Travel

ແຟນໆທີ່ໜ້າຮັກຂອງ ຂວັນໃຈ ທັງຫຼາຍ ມື້ນີ້ ທີມງານ ຂວັນໃຈ ຈະມາແນະນໍາສະຖານທີ່ທ່ອງທ່ຽວທີ່ຢູ່ທາງພາກເໜືອຂອງລາວເຮົາ ນັ້ນກໍຄືແຂວງ ບໍ່ແກ້ວ ເມື່ອເວົ້າເຖິງ ແຂວງບໍ່ແກ້ວ ແນ່ນອນແລ້ວວ່າ ບັນດາຜູ້ອ່ານທີ່ໜ້າຮັກ ກໍຄົງຈະເຄີຍໄປທ່ຽວມາແລ້ວ ແຂວງບໍ່ແກ້ວ ເປັນອີກແຂວງໜຶ່ງທີ່ມີສະຖານທີ່ທ່ອງທ່ຽວທີ່ຫຼາກຫຼາຍ ບໍ່ວ່າຈະເປັນທາງວັດທະນະທໍາ, ທາງທໍາມະຊາດ ແລະ ທາງປະຫວັດສາດອີກດ້ວຍ ສໍາລັບມື້ນີ້ ຈະມາແນະນໍາໃຫ້ທ່ານຜູ້ອ່ານທີ່ໜ້າຮັກ ໄດ້ຮູ້ຈັກກັບ ເມືອງເກົ່າສຸວັນນະໂຄມຄໍາ ເຊິ່ງເປັນສະຖານທີ່ທ່ອງທ່ຽວແຫ່ງໜຶ່ງທີ່ຢູ່ແຂວງ ບໍ່ແກ້ວ ເມືອງເກົ່າສຸວັນນະໂຄມຄໍາ ຕັ້ງຢູ່ລະຫວ່າງເຂດບ້ານດອນທາດ ແລະ ບ້ານຮົ່ມເຢັນ ຫ່າງຈາກຕົວເມືອງຕົ້ນເຜິ້ງປະມານ 5 ກິໂລແມັດ ຫ່າງຈາກເທດສະບານແຂວງ 40 ກິໂລແມັດ ເຊິ່ງເມືອງເກົ່າສຸວັນນະໂຄມຄໍາ ກວມເອົາເນື້ອທີ່ປະມານ 10.000 ເຮັກຕາ ສະຖານທີ່ແຫ່ງນີ້ ເປັນແຫຼ່ງທ່ອງທ່ຽວອັນເກົ່າແກ່ ທີ່ປະຊາຊົນແຂວງບໍ່ແກ້ວ ໃຫ້ຄວາມເຄົາລົບສັດທາຫຼາຍ ອີງຕາມຫຼັກຖານຢັ້ງຢືນທາງປະຫວັດສາດໄດ້ໃຫ້ຮູ້ວ່າ ບັນດາພຣະພຸດທະຮູບ ແລະ ພຣະທາດຕ່າງໆທີ່ຢູ່ໃນຂົງເຂດດັ່ງກ່າວ ໄດ້ຖືກສ້າງຂຶ້ນໃນສະຕະວັດທີ 5 …

ສາວໆທີ່ໜ້າຮັກ ໃກ້ຈະຮອດເດືອນແຫ່ງຄວາມຮັກແລ້ວເນາະ ທີມງານ ຂວັນໃຈ ໄດ້ນໍາເອົາສະຖານທີ່ທ່ອງທ່ຽວ ທີ່ເປັນສະຖານທີ່ແຫ່ງໃໝ່ ມາໃຫ້ໜຸ່ມໆສາວໆໄດ້ໄປທ່ຽວຊົມໃນມື້ພັກຜ່ອນ ຟາມພູຕາເວັນ ຕັ້ງຢູ່ ບ້ານໄຮ່ ເມືອງປາກງື່ມ ນະຄອນຫຼວງວຽງຈັນ ຖ້າຫາກເດີນມາແຕ່ນະຄອນຫຼວງ ມາຕາມເສັ້ນທາງເລກທີ່ 13 ໃຕ້ ຈະໃຊ້ເວລາໃນການເດີນທາງປະມານ 1 ຊົ່ວໂມງ 30 ນາທີ ແລະ ຟາມພູຕາເວັນແຫ່ງນີ້ເປີດໃຫ້ນັກທ່ອງທ່ຽວສາມາດເຂົ້າຊົມໄດ້ຕັ້ງແຕ່ 9 ໂມງເຊົ້າ ຫາ 6 ໂມງແລງ ຄ່າປີ້ເຂົ້າຊົມລາຄາ 10.000 ກີບ ຟາມພູຕາເວັນ ເປັນບ່ອນພັກຜ່ອນທີ່ແສນສະບາຍ ແລະ ຍັງເປັນບ່ອນຜ່ອນຄາຍກັບການທ່ຽວຊົມ ແລະ ພັກອາໄສຕິດພັນກັບທໍາມະຊາດ, ໜີຫ່າງຈາກບ່ອນທີ່ມີຄວາມສັບສົນຂອງຍານພາຫະນະ ແລະ ຕົວເມືອງທີ່ແອອັດ, ມາທ່ຽວຊົມທໍາມະຊາດອັນແສນສົດຊື່ນ ແລະ ການບໍລິການທີ່ໜ້າປະທັບໃຈ ທີ່ໄດ້ຈັດໄວ້ຄອຍໃຫ້ບໍລິການທ່ານທີ່ຟາມພູຕາເວັນ ໃນຟາມແຫ່ງນີ້ປັດຈຸບັນໄດ້ມີຜົນຜະລິດຫຼາຍຢ່າງເຊັ່ນ: ການປູກໝາກແຕງແຄນຕາລຸກ, ໝາກເລັ່ນ, ໝາກເຜັດ, ໝາກນາວ, ໝາກສາລີ, …

ທ່ານຜູ້ອ່ານທີ່ໜ້າຮັກທັງຫຼາຍ ໃນໄລຍະອາກາດໜາວໆແນວນີ້ ທີມງານ ຂວັນໃຈ ຈະມາແນະນໍາສະຖານທີ່ທ່ອງທ່ຽວທາງພາກເໜືອ ໃຫ້ຜູ້ອ່ານທີ່ໜ້າຮັກທັງຫຼາຍໄດ້ໄປຊົມຄວາມງາມຂອງທະເລໝອກ, ໄປຂໍພອນ ແລະ ມື້ນີ້ຈະມາແນະນໍາສະຖານທີ່ທ່ອງທ່ຽວ ຢູ່ແຂວງຫຼວງນໍ້າທາ ນັ້ນກໍຄື: ພຣະທາດຫຼວງຊຽງຕຶງ ນັ້ນເອງ ໝຸ່ມໆສາວໆຫຼາຍທ່ານກໍອາດຈະເຄີຍໄປທ່ຽວມາແລ້ວເນາະ ແຕ່ທີມງານ ພວກເຮົາເຊື່ອວ່າ ເມື່ອໄດ້ໄປມາກໍຕ້ອງຢາກກັບໄປທ່ຽວອີກ ແຕ່ກ່ອນທີ່ຈະໄປຮູ້ຈັກ ພຣະທາດຫຼວງຊຽງຕຶງ ເຮົາໄປຮູ້ຈັກກັບເມືອງສິງກ່ອນເນາະ ເມືອງສິງ ເປັນໜຶ່ງໃນຫ້າເມືອງຂອງແຂວງຫຼວງນໍ້າທາ, ເມືອງສິງຍັງມີສະຖານທີ່ທ່ອງທ່ຽວຫຼາຍແຫ່ງທີ່ໜ້າສົນໃຈ ແຕ່ສິ່ງທີ່ພົ້ນເດັ່ນກໍແມ່ນສະຖານທີ່ທ່ອງທ່ຽວທາງປະຫວັດສາດ ແລະ ວັດທະນະທໍາເຊິ່ງມີຫຼາຍກວ່າສິບແຫ່ງ, ເມືອງສິງເປັນເມືອງນ້ອຍໆທີ່ມີພື້ນທີ່ອັນອຸດົມສົມບູນທີ່ໂອບອ້ອມໄປດ້ວຍສາຍພູ ມີສາຍນໍ້າຍວນ ແລະ ນໍ້າມ່າທີ່ຄອຍຫຼໍ່ລ້ຽງ.