Kuanjai Life Stlye

ປະຕິເສດບໍ່ໄດ້ເລີຍວ່າສະພາບການແຜ່ລະບາດຂອງ  COVID-19  ສົ່ງຜົນກະທົບຕໍ່ຊີວິດປະຈໍາວັນຂອງເຮົາຫຼາຍໆຄົນ ເຖິງຢ່າງໃດກໍຕາມ ຊີວິດເຮົາກໍຕ້ອງດຳເນີນຕໍ່ໄປ ເຮັດທີ່ບໍ່ສໍາເລັດກໍຕ້ອງເປັນເຮົາທີ່ເປັນຜູ້ເຮັດໃຫ້ສໍາເລັດ ແລະ ເພື່ອຫຼຸດຜົນກະທົບຈາກສະພາວະດັ່ງກ່າວ ຫຼາຍໆບໍລິສັດ ຫຼາຍໆອົງກອນ ຈື່ງມີນະໂຍບາຍ Work from home  ແນ່ນອນວ່ານະໂຍບາຍດັ່ງກ່າວນີ້ຊ່ວຍຫຼຸດຜົນກະທົບໂຄວິດໄດ້ ແຕ່ຖ້າກຽມຕົວບໍ່ດີກໍຈະກາຍເປັນພາລະຂອງຄົນເຮັດວຽກ ເຮັດໃຫ້ບໍລິສັດບໍ່ໄດ້ວຽກຕາມຈຸດປະສົງ ສະນັ້ນ ມື້ນີ້ຂວັນໃຈຈື່ງຂໍາສະເໜີ ຂໍ້ຄວນຮູ້ ສໍາຫຼັບຄົນທີ່ຕ້ອງຫັນມາເຮັດວຽກຢູ່ບ້ານເພື່ອໃຫ້ມີຄວາມສຸກ ແລະ ວຽກໄດ້ປະສິດທິພາບແກ່ ພະນັກງານທຸກລະດັບ, ທຸກພະແນກສາມາດນໍາມາປັບລອງໃຊ້ກັນໄດ້!!! 1. ຕົກແຕ່ງຕໍາແໜ່ງບ່ອນເຮັດວຽກໃຫ້ເປັນບ່ອນທີ່ຢາກນັ່ງເຮັດວຽກແບບຍາວໆ ຫຼາຍຄົນຄິດວ່າການນັ່ງເຮັດວຽດຢູ່ບ້ານຄືການເຮັດວຽກຢູ່ບ່ອນໃດຂອງບ້ານກໍໄດ້ທີ່ເຮົາຮູ້ສຶກສະບາຍ ແຕ່ອັນທີ່ຈິງແລ້ວ ບ່ອນທີ່ເຮັດໃຫ້ເຮົາສະບາຍທີ່ສຸດ ມັກຈະເປັນທີ່ທີ່ບັ່ນທອນຄວາມຂະຫຍັນຂອງເຮົາຫຼາຍທີ່ສຸດ ວິທີທີ່ດີສໍາຫຼັບການເຮັດວຽກຢູ່ບ້ານກໍຄືການຈັດບ່ອນນັ່ງເຮັດວຽກໃຫ້ກາຍເປັນບ່ອນເຮັດວຽກຢ່າງຈິງຈັງ ແລະ ແຍກອອກຈາກພື້ນທີ່ຢ່ອນໃຈພາຍໃນບ້ານ ການແຍກພື້ນທີ່ຈະຊ່ວຍໃຫ້ເຮົາມີສະມາທິຢູ່ກັບສິ່ງທີ່ເຮັດຫຼາຍຂຶ້ນ. ການແຍກພື້ນທີ່ບໍ່ຈໍາເປັນຕ້ອງແຍກຫ້ອງໃໝ່ ເຮົາອາດຈະປ່ຽນບັນຍາກາດໄດ້ແບບງ່າຍໆ ເຊັ່ນ ປັບຕັ້ງນັ່ງຂອງເຮົາໃຫ້ສູງກວ່າປົກກະຕິ ເອົາໜັງສືທີ່ກ່ຽວຂ້ອງກັບວຽກວາງໄວ້ເທິງໂຕະ 2. ກຳນົດຕາຕະລາງຂອງວັນໃຫ້ຊັດເຈນ ແລະ ຢ່າລືມຊ່ວງພັກຜ່ອນ ຫຼາຍໆຄົນຄິດວ່າການເຮັດວຽກຢູ່ບ້ານຄົນດຽວ ອາດຈະເຮັດໃຫ້ມີອິດສະຫຼະທີ່ຈະເຮັດວຽກຕອນໃດກໍໄດ້ ແຕ່ອັນທີ່ຈິງແລ້ວ ເຮົາຈໍາເປັນຕ້ອງກຳນົດຕາຕະລາງເວລາຂອງການເຮັດວຽກໃຫ້ຊັດເຈນກວ່າເກົ່າ ເພາະບັນຍາກາດຂອງການເຮັດວຽກຢູ່ບ້ານຈະນິ່ງກວ່າການເຮັດວຽກຮ່ວມກັນໃນຫ້ອງການ ເຮັດໃຫ້ຫຼາຍຄົນຫຼົງລືມກຳນັດເວລາທີ່ເໝາະສົມ …

