Kuanjai Life Stlye

ປັດຈຸບັນໃນການສໍາພາດວຽກຄົນບາງຄົນອາດເບິ່ງຂ້າມບາງສິ່ງທີ່ຕົນເອງຄິດວ່າມັນບໍ່ເປັນ ເປັນຕົ້ນແມ່ນການນຸ່ງຖື ສິ່ງຂອງທີ່ເຈົ້າໃສ່ໃນການສໍາພາດວຽກເປັນສິ່ງທີ່ສະແດງໃຫ້ເຫັນເຖິງຕົວຕົນຂອງເຈົ້າ ດັ່ງນັ້ນ ເຈົ້າຕ້ອງໝັ່ນໃຈວ່າຊຸດທີ່ເຈົ້າສວມໃສ່ ຈະສ້າງຄວາມປະທັບໃຈໃຫ້ກັບອົງກອນທີ່ເຈົ້າຈະໄປສໍາພາດ ຫຼັັກການທີ່ເຈົ້າຄວນປະຕິບັດກໍຄືເລືອກຊຸດທີ່ເໝາະສົມກັບອົງກອນ ຫຼືບໍລິສັດທີ່ເຈົ້າສະມັກວຽກນໍາ ດັ່ງນັ້ນ ຄວນສຶກສາລ່ວງໜ້າ ເພື່ອໃຫ້ຮູ້ວ່າຊຸດທີ່ຕ້ອງໃສ່ໃນການເຮັດວຽກໃນອະນາຄົດຂອງເຈົ້າເປັນແນວໃດ ຖ້າວ່າສະພາບແວດລ້ອມທີ່ບໍ່ເປັນທາງການ ແຕ່ເຈົ້າແຕ່ໂຕບໍ່ເໝາະເຊັ່ນວ່າ ສຸພາບ ໃສ່ສູດ… ອາດຈະສົ່ງຜົນຕໍ່ໂອກາດທີ່ເຈົ້າຈະໄດ້ເຮັດວຽກ ເຊັ່ນວ່າ ການແຕ່ງຕົວແບບສະບາຍ ເກີນໄປກໍອາດຈະພາດໂອກາດໄດ້ຄືກັນ ເລື່ອງ Style ການແຕ່ງຕົວເຮົາສາມາດປັບປ່ຽນກັນໄດ້ຕາມຄວາມເໝາະສົມ ແຕ່ 2 ເລື່ອງທີ່ຫ້າມເຮັດໂດຍເດັດຂ້າມກ່ອນທີ່ເຈົ້າຈະໄປສໍາພາດວຽກນັ້ນກໍຄື ຫຼີກລ່ຽງການໃສ່ນໍ້າຫອມທີ່ມີກິ່ນແຮງ ການທີ່ເຮົາໃສ່ນໍ້າຫອມກ່ອນຈະໄປສໍາພາດວຽກເປັນເລື່ອງທີ່ບໍ່ຜິດ ແຕ່ວ່າເຮົາບໍ່ຄວນໃສ່ນໍ້າຫອມທີ່ມີກິ່ນທີ່ແຮງເກີນໄປ ນອກຈາກນີ້ຍັງເຫັນວ່າຫຼາຍໆຄົນແພ້ກິ່ນນໍ້າຫອມ ເລື່ອງນີ້ເປັນເລື່ອງໃຫຍ່ໃນບາງອົງກອນ ຈົນບາງບ່ອນຕ້ອງຫ້າມໃຊ້ນໍ້າຫອມ  ຖ້າເປັນແບບນີ້ເຈົ້າອາດຈະບໍ່ຢາກຕົກສໍາພາດຕັ້ງແຕ່ຮອບທໍາອິດແມ່ນບໍ ຖ້າວ່ານໍ້າຫອມນັ້ນກິ່ນແຮງເກີນໄປ ກໍອາດຈະເຮັດໃຫ້ຜູ້ສໍາພາດເຈົ້າຕັດບົດສໍາພາດໃຫ້ສັ່ນລົງ ໂດຍບໍ່ຄໍານຶງວ່າເຈົ້າຈະມີຄຸນສົມບັດອື່ນທີ່ຈໍາເປັນສໍາຫຼັບວຽກທີ່ພວກເຂົາຕ້ອງການເລີຍ ຢ່າໃສ່ເຄື່ອງນຸ່ງທີ່ຄັບເກີນໄປ ເຄື່ອງນຸ່ງທີ່ເຈົ້າໃສ່ບໍ່ຈໍາເປັນຕ້ອງໃສ່ຂອງແບຣນເນມກໍໄດ້ ແຕ່ຕ້ອງເຂົ້າກັບເກີບທີ່ເຈົ້າໃສ່ ນອກຈາກນີ້ການໃສ່ເຄື່ອງນຸ່ງທີ່ຫຼວມ ຫຼື ຄັບເກີນໄປກໍຈະເຮັດໃຫ້ເຈົ້າເສຍບຸກຄະລິກ ບໍ່ມີຄວາມເປັນມືອາຊີບ  ແລະ ເບິ່ງຄືບໍ່ມີການກຽມຕົວ ໂດຍສະເພາະແມ່ນເກີບບໍ່ວ່າຈະເປັນຜູ້ຍິງ ຫຼືຜູ້ຊາຍໃຫ້ຫຼີກລ່ຽງການໃສ່ເກີບຜ້າໃບ ຫຼື ເກີບແຕະ ເມື່ອເລືອກຊຸດໃສ່ໄດ້ແລ້ວ ກ່ອນຈະໄປສໍາພາດໃຫ້ລອງໃສ່ທຸກຢ່າງທີ່ຢູ່ບ້ານກ່ອນ …

ເວົ້າເລື່ອງຄວາມສາມາດຂອງຄົນລາວເຮົາໃນຍຸກນີ້ ຫຼາຍຄົນກໍຄົງຈະຮູ້ກັນຢູ່ແລ້ວວ່າ ຄົນເຮົານັ້ນມີຄວາມສາມາດໃນຫຼາຍໆດ້ານ ທຽບເທົ່າກັບສາກົນພຸ້ນແຫຼະ ເພາະວ່າໃນຫຼາຍວົງການການແຂ່ງຂັນທີ່ຖືກຈັດຂຶ້ນທັງໃນລະດັບພາກພື້ນ ແລະ ສາກົນທີ່ຜ່ານມາ ຄົນລາວເຮົາກໍໄດ້ເຂົ້າຮ່ວມແຂ່ງຂັນຈົນນັບບໍ່ຖ້ວນ ເຊິ່ງບາງລາຍການກໍສາມາດຍາດໄຊຊະນະມາເປັນໃບໜ້າໃບຕາໃຫ້ກັບປະເທດຊາດ ແຕ່ບາງລາຍການທີ່ບໍ່ໄດ້ຮັບໄຊຊະນະມາ ກໍຖືວ່າເປັນການເປີດປະສົບການໃຫ້ກັບໄວໜຸ່ມລາວເຮົາ… ຄືດັ່ງໜຸ່ມເຈົ້າຊູ້ທີ່ຂວັນໃຈຈະມານໍາສະເໜີໃຫ້ແຟນໆໄດ້ຮູ້ຈັກໃນມື້ນີ້!! ທີ່ຖືວ່າເປັນອີກບຸກຄົນໜຶ່ງທີ່ມີຄວາມສາມາດໃນຫຼາຍໆດ້ານ ບວກກັບໜ້າຕາ ແລະ ຮູບຮ່າງອັນເຈົ້າຊູ້ຂອງເພິ່ນແລ້ວ ຮັບຮອງວ່າຖ້າໃຜໄດ້ຮູ້ຈັກກໍຈະຕ້ອງຕົກຂຸມຮັກຢ່າງແນ່ນອນ… ໜຸ່ມ ຟຸກ ເສກສັນ ໄຊສະນັ່ນ ໜຸ່ມນ້ອຍຈາກເມືອງ ຫົງສາ ແຂວງ ໄຊຍະບູລີ ທີ່ເປັນທີ່ຮຸ້ຈັກໃນວົງການກິລາຄື ເປັນກິລາຟຸດຊໍຫລຽນຄຳ ອຸດົມໄຊເກມ ປີ 2014  ແລະ ຫຼ້າສຸດໄດ້ຖືກແຕ່ງຕັ້ງເປັນ ຮອງປະທານສະຫະພັນຟຸດຊໍ ນະຄອນຫຼວງວຽງຈັນ ພ້ອມວາງແຜນໃຫ້ຟຸດຊໍລາວ ກັບມາມີສີສັນອີກຄັ້ງໜຶ່ງໃນໄວໆນີ້.. ໜຸ່ມຟຸກ ເລີ່ມຕົ້ນຫຼິ້ນກິລາຕັ້ງແຕ່ຕອນຮຽນປະຖົມ ປໍ 5 – ມໍ 1 ໂດຍເລີ່ມຕົ້ນຫລິ້ນກິລາ ເທັກຄວັນໂດ້ ແລະ ໄດ້ປ່ຽນມາຫລິ້ນກິລາບານເຕະຕອນຮຽນ ມໍ 3 ເລີ່ມຈາກເປັນນັກເຕະ …