ໃນອະດີດເຄີຍເປັນເມືອງອູ່ເຂົ້າອູ່ນໍ້າທີ່ສໍາຄັນ ເຖິງແມ່ນວ່າເມືອງສິງຈະປະກອບມີປະຊາຊົນຫຼາຍຊົນ­ເຜົ່າອາ­ໄສຢູ່ເປັນຕົ້ນແມ່ນ:ລື້, ຢ້າວ, ອາຄ່າ, ມົ້ງ, ໄທດຳແລະໄທເໜືອແຕ່ເຂົາ­ເຈົ້າສ່ວນໃຫຍ່ແມ່ນນັບ­ຖືສາ­ສະ­ໜາພຸດເຊິ່ງສະ­ແດງອອກໃນຄວາມສັດ­ທາທາງສາສະໜາຂອງປະຊາ­ຊົນ ໂດຍມີວັດວາອາຮາມລວມທັງໝົດຈຳ­ນວນ 23 ແຫ່ງ. ພ້ອມນັ້ນພຣະ­ທາດຊຽງຕຶງກໍປຽບສະເໝືອນພຣະ­ທາດຄູ່ບ້ານຄູ່ເມືອງຂອງຊາວເມືອງສິງ ເມື່ອຮູ້ຈັກກັບເມືອງສິງແລ້ວເຮົາໄປຮູ້ຈັກກັບ ພຣະທາດຫຼວງຊຽງຕຶງ ພ້ອມໆກັນເລີຍ. ພຣະທາດຫຼວງຊຽງຕຶງຕັ້ງຢູ່ເທິງຈອມພູທາງທິດຕາເວັນຕົກສ່ຽງໃຕ້ຂອງເມືອງສິງ ຫ່າງຈາກເທສະບານແຂວງຫຼວງນໍ້າທາ 5 ກິໂລແມັດ ໂດຍມີເສັ້ນທາງຂຶ້ນໄປຮອດຕົວພຣະທາດສອງເສັ້ນທາງຄື: ທາງຍ່າງແມ່ນຂຶ້ນຂັ້ນໄດທີ່ມີຄວາມຍາວປະມານ 750 ແມັດ …

ເມື່ອເວົ້າເຖິງ ເລື່ອງຖ້ຳ ຫຼາຍທ່ານຄືສິເຄີຍໄດ້ຍິນ ແລະ ເຄີຍໄດ້ໄປສຳພັດທ່ຽວຊົມມາຫຼາຍບ່ອນແລ້ວ ເພາະວ່າຢູ່ເມືອງລາວເຮົາແມ່ນອຸດົມຮັ່ງມີດ້ວຍຊັບພະຍາກອນທຳມະຊາດ ຄວາມຫຼາກຫຼາຍດ້ານວັດທະນະທຳ ແລະ ມີມູນເຊື້ອປະຫວັດສາດທີ່ພິລະອາດຫານມາຢ່າງຍາວນານ. ສຳລັບສະບັບນີ້ ຂໍແນະນຳແຫຼ່ງທ່ອງທ່ຽວທີ່ພວມໄດ້ຮັບຄວາມນິຍົມ ແລະ ມີຊື່ສຽງຫລາຍທີ່ສຸດ ທີ່ທ່ານຕ້ອງຕົກຕະລຶງ, ຕື່ນຕາຕື່ນໃຈ ແລະ ໜ້າງຶດງໍ້ອັດສະຈັນ ກັບຄວາມງົດງາມມະຫັດສະ ຈັນຂອງຖ້ຳ ຊຶ່ງທຳມະຊາດໄດ້ສ້າງສັນປັ້ນແຕ່ງຂຶ້ນ ນັ້ນຄື “ຖ້ຳນ້ຳລອດເຊບັ້ງໄຟ” ເຊິ່ງຖ້ຳແຫ່ງນີ້ ໄດ້ຖືກສຳຫຼວດໂດຍນັກສຳຫຼວດຊາວຝຣັ່ງໃນຊຸມ ປີ 2006 – 2008 ສັນນິຖານວ່າ ເປັນຖ້ຳທີ່ມີຄວາມຍາວ ແລະ ກວ້າງຕິດອັນດັບໂລກ. ຫາກທ່ານໃດສົນໃຈອ່ານຕໍ່ ສາມາດຕິດຕາມໄດ້ທີ່ ວາລະສານຂວັນໃຈສະບັບເດືອນ ຕຸລາ 2016 ໃນເອັມພອຍທຸກສາຂາ (ຮູບໜ້າປົກ ວາລະສານຂວັນໃຈ ສະບັບເດືອນ ຕຸລາ 2016)

ຖ້າໃຜຄິດຢາກຈະໄປພັກຜ່ອນໃນບ່ອນງຽບສະຫງົບ, ຮົ່ມເຢັນ ພ້ອມທຳມະຊາດທາງທະເລທີ່ສວຍງາມ, ໄດ້ສະໜຸກສະໜານກັບຫາດຊາຍສີຂາວທີ່ລະອຽດ ແລະ ນໍ້າທະເລໃສ…ເຊິ່ງອາທິດນີ້ ຈະພາທ່ານຜູ້ອ່ານໄປຮູ້ຈັກກັບ ໝູ່ເກາະກີລີ Gili Islands ເປັນເກາະທີ່ນັກທ່ອງທ່ຽວຈາກທົ່ວໂລກນິຍົມໄປສຳພັດກັບບັນຍາກາດແຫ່ງນີ້ຫຼາຍທີ່ສຸດ ກ່ອນອື່ນໝົດ ມາຮູ້ຈັກເກາະກີລີກ່ອນເນາະ ! ເກາະກີລີ ຕັ້ງຢູ່ທາງພາກຕາເວັນອອກສຽງເໜືອຂອງເກາະ ລອມບອກ lombok ໃນປະເທດອິນໂດເນເຊຍ ໝູ່ເກາະກີລີ ລວມມີ 3 ເກາະຄື:  Gili Trawangan, Gili Meno ແລະ Gili Air ໂດຍທັງໝົດຕັ້ງຮຽງກັນຕາມແຄມຝັ່ງຂອງເກາະ ອ້ອມຮອບໄປດ້ວຍທະເລສີຟ້າສົດໃສ ເຫັນພື້ນນໍ້າທະເລສີຟ້າ ຕອນກາງເວັນໝູ່ເກາະເຫຼົ່ານີ້ຈະງຽບສະຫງົບດີ ນັກທ່ອງທ່ຽວສ່ວນຫຼາຍມັກນອນພັກຜ່ອນ ແລະ ອາບແສງແດດຢູ່ຫາດຊາຍຂາວ ຫຼື ອອກໄປລອຍນໍ້າ ແລະ ດຳນໍ້າເບິ່ງປາກາລັງຕາມເກາະ. ສຳລັບເກາະທີ່ໃຫຍ່ກວ່າໝູ່ແມ່ນເກາະ Gili Trawangan ຫ່າງຈາກເກາະ Gili Meno 1 ກິໂລແມັດ ເຊິ່ງເປັນເກາະທີ່ຕັ້ງຢູ່ລະຫວ່າງກາງຂອງ …