການສ້າງ ວາລະສານ ຂວັນໃຈ ພ້ອມດ້ວຍທີມງາມຮັບຜິດຊອບຈັດງານ ແລະ ໃຫ້ກຽດກ່າວຮັບໂດຍທ່ານ …