ໃນປັດຈຸບັນ ເຊື່ອວ່າ ມີຄົນຈໍານວນບໍ່ໜ້ອຍທີ່ກຳລັງ ພົບພໍ້ກັບບັນຫາການເບື່ອ ຫຼືບໍ່ມີຄວາມສຸກຢູ່ທີ່ບ່ອນເຮັດວຽກ  ຫຼາຍໆຄົນທີ່ຕົກຢູ່ໃນສະພາວະນີ້ຈົນຕ້ອງລາອອກຈາກບ່ອນເຮັດວຽກ ແຕ່ສໍາລັບບາງຄົນ ຖ້າເຈົ້າມີແຜນທີ່ຈະລາອອກ ຫຼືມີວຽກບ່ອນໃຫມ່ລໍຖ້າຢູ່ກໍແລ້ວໄປ ແຕ່ຖ້າເຈົ້າຕ້ອງການລາອອກມາແລ້ວຕ້ອງເລີ່ມຊອກວຽກໃຫມ່ ເສັ້ນທາງຂອງເຈົ້າຍັງບໍ່ເຫັນແສງສະຫວ່າງບ່ອນໃດເລີຍ ຖ້າເປັນແບບນີ້ຢາກແນະນໍາໃຫ້ເຮັດວຽກບ່ອນເກົ່າຕໍ່ໄປ ເພາະວ່າຢ່າງໜ້ອຍເຈົ້າຈະມີບັນຫາດຽວຄືເລື່ອງວຽກ ແຕ່ເຈົ້າຈະບໍ່ມີບັນຫາເລື່ອງເງິນ ມື້ໃດທີ່ເຈົ້າລາອອກມາບັນຫາເລື່ອງເງິນອາດຈະເກີດຂຶ້ນແນ່ນອນ ມື້ນີ້ຂວັນໃຈມີວິທີແກ້ໄຂບັນຫາການເບື່ອ ແລະ ບໍ່ມີຄວາມສຸກໃນການເຮັດວຽກມາແນະນໍາ!!!   ຮັກວຽກທີ່ເຮັດ ເວົ້າງ່າຍແຕ່ເຮັດຍາກ ຫຼືບໍ ຄົນທີ່ກຳລັງເບື່ອວຽກຂະໜາດ ຈະຮັກວຽກທີ່ກຳລັງເຮັດແນວໃດ ຢ່າຟ້າວໝົດຫວັງ ການທີ່ເຮົາຮັກວຽກໄດ້ ກໍຕ້ອງຫາຂໍ້ດີໃນການເຮັດວຽກໃຫ້ໄດ້ກ່ອນບໍ່ວ່າຈະເປັນ:  ເປັນແຫຼ່ງທີ່ມາຂອງລາຍໄດ້: ວຽກນີ້ແມ່ນບໍທີ່ສາມາດລ້ຽງເຈົ້າ ຫຼືຄອບຄົວເຈົ້າໄດ້ ຖ້າຂາດວຽກນີ້ໄປແລ້ວເຈົ້າຈະເອົາເງິນມາແຕ່ໃສໃຊ້ຈ່າຍ ແລ້ວຄົນໃນຄອບຄົວເດຈະເປັນແນວໃດ ຄິດເບິ່ງດີໆຖ້າເຈົ້າລາອອກຈາກວຽກ ຈະຕ້ອງໃຊ້ເວລາດົນປານໃດ ມີໝູ່ຮ່ວມງານທີ່ເຮົາຮັກ: ແນ່ນອນວ່າວຽກຂອງເຈົ້າມີໝູ່ຮ່ວມງານຫຼາຍແນ່ນອນ ເຈົ້າບໍ່ຢາກເຫັນເຂົາທຸກມື້ບໍ ຮັກວຽກສາ!ໃນລະຫວ່າງເຈົ້າເຮັດວຽກກໍໄດ້ຢູ່ກັບຄົນທີ່ຮັກ.  