ຂ່າວບັນເທີງໃນປະເທດ

ອີກແລ້ວໆໆໆ!!! ແຟນຄລັບຊາວລາວເຮົາມີເຮ…ເພາະກຽມພົບກັບດາລາໃນດວງໃຈຂອງໃຜຫຼາຍໆຄົນ ອໍ້າ ພັດຊະຣາພາ ໄຊເຊື້ອ ດາລາ-ນັກສະແດງ ໝາຍເລກໜຶ່ງຂອງປະເທດເພື່ອນບ້ານທີ່ກຽມມາພົບກັບແຟນໆຊາວລາວເຮົາອີກແລ້ວເປັນເທື່ອທີ 2 ໃນວັນທີ 7 ມິຖຸນາ 2017 ທີ່ຈະຮອດຈະເຖິງໃນໄວໆນີ້, ຫຼັງຈາກທີ່ເທື່ອກ່ອນຕອນທີ່ເອື້ອຍອໍ້າໄດ້ມາຮ່ວມເປີດໂຕສິນຄ້າຢູ່ທີ່ສູນການຄ້າວຽງຈັນເຊັນເຕີ້ເຊື່ອວ່າທຸກໆຄົນກໍຄົງຈະຍັງຈື່ກັນໄດ້ເພາະສ້າງປະກົດການຮືຮາໄປທົ່ວປະເທດເພາະມີແຟນໆຊາວລາວໄປໃຫ້ການຕ້ອນຮັບກັນຢ່າງເນື່ອງແໜ້ນຈົນໄດ້ສາຍາວ່າ “ເຈົ້າແມ່ຫ້າງແຕກ” ແລະມາໃນເທື່ອນີ້ ເອື້ອຍອໍ້າ ພັດຊະຣາພາ ຊຸບຕາຄົນງາມກໍຈະມາພົບກັບແຟນໆອີກແລ້ວ ສາມາດໄປເຈິກັບເອື້ອຍອໍ້າໄດ້ເລີຍຢູ່ທີ່ ສູນການຄ້າລາວ-ໄອເຕັກ (ຕຶກເກົ່າ) ໃນງານ ” Top Thai Brands 2017 ”  ແລະ ການມາຂອງເອື້ອຍ ອໍ້າ ພັດຊະຣາພາ ໄຊເຊື້ອ ໃນເທື່ອນີ້ຈະມາໃນແບບທີ່ໃຫ້ແຟນໆໄດ້ເວົ້າລົມ ແລະ ສຳພາດກັນແບບໃກ້ຊິດອີກເດີ້!!! (ຢ່າລືມຢ່າພາດ) ຮູບພາບ: aum_patchrapa ຂໍ້ມູນ: Khompanya Entertainment  

