Home

ສະບາຍດີ ແຟນໆຂວັນໃຈ ມື້ນີ້ທີມງານຂວັນໃຈ ຈະພາໄປທ່ຽວທີ່ຖໍ້າຂຸນລາງ ທີ່ຕັ້ງຢູ່ ບ້ານຫວ້ຍສ້ານ ເມືອງກາສີ ແຂວງວຽງຈັນ ເຊິ່ງຖືໄດ້ວ່າ ເປັນສະຖານທີ່ທ່ອງທ່ຽວທາງທໍາມະຊາດ ທີ່ສວຍງາມ ແລະ ຄົບບັນຍາກາດທີ່ຫາເບິ່ງໃນທີ່ແຫ່ງອື່ນໆໄດ້ຍາກ ເພາະໃນສະຖານທີ່ແຫ່ງນີ້ນອກຈາກມີ ຖໍ້າຫີນຍ້ອຍດ້ວຍລວດລາຍຕ່າງໆ ຂອງເລື່ອງລາວທ້າວຂຸນລາງ ໃນນິທານພື້ນເມືອງລາວເລື່ອງ “ຂຸນລູນາງອົ້ວ” ອັນມີຊື່ສຽງແລ້ວ ຍັງມີນໍ້າຕົກຕາດນ້ອຍໃຫຍ່ຢັ່ງຢາຍຕະຫຼອດສາຍທາງການໄປເຖິງປາກຖໍ້າ. ນອກນັ້ນ ຍັງອຸດົມສົມ ບູນດ້ວຍຊີວະນາໆພັນທີ່ຂຽວກະຈີຊຸມເຢັນຕະຫລອດປີ. ສາຍນ້ຳເຫລົ່ານີ້ໄຫຼຜ່ານຫຼືບຫີນຕ່າງໆ ທີ່ສູງຊັນເຮັດໃຫ້ເກີດມີນ້ຳຕົກຕາດຫລາຍແຫ່ງ, ຢູ່ທາງເບື້ອງຂວາຂອງທາງຂຶ້ນຖ້ຳມີຫ້ວຍ (ຫ້ວຍສະໃພ້), ມີນ້ຳຕົກຕາດສອງແຫ່ງຮຽກວ່ານ້ຳຕົກຕາດຫ້ວຍສະໃພ້ 1 ແລະ 2. ນ້ຳຕົກຕາດທີ່ສູງປະມານ 10 ແມັດໄຫຼທອດລົງເປັນຊັ້ນໆຕາມຮ່ອມຜາຊັນ. ປາກຖ້ຳຂຸນລາງຢູ່ທາງທິດຕາເວັນຕົກ ມີຂັ້ນໄດຂຶ້ນປະມານ 400 ຂັ້ນຈິ່ງຮອດປາກຖໍ້າ ແລະ ມີຂັ້ນໄດລົງອີກດ້ານໜຶ່ງປະມານ 257 ຂັ້ນເພື່ອໄປຫານ້ຳຕົກຕາດ. ພາຍໃນຖໍ້າກວ້າງຂວາງ ແລະ ແຍກອອກເປັນຫຼາຍຜົ້ງ, ຫຼາຍໂພງ, ຫຼາຍຫ້ອງ, ຫຼາຍຊັ້ນ ກວ້າງ-ແຄບເຖິງສີ່ລະດັບ ມີທາງຍ່າງລວງດຽວທີ່ຍາວໄປທາງທິດຕາເວັນອອກປະມານ …

