Home

ຊາຄຣິດ ແຍ້ມນາມ ອອກມາເປີດໃຈເລື່ອງການແຕ່ງດອງຮອບໃໝ່ ຍອມຮັບວ່າແຟນສາວນອກວົງການ ແອນ ພັດທິລາ ຮຸ່ງໂລດ ກຳລັງຖືພາລູກແຝດ ພ້ອມທັງເປີດເຜີຍວິນາທີສູນເສຍລູກໄປໜຶ່ງຄົນ!!! ຊາຄຣິດ ແຍ້ມນາມ ພະເອກດັງຈາກປະເທດເພື່ອນບ້ານ ຫຼັງຈາກທີ່ຈົບການເຮັດວຽກທີ່ປະເທດລາວເຮົາ ໃນຊ່ວງບຸນພຣະທາດຫຼວງໃນໄລຍະທີ່ຜ່ານມາ ກໍໄດ້ເດີນທາງກັບປະເທດໄທ ພ້ອມອອກມາຖະແຫຼງຂ່າວເປີດໃຈ ຫຼັງຈາກທີ່ມີຂ່າວລືອອກມາໃຫ້ແຟນຄລັບໄດ້ເມົ້າມອຍກັນຢ່າງໜາຫູວ່າ ພະເອກດັງ ຊາຄຣິດ ແຍ້ມນາມ ກຳລັງຈະສະຫຼະໂສດຮອບ 2 ກັບແຟນສາວນອກວົງການມີນາມວ່າ ແອນ ພັດທິລາ ຮຸ່ງໂລດ ໃນວັນທີ 8 ພະຈິກ 2017 ຈົນເປັນທີ່ໃຫ້ຄວາມສົນໃຈຂອງແຟນໆກັນຢ່າງຫຼວງຫຼາຍ. ຫຼ້າສຸດ ໃນວັນທີ 7 ພະຈິກ 2017 ຊາຄຣິດ ກໍໄດ້ອອກມາຕັ້ງໂຕະຖະແຫຼງກ່ຽວກັບເລື່ອງນີ້ວ່າ ຕົນເອງຈະແຕ່ງດອງໃນວັນທີ 8 ພະຈິກ 2017 ນີ້ແທ້ ແລະ ໄດ້ມີການກະກຽມງານໄວ້ແລ້ວ ແລະ ທັງສອງກໍໄດ້ເບິ່ງໃຈກັນມາພໍສົມຄວນ ມີມຸມມອງການໃຊ້ຊີວິດຄ້າຍໆກັນ ເລີ່ມຮູ້ຈັກກັນຈາກການເປັນໝູ່ ລົມກັນເລື່ອງອາຫານການກິນ …

ເປັນເລື່ອງລາວທີ່ໜ້າສົນໃຈທີ່ເກີດຂຶ້ນທີ່ ປະເທດ ອິນເດຍ Joyita Mondal  ອາຍຸ 29 ປີ ຜູ້ພິພາກສາສານຍິງຂ້າມເພດຄົນທຳອິດ ຂອງຣັດ ເບັງກໍ ເຊິ່ງຖືເປັນການພິກຜັນປະຫວັດສາດວົງການຍຸດຕິທຳຂອງອິນເດຍຄັ້ງທຳອິດເລີຍກໍວ່າໄດ້. ກວ່າທີ່ຈະມາຮອດຈຸດນີ້ໄດ້ ເສັ້ນທາງຊີວິດຂອງ Joyita Mondal ຜູ້ພິພາກສາບໍ່ໄດ້ໂຮຍດ້ວຍກີບດອກກຸຫຼາບແຕ່ຢ່າງໃດ ນາງມີຄວາມທຸກຍາກລຳບາກມາແຕ່ນ້ອຍໆ ເກີດມາເປັນເດັກກຳພ້າ ບໍ່ມີທີ່ຢູ່ອາໄສ ແລະ ຕ້ອງຂໍທານຕັ້ງແຕ່ນ້ອຍໆເພື່ອໃຫ້ຊີວິດຢູ່ລອດ ພົບເຈິກັບການຈຳແນກທາງຊົນຊັ້ນມາແລ້ວທຸກຮູບແບບ ແລະ ຖືກດູຖູກຈາກຄົນອ້ອມຂ້າງ ດັ່ງໂຕປະຫຼາດ ເຖິງຄັ້ງພິກຜັນໃຫ່ຍໃນຊີວິດ Joyita Mondal ມີໂອກາດໄດ້ເຮັດວຽກຮ່ວມກັບ ອົງກອນດ້ານສິດທິມະນຸດຂອງຄົນຂ້າມເພດ ເລີຍເຮັດໃຫ້ນາງມີແຮງບັນດານໃຈທີ່ຢາກຈະຕໍ່ສູ້ເພື່ອຄວາມຍຸດຕິທຳໃນສັງຄົມ ນາງຈຶ່ງຕັ້ງໃຈ ແລະມີຄວາມພະຍາຍາມທີ່ຈະຮຽນດ້ານກົດໝາຍ ຈົນຈົບປະລິນຍາຕີ ແລະ ສອບເສັງເຂົ້າເປັນຜູ້ພິພາກສາ ເພື່ອເຂົ້າໄປມີບົົດບາດສຳຄັນໃນການເດີນໜ້າຕໍ່ສູ້ເພື່ອກຸ່ມຄົນຂ້າມເພດ ໃຫ້ສັງຄົມເປີດໃຈຍອມຮັບ ແລະ ຢຸດເຊົາການຈຳແນກທາງເພດ ໂດຍສະເພາະດ້ານການສຶກສາ ແລະ ການວ່າຈ້າງງານ Joyita Mondal ໄດ້ກ່າວວ່າ: “ຂ້ອຍມີຄວາມຮູ້ສຶກດີໃຈ ແລະ ມີຄວາມສຸກຫຼາຍທີ່ໄດ້ຮັບຄວາມເຄົນລົບນັບຖື ຕ່າງຈາກເມື່ອກ່ອນທີ່ຜູ້ຄົນຄິດວ່າຂ້ອຍເປັນໂຕປະຫຼາດ ບໍ່ໄດ້ຮັບການຍອມຮັບ ບໍ່ມີສິດອອກຄວາມຄິດເຫັນໃດໆ ແຕ່ຕອນນີ້ກັບມີຜູ້ຄົນຈຳນວນຫຼວງຫຼາຍເອີ້ນຫາ …

