ຂ່າວບັນເທີງນອກປະເທດ

  ຈາກຜົນງານຖ່າຍແບບທີ່ໂດດເດັ່ນໃນປະເທດໄທ ແລະ ຜົນງານເດີນແບບຫຼາຍງານທີ່ເດັ່ນໃນປະເທດລາວ ຈຶ່ງເຮັດໃຫ້ນ້ອງ ນຸ້ຍ ສຸພາພອນ ໄດ້ມີລາຍຊື່ຮັບລາງວັນ ບຸກຄົນສຳຄັນແຫ່ງປີ 2017 (World Top Award 2017)  ທີ່ປະເທດໄທ, ຂໍບັນດາທ່ານຊ່ວຍເປັນແຮງໃຈໃຫ້ S’nuiz Souphaphone ທີ່ຈະສ້າງຜົນງານຮັບໃຊ້ສັງຄົມລາວ ແລະ ຕ່າງປະເທດ ໃຫ້ຊາວໂລກຮູ້ວ່າເມືອງລາວເຮົາມີດີຫຼາຍຢ່າງ ທາງດ້ານວັດທະນະທຳ ການທ່ອງທ່ຽວ ແລະ ຮອຍຍິ້ມສົດໃສທີ່ເປັນມິດຕໍ່ທຸກປະເທດ. #ແຊຣໄປໃຫ້ໂລກຮູ້ວ່າສາວລາວເຮົາທັງງາມແລະເກັ່ງບໍ່ແພ້ຊາດອື່ນ ສຳລັບນ້ອງ ນຸ້ຍ ສຸພາພອນ ສົມວິຈິດ ມີອາຍຸ 20 ປີກຳລັງສຶກສາຢູ່ທີ່ ວິທະຍາໄລ ຄອມເຊັນເຕີ້ ປີ 3  ສາຂາທີ່ຮຽນແມ່ນ ສາຂາບໍລິການທຸລະກິດ, ຫຼາຍໆທ່ານອາດຈະຄຸ້ນໜ້າຄຸ້ນຕາກັນດີເພາະມີຕຳແໜ່ງ ຮອງນາງສາວນະຄອນຫຼວງ ປີ 2016  ແລະ ທີ່ຜ່ານມາຍັງມີການຖ່າຍແບບ-ເດີນແບບຕາມວາລະສານ ແລະ ງານເດີນແບບຕ່າງໆ… ແລະ ໃນໄວໆນີ້ນ້ອງ ນຸ້ຍ ສຸພາພອນ ກຳລັງຈະມີຜົນງານຖ່າຍແບບຂຶ້ນປົກ ວາລະສານ …

  ໂຕ່ໂນ່ ພາຄິນ ນັກຮ້ອງ-ນັກສະແດງ ຊື່ດັງຂອງປະເທດເພື່ອນບ້ານ ໄດ້ມາຫຼິ້ນຄອນເສີດທີ່ ສູນການຄ້າວຽງຈັນເຊັນເຕີ້ ໃນວັນອາທິດ ວັນທີ 19 ກຸມພາ ທີ່ຜ່ານມາ ແລະ ໃນອິນສະຕາແກມສ່ວນຕົວຂອງນັກຮ້ອງໜຸ່ມສຸດເຈົ້າຊູ້ຄົນນີ້ກໍໄດ້ໂພສຮູບກຳລັງຈະຂ້າມທາງແຖວແຄມຂອງພ້ອມຂຽນຄໍາອະທີບາຍກ້ອງຮູບວ່າ: “ລໍຖ້າຫຼິ້ນຄອນເສີດທີ່ວຽງຈັນ…ສິ່ງທີ່ສັງເກດ ແລະ ໜ້າເອົາໄປພັດທະນາປະເທດເຮົາຄື ຖະໜົນຫົນທາງທີ່ນີ້ອາດຈະບໍ່ໃຫ່ຍເທົ່າກັບບ້ານເຮົາ ແຕ່ພື້ນຫົນທາງລຽບຫຼາຍ”. ຈັ່ງໃດ ຊະນີIndy ແລະ ຄົນລາວທຸກຄົນກໍຍິນດີຕ້ອນຮັບເດີ້ ມື້ໜ້າຢ່າລືມມາຢາມກັນອີກແດ່ເດີ້ ອ້າຍ ໂຕ່ໂນ່… #ແຊຣໄປໃຫ້ໂລກຮູ້ວ່າປະເທດລາວເຮົາມີດີ ຂໍຂອບໃຈຮູບພາບຈາກ: mootono29 ຊະນີIndy ມີຄຣິບຕອນທີ່ໜຸ່ມ ໂຕໂນ່ ມາຫຼິ້ນຄອນເສີດມາຝາກນໍາເດີ້ ສາມາດເບິ່ງໄດ້ເລີຍ…      