ແມັດທິວ ດີນ ພ້ອມກັບ ລີເດຍ ສະຣັນຍະລັດ ນັກຮ້ອງ-ນັກແດງຊື່ດັງ (ປະເທດໄທ) ໄດ້ໂພສຄຣິບ VDO ກ່ຽວກັບອາການປ່ວຍຕິດເຊື້ອໂຄວິດ-19 ຫຼ້າສຸດ ພ້ອມແຄັບຊັ່ນວ່າ  “8 April 2020 Still at the hospital and testing positive for the virus” 8 ເມສາ 2020 ຍັງຢູ່ທີ່ໂຮງໝໍ ແລະ ຜົນຍັງເປັນບວກ  @matthew.deane1 ໂດຍທັງຄູ່ຊ່ວຍກັນເລົ່າເຖິງອາການຫຼັງຜ່ານໄລຍະວິກິດໂຄວິດ 10 ວັນອັນຕະລາຍ ແຕ່ຜົນກວດຍັງເປັນບວກຢູ່ ເຖິງວ່າຈະຢູ່ໂຮງໝໍມາເກືອບເດືອນແລ້ວ “ແມັດທິວ ຢູ່ປະມານ 27 ມື້ ລີເດຍ ຢູ່ມາ 25 ມື້; ກວດໄປ 5 ຄັ້ງ ແລະ 3 ຄັ້ງ ລວມທັງ …

ເປັນນາງງາມລາວທີ່ມີສາຍາ ນາງງາມໃຈບຸນອີກຄົນໜຶ່ງທີ່ໄດ້ຮັບຄວາມນິຍົມ-ຍົກຍ້ອງຈາກແຟນນາງງາມ ແລະ ສັງຄົມມາໂດຍຕະຫຼອດ ສໍາລັບ ເຈນນີ່ ຕົ້ນຄໍາ ພົນຈັນເຮືອງ Miss World 2017 ທີ່ຕັ້ງແຕ່ໄດ້ຮັບຕໍາແໜ່ງອັນຊົງກຽດນັ້ນມາ ເຮົາກໍຈະເຫັນວ່າ ເຈນນີ່ ໄດ້ເຮັດຫຼາຍໆຢ່າງເພື່ອຊ່ວຍເຫຼືອສັງຄົມລາວມາໂດຍຕະຫຼອດ ແລະ ຫຼ້າສຸດມື້ນີ້ ເຈນນີ່ ກໍໄດ້ສ້າງຄວາມປະທັບໃຈຈົນຢາກບອກວ່າ ຫຼົງງຮັກນາງແຮງອີກຄັ້ງ ເນື່ອງຈາກສະພາບການບ້ານເມືອງເຮົາເກີດວິກິດ ໂຄວິດ-19 ເຮັດໃຫ້ຫຼາຍຄົນບໍ່ມີວຽກເຮັດງານທໍາ ຫຼືບາງຄົນກໍບໍ່ມີບ້ານມີເຮືອນຢູ່ແລ້ວ ອາໄສຂໍກິນຕາມຮ້ານຕ່າງໆ ເມື່ອຫ້າງຮ້ານປິດກໍບໍ່ມີແມ່ນແຕ່ເຂົ້າຈະກິນ ແລະ ເຈນນີ່ ກໍໄດ້ຢູ່ເສີຍບໍ່ໄດ້ ຈຶ່ງເດີນສາຍແຈກເຂົ້າ-ນໍ້າ ໃຫ້ກັບຄົນວ່າງງານ, ບໍ່ມີວຽກເຮັດ, ບໍ່ມີເງິນກິນເຂົ້າ, ບໍ່ມີບ່ອນນອນ ຫຼືບາງຄົນກໍກັບບ້ານບໍ່ໄດ້… ໂອ່ຍ!!! ຄົນອີ່ຫຍັງທັງງາມທັງເກັ່ງຢູ່ແລ້ວ ຍັງມີແຕ່ຈິດໃຈເມດຕາ ສົມກັບສາຍາ ນາງງາມໃຈບຸນ ອີ່ຫຼີເດີ່… ຂວັນໃຈກໍຂໍສະແດງຄວາມຂອບໃຈ ສາວເຈນນີ່ ແທນສັງຄົມລາວເຮົານໍາຫຼາຍໆເນີ່ ພ້ອມທັງຂໍໃຫ້ເຈນນີ່ມີແຕ່ຄວາມຈະເລີນຍິ່ງໆຂຶ້ນໄປເດີ້…. ໂພສດັ່ງກ່າວ:   Cr: Tonkham Phonchanheuang