  ໂຄງການເສີມສ້າງ ຄວາມອາດສາມາດທາງດ້ານ ວິຊາການ ເພື່ອພັດທະນາລະບົບການຈັດຫາງານຢູ່ລາວ. ທະນາຄານພັດທະນາອາຊີ ຮ່ວມກັບກະຊວງແຮງງານ ແລະ ສະຫວັດດີການສັງຄົມ ຈັດກອງປະຊຸມດັ່ງກ່າວຂຶ້ນເມື່ອວັນທີ 12 ພຶດສະພາ 2017 ໂດຍການເປັນທານຂອງທ່ານ ຫົວໜ້າກົມພັດທະນາສີມືແຮງງານ ແລະ ຈັດຫາງານ, ຜູ້ຮັກສາການຜູ້ຕ່າງໜ້າສໍານັກງານ ທະນາຄານອາຊີ ປະຈໍາລາວ. ທ່ານ ຊຸນສຸເກາະ ບັນໂດະ ຮັກສາການຜູ້ຕາງໜ້າທະນາຄານພັດທະນາອາຊີ ປະຈໍາລາວ ກ່າວວ່າ: ໂຄງການດັ່ງກ່າວສ້າງຂຶ້ນ ເພື່ອເປີດໂອກາດໃຫ້ຜູ້ສະແຫວງຫາວຽກເຮັດງານທໍາໄດ້ເຂົ້າເຖິງຂໍ້ມູນຂ່າວສານການຈ້າງງານ ທັງເຂດຕົວເມືອງ ແລະ ຊົນນະບົດ ຫຼາຍຂຶ້ນ, ໂດຍມີການປຶກສາຫາລືກັບຂະແໜງການເອກະຊົນ ແລະ ບັນດາສະຖາບັນທີ່ສະໜອງການຝຶກອົບຮົມທັກສະ ແລະ ສືມືແຮງງານ, ເພື່ອຂະຫຍາຍແຫຼ່ງຂໍ້ມູນຂ່າວສານ ແລະ ລະຫວ່າງຜູ້ຈ້າງງານ ແລະ ຜູ້ຊອກຫາວຽກເຮັດງານທໍາ. ແຫຼ່ງຂໍ້ມູນ: ລາວພັດທະນາ

ສາວໆເວົ້າເລື່ອງຄວາມໝັ້ນໃຈໃນການແຕ່ງຕົວແລ້ວ ສິ່ງທີ່ສໍາຄັນທີ່ສຸດກໍຄົງໜີບໍ່ພົ້ນກັບການທີ່ຕ້ອງມີໜ້າເອິກ ຫຼືນົມທີ່ໃຫຍ່ນັ້ນເອງ ແຕ່ສາວໆຫຼາຍຄົນກໍຕ້ອງຜິດຫວັງເພາະແມ່ໃຫ້ມາໜ້ອຍເກີນໄປ ເລີຍເຮັດໃຫ້ນ້ອຍອົກນ້ອຍໃຈ ບໍ່ວ່າຈະແຕ່ງຕົວ Style ໃດອອກມາກໍບໍ່ງາມຄືກັບຄົນອື່ນເຂົາ ແຕ່ສາວໆບໍ່ຕ້ອງນ້ອຍໃຈ ຫຼືຜິດຫວັງຫຍັງທັງນັ້ນ ເມື່ອອ່ານບົດຄວາມທີ່ ຂັວນໃຈ ເອົາມາຕ້ອນເປັນພິເສດສໍາລັບສາວໆເອິກໄຂ່ດາວໂດຍສະເພາະ ກັບ Look ສາຍດ່ຽວຄໍ V ບອກໄດ້ເລີຍວ່າ ເຖິງຈະເອິກໄຂ່ດາວແຕ່ກໍ sexy and Lovely ໄດ້ທັງ 2 ເດີ້ By: BeautyGuru ຮູບພາບຈາກ: Sprice

ປະກາດຜົນກັນເປັນທີ່ຮຽບຮ້ອຍສຳລັບການປະກວດ Miss USA ປະຈຳປີ 2017 ແລະ ສາວງາມຜູ້ທີ່ພິສິດມົງກຸດໃນປີນີ້ກໍຄື Kára McCullough ອາຍຸ 25 ປີ ມີລວງສູງ 1,78 cm, ເຊິ່ງ Kára ເປັນຕົວແທນສາວງາມທີ່ມາຈາກ District Of Columbia USA 2017 ແລະ ນາງກໍສາມາດເອົາຊະນະໃຈກຳມະການ ແລະ ຜູ້ຊົມດ້ວຍການຄວ້າມົງກຸດອັນຊົງກຽດ Miss USA 2017 ໄປຄອງໄດ້ສຳເລັດ. ສຳລັບ Kára McCullough ຈົບການສຶກສາຈາກ ມະຫາວິທະຍາໄລໃນ South Carolina ໃນລະດັບປະລິນຍາຕີ ສາຂາເຄມີສາດ, ເຊິ່ງປັດຈຸບັນ Kára  ກໍໄດ້ເຮັດວຽກເປັນນັກວິທະຍາສາດຢູ່ທີ່ (US.NRC) ແລະ ນອກຈາກນັ້ນນາງຍັງເປັນອາຈານສອນພິເສດໃນວິຊາເຄມີໃຫ້ແກ່ເດັກນ້ອຍອີກດ້ວຍ ແບບວ່າທັງງາມທັງເກັ່ງສົມກັບທີ່ໄດ້ລາງວັນແທ້ໆ. ມາເບິ່ງຮູບ Kára McCullough  Miss …

