ຂ່າວບັນເທີງນອກປະເທດ

ຫລິວເຕີຫົວເກີດອຸບັດເຫດ!

ຫລິວເຕີຫົວ ຕົກມ້າໃນຂະນະຖ່າຍໂຄສະນາທີ່ປະເທດໄທ! ພະເອກລຸ້ນໃຫຍ່ເດີນທາງມາທີ່ ຈັງຫວັດ ນະຄອນລາຊະສີມາ ປະເທດໄທ ເພື່ອຖ່າຍໂຄສະນາຂອງທາງຮ່ອງກົງ ຊຶ່ງຕາມກໍານົດວັນຖ່າຍຕາມແຜນໃນວັນທີ 18-19 ມັງກອນ ແຕ່ກໍມາເກີດອຸບັດຕິເຫດຂຶ້ນ ເນື່ອງຈາກລາວໄດ້ຕົກຈາກຫຼັງມ້າ ຫຼັງຈາກນັ້ນ ທາງທີມງານໄດ້ເຂົ້າປະຖົມພະຍາບານປະກົດວ່າ: ໄດ້ຮັບບາດເຈັບບໍລິເວນກະດູກສັງຫຼັງ ແລະ ນໍາຕົວສົ່ງກັບຮ່ອງກົງເພື່ອຮັກສາຕົວ. ໃນຂະນະດຽວກັນດຽວກັນ ສື່ທາງຮ່ອງກົງລາຍງານວ່າ: ຫລິວເຕີຫົວກໍາລັງຮັກສາຕົວຢູ່ປະເທດໄທ ແລະ ຕອນນີ້ຍັງບໍ່ມີຂໍ້ສະຫຼຸບຊັດເຈນກ່ຽວກັບອາການບາດເຈັບຂອງນັກສະແດງທ່ານນີ້ ແຕ່ແນວໃດກໍຕາມອຸບັດຕິເຫດຄັ້ງນີ້ກໍບໍ່ສົ່ງຜົນກະທົບເຖິງການຖ່າຍໂຄສະນາແຕ່ຢ່າງໃດ ເພາະວ່າໄດ້ຖ່າຍສໍາເລັດໄປກ່ອນແລ້ວ.

Read More »

ສາວລາວມີຄວາມກ້າຫານ ເດີນທາງໄປແຂ່ງຂັນຮ້ອງເພງຢູ່ປະເທດໄທ!

ສາວລາວມີຄວາມກ້າຫານ ເດີນທາງໄປແຂ່ງຂັນຮ້ອງເພງຢູ່ປະເທດໄທ! ນາງ ທັນຍາພອນ ສຸວັນນະລາດ (ຕ້າ) ສາວລາວຈາກແຂວງສະຫວັນນະເຂດ ຂໍເຮັດຕາມຄວາມຝັນເດີນທາງໄປແຂ່ງຂັນຮ້ອງເພງທີ່ ປະເທດ ໄທ ໃນລາຍການແຂ່ງຂັນຮ້ອງເພງຊື່ດັງ “ສຶກວັນດວນເພງ” ແລະ ໃນເທື່ອນີ້ສາວຕ້າໄດ້ໂຊສຽງຊົງພະລັງໃນເພງທຳນອງໝໍລຳພື້ນບ້ານ ຈົນເຮັດໃຫ້ກຳມະການທັງ 3 ທ່ານຕົກຕະລຶງໃນນ້ຳສຽງທີ່ເປັນເອກະລັກ, ແຕ່ກໍເປັນອັນໜ້າເສຍດາຍທີ່ນາງບໍ່ສາມາດເອົາຊະນະແຊ໋ມເກົ່າໄດ້ ແຕ່ຖືວ່າເຮັດດີທີ່ສຸດແລ້ວເດີ້ ເພາະການທີ່ເຮັດຕາມຄວາມຝັນບໍ່ມີສິ່ງໃດທີ່ຜິດ ຖືວ່າເປັນການໄປເກັບກ່ຽວເອົາປະສົບການເພື່ອມາພັດທະນາເຮົາໃນມື້ໜ້າເດີ້ ເປັນກຳລັງໃຈໃຫ້ ສູ້ໆ! ຢ່າລືມກົດໄລ້-ກົດແຊຣ ໃຫ້ກັບຄົນທີ່ມີຄວາມສາມາດ ແລະ ຕາມຫາຄວາມຝັນຢ່າງນີ້ແດ່ເດີ້! ຂໍຂອບໃຈຮູບພາບຈາກລາຍການ: ສຶກວັນດວນເພງ

Read More »

ມາເບິ່ງ! ສາວລາວຄົນທຳອິດໃນລາຍການ “Take me out Thailand”

