ໃນໂອກາດໂອ້ລົມຕໍ່ພິທີປະກາດການຈັດຕັ້ງ ແລະ ມອບ-ຮັບໜ້າທີ່ຕໍາແໜ່ງໃໝ່ຂອງຜູ້ອໍານວຍການໃຫຍ່ລັດວິສາຫະກິດໄຟຟ້າລາວ (ຜູ້ເກົ່າ) ແລະ ຜູ້ວ່າການຜູ້ອໍານວຍການລັດວິສາຫະກິດໄຟຟ້າລາວ (ຜູ້ໃໝ່) ຈັດຂຶ້ນຢູ່ສໍານັກງານໃຫຍ່ຂອງລັດວິສາຫະກິດໄຟຟ້າລາວ, ນະຄອນຫລວງວຽງຈັນໃນວັນທີ 16 ມິຖຸນາ 2020. ທ່ານ ສົມດີ ດວງດີ, ຮອງນາຍົກລັດຖະມົນຕີ, ລັດຖະມົນຕີກະຊວງການເງີນ ໄດ້ເນັ້ນໜັກໃຫ້ຄະນະບໍລິຫານງານລັດວິສາຫະກິດໄຟຟ້າລາວຊຸດໃໝ່ ສືບຕໍ່ເອົາໃຈໃສ່ປະຕິບັດຫລາຍວຽກງານສໍາຄັນ ເປັນຕົ້ນ: ສືບຕໍ່ປັບປຸງການດໍາເນີນທຸລະກິດຂອງໄຟຟ້າລາວດ້ວຍການຕ້ອງການໄລ່ລຽງການດໍາເນີນທຸລະກິດທີ່ດີຂຶ້ນ ແລະ ຫລຸດຜ່ອນຕົ້ນທຶນການຜະລິດໃຫ້ຕໍ່າລົງ, ແກ້ໄຂໜີ້ສິນທີ່ມີຢູ່ໃຫ້ຫລຸດລົງຢ່າງຕໍ່ເນື່ອງ, ປັບປຸງກົງຈັກການຂອງໄຟຟ້າລາວ ທັງຢູ່ສູນກາງ ແລະ ສາຂາໃນທົ່ວປະເທດໃຫ້ກະທັດຮັດ, ຄ່ອງຕົວ ແລະ ມີປະສິດທິພາບຫລາຍຂຶ້ນກ່ວາເກົ່າ ເພື່ອແນໃສ່ເຮັດໃຫ້ການໃຊ້ຈ່າຍດ້ານບໍລິຫານຫລຸດລົງ. ທ່ານ ສົມດີ ດວງດີ ເນັ້ນໜັກຕື່ມວ່າ: ນອກຈາກນີ້ ໃນເວລາທີ່ເກີດໄພພິບັດທາງທໍາມະຊາດ ເຊັ່ນ: ໄພນ້ຳຖ້ວມ ແລະ ໄພແຫ້ງແລ້ງ ໄຟຟ້າລາວຕ້ອງຍື່ນມືເຂົ້າໄປຊ່ວຍ ເຫລືອແກ້ໄຂຢ່າງທັນການ, ລວມເຖີງເຂົ້າໄປມີສ່ວນຮ່ວມເຂົ້າໃນການພັດທະນາຢູ່ທຸກທ້ອງຖິ່ນທົ່ວປະເທດໃຫ້ຫລາຍຂຶ້ນ ເພາະໄຟຟ້າແມ່ນພາກສ່ວນໜຶ່ງທີ່ປະກອບສ່ວນສໍາຄັນເຂົ້າໃນຂະແໜງອຸດສາຫະກໍາ ກໍ່ຄື ປະກອບສ່ວນສໍາຄັນເຂົ້າໃນການພັດທະນາໂຄງປະກອບເສດຖະກິດຂອງລາວ. ຂ່າວ: ມົດແດງນ້ອຍ
Read More »Home
ເຫັນແລ້ວເສົ້າໄປນໍາ!! ຄູອາສາສອນມາຫຼາຍປີແຕ່ບໍ່ໄດ້ຮັບຕົວເລກ ສຸດຕ້ອງຈໍາໃຈຖິ້ມອຸດົມການ ແລະ ລູກສິດທີ່ຮັກດັ່ງດວງໃຈ… (ມີຄຣິບ)
