Kuanjai Life Stlye

ມີຄຳຖາມທີ່ໜ້າສົນໃຈວ່າ ຖ້າບໍ່ກິນຊີ້ນແລ້ວປ່ຽນໄປກິນແປ້ງ ເຊິ່ງເປັນສ່ວນປະກອບຫຼັກຂອງອາຫານເຈຈະເຮັດໃຫ້ສົ່ງຜົນເສຍຕໍ່ຮ່າງກາຍຫຼືບໍ່? ໂດຍສະເພາະໝູ່ເພື່ອນທີ່ກຳລັງຄວບຄຸມນໍ້າໜັກ ຍິ່ງສົນໃຈວ່າຈະເປັນການຍິ່ງເພີ່ມນໍ້າໜັກ ຫຼືບໍ່? ດັ່ງນັ້ນ!!! ໃນມື້ນີ້ເຮົາລອງມາທຳຄວາມຮູ້ຈັກ ແລະ ເບິ່ງວິທີກິນເຈແນວໃດບໍ່ໃຫ້ຕຸ້ຍກັນດີກວ່າ!!! 1. ເລືອກກິນເຂົ້າທີ່ບໍ່ຂັດສີ ເຊັ່ນ ເຂົ້າກ້ອງ ເຂົ້າໜົມປັງແປ້ງໂຮມວີສ ໝາກເດືອຍ ທັນຍະພືດຕ່າງໆ ເມື່ອຮ່າງກາຍຍ່ອຍອອກມາເປັນແປ້ງທີ່ພ້ອມດູດຊຶມ ນໍ້າຕານກໍ່ບໍ່ສູງຈົນເກີນໄປ ເມື່ອທຽບກັບປະລິມານທີ່ເທົ່າກັນຂອງເຂົ້າ ແລະ ແປ້ງຂັດຂາວ 2. ເລືອກຜັກປະເພດໃບ ເພາະຜັກປະເພດໃບຈະມີຄຣາໂບໄຮເດດໜ້ອຍກວ່າພືດປະເພດຫົວ ດັ່ງນັ້ນການກິນຜັກໃບຈະເຮັດໃຫ້ເຮົາໄດ້ພະລັງງານ ແລະປະລິມານແປ້ງທີ່ໜ້ອຍກວ່າຈຶ່ງບໍ່ເຮັດໃຫ້ຕຸ້ຍ 3. ເລືອກກິນຂອງໜຶ້ງ ຕົ້ມ ຕຸນ ດີກວ່າຂອງທອດແລະຂົ້ວ ເພາະຊ່ວຍຫຼີກການກິນນໍ້າມັນ ທີ່ມີໄຂມັນຢູ່ສູງ 4. ກິນຫວານໃຫ້ໜ້ອຍລົງ ບໍ່ແມ່ນວ່າເມື່ອຖືສິນກິນເຈແລ້ວ ຈະສາມາດກິນເຂົ້າໜົມຫວານໄດ້ເຕັມທີ່ ເພາະບໍ່ວ່າຈະເປັນອາຫານເຈ ຫຼື ບໍ່ເຈ ຖ້າມີຄວາມຫວານ ແລະ ມີນໍ້າຕານຢູ່ຫຼາຍ ກໍ່ຕຸ້ນໄດ້ບໍ່ຕ່າງກັນ 5. ອົດອາຫານ ລ້າງພິດຫຼັງກິນເຈ ເພາະຈະຊ່ວຍໃຫ້ຮ່າງກາຍຂັບຜິດຕ່າງໆ ອອກມາໄດ້ …

ທຸກໆວັນທີ 11 ຕຸລາ ແມ່ນວັນເດັກຍິງສາກົນ  (International Day of the Girl Child) ທີ່ໄດ້ສະເຫຼີມສະຫຼອງຢູ່ທົ່ວໂລກ. ເຊິ່ງນອກຈາກຈະມີການສະເຫຼີມສະຫຼອງຢູ່ທົ່ວໂລກແລ້ວ, ໃນມື້ນີ້ຍັງຍົກໃຫ້ເຫັນເຖິງປັນຫາ ແລະ ສິ່ງທ້າທ້າຍທີ່ເດັກຍິງຕ້ອງພົບພໍ້, ພ້ອມທັງສະໜັບສະໜຸນການສ້າງຄວາມເຂັ້ມແຂງ ແລະ ສົ່ງເສີມການບັນລຸເປົ້າໝາຍຂອງພວກເຂົາ. ຄລິກເບິ່ງວິດີໂອນາງ"ນ້ອຍ"ແບບເຕັມໄດ້ເລີຍ!Check out the full story of "Noi"! Posted by UNFPA Laos on Monday, October 24, 2016 ວາລະສານ ຂວັນໃຈ ຂໍປະກາດຈຸດຍືນ ຂໍຮ່ວມສະເຫຼີມສະຫຼອງພ້ອມກັບຄົນທົ່ວໂລກ ແລະ ສະໜັບສະໜຸນໃຫ້ບັນດາເດັກຍິງ ໄດ້ມີຊີວິດທີ່ດີ ມີຄວາມຮູ້ ມີຄວາມເຂັ້ມແຂງທັງສຸຂະພາບກາຍ ຈິດໃຈ ໄດ້ເປັນຕົວຂອງຕົວເອງ ໄດ້ເຮັດຕາມຄວາມຝັນຂອງພວກເຂົາໃຫ້ປະສົບຜົນສຳເລັດ. ທີ່ມາ: UNFPA Laos