ສຳນັກຂ່າວຕ່າງປະເທດລາຍງານ ເມື່ອວັນທີ່ 7 ເມສາ 2020 ວ່າ ແພດສະມາຄົມຂອງອິນໂດເນເຊຍອອກລາຍງານວ່າ ຈາກຈຳນວນຜູ້ເສຍຊີວິດສະສົມຈາກໂຄວິດ-19 ໃນປະເທດ ທີ່ມີຢ່າງຫນ້ອຍ 209 ຄົນນັ້ນ ເປັນບຸກຄະລາກອນການແພດຢ່າງຫນ້ອຍ 24 ຄົນ. ໃນຖະແຫຼງການລະບຸວ່າ ຈຳນວນບຸກຄະລາກອນການແພດທີ່ເສຍຊີວິດ ເປັນຫລາຍກວ່າຕົວເລກ ຍິ່ງຕອກຍໍ້າວິກິດການຂາດແຄນອຸປະກອນການແພດສຳລັບເຈົ້າຫນ້າທີ່ສາທາລະນະສຸກ ໂດຍສະເພາະຊຸດປ້ອງກັນທາງການແພດ ຂະນະດຽວກັນ ສະຖານະການທີ່ເກີດຂື້ນຍັງບົ່ງຊີ້ຄວາມສ່ຽງໃນລະດັບສູງຂອງການຕິດເຊື້ອໃນກຸ່ມບຸກຄະລາກອນການແພດ ວ່າຍັງຄົງເກີດຂື້ນໄດ້ທຸກເວລາ… ໂຮງງານຜະລິດເສື້ອຜ້າສຳເລັດຮຸບແຫ່ງຫນື່ງທີ່ເມືອງ ມາລັງ ແຂວງ ຊວາຕາເວັນອອກ ໄດ້ຖືກປ່ຽນມາໃຫ້ຜະລິດຊຸດປ້ອງກັນສຳລັບບຸກຄະລາກອນການແພດ. ນອກຈາກນີ້ ອັດຕາການເສຍຊີວິດໃນກຸ່ມຜູ້ຕິດເຊື້ອ ທີ່ໄດ້ຮັບການຢັ້ງຢືນແລ້ວຂອງອິນໂດເນເຊຍຍັງຖືວ່າຢູ່ໃນລະດັບສູງ ແລະມືຢ່າງຫນ້ອຍ 10 ແຂວງໃນອິນໂດເນເຊຍ ລວມເຖິງຫມູ່ເກາະໂມລຸກກະ ແລະແຂວງປາປົວ ບໍ່ມີສະຖານສາທາລະນະສຸກ ແລະບຸກຄະລາກອນການແພດທີ່ພຽງພໍຮອງຮັບຜູ້ຕິດເຊື້ອໂຄວິດ-19 ຢ່າງໃດກໍ່ຕາມ ມີລາຍງານວ່າປະທານາທິບໍດີ ໂຈໂຄ ວິໂດໂດ ກ່າວລະຫວ່າງການປະຊຸມລັດຖະມົນຕີ ເມື່ອວັນຈັນທີ່ຜ່ານມາ ວ່າລັດຖະບານໄດ້ແຈກຢາຍຊຸດປ້ອງກັນສ່ວນບຸກຄົນ (ພີພີອີ) ໃຫ້ບຸກຄະລາກອນການແພດທົ່ວປະເທດແລ້ວ ແຕ່ເນັ້ນຫນັກໃຫ້ການນຳຂັ້ນທ້ອງຖິ່ນໃຫ້ກວດສອບວ່າເຄື່ອງຂອງທັງຫມົດມີການກະຈາຍສູ່ເຈົ້າຫນ້າທີ່ສາທາລະນະສຸກຢ່າງທົ່ວເຖິງ… ນອກຈາກແພດໝໍທີ່ຢູ່ ອີນໂດເນເຊຍແລ້ວ …

