ຂ່າວບັນເທີງໃນປະເທດ

Wow ມື້ນີ້ ຊະນີIndy ມີຄວາມຮູ້ສຶກພາກພູມໃຈກັບໄວໜຸ່ມລາວ ແລະ ຢາກແນະນຳໃຫ້ແຟນໆໄດ້ຮູ້ຈັກນັ້ນກໍຄືນ້ອງ ລີວັນນາ ກູ້ (ເມເມ) ອາຍຸ 19 ປີ ຈາກນະຄອນຫຼວງວຽງຈັນ ຜູ້ຊະນະເລີດໂຄງການນັກອອກແບບໜຸ່ມນ້ອຍ (Lao Young Designers 2017), ຜົນງານຂອງ ເມເມ ທີ່ສົ່ງເຂົ້າປະກວດມີຄວາມໂດດເດັ່ນຈົນສາມາດເອົາຊະນະໃຈກຳມະການ ແລະ ພິຊິດທຶນການສຶກສາດ້ານອອກແບບທີ່ປະເທດ ຝຣັ່ງ ເປັນເວລາ 6 ເດືອນ ໃນສະຖາບັນການອອກແບບ ESMOD ເປັນສະຖາບັນດ້ານການອອກແບບທີ່ມີຊື່ດັງຂອງໂລກ ໂດຍຈະມີການຮ່ວມມືຢ່າງໃກ້ຊິດກັບສະຖາບັນເອັດສໂມດ, ສະຖານທູດຝຣັ່ງປະຈຳລາວ ແລະ ສະຖາບັນແຄມປັດສ ຝຣັ່ງ ປະຈຳລາວ. ຈາກການສຳພາດນ້ອງ ເມເມ ນາງກໍໄດ້ເປີດເຜີຍໃຫ້ ທີມງານ ຂວັນໃຈ ເຮົາຟັງວ່າ: “ບໍ່ຄິດວ່າຕົນເອງຈະໄດ້ ເພາະທີ່ຈິງຕົນບໍ່ມີຊື່ໃນຜູ້ເຂົ້າຮອບສຸດທ້າຍ ແຕ່ໃນມື້ວັນທີ 23 ພຶດສະພາ ທາງໂຄງການເພິ່ນກໍໄດ້ໂທມາໃຫ້ເຂົ້າມາຮ່ວມໃນການແຂ່ງຂັນ ເພາະມີໝູ່ທີ່ເຂົ້າຮ່ວມໂຄງການສະຫຼະສິດໄປ ແລະ …

ໃນວັນທີ 23 ພຶດສະພາ 2017 ທີ່ຜ່ານມາຢູ່ທີ່ ບ້ານພັກເອກອັກຄະລັດຖະທູດຝຣັ່ງປະຈຳລາວ ນະຄອນຫຼວງວຽງຈັນ ໄດ້ມີການປະກາດຜົນລາງວັນຂອງ ໂຄງການສົ່ງເສີມນັກອອກແບບໜຸ່ມນ້ອຍຂອງລາວ (Lao Young Designers Project) ປະຈຳປີ 2017, ເປັນກຽດເຂົ້າຮ່ວມເປັນປະທານໂດຍ ທ່ານນາງ ໂກລດີນ ເລີດູ ເອກອັກຄະລັດຖະທູດຝຣັ່ງປະຈຳລາວ, ທ່ານ ສົມສະໜຸກ ມີໄຊ ຮອງປະທານສະມາຄົມນັກຂ່າວແຫ່ງ ສປປ ລາວ ແລະ ປະທານຄະນະບໍລິຫານຂອງລາວແຟຊັ່ນວີກ ແລະ ໂຄງການສົ່ງເສີມນັກອອກແບບໜຸ່ມນ້ອຍຂອງລາວ ແລະ ທ່ານນາງ ປານີ ໄຊຍະວົງສ໌, ຜູ້ກໍ່ຕັ້ງ ແລະ ອຳນວຍການລາວແຟຊັ່ນວີກ ແລະ ໂຄງການສົ່ງເສີມນັກອອກແບບໜຸ່ມນ້ອຍຂອງລາວ, ພ້ອມດ້ວຍແຂກທີ່ມີກຽດ, ນ້ອງໆຜູ້ເຂົ້າແຂ່ງຂັນ ແລະ ສື່ມວນຊົນຢ່າງໜາແໜ້ນ. ສຳລັບໂຄງການສົ່ງເສີມນັກອອກແບບໜຸ່ມນ້ອຍຂອງລາວ (Lao Young Designers Project) ທ່ານນາງ ປານີ ໄຊຍະວົງສ໌, …

ມາຮູ້ຈັກ! ນັກແຕ້ມຮູບແມ່ຍິງລາວຝີມືດີ ຜົນງານໂດ່ງດັງໄກລະດັບໂລກ ວິຣະວົງ ສະໂກວິວ (ໂອເລ້) ອາຍຸ 39 ປີ, ອາຊີບ ນັກແຕ້ມ ເປັນອີກໜຶ່ງແມ່ຍິງລາວຄົນເກັ່ງທີ່ ຂວັນໃຈ ເຮົາຢາກແນະນຳໃຫ້ແຟນໆໄດ້ຮູ້ຈັກ ແລະ ມື້ນີ້ເຮົາກໍມີໂອກາດນຳເອົາບົດຄວາມດີໆ ເປັນເລື່ອງລາວຂອງແມ່ຍິງທີ່ຊື່ ໂອເລ້ ຄົນນີ້ໃນເສັ້ນທາງການເປັນນັກແຕ້ມທີ່ບອກເລີຍວ່າບໍ່ໄດ້ໂຮຍດ້ວຍກີບກຸຫຼາບ… ບໍ່ຊ້າເດີ້ລອງມາອ່ານບົດຄວາມດີໆຈາກ ວາລະສານ ຂວັນໃຈ ສະບັບທີ 114 ເພາະແຟນໆອ່ານແລ້ວອາດຈະໄດ້ໄອເດຍ ໄດ້ມີແຮງບັນດານໃຈດີໆ ໃນການສ້າງຝັນຂອງຕົວເອງຈົນສຳເລັດຕໍ່ໄປ… #ແຊຣໄປໃຫ້ໂລກຮູ້ເຖິງຄວາມສາມາດຂອງແມ່ຍິງລາວ ໂອເລ້ ວິຣະວົງ ສະໂກວິວ – ຊາດນີ້ຂໍເປັນນັກແຕ້ມເທົ່ານັ້ນ “ຄົນເຮົາເກີດມາຕ້ອງມີຄວາມຝັນ ຂ້ອຍຝັນຢາກເປັນສິລະປິນຕັ້ງແຕ່ນ້ອຍໆ ຈົນຈິນຕະນາການເຫັນພາບຕົນເອງ ມາຮອດມື້ນີ້ ທີ່ມັນເປັນຈິງ ບໍ່ມີຄວາມສຸກໃດເໜືອກວ່ານີ້ອີກແລ້ວ ບໍ່ມີຫຍັງມາແລກໄດ້” ເມື່ອເອີ່ຍຊື່ ໂອເລ້ ວິຣະວົງ ສະໂກວິວ ສິລະປິນແຕ້ມຮູບຮ່ວມສະໄໝ ທີ່ມີແນວທາງເປັນເອກະລັກຂອງຕົນເອງ ດ້ວຍລວດລາຍ ແລະສີສັນອັນໂດດເດັ່ນ ຜົນງານຂອງລາວສ້າງຄວາມປະທັບໃຈໃຫ້ກັບຊາວຕ່າງປະເທດ ທີ່ໄດ້ພົບເຫັນມາຫຼວງຫຼາຍ …

ບ່າຍໆແບບນີ້ ຊະນີIndy ຄົນເກົ່າຄົນເດີມເພີ່ມເຕີມຄືຄວາມຊອ໋ກແຊ໋ກມາແລ້ວໆໆໆ ມື້ນີ້ຈະພາແຟນໆທຸກຄົນໄປຟັງເພງມ່ວນໆ ເປັນບົດເພງຂອງໜຸ່ມສຸດເຈົ້າຊູ້ ຂວັນໃຈສາວໆນັ້ນກໍຄື  ອັດສະຣິຍະພົງ ບຸບຜາ  (ບີ່) ຫຼື ບີ່ ແຫ່ງວົງ ເອແພັກ ເຊິ່ງເພິ່ນກໍໄດ້ປ່ອຍບົດເພງຊຶ້ງກິນໃຈ “ຈິງຈັງເທົ່າໃດ?” ມາໃຫ້ເຮົາໄດ້ອິນກັນຖ້ວນໜ້າ… ສ່ວນວ່າບົດເພງ “ຈິງຈັງເທົ່າໃດ?” ຂອງໜຸ່ມບີ່ຈະມີຄວາມຈິງຈັງເທົ່າໃດນັ້ນ 555 ມາຟັງກັນເລີຍ… #ແຊຣໄປໃຫ້ໂລກຮູ້ເຖິງຄວາມສາມາດຂອງຄົນລາວ ຈິງຈັງເທົ່າໃດ? – Bee ອັດສະລິຍະພົງ (Official MV) ຈິງຈັງເທົ່າໃດ? – Bee ອັດສະລິຍະພົງ (Official MV)(ກົດHDເພື່ອຄວາມຄົມຊັດ)*ເຂົ້າໄປເບິ່ງຄວາມຊັດແບບເຕັມໆໄດ້ທີ່https://youtu.be/6ZhpDWu_wOk โพสต์โดย Bee Atsaryaphong บน 19 พฤษภาคม 2017   ມີຮູບພາບຂອງໜຸ່ມ ບີ່ ອັດສະຣິຍະພົງ ມາຝາກທຸກຄົນນຳເດີ້… ທີ່ມາ: Bee Atsaryaphong