ເປີດໂຕໃຫ້ເຫັນກັນໄປແລ້ວ ສຳລັບຊຸດປະຈຳຊາດຂອງ ປະເທດ ມຽນມ້າ ບໍ່ຮູ້ວ່າປີນີ້ຈະມີໃຜສູ້ຄວາມອະລັງການຂອງຊຸດປະຈຳຊາດ Miss Universe Myanmar 2017 ໄດ້ຫຼືບໍ່? ເພາະງານນີ້ປະເທດເພື່ອນບ້ານເຮົາກໍບໍ່ໄດ້ມາແບບຫຼິ້ນໆ ຂໍບອກວ່າຈັດໜັກ ຈັດເຕັມ ງັດເອົາໄອເດຍໃນການອອກແບບຊຸດປະຈຳຊາດແບບສຸດຂີດ ເພື່ອໃຊ້ເຂົ້າໃນການແຂ່ງຂັນ MISS UNIVERSE 2017 (ນາງາມຈັກກະວານ )ທີ່ (USA) ໃນວັນທີ 26 ພະຈິກ 2017 ນີ້, ນອກຈາກຄວາມງາມຂອງ Zun Than Sin Miss Universe Myanmar 2017 ແລ້ວ ຍັງມີການອອກແບບຊຸດປະຈຳຊາດໄດ້ອະລັງການງານສ້າງສຸດໆ ເຊິ່ງຊຸດນີ້ໄດ້ແຮງບັນດານໃຈມາຈາກ “Myanma Hsaing Waing” ເຊິ່ງເປັນວົງດົນຕີແບບດັ້ງເດີມຂອງມຽນມ້ານັ້ນເອງ. ສຳລັບ “Myanma Hsaing Waing” ເປັນວົງດົນຕີແບບດັ້ງເດີມມາແຕ່ບູຮານ ທີ່ມີຢູ່ໃນແຕ່ປະເທດມຽນມ້າເທົ່ານັ້ນ ໂດຍມີຈຸດເລີມຕົ້ນມາຈາກຣາດຊະວົງ ຄັນເບີອົງ, ສ່ວນການປະດັບປະດາແອ້ຍ້ອງຊຸດກໍບໍ່ທຳມະດາອີ່ຫລີ ເພາະຖືກຕົບແຕ່ງດ້ວຍໄມ້ສັກ ແລະ ທອງຄຳແທ້ …