ກ່ອນອອກຈາກບ້ານພໍ່ມີເງິນໃຫ້ລ້ານປາຍກີບ ທາງຄອບຄົວບໍ່ມີເງິນສົ່ງເສຍໃຫ້ຮຽນ…  ເປັນປະໂຫຍດທີ່ເຮັດໃຫ້ຜູ້ຄົນສົນໃຈ ເລື່ອງລາວຂອງ ຈັນແດງ ທອງສະໄໝ ນັກສຶກສາທີ່ຄວ້າໃບປະກາດແດງມາໄດ້ເຖິງ 2 ໃບ (ເກັ່ງຫຼາຍໆໆ! ຊົມເຊີຍເດີ້) ເຊິ່ງກ່ອນຈະພາກພຽນ ຂຽນອ່ານ ແລະ ຄວ້າກຽດນິຍົມມາໄດ້ນັ້ນບໍ່ແມ່ນເລື່ອງງ່າຍ ລອງມາເບິ່ງເລື່ອງລາວຂອງຊາຍຄົນນີ້… “ຈົບແບບງຽບໆຢ່າງເປັນທາງການ!!! ນີ້ເປັນໃບປະກາດແດງໃບທີ 2 ໃນຊີວິດຂອງຂ້ອຍ ພາຍຫຼັງທີ່ດິ້ນຮົນຜ່ານທຸກຜ່ານຍາກມາຫຼາຍປີ. ຂ້ອຍຍັງຈື່ບໍ່ລືມວ່າມື້ອອກຈາກບ້ານມາຮຽນພໍ່ແມ່ມີເງິນໃຫ້ພຽງແຕ່ລ້ານປາຍ ເຊິ່ງມັນເປັນເງິນທັງໝົດທີ່ເພິ່ນມີ. ການຕັດສິນໃຈມາຮຽນມັນເປັນສິ່ງທ້າທາຍຫຼາຍສໍາລັບຂ້ອຍ ບໍ່ຮູ້ວ່າຊີວິດຂ້າງໜ້າຊິເປັນແນວໃດ ເພາະທາງຄອບຄົວບໍ່ມີເງິນສົ່ງເສຍໃຫ້ຮຽນ. ພໍແຕ່ກ້າວເຂົ້າມາຮຽນຢູ່ໃນຮົ້ວມະຫາວິທະຍາໄລ ຊີວິດກໍບໍ່ໄດ້ສຸກສະບາຍ ຂ້ອຍຕ້ອງໄດ້ຊອກວຽກຫາເງິນເພື່ອສົ່ງຕົນເອງຮຽນ ຕັ້ງແຕ່ປີ 1 ຮອດ ປີ 4 ໂດຍບໍ່ຂໍເງິນນໍາພໍ່ແມ່ ເຊິ່ງຮຽນທັງພາກປົກກະຕິ, ຮຽນເພີ່ມ ແລະ ເຮັດວຽກເສີມຫຼາຍຢ່າງນັບຕັ້ງແຕ່ຮັບຕັດຫຍ້າ, ເປັນພະນັກງານກວດຜົນຫວຍ ຈົນມາຮອດຮັບງານອິດສະລະເຊັ່ນ ງານວິດີໂອ, ງານອອກແບບປຶ້ມ ແລະ ເປັນອາຈານສອນພາສາອັງກິດ. 4 ປີແຫ່ງການຮຽນຮູ້ຂ້ອຍໄດ້ພົບເຫັນຫຼາຍສິ່ງຫຼາຍຢ່າງ ມີທັງສຸກ ແລະ ທຸກ, …