ຮິ້ວໆໆໆ ຊະນີIndy ມີຄວາມຟິນເວີ້ ເພາະວ່າໜຸ່ມໂສດຈາກລາວເຮົາ ຈ່ອນນີ້ ສິຣິວັນ ໄຊຍະສານ ທີ່ໄປລາຍການເລືອກຄູ່ຊື່ດັງ  “Take me out Thailand” ທ້າວໄດ້ຄູ່ເດດເປັນທີ່ຮຽບຮ້ອຍແລ້ວເດີ້ ສາວຄົນນີ້ເປັນສາວໂສດຈາກປະເທດເພື່ອນບ້ານທີ່ມີຊື່ວ່າ ປະນັດດາ ຫຼື ນະດາ, ໂອ່ຍ…ເບິ່ງແລ້ວມີຄວາມອິດສາຄູ່ນີ້ ເພາະທັງສອງມີຄວາມຫວານເວີ້ ໂພສຮູບຄູ່ໃນເຟັກບຸກແບບລົວໆ ແຖມແຟນໆຂອງທັງສອງກໍມີໄປຕາມກົດໄລ້ກົດແຊຣຈົນເປັນກະແສຮືຮາທີ່ສຸດໃນຕອນນີ້ ຈະມີຄວາມຫວານເວີ້ພຽງໄດມາເບິ່ງໄດ້ເລີຍ… ມີຄຣິບມາຝາກໝູ່ເພື່ອນທຸກຄົນນຳເດີ້ ສາມາດເບິ່ງຄຣິບ ໜຸ່ມຈ່ອນນີ້ ແລະ ສາວນະດາ ໄດ້ເລີຍ…         ຂໍຂອບໃຈຮູບພາບຈາກ:​ Johnny Xayyasan   ແລະ  Punnada Nada ຄຣິບຈາກ: Take Me Out Thailand

  ເວົ້າເລື່ອງເນັດໄອດໍ້ຂອງລາວເຮົາຄົງຈະບໍ່ມີໃຜບໍ່ຮູ້ຈັກກັບສາວງາມຈາກຖິ່ນໃຕ້ຄົນນີ້ ຫຼ້ານ້ອຍ ພໍໃຈ  ຫຼື ສາຍາຂອງນາງກໍຄື ຫຼ້າ ລູກສາວຜູ່ໄທ  ສາວຄົນນີ້ມີຖິ່ນຖານບ້ານເກີດຢູ່ທີ່ເມືອງ ເຊໂນ ແຂວງ ສະຫວັນນະເຂດ ແຕ່ໃນປັດຈຸບັນໄດ້ຂຶ້ນມາຢູ່ທີ່ ນະຄອນຫຼວງວຽງຈັນ, ເຊິ່ງຖ້າໝູ່ເພື່ອນຄົນໄດທີ່ໄດ້ຕິດຕາມນາງ ຫຼື ເຫັນນາງຜ່ານທາງໂຊຊ່ຽວ ກໍຈະຮູ້ເລີຍວ່ານາງມີເອກະລັກສະເພາະຕົວ ເພາະນາງຈະເຮັດຫຍັງ ເວົ້າຈາຫຍັງ ນາງກໍຈະເປັນຄົນກົງໄປກົງມາ ແບບວ່າດີມາດີຕອບ ແຮງມາກໍແຮງຕອບ ຕາມແບບຂອງນາງ ແລະ ເທົ່າທີ່ທີມງານຂອງເຮົາໄປແອບສ່ອງເບິ່ງ Profile ຂອງນາງມານາງຈະເປັນຄົນເປີດເຜີຍ ເຮັດສັນຍະກຳ ຢູ່ໃສບ່ອນໃດນາງບອກໝົດ ບໍ່ປິດບັງຄືເຊັ່ນຄົນອື່ນໆ ຈົນປັດຈຸບັນນາງມີຍອດຄົນຕິດຕາມສູງເຖິງ ສອງແສນກວ່າຄົນ ແຖມບໍ່ວ່ານາງຈະໂພສຮູບ ຫຼື ອັດຄຣິບຕ່າງໆກໍຈະມີຄົນມາຄອມເມັ້ນກົດໄລ້ກົດແຊຣຈົນສະໜັ່ນຫວັ່ນໄຫວ ເພາະຄຳອະທິບາຍຂອງຮູບພາບແຕ່ລະຮູບນັ້ນບອກເລີຍວ່າ ທັງຮາ ແລະ ແຮງ ບໍ່ເຊື່ອນຳມາເບິ່ງເລີຍ: ເວົ້າແທ້.. ຕອນຮຽນບໍ່ໄດ້ຕັ້ງໃຈຄືຕອນເສືອກເລື່ອງຊາວບ້ານເລີຍວູ..!! ເໜຶອຄວາມມຶນ..ຍັງມີຄວາມໂຄດມຶນ.. ?? ມີຄວາມສົກໝົກ ສົກກະປົກໂສໂຄກສະເຫຼຶອເກີນ.. ຕື່ນນອນແຕ່ເຈັດໂມງຍັງບໍ່ໄດ້ອາບນໍ້າປານນີ້ ຄືດີງາມ..?? ຖ້າມຶງຄືຄົນອື່ນ.. ແລ້ວຄົນອື່ນຊິຮູ້ໄດ້ຈັ່ງໃດ ວ່າໃຜແມ່ນມຶງ..!! …