ເປັນວຽກທີ່ຖືກກັບສາຍທີ່ເຈົ້າຮຽນມາ ເຫັນບໍ? ມີຄົນອີກຫຼາຍຄົນທີ່ບໍ່ໄດ້ເຮັດວຽກຕາມສາຍວິຊາທີ່ຮຽນມາ ເຈົ້າມີສິ່ງດີໆຢູ່ແລ້ວຈະໜີໃນສິ່ງທີ່ຮັກໄປໃສ ໃຫ້ເຫັນຄຸນຄ່າຂອງວຽກທີ່ເຮັດ ວຽກນີ້ບໍ່ແມ່ນຫວາທີ່ເຈົ້າຕ້ອງຍາດຊີງມາຈາກຜູ້ສະມັກຄົນອື່ນ ມັນເປັນວຽກທີ່ເຈົ້າຕ້ອງການເຮັດຫຼາຍ ເມື່ອຮຽນຈົບມາເຈົ້າກໍມຸ່ງມາຫາວຽກນີ້ ເມື່ອເຈົ້າໄດ້ເຮັດແລ້ວເປັນຫຍັງຈື່ງເບືີ່ອວຽກນັ້ນ ເປັນຫຍັງຈື່ງຢາກລາອອກ ເປັນຫຍັງເຈົ້າຄືບໍ່ຮັກວຽກນີ້ຕໍ່ໄປ ຕັ້ງໃຈເຮັດວຽກໃຫ້ດີທີ່ສຸດ ບໍ່ແນ່ມັນອາດຈະສົ່ງຜົນດີໆກັບມາກໍໄດ້ ເບິ່ງຄົນທີ່ດ້ອຍກວ່າ  …

ຖ້າເວົ້າເຖິງວົງການບັນເທີງລາວ ແລະ ວົງການນັກອອກແບບແລ້ວ ເຊື່ອວ່າຄົງຈະບໍ່ມີໃຜບໍ່ຮູ້ຈັກກັບ Designer ຄົນນີ້ ອ້າຍ ຄໍາເພົ້າ ບົວພັນ ຫຼືທີ່ຫຼາຍຄົນຮູ້ຈັກກັນໃນນາມ ຄໍາເພົ້າ ສັ່ງໄດ້ ເພາະຖືວ່າເປັນ Designer ທີ່ມີຄວາມສາມາດພິເສດໃນການອອກແບບຊຸດ ແລະ ຕັດຊຸດໃຫ້ອອກມາໄດ້ແບບບໍ່ຊໍ້າໃຜ (ແຕ່ບໍ່ໄດ້ຈົບອອກແບບມາເລີຍ) ຖ້າໃຜທີ່ເຄີຍຮູ້ຈັກອ້າຍຄໍາເພົ້າ ຫຼືເຄີຍໄດ້ຍິນເລື່ອງລາວຂອງເພິ່ນ ຈະຮູ້ດີວ່າຊີວິດຂອງອ້າຍເພິ່ນກ່ອນທີ່ຈະກ້າວມາເປັນ Designer ຊື່ດັງລະດັບປະເທດ ທີ່ທຸກຄົນຮູ້ຈັກກັນໃນທຸກມື້ນີ້ບໍ່ແມ່ນເລື່ອງງ່າຍເລີຍ… ໃນຊ່ວງທ້າຍປີທີ່ຜ່ານມາ ອ້າຍເພິ່ນກໍໄດ້ເດີນທາງໄປຮັບລາງວັນ ຜູ້ຜ່ານຜ່າອຸປະສັກ ຢູ່ທີ່ປະເທດໄທມາແລ້ວ… ແລະເມື່ອວັນອາທິດທີ 26 ມັງກອນຜ່ານມາ ອ້າຍ ຄໍາເພົ້າ ກໍໄດ້ເດີນທາງໄປຮັບລາງວັນ Thailand Digital Award 2020 ໃນສາຂາ ນັກອອກແບບເສື້ອຜ້າດີເດັນ ຜູ້ສ້າງແຮງບັນດານໃຈໃນຍຸກ Digital ຢູ່ທີ່ປະເທດໄທອີກ (ມີຄົນດັງຈາກປະເທດລາວໄດ້ຮັບລາງວັນທັງໝົດ 9 ຄົນ) ແລະ ງານນີ້ນອກຈາກຈະໄປຮັບລາງວັນມາໃຫ້ຄົນລາວໄດ້ດີໃຈນໍາແລ້ວ ອ້າຍເພິ່ນຍັງຄວງພັນລະຍາສຸດທີ່ຮັກໄປຮັບລາງວັນນໍາ ເພື່ອເປັນສະແດງໃຫ້ເຫັນວ່າ ບໍ່ແມ່ນແຕ່ດ້ານວຽກງານທີ່ປະສົບຜົນສໍາເລັດ ແຕ່ດ້ານຄວາມຮັກ ກໍຫວານບໍ່ແພ້ກັນ… ແນວໃດກໍຕ້ອງຂໍສະແດງຄວາມຍິນດີນໍາອ້າຍຄໍາເພົ້າຫຼາຍໆເດີ້!!