ແລງໆແບບນີ້ມາພົບກັນອີກແລ້ວກັບບົດຄວາມດີໆທີ່ຈະຊ່ວຍສ້າງຄວາມຮູ້ໃໝ່ໆ ສ້າງຄຸນຄ່າ ສ້າງພະລັງ ສ້າງແຮງບັນດານໃຈດີໆໃຫ້ກັບໝູ່ເພື່ອນທຸກຄົນ ເຊິ່ງມື້ນີ້ ຊະນີIndy ກໍໄດ້ໄປຊອກເຟັ້ນເອົາບົດຄວາມດີໆຈາກບົດຄວາມຂອງແມ່ຍິງເກັ່ງຂອງລາວເຮົາອີກໜຶ່ງທ່ານນັ້ນກໍຄືບົດຄວາມຈາກ ເອື້ອຍ ວັນທະວີ ສຸພານຸວົງ ເຊິ່ງເພິ່ນກໍເປັນແມ່ຍິງທີ່ເກັ່ງຮອບດ້ານ ນັກປົກປ້ອງສິດທິຂອງແມ່ຍິງ ແລະ ເດັກນ້ອຍ, ທີ່ປຶກສາທາງດ້ານກົດໝາຍ ແລະ ເພິ່ນກໍຍັງເປັນ ບັນນາທິການ ວາລະສານ ຂວັນໃຈ ຂອງເຮົານຳ, ເຊິ່ງບົດຄວາມທີ່ນຳມາຝາກກັນໃນມື້ນີ້ກໍຄື “ຮ່ວມປະເວນີກ່ອນການເປັນຜົວເມຍ ແມ່ຍິງມີກົດໝາຍຄຸ້ມຄອງ” ລອງມາອ່ານບົດຄວາມດີໆນີ້ໄດ້ເລີຍ!!! #ຢ່າລືມແຊຣບົດຄວາມດີໆເພື່ອເປັນກຳລັງໃຈໃຫ້ແມ່ຍິງທຸກໆຄົນ ເອື້ອຍວັນ ນ້ອງຄົບກັບແຟນຫຼາຍປີ ແລະມີຄວາມສຳພັນເລິກເຊິ່ງ ແຕ່ສຸດທ້າຍ ລາວກໍຖິ້ມນ້ອງ ໄປແຕ່ງດອງກັບຍິງອື່ນ ນ້ອງຄວນເຮັດແນວໃດດີ? … ເຖິງແມ່ນວ່າ ປະຈຸບັນສະຖານະພາບແມ່ຍິງເຮົາ ຈະເທົ່າທຽມກັບຜູ້ຊາຍ ໃນແງ່ຂອງກົດໝາຍ ແຕ່ໃນແງ່ຂອງຮີດຄອງ-ປະເພນີ ແມ່ຍິງເຮົາກໍຍັງເສຍປຽບຢູ່ຫຼາຍ … ໂດຍສະເພາະການໃຫ້ຄຸນຄ່າ ເລື່ອງການຮ່ວມປະເວນີ ຫຼືມີເພດສຳພັນ ຜູ້ຊາຍຈະຖືກຕັດສິນວ່າເປັນຝ່າຍ “ໄດ້” ສ່ວນແມ່ຍິງຈະຖືກບອກວ່າ ເປັນຝ່າຍ “ເສຍ” ໂດຍສະເພາະແມ່ນກຽດສັກສີ …