ຊະນີIndy ມາແລ້ວໆໆໆ ມື້ນີ້ຈະມາຊອ໋ກແຊກມາເວົ້າມາຝອຍເລື່ອງໃນວົງການບັນເທິງບ້ານເຮົາ ໃນວັນທີ 14 ກຸມພາ 2017 ທີ່ຜ່ານມາໄດ້ເກີດກະແສທີ່ບັນດາ ສາວລາວ-ບ່າວລາວ ໄປອອກລາຍການດັງເຖິງປະເທດເພື່ອນບ້ານລາຍການນັ້ນກໍຄື “ເລື່ອງເລົ່າເຊົ້ານີ້” ເຊິ່ງບ່າວລາວ-ສາວລາວ ທີ່ວ່ານີ້ພວກເຂົາກໍໄປໃນນາມລາຍການເລືອກຄູ່ຊື່ດັງ “Take me out Thailand” ນັ້ນເອງ ແລະ ມື້ນີ້ ຊະນີIndy ຈະບໍ່ຝອຍຍາວເດີ້ເພາະຈະນຳເອົາຮູບພາບງາມໆຂອງສາວລາວອີກໜຶ່ງທ່ານທີ່ສາມາດໄປຮ່ວມເລືອກຄູ່ໃນລາຍການດັ່ງກ່າວນັ້ນກໍຄື Noony Koumphonphakdee ເຊິ່ງທາງທີມງານເຮົາເອງກໍໄດ້ໄປຄົ້ນຫານາງແລ້ວກໍພົບວ່າສາວຄົນນີ້ມີດີກຼີເປັນເຖິງນາງແບບ ຜົນງານຂອງເພິ່ນກໍແມ່ນຖ່າຍແບບປະຕິທິນຕ່າງໆ ແຖມຈະເບິ່ງນາງມຸມໃດກໍງາມຫຼາຍ ແລະ ເຮົາກໍບໍ່ໄດ້ໄປເບິ່ງລ້າໆໃດ ແຕ່ຍັງໄດ້ນຳເອົາຮູບພາບງາມໆຂອງສາວ ນູ່ນີ່ ມາຝາກນຳ ຈະມີຄວາມງາມຢາດຍ້ອຍພຽງໃດມາເບິ່ງໃຫ້ເຫັນຢ່າງຈະແຈ້ງກັນເລີຍ! #ແຊຣໄປໃຫ້ໂລກຮູ້ວ່າສາວລາວງາມຫຼາຍ   ຂໍຂອບໃຈຮູບພາບງາມໆຈາກ: Noony Koumphonphakdee