ແລງໆແບບນີ້ມາພົບກັນອີກແລ້ວກັບບົດຄວາມດີໆທີ່ຈະຊ່ວຍສ້າງຄຸນຄ່າ ສ້າງພະລັງ ສ້າງແຮງບັນດານໃຈດີໆໃຫ້ກັບໝູ່ເພື່ອນທຸກຄົນ ເຊິ່ງມື້ນີ້ ຊະນີIndy ກໍໄດ້ໄປຊອກເຟັ້ນເອົາບົດຄວາມດີໆຈາກບົດຄວາມຂອງແມ່ຍິງເກັ່ງຂອງລາວເຮົາອີກໜຶ່ງທ່ານນັ້ນກໍຄືບົດຄວາມຈາກ ເອື້ອຍ ວັນທະວີ ສຸພານຸວົງ ເຊິ່ງເພິ່ນກໍເປັນແມ່ຍິງທີ່ເກັ່ງຮອບດ້ານ ນັກປົກປ້ອງສິດທິຂອງແມ່ຍິງ ແລະ ເດັກນ້ອຍ, ທີ່ປຶກສາທາງດ້ານກົດໝາຍ ແລະ ເພິ່ນກໍຍັງເປັນ ບັນນາທິການ ວາລະສານ ຂວັນໃຈ ຂອງເຮົານຳ, ເຊິ່ງບົດຄວາມທີ່ນຳມາຝາກກັນໃນມື້ນີ້ກໍຄື “ຄຳຖາມສັງຄົມກັບຄຸນຄ່າໃນຕົວເຮົາ” ລອງມາອ່ານບົດຄວາມດີໆນີ້ໄດ້ເລີຍ!!! #ຢ່າລືມແຊຣບົດຄວາມດີໆເພື່ອເປັນກຳລັງໃຈໃຫ້ແມ່ຍິງທຸກໆຄົນ “ຢ່າປ່ອຍໃຫ້ຄຳຖາມເຫຼົ່ານີ້ .. ກະທົບຄຸນຄ່າໃນຕົວເຮົາ” … ສາວໂສດຮູ້ສຶກແນວໃດ ເມື່ອໄດ້ຍິນຄຳຖາມເຫຼົ່ານີ້: “ມີແຟນລະ?” “ແຕ່ງງານລະ?” ຫຼື “ປານໃດຊິແຕ່ງ?” ແລ້ວຍັງແຖມທ້າຍອີກວ່າ “ຫັ້ນແຫຼະ ເລືອກຫຼາຍນະ” … ມັນກະທົບຄຸນຄ່າທີ່ເຮົາໃຫ້ໂຕເອງແມ່ນບໍ່? ບາງຄົນອາດຈະຮູ້ສຶກວ່າ ເຮົາບົກພ່ອງ? ເຮົາບໍ່ດີພໍ? ເຮົາຕັ້ງເງື່ອນໄຂຫຼາຍໂພດ? ຫຼືເຮົາບໍ່ແມ່ນແບບທີ່ຜູ້ຊາຍຕ້ອງການ? ຈຶ່ງໄຮ້ຄູ່ຄຽງຂ້າງກາຍ. ນາງນຸດ (ນາມສົມມຸດ) ກໍ່ເປັນຜູ້ໜຶ່ງທີ່ຕົກຢູ່ໃນສະຖານະການດຽວກັນນີ້. ນຸດເປັນສາວຄວາມສາມາດສູງ, ມັກເຮັດວຽກສັງຄົມ, …