ທາງພຸດທະສາສະໜາ ໄດ້ເວົ້າເລື່ອງບັນຫາ ແລະ ວິທີແກ້ໄຂບັນຫາໄວ້ວ່າ  ຄົນເຮົາຈໍາເປັນຕ້ອງໃຊ້ສະຕິເມື່ອເວລາພົບບັນຫາ ເພາະບໍ່ມີໃຜໜີບັນຫາ ແລະ ຄວາມທຸກທີ່ເຂົ້າມາໄດ້ ມີວິທີດຽວທີ່ເຮົາຈະເຮັດໄດ້ ກໍຄືໃຊ້ສະຕິ ເພື່ອພິຈາລະນາບັນຫາທີ່ເຂົ້າມາ ແລະ ຫາທາງແກ້ໄຂຢ່າງມີເຫດຜົນ ຖ້າແກ້ໄຂໄດ້ ກໍຄ່ອຍໆໃຊ້ສະຕິປັນຍາແກ້ໄຂໄປ ໃນກໍລະນີທີ່ຍັງແກ້ໄຂບໍ່ໄດ້ ກໍບໍ່ຈໍາເປັນຕ້ອງທົນທຸກ ຫຼືຈົມຢູ່ກັບບັນຫາເຫຼົ່ານັ້ນຕະຫຼອດເວລາ  ແຕ່ໃຫ້ຢຸດຄິດໄວ້ກ່ອນ ເຊິ່ງການຢຸດຄິດບໍ່ໄດ້ໝາຍຄວາມວ່າໃຫ້ເຊົາຄິດ ແຕ່ເປັນການຢຸດຄິດເພື່ອໃຊ້ສະຕິ ໃຫ້ເບິ່ງເຫັນບັນຫານັ້ນ ແລະ ຄົ້ນຄິດດ້ວຍປັນຍາ ບັນຫາທຸກຢ່າງບໍ່ວ່າຈະນ້ອຍ ຫຼືໃຫຍ່ ຍ່ອມມີທາງແກ້ໄຂໄດ້ ຖ້າຮູ້ຈັກຄິດໃຫ້ດີ ປະຕິບັດໃຫ້ຖືກ ການຄິດໄດ້ດີນັ້ນບໍ່ແມ່ນການຄິດແບບໃຊ້ເລ່ຫຼ່ຽມ ເພາະໂລກເຮົາໃນປັດຈຸບັນຈະພັດທະນາໄປຫຼາຍພຽງໃດກໍຕາມ  ແຕ່ຍັງບໍ່ມີເຄື່ອງມືຊະນິດໃດທີ່ຈະວິເສດ ຈົນສາມາດຄິດແກ້ໄຂບັນຫາຕ່າງໆໄດ້ຢ່າງສົມບູນເທື່ອ ສະນັ້ນ ການຄົ້ນຄິດແກ້ໄຂບັນຫາຈື່ງຕ້ອງໃຊ້ສະຕິປັນຍາ ຄືຄິດດ້ວຍສະຕິ  ເພື່ອຢຸດຢັ້ງຄວາມຜິດພາດ ແລະ ອັກຄະຕິຕ່າງໆ ບໍ່ໃຫ້ເກີດຂຶ້ນ ຊ່ວຍເຮັດໃຫ້ປັນຍາແກ້ໄຂບັນຫາຕ່າງໆໄດ້ ເຮັດໃຫ້ເຫັນຜົນທີ່ກ່ຽວຂ້ອງກັນຢ່າງຕໍ່ເນື່ອງ “ສະຕິ” ສໍາຄັນຫຼາຍເມື່ອເວລາທີ່ເຮົາພົບບັນຫາ ເມື່ອໃດກໍຕາມທີ່ເຮົາມີສະຕິພິຈາລະນາ ບັນຫາຕ່າງໆ ໄດ້ຢ່າງມີເຫດຜົນ ເຂົ້າໃຈບັນຫາທີ່ສໍາຄັນ ເຮົາຈະຜ່ານບັນຫາເຫຼົ່ານັ້ນໄປໄດ້ແນ່ນອນ ສໍາຫຼັບບາງຄົນຖືວ່າການຕັ້ງສະຕິເປັນເລື່ອງທີ່ຍາກ  …