ມາເບິ່ງ! ສາວລາວຄົນທຳອິດໃນລາຍການ “Take me out Thailand” ຊະນີIndy ມາແລ້ວຈະມາອັບເດດຂ່າວສານບັນເທິງ ເປັນທີ່ຮືຮາກັນທົ່ວບ້ານທົ່ວເມືອງກັບສາວລາວຄົນທຳອິດທີ່ສາມາດໄປຮ່ວມໃນລາຍການເລືອກຄູ່ “Take me out Thailand” ຊີຊັ່ນ 11 ອອກອາກາດໄປໃນວັນເສົາ ວັນທີ 14 ມັງກອນ 2017 ທີ່ຜ່ານມາ, ເຊິ່ງສາວຄົນນີ້ເປັນສາວໜ້າຮັກ ຜິວພັນດີ ມີຊື່ວ່າ ກິຕ້າ ພັດທະສອນ ມິນີດາລັດ ອາຍຸ 24 ປີ, ສາວ ກິຕ້າ ໄດ້ເປີດເຜີຍວ່າສາເຫດທີ່ມາຮ່ວມໃນລາຍການນີ້ກໍຍ້ອນວ່ານາງຢູ່ໃນສະຖານະພາບໂສດມາດົນ ແລະ ຍາກມີແຟນ, ໂອ້ຍ!! ໜ້າຮັກພຽງນີ້ຍັງບໍ່ມີແຟນ (ບໍ່ຢາກຈະເຊື່ອ)! ເບິ່ງຮູບສາວກິຕ້າແລ້ວຢ່າລືມຄອມເມັ້ນ, ກົດໄລ້ ແລະ ແຊຣ ແດ່ເດີ້ວ່າສາວລາວ ໜ້າຮັກ ແລະ ງາມຊໍ່າໃດ?

Read More »

ຊອກເບິ່ງໄດ້ຍາກ! ຮູບສາວ ແຕ້ວ ນັດຖະພອນ ຫຼື ເຈົ້າແມ່ນາຄີຕອນຍັງນ້ອຍ

ຊອກເບິ່ງໄດ້ຍາກ! ຮູບສາວ ແຕ້ວ ນັດຖະພອນ ຫຼື ເຈົ້າແມ່ນາຄີຕອນຍັງນ້ອຍ ຖືວ່າເປັນນາງເອກທີ່ມາແຮງທີ່ສຸດແຫ່ງປີ!!! ສໍາລັບສາວ ແຕ້ວ ນັດຖະພອນ ນາງເອກຈາກລະຄອນເລື່ອງ “ນາຄີ” ຫຼື ທີ່ຮູ້ກັນຄື “ເຈົ້າແມ່ນາຄີ” ຫຼ້າສຸດມີການ Share ຮູບນາງເອກສາວສະໄໝຍັງນ້ອຍຕອນຮຽນປະຖົມຜົມສັ້ນພຽງຫູ ແລະ ສະໄໝຮຽນມັດທະຍົມຂໍບອກເລີຍວ່າສາວແຕ້ວງາມມາແຕ່ນ້ອຍແທ້ໆ.  

Read More »

ກັບມາປ່ວນຫູອີກຮອບ PPAP ຈັດເຕັມພ້ອມວົງ Orchestra ສຸດອະລັງການ (ມີຄຣິບ)

ກັບມາປ່ວນຫູອີກຮອບ PPAP ຈັດເຕັມພ້ອມວົງ Orchestra ສຸດອະອັງການ (ມີຄຣິບ) ກາຍເປັນເພງ Hot Hit ຕິດຫູເມື່ອປີກາຍມາແລ້ວໃນເພງ “Pen-Pineapple-Apple-pen” ຫຼື PPAP ເຊິ່ງທັງໝົດເພງມີພຽງບໍ່ຈັກປະໂຫຍກຊໍ້າໄປຊໍ້າມາ ແຕ່ເມື່ອຟັງແລ້ວພັດຕິດຫູຢ່າງແຮງ ຫຼ້າສຸດໃນໄລຍະປີໃໝ່ PIKOTAR ເຈົ້າຂອງສຽງເພງກັບມາອີກຄັ້ງພ້ອມດ້ວຍຄວາມຍິ່ງໃຫຍ່ອະລັງການ. ໃນງານ Japan Record Awards 2016  ລາວໄດ້ຮັບເຊີນໃຫ້ໄປຂຶ້ນສະແດງໃນເພງ PPAP ຮ່ວມກັບວົງ Orchestra ແບບ Full band ຈາກເພງໃນໂລກອອນລາຍຕະຫຼົກໆກາຍເປັນ ງານໃຫ່ຍລະດັບປະເທດ ເມື່ອເບິ່ງການສະແດງແລ້ວຈະຮູ້ສຶກໄດ້ເລີຍເຖິງຄວາມຍິ່ງໃຫ່ຍອະລັງການ ແຖມລາວຍັງຮ້ອງເພງນີ້ໃນແບບເຕັມເພງອີກດ້ວຍ. ຈະມີຄວາມຍິ່ງໃຫ່ຍຊໍ່າໃດນັ້ນສາມາດຊົມຄຣິບໄດ້ເລີຍ!!!

Read More »
error: ສະຫງວນລິຂະສິດ ຫ້າມນຳເອົາໄປເຜີຍແຜ່ຕໍ່ !!