ເຫັນແລ້ວຜ່ານຕາບໍ່ໄດ້ເລີຍ ຫຼ້າສຸດ ຈັນດາລີ ສິດພະໄຊ (ໝໍ ແນ່ງ) ກໍ່ໄດ້ອັບເດດຮູບພາບຫຼ້າສຸດ ເຊິ່ງມາໃນລຸກສາວລາວໂບຮານ ເກົ້າຜົມບ່ຽງແພ ແບບແມ່ຍິງລາວດັ້ງເດີມ ເບິ່ງແລ້ວງົດງາມ ອ່ອນຊ້ອຍ ຈົນບໍ່ຢາກລະສາຍຕາໄປໃສ… ເຫັນແລ້ວ ສຳລັບ ຊະນີIndy ໃຫ້ຄະແນນ ໝໍແນ່ງ ທີ່ມາໃນລຸກແມ່ຍິງລາວໂບຮານນີ້ ເອົາໄປ 10 10 10 ກັນເລີຍເດີ້ ແລ້ວແຟນໆເດວ່າແນວໃດ ໃຫ້ ໝໍແນ່ງໃນລຸກນີ້ຜ່ານແດ່ບໍ່???  (ຄອມເມັ້ນບອກກັນແດ່) ຮູບພາບ: Chandaly Ningnang Sitpraxay

ການເດີນທາງເປັນການເປີດໂລກເຮົາໃຫ້ກວ້າງຂຶ້ນ… ໄດ້ເຫັນ, ໄດ້ພົບ, ໄດ້ຮຽນຮູ້ສິ່ງໃໝ່ໆ ການເດີນທາງເປັນປະສົບການ, ເປັນການຮຽນຮູ້, ເປັນການເປີດໂລກກະທັດໃໝ່ໆ ແລະ ການເດີນທາງທ່ອງທ່ຽວໄປຍັງດິນແດນທີ່ເຮົາບໍ່ເຄີຍໄປ ມັກຈະເຮັດໃຫ້ເຮົາໄດ້ພົບກັບສິ່ງໃໝ່ໆ ໃນຊີວິດອັນແສນຕື່ນເຕັ້ນເຊັ່ນກັນ; ມື້ນີ້ ຂວັນໃຈເລີຍຢາກຈະມານໍາສະເໜີ ຂໍ້ຄິດດີໆ ຂອງການເດີນທາງຈາກນັກເດີນທາງ Traveler Blog ມາໃຫ້ສາວໆໄດ້ຮູ້ວ່າ ຄວາມຈິງແລ້ວເຮົາໄດ້ຫຍັງແດ່? ນອກຈາກຄວາມ່ວນ ແລະ ໄດ້ເຫັນສິ່ງໃໝ່ໆ… 1. ມະນຸດທຸກຄົນຕ້ອງການສິ່ງດຽວກັນ: ບໍ່ວ່າຈະເປັນເສດຖີ ຫຼືຄົນທຸກຈົນ ເມື່ອເບິ່ງເລິກລົງໄປແລ້ວຈະຮູ້ວ່າທຸກຄົນຕ້ອງການ “ຄວາມຮັກ”, “ຄວາມໝັ້ນຄົງ” ແລະ “ການຍອມຮັບ” ແລະນັ້ນກໍຄືຄວາມປາດຖະໜາຂັ້ນພື້ນຖານ ທີ່ເຮັດໃຫ້ທຸກຢ່າງເທິງໂລກນີ້ຂັບເຄື່ອນໄປໄດ້ 2. ຢ່າປ່ອຍໃຫ້ຄວາມສຸກເປັນເລື່ອງຂອງອະນາຄົດ: ຄົນທີ່ຕັ້ງເປົ້າ ແລະ ຕັ້ງໜ້າຕັ້ງຕາສູ້ຢ່າງແສນສາຫັດ ບໍ່ມືນຫູມືນຕາເພື່ອໃຫ້ໄດ້ມາເຊິ່ງຄວາມສຸກໃນອະນາຄົດ ນັ້ນຄືພວກເຂົາກໍາລັງເຮັດສິ່ງທີ່ຜິດທີ່ສຸດໃນຊີວິດ ສະນັ້ນ ເຮົາຄວນເຮັດມັນຢ່າງຄ່ອຍເປັນຄ່ອຍໄປ ເພື່ອໃຫ້ມີຄວາມສຸກໃນປັດຈຸບັນ ຢ່າຕັ້ງຄວາມສຸກກັບສິ່ງທີ່ຍັງມາບໍ່ຮອດ ເພາະຍິ່ງຕັ້ງສູງເທົ່າໃດຍິ່ງເຈັບເທົ່ານັ້ນ. 3. ຢ່າຫຼົງງົມງາຍກັບໂຊກຊະຕາ: ຫຼາຍໆຄົນເພີ້ຝັນເລື່ອງໂຊກລາບ, ວາດສະໜາ, ໂຊກຊະຕາຕ່າງໆ …