Wow… ຮູ້ສຶກຄຶກຄື້ນຂຶ້ນມາທັນໃດເລີຍແມ່ນບໍ່ແຟນໆ ເພາະມື້ນີ້ ຊະນີIndy ຢາກແນະນຳອີກໜຶ່ງສາວສຸດ Sexy ນັ້ນກໍຄື ນາງ ສາຍລົມເຢັນ ບຸນຍະແສງ ຫຼື Dj ແອນນ້າ ອາຍຸ 28 ປີ, ຜົນງານຂອງ ແອນນາ ທີ່ຜ່ານມາກໍຄືເປັນ DJ ທີ່ຮ້ານອາຫານ 79 ແລະ ຕາມງານ Event ໃຫ່ຍໆນາງກໍຈະມັກຈະໄດ້ຮັບເຊີນໄປເປັນ Dj ເປີດເພງມ່ວນໆໃຫ້ເຮົາໄດ້ແດ໋ນກະຈາຍ… ນອກນີ້ນາງກໍຍັງເປັນນາງແບບຕາມງານຕ່າງໆ ແລະ ສາວ ແອນນ້າ ຄົນນີ້ຍັງມີຈຸດພິເສດເປັນແມ່ຍິງຂີ້ດື້, ມັກຍີ້ມ, ມັກກວນ, ເຊັກຊີ້ໜ້ອຍໆ ນຳອີກໄດ໋… ແລະເຮົາຍັງມີບົດສຳພາດເຖິງແຮງບັນດານໃຈທີ່ເຮັດໃຫ້ສາວຄົນນີ້ໄດ້ມາເປັນ  DJ ລອງມາອ່ານບົດສຳພາດກັນເບິ່ງເດີ້… “ແຮງບັນດານໃຈທີ່ເຮັດໃຫ້ ແອນນ້າ ເປັນ DJ ຍ້ອນອາຊີບນີ້ ເປັນອາຊີບທີແມ່ຍິງລາວສ່ວນຫຼາຍຍັງບໍ່ກ້າເຮັດເປັນອາຊີບທີ່ໜ້າຄົ້ນຫາ ມີສະເໜ່  ແລະແປກໃໝ່ສໍາລັບບ້ານເຮົາ ແລະ ແອນນ້າ ຮູ້ສຶກວ່າການທີ່ແມ່ຍິງ ເປັນ DJ ແຕ່ລະຄົນຈະມີເອກະລັກໃນແບບຂອງຕົນເອງ.  ຢາກແນະນຳສາວໆ ທີ່ຢາກລອງເປັນ DJ ຖ້າໄດ້ລອງຄັ້ງທຳອິດຈະຮູ້ສຶກວ່າ ຫຼົງມັກອາຊີບນີ້ເພາະການເປັນ DJ ແມ່ນໄດ້ເປີດເພງໃຫ້ຄົນອື່ນຟັງເຮັດໃຫ້ທຸກຄົນໃນທຸກງານທີ່ໄດ້ໄປ ໄດ້ມ່ວນ ໄດ້ເຕັ້ນ ໄດ້ມີຮອຍຍິ້ມກໍເຮັດໃຫ້ເຮົາ ມີຄວາມສຸກໄປນຳ” ຫວັງວ່າແຟນໆຄົງຈະຖືກໃຈກັບ DJ ແອນນ້າ ຄົນນີ້ເດີ້, ຢ່າລືມແຊຣເພື່ອເປັນກຳລັງໃຈໃຫ້ນາງແດ່… ຂໍຂອບໃຈຮູບພາບຈາກ: Facebook:  Anna …

ໃນວັນທີ 26 ພຶດສະພາ 2017 ທີ່ຜ່ານມາເບຍ Tuborg ໄດ້ຈັດງານປາຕີ້ຍ້ອນຍຸກສຸດມັນ “Flashback Friday” ຢູ່ທີ່ຮ້ານອາຫານ Laoderm SKYBAR, ເຊິ່ງຄອນເສັບພາຍໃນງານໃນຄັ້ງນີ້ຈະມາໃນຕຣີມ #BackToThe2000s ຫຼືຍ້ອນຍຸກກັບໄປຍຸກປີ 2000 ເຊິ່ງເຮັດໃຫ້ມີຜູ້ຄົນສົນໃຈ ແລະ ເຂົ້າຮ່ວມໃນງານນີ້ຢ່າງຫຼວງຫຼາຍ!!! ພາຍໃນງານຍັງພົບກັບກິດຈະກຳທີ່ສຸດແສນຈະມ່ວນຊື່ນ ພົບກັບດີເຈໜຸ່ມສຸດຫຼໍ່ ແລະ ດີເຈສາວສຸດເຊັກຊີ່ດີເຈ ແອນນາ ທີ່ມາຮ່ວມສ້າງສີສັນດ້ວຍການເປີດເພງມ່ວນໆ ເປັນເພງສາກົນດັງໃນອະດີດ ແບບວ່າຖ້າໃຜໄດ້ໄປງານນັ້ນຕ້ອງຄິດວ່າໄດ້ຍ້ອນຍຸກໄປປະມານ 17 ປີກ່ອນພຸ້ນເດີ້ (ບອກເລີຍວ່າມັນອີ່ຫລີ) ແລະ ນອກຈາກນັ້ນຍັງມີກິດຈະກຳຕ່າງໆໃຫ້ຮ່ວມຢ່າງຫຼວງຫຼາຍເຊັ່ນ: ຮ່ວມຫຼິ້ນເກມເພື່ອລຸ້ນຮັບຂອງລາງວັນຕ່າງໆ, ຖ່າຍຮູບໃນ  Photo Boot ທີ່ທາງທີມງານຈັດກຽມໄວ້ໃຫ້ຢ່າງຄົບຊຸດເພື່ອໃຫ້ທຸກໆຄົນທີ່ເຂົ້າຮ່ວມງານໄດ້ເກັບໄວ້ເປັນທີ່ລະນຶກ ແລະ ທີ່ເປັນໄຮໄລ້ຂອງງານບອກເລີຍວ່າເດັດສຸດເພາະຍັງມີການປະກວດເຄື່ອງແຕ່ງກາຍຍ້ອນຍຸກ ແລະ ຄົນທີ່ຖືກໃຈກຳມະການກໍຈະໄດ້ຮັບບັດຄອນເສີດ Britney Spears Live in Bangkok 2017 ອີກດ້ວຍ… ສຳລັບແຟນໆທ່ານໃດທີ່ບໍ່ໄດ້ມາຮ່ວມໃນງານ “Flashback Friday” …