ກຳລັງເປັນກະແສໃນວົງການຂາອ່ອນກັນແບບສົດໆຮ້ອນໆ ສຳລັບເວທີການປະກວດນາງງາມ ຈັດຂຶ້ນທີ່ປະເທດ ຟິລິປິນ ໂດຍນາງງາມທີ່ສາມາດຄວ້າຕຳແໜ່ງມົງກຸດ Miss Earth 2017 ໄດ້ແກ່ Karen Ibasco (ຄາເລນ ໄອບັສໂກ) ຕົວແທນຈາກຟິລິປິນ ປະເທດເຈົ້າພາບ, ເຊິ່ງນາງງາມຟິລິປິນ Karen Ibasco ໃນຊ່ວງຕອບຄຳຖາມນາງເຮັດໄດ້ດີຫຼາຍ ເອີ້ນສຽງເຊຍຈາກຜູ້ຊົມໄດຢ່າງສະໜັ່ນຫວັ່ນໄຫວ ຈົນສາມາດຄວ້າຕຳແໜ່ງມາໄດ້ສຳເລັດ, ແຕ່ກັບເກີດສຽງວິພາກວິຈານຈາກແຟນໆນາງງາມທົ່ວໂລກທີ່ບໍ່ພໍໃຈໃນເລື່ອງຂອງຄວາມງາມຂອງ Karen Ibasco ວ່າເບິ່ງແນວໃດນາງກໍບໍ່ມີຄວາມເໝາະສົມທີ່ຈະໄດ້ຕຳແໜ່ງນີ້. ແຕ່ໃນດ້ານຄວາມສາມາດກໍເກັ່ງບໍ່ແພ້ສາວໆຄົນອື່ນ Karen Ibasco ເປັນອາຈານສອນທີ່ມະຫາວິທະຍາໄລ ແລະ ຈົບການສຶກສາ ສາຂາ ຟີສິກສາດ ແລະ ໃຫ້ຄວາມສົນໃຈກ່ຽວກັບສິ່ງແວດລ້ອມ ແລະ ການໃຊ້ພະລັງງານໃນຊີວິດປະຈຳວັນ, ເຊິ່ງການຄອງມົງກຸດ Miss Earth ຂອງສາວງາມຟິລິປິນກໍຖືເປັນຄົນທີ່ 4 ແລ້ວ. ສ່ວນເລື່ອງຄວວາມງາມທີ່ເປັນປະເດັນດຣ່າມ່າ ວິພາກ ວິຈານຢ່າງໜາຫູນັ້ນ ແຟນໆລອງມາເບິ່ງຮູບພາບຂອງ Karen Ibasco ເຈົ້າຂອງຕຳແໜ່ງ Miss Earth 2017 ຄົນນີ້ ແລະ ລອງຕັດສິນກັນເອົາເອງເນາະ!!! (ຢ່າງໃດກໍຂໍເປັນກຳລັງໃຈໃຫ້ສາວງາມຄົນນີ້ເດີ້) ທີ່ມາ: https://women.mthai.com/scoop/322902.html  

ຮືຮາກັນສຸດກັບງານແຕ່ງດອງຂອງ ແອັບເປີ້ນ ສີສະຫງຽນ ສີຫາລາດ ແລະ ຟຣຸກ ຈິຣະ ດ່ານບະວອນກຽດ ຄູ່ຮັກດາລາສາວລາວບ່າວໄທ  ທີ່ງານນີ້ທັງສອງຈັດໜັກຈັດເຕັມ ຈັດງານແຕ່ງດອງແບບອະລັງການງານສ້າງ,  ງານແຕ່ງດອງຂອງ ແອັບເປີ້ນ ແລະ ຟຸກ ມີການເຮັດດອງຕາມປະເພນີເຖິງ 3 ສັນຊາດຄື: ໃນວັນທີ 3 ພະຈິກ ເຮັດງານດອງຕາມປະເພນີລາວ, ວັນທີ 4 ພະຈິກ ຈັດແບບປະເພນີຈີນມີການຍົກນໍ້າຊາ ແລະ ໃນວັນທີ 5 ພະຈິກ ມີການຈັດງານແຕ່ງດອງໃນໂຮງແຮມຫຼູ ພາຍໃນງານເຕັມໄປດ້ວຍຄວາມອະລັງການ ມາໃນໂທນງານສີ ຂາວ-ເທົາ ເບິ່ງສະບາຍຕາ ຕາມແບບຄວາມມັກຂອງທັງສອງ ແລະ ຍັງມີບັນດາໝູ່ເພື່ອນໃນວົງການບັນເທີງ ບັນດາເຊເລບຄົນດັງມາຮ່ວມສະແດງຄວາມຍິນດີຢ່າງຫຼວງຫຼາຍ. ນອກຈາກນີ້ ແອັບເປີ້ນ ສີສະຫງຽນ ສີຫາລາດ ແລະ ຟຣຸກ ຈິຣະ ດ່ານບະວອນກຽດ ຍັງຈະບິນມາຈັດພິທີງານແຕ່ງດອງຢູ່ທີ່ ປະເທດລາວ ໃນວັນທີ 8 ພະຈິກ ທີ່ຈະເຖິງນີ້. (ຢ່າງໃດກໍຂໍສະແດງຄວາມຍິນດີກັບທັງສອງຄົນຫຼາຍໆເດີ້)  …