ໃນສະຖານະການທີ່ຫຼາຍຄົນກໍາລັງເຝົ້າລະວັງ ແລະ ປ້ອງກັນຕົວເອງຢ່າງສຸດຂີດ ເພື່ອຫຼີກລ່ຽງບໍ່ໃຫ້ໄດ້ຮັບເຊື້ອພະຍາດ Covid-19 ທີ່ກໍາລັງລະບາດໄປທົ່ວໂລກໃນປັດຈຸບັນ. ແຕ່ລະປະເທດກໍໄດ້ທໍາການ ປິດປະເທດ, ປິດແຂວງ, ປິດເມືອງ ແລະ ປິດບ້ານໃຫ້ທຸກຄົນຢູ່ແຕ່ໃນເຮືອນຂອງຕົນເອງ ເພື່ອຄວາມປອດໄພ… ແຕ່ໃນການຢູ່ເຮືອນລ້າໆມັນກໍທັງເມື່ອຍ ທັງເຊັງ ຄືທີ່ທຸກຄົນຮູ້ກັນດີ ຈຶ່ງອາດຈະພາກັນເຂົ້າ FB ເພື່ອຊ໋ອບປິ່ງ ຊື້ອາຫານມາກິນແກ້ເຊັງ (ເພື່ອບໍ່ໃຫ້ຕົວເອງອອກໄປນອກເຮືອນ) ແຕ່ທຸກຄົນອາດຈະບໍ່ຮູ້ວ່າ ການສັ່ງເຄື່ອງໃຫ້ຄົນມາສົ່ງນັ້ນ ອາດຈະເປັນກນເອີ້ນເອົາເຊື້ອພະຍາດມາເຮືອນຕົນເອງກໍເປັນໄດ້!! ຂວັນໃຈຈຶ່ງຢາກໃຫ້ທຸກຄົນລອງມາສຶກສາກໍລະນີທີ່ແອັດໄດ້ນໍາມາເລົ່າໃຫ້ຟັງໃນມື້ນີ້ເພື່ອເປັນບົດຮຽນ… ສືບເນື່ອງມາຈາກໂພສຂອງ ແມ່ຄ້າອອນໄລນ໌ຄົນໜຶ່ງ (ປະເທດໄທ) ໄດ້ອອກມາໂພສຂໍ້ຄວາມຊີ້ແຈງວ່າຕົນເອງຕິດໂຄວິດ-19 ໂດຍບໍ່ຮູ້ໂຕ ຈຶ່ງຝາກເຕືອນລູກຄ້າທຸກຄົນທີ່ເຄີຍສັ່ງເຄື່ອງນໍາຕົນເອງໃຫ້ກັກຕົວ ແລະ ຮີບກວດຫາເຊື້ອດ່ວນ ເຊິ່ງຜູ້ກ່ຽວໄດ້ບອກທາມລາຍໃນຊ່ວງວັນທີ 27 ມີນາ ຫາ 2ເມສາ ວ່າບໍ່ສາມາດຈື່ລູກຄ້າໄດ້ທັງໝົດ ຫາກໃຜຊື້ຂະໜົມຈາກຕົນເອງໃນຊ່ວງເວລາທີ່ກ່າວມານີ້ໃຫ້ເຝົ້າລະວັງອາການຕົນເອງໃຫ້ດີ… ກໍລະນີດັ່ງກ່າວແມ່ນເກີດຂຶ້ນທີ່ປະເທດໄທ ເປັນແມ່ຄ້າຂາຍຂະໜົມທີ່ເຮັດສົ່ງອອນໄລນ໌ ບໍລິການສົ່ງຮອດເຮືອນ ເນື່ອງຈາກປັດຈຸບັນຫຼາຍປະເທດໃຊ້ມາດຕະການດຽວກັນນັ້ນກໍ່ຄືການກັກຕຈົວຢູ່ເຮືອນ ບໍ່ອອກໄປໃສເພື່ອປ້ອງກັນການຕິດເຊື້ອໂຄວິດ-19 ແຕ່ແນ່ນອນວ່າການຢູ່ເຮືອນ ມັນເຮັດໃຫ້ຄົນເຮົາເກີດຄວາມຢາກຫຼາຍຢ່າງ ແຕ່ສິ່ງທີ່ເຮັດໄດ້ໃນຕອນນີ້ແມ່ນສັ່ງເຄື່ອງທາງອອນໄລນ໌ ເພື່ອຫຼີກລ່ຽງການອອກໄປສັນຈອນຢູ່ນອກ ແຕ່ໃຜຈະຮູ້ວ່າສັ່ງເຄື່ອງອອນໄລນ໌ບໍ່ແມ່ນຄໍາຕອບຂອງການປ້ອງກັນການໄປຕິດເຊື້ອໂຄວິດ-19 …