ສິລະປິນລາວຈາກຄ້າຍ ອິນ​ດີ້ ເຣັກ​ຂອດ ຄ້າຍເພງອັນດັບ 1 ນຳທີມໂດຍ ສັກ ເຊວ​ສ໌, ນ້ຳ​ຝົນ ແລະ ໂອ​ລ້າ ແບ​ລັກ​ອ້າຍ ໄປໂຊຜົນງານທີ່ບຸນລາວ ໃນປະເທດ ຍີ່ປຸ່ນ (LAO FESTIVAL 2017 TOKYP JAPAN) ໃນວັນທີ 27-28 ພຶດສະພາ 2017 ທີ່ຜ່ານມາ, ແຖມສິລະປິນລາວທັງ 3 ທ່ານ ຍັງເປັນຂວັນໃຈແຟນເພງຊາວຍີ່ປຸ່ນ ພໍແຕ່ທັງ 3 ສິລະປິນຂຶ້ນໂຊກໍມີແຟນຄລັບແຮ່ມາຮ່ວມໃຫ້ກຳລັງໃຈ, ຂໍຖ່າຍຮູບ ແລະ ຂໍລາຍເຊັນກັນຢ່າງໜາແໜ້ນ ແລະ ໃນປີນີ້ ບຸນລາວໃນປະເທດຍີ່ປຸ່ນ ກໍໄດ້ຮັບຄວາມນິຍົມ ແລະ ເຮັດໃຫ້ມີຜູ້ຄົນເຂົ້າຮ່ວມໃນງານດັ່ງກ່າວຢ່າງຄຶກຄື້ນ. #ແຊຣໄປໃຫ້ໂລກຮູ້ຄວາມສາມາດຂອງຄົນລາວ ຊະນີIndy ກໍບໍ່ພາດທີ່ຈະເກັບເອົາຮູບມາຝາກທຸກຄົນ ໄປເບິ່ງນຳກັນເລີຍ!!!

ໃນວັນທີ 27 ພຶດສະພາ 2017 ທີ່ຜ່ານມາ ຍາທ່ານໃຫຍ່ ປອ ມະຫາງອນ ດຳລົງບຸນ ປະທານ ສູນກາງ ອົງການພຸດທະສາດສະຫນາສຳພັນລາວ, ເມດຕາ ອານຸຍາດໃຫ້ ຄະນະນັກສະແດງຊື່ດັງຈາກປະເທດໄທນຳທີມໂດຍ ແພນເຄັກ ເຂັມມະນິດ, ເກຣດ ການເກົ້າ, ຢາດ ຢາດທິບ ແລະ ແຫວນແຫວນ ເຊິ່ງທັງໝົດນີ້ເປັນນັກສະແດງ-ພິທີກອນທີ່ມີຊື່ສຽງຂອງປະເທດເພື່ອນບ້ານ  ໄດ້ເຂົ້ານ້ອມຖວາຍສັກກະລະ ພ້ອມຖວາຍໄຊຍະທານ ໃນໂອກາດນີ້ ຍາທ່ານໃຫຍ່ ປອ ມະຫາງອນ ດຳລົງບຸນ ຍັງໄດ້ມອບໂອວາດທຳມະ ໃນການດຳເນີນຊີວິດທີ່ດີງາມຕາມວິຖີທາງ ແຫ່ງຊາວພຸດ ໃຫ້ຖືຄວາມ ເມດຕາ ແລະຄວາມເສຍສະຫຼະນຳຫນ້າສ້າງສັງຄົມ ແລະຊ່ວຍເຫຼືອມວນມະນຸດ ພ້ອມທັງເຮັດຕົວເປັນແບບຢ່າງທີດີຕໍ່ສັງຄົມ. #ແຊຣໄປໃຫ້ໂລກຮູ້    ທີ່ມາຈາກ: @gracekanklao , @yardthip, khemanito , ຫນ້າຂ່າວຊາວພຸດ๑