ອີກໜຶ່ງປະກົດການທີ່ເກີດຂື້ນກັບຄູອາສາທີ່ ມຕ.ຫ້ວຍເງິນ ເມືອງ.ຈຳປາສັກ , ແຂວງ.ຈຳປາສັກ ສອນມາຫຼາຍປີບໍ່ມີວີ່ແວວວ່າຊິໄດ້ລັດຖະກອນ ຈົນສຸດທ້າຍຈຳຕ້ອງຍອມວາງບິກ-ສໍ ເກັບໃບປະລິນຍາ (ປະລິນຍາຄົນຈົນ) ລົງໄວ້ລີ້ນຊັກກ້ອງໂຕ໊ະແລ້ວແກວ່ງກະແຈລົງນໍ້າຂອງ ອຳລາຈາກໜ້າທີ່ການງານດ້ວຍນໍ້າຕາ ທັງໆທີ່ມີອຸດົມການອັນສູງສົ່ງ ຮັກໃນອາຊີບ ມີຄວາມຜູກພັນກັບລູກສິດດັ່ງດວງໃຈ ອຸທິດຊີວິດເພື່ອໜ້າທີ່ຕະຫຼອດມາ ຫລືຍ້ອນເປັນພຽງລູກຊາວໄຮ່-ນາຜູ້ຍາກຈົນບໍ່ມີເງິນ-ບໍ່ມີເສັ້ນສາຍລາຍລ່ອງ ເຮັດໜ້າທີ່ເປັນແມ່ພິມຂອງຊາດມາຫຼາຍປີບອກວ່າບໍ່ມີໂກຕ້າ (ໂຕເລກລັດຖະກອນ) ແຕ່ຜູ້ທີ່ຈົບມາອ່ຽມໆໃໝ່ໆເກືອບວ່າບໍ່ໄດ້ສອນຈັກປີພັດມີຊື່ໃນໂຕເລກ”ມີໂກຕາໄດ້ເຂົາລັດຖະກອນ ຈຳເປັນຕອ້ງອຳລານັກຮຽນນັກສືກສາ ຊອກວຽກໃໝ່ເຮັດ… ຂໍ້ຄວາມ ແລະ VDO ດັ່ງກ່າວແມ່ນຖືກເຜີຍແຜ່ອອກມາທາງໂລກ Social ແລະ ຖືແຊໄປເປັນຈໍານວນຫຼວງຫຼາຍ ຍ້ອນເຂົ້າໃຈຫົວອົກຄວາມເປັນຄູອາສາ ທີ່ຮັກໃນອາຊີບດັ່ງດວງໃຈ ແຕ່ກໍຕ້ອງເອົາຊີວິດ ແລະ ຄອບຄົວຕົວເອງໃຫ້ຢູ່ລອດຄືກັນ!!! ແນວໃດ ຂວັນໃຈ ກໍຂໍເປັນກໍາລັງໃຈໃຫ້ຄູອາສາທຸກທ່ານ ທີ່ເຮັດວຽກດ້ວຍຄວາມມັກ-ຮັກ ດ້ວຍອຸດົມການເດີ້… VDO ດັ່ງກ່າວ… ໂພສດັ່ງກ່າວ…
Read More »ຈາກການສໍາຫຼວດດັດສະນີຄວາມອຶດຫິວ!! ພົບວ່າເດັກນ້ອຍໃນ ສປປ ລາວ ຕົກຢູ່ອັນດັບທີ 87 ຈາກຈຳນວນທັງໝົດ 117 ປະເທດ…
ອົງການສະຫະປະຊາຊາດສໍາລັບເດັກ (UNICEF) ປະຈໍາລາວ ໄດ້ລາຍງານເມື່ອບໍ່ດົນມານີ້ກ່ຽວກັບດັດຊະນີຄວາມອຶດຫິວໃນທົ່ວໂລກປະຈຳປີ 2019 ວ່າ: ສປປ ລາວ ຖືກຈັດຢູ່ໃນປະເພດທີ່ຮຸນແຮງເປັນອັນດັບທີ 87 ໃນຈຳ ນວນທັງໝົດ 117 ປະເທດ. ໄລຍະຜ່ານມາ ສປປ ລາວ ມີຄວາມຄືບໜ້າທີ່ດີໃນການຍົກລະດັບວຽກ ງານໂພຊະນາການ, ແຕ່ຍັງມີຫຼາຍວຽກ ງານທີ່ຕ້ອງໄດ້ມີການຈັດຕັ້ງປະຕິ ບັດ ແລະ ບັນລຸເປົ້າ ໝາຍ. ສະຖານະການແມ່ນກ່ຽວກັບໂພຊະນາການຂອງເດັກຍັງຈັດຢູ່ໃນລະດັບທີ່ບໍ່ໜ້າເພິ່ງພໍໃຈ, ເຊິ່ງໄລຍະ 1.000 ວັນທຳອິດຂອງເດັກ ນ້ອຍແມ່ນມີຄວາມສຳຄັນຕໍ່ການພັດທະນາສຸຂະ ພາບ ໂດຍສະເພາະການລ້ຽງລູກດ້ວຍນົມແມ່ພຽງຢ່າງດຽວຈົນຮອດອາຍຸ 6 ເດືອນ. ອົງການສະຫະປະຊາຊາດສໍາລັບເດັກ ລາຍງານຕື່ມວ່າ: ອີງຕາມການສໍາຫຼວດຕົວຊີ້ວັດດ້ານສັງຄົມຂອງ ສປປ ລາວ ເຫັນວ່າຫຼາຍກວ່າເຄິ່ງໜຶ່ງຂອງເດັກນ້ອຍອາຍຸຕໍ່າກວ່າ 6 ເດືອນບໍ່ໄດ້ຮັບການລ້ຽງດ້ວຍນົມແມ່ພຽງຢ່າງດຽວ ແລະ ຫຼາຍກວ່າສອງສ່ວນສາມຂອງເດັກອາຍຸຕໍ່າກວ່າສອງປີອັດ ຕາການຈະເລີນເຕີບໂຕແມ່ນຕໍ່າກວ່າມາດຕະຖານເນື່ອງຈາກການບໍ່ໄດ້ຮັບອາຫານທີ່ພຽງພໍ ລວມເຖິງຄຸນນະພາບ ແລະ ຄວາມຫຼາກຫຼາຍຂອງອາ ຫານ. ປັດຈຸບັນນີ້, …
Read More »ເພງລາວທີ່ມາແຮງທີ່ສຸດຕອນນີ້!!! ຢາກເປັນລູກເຂີຍ ຂອງ You tuber ຄົນດັງ ປ່ອຍມາ 2 ອາທິດ ຍອດວິວທະລຸ 12 ລ້ານວິວ…
ຟັງເພງລາວ ສົ່ງເສີມຄົນລາວ… ໃຜໄດ້ຟັງແດ່ແລ້ວເພງ ຢາກເປັນລູກເຂີຍ ຈາກເນັດໄອດອລຊື່ດັງ: ບິກໃຫຍ່ ຫຼືທີ່ຮູ້ຈັກກັນໃນນາມ You tuber ຄົນດັງເຈົ້າຂອງຊ່ອງ ແບກຶ ຖ້າໃຜຍັງບໍ່ຟັງແອັດມີລິ້ງມາໃຫ້ຟັງພ້ອມ!! ຂໍບອກໄວ້ກ່ອນວ່າເພງເພິ່ນແມ່ນຫາກໍປ່ອຍມາໄດ້ 2 ອາທິດປາຍເທົ່ານັ້ນ ແຕ່ມີຍອດວິວເຖິງ 12 ລ້ານວິວແລ້ວ… ວ້າວໆໆໆ ຈະມ່ວນຂະໜາດໃດມາຟັງເບິ່ງເລີຍຈ່າ…
Read More »ໃຜຢູ່ຂ້າງໃຜ!! ບັນດາຄົນດັງຮ່ວມສະຫຼອງຄວາມສໍາຄັນຂອງ Barack Obama ທາງ Twitter ພ້ອມອວຍພອນວັນເກີດຂອງ Donald Trump…
ເຖີງວ່າໃນວັນທີ 14 ມີຖຸນາ ທີ່ຜ່ານມາຈະກົງກັບວັນເກີດຂອງປະທານາທິບໍດີ ໂດຮັລ ທຣັ້ມ ແຕ່ບັນດາຄົນດັງ ແລະ ຜູ້ຄົນຈໍານວນຫຼາຍທີ່ອາໃສຢູ່ໃນ ສ.ອາເມລິກາ ໄດ້ໂພສຂໍ້ຄວາມຜ່ານ Twitter ໂດຍໃຊ້ວັນດັ່ງກ່າວເພື່ອສະເຫຼີມສະຫຼອງຄວາມສໍາເລັດ ແລະ ຍົກຍ່ອງ ອະດີດປະທານາທິບໍດີ ບາຣັກ ໂອບາມ່າ ແທນໂດຍໃຊ້ແຮັດແທັກ #Obama Day June 14th, #Obama Appreciation Day, #Obama Day USA ແລະ #All Birthdays Matter ເປັນຕົ້ນ. ສໍາລັບ #ObamaAppreciationDay ສາມາດຂຶ້ນອັນດັບ 1 ດ້ວຍຍອກ Twit ຫຼາຍກວ່າ 250,000 ครั้ง ສ່ວນ #HappyBirthdayDonaldTrump ຕິດຢູ່ທີ່ອັນດັບທີ 24. ສໍາລັບຄົນດັງທີ່ໄດ້ອອກມາສະຫຼອງໃຫ້ກັບ ທ່ານ ໂອບາມ່າ ມີທັງຜູ້ກໍາກັບ Ava DuVernay, Mariah …
Read More »