ຂ່າວບັນເທີງໃນປະເທດ

ທະນາຄານແຫ່ງ ສປປ ລາວ ໄດ້ອອກແຈ້ງການສະບັບເລດທີ 424/ທຫລ ແລະ ແຈ້ງໃຫ້ຊາບວ່າໃນໄລຍະທີ່ຜ່ານມາຍັງມີບຸກຄົນ, ນິຕິບຸກຄົນ, ພໍ່ຄ້າຊາວຂາຍ ແລະ ບັນດາຫ້າງຮ້ານຕ່າງໆ ໃນ ສປປ ລາວ ນຳເອົາທະນະບັດ (ເງິນກີບ) ໃບໃໝ່ໄປວາງຂາຍ ຫຼື ແລກປ່ຽນເພື່ອເກງກຳໄລ ໃນຮູບແບບຕ່າງໆເຊັ່ນ: ວາງຂາຍຕາມຮ້ານຂາຍວັດຖຸເຄື່ອງມີຄ່າ ແລະ ເຮັດເປັນຕົ້ນກາລະພຶກ ເພື່ອວາງຂາຍ ແລະ ອື່ນໆ, ເຊິ່ງການກະທຳດັ່ງກ່າວຖືວ່າເປັນສິ່ງທີ່ບໍ່ຖືກຕ້ອງ, ຂັດຕໍ່ການຮັກສາຄ່າຂອງເງິນກີບ ແລະ ຂໍ້ຫ້າມຂອງກົດໝາຍຂອງທະນາຄານແຫ່ງ ສປປ ລາວ ສະບັບປັບປຸງເລກທີ 47/ສພຊ, ລົງວັນທີ 19 ມິຖຸນາ 2018, ສ້າງຄວາມບໍ່ສະຫງົບ ແລະ ຄວາມບໍ່ເປັນລະບຽບຮຽບຮ້ອຍໃນສັງຄົມ. ສະນັັ້ນ!! ທະນະຄານແຫ່ງ ສປປ ລາວ ຈຶ່ງບໍ່ອະນຸຍາດໃຫ້ບຸກຄົນ, ນິຕິບຸກຄົນ, ພໍ່ຄ້າຊາວຂາຍ ແລະ ບັນດາຫ້າງຮ້ານຕ່າງໆ …

ໃນປະເທດ ຍີ່ປຸ່ນ ບໍ່ວ່າຈະເປັງຫຍັງກໍເປັນ Uniform ໄປໝົດ ບໍ່ເວັ້ນແຕ່ເວລາໄປສະໝັກງານທີ່ແມ່ຍິງຕ້ອງໃສ່ສູດດຳ-ກະໂປ່ງຍາວ-ເກີບສົ້ນສູງ ແຖມຕ້ອງເຮັດຜົມຊົງຫາງມ້າ ພ້ອມໜ້າມ້າປາດຢ່າງເປັນລະບຽບຮຽບຮ້ອຍ, ດັ່ງນັ້ນ!!! Pantene ຈຶ່ງທົນບໍ່ໄຫວ ແລະ ເຮັດສື່ໂຄສະນາໃຫ້ສາວໆໄດ້ອອກມາປະກາດຈຸດຍືນ ແລະ ເປັນຕົວຂອງຕົວເອງ. ເລື່ອງມັນເລີ່ມທີ່ຢູ່ປະເທດ ຍີ່ປຸ່ນ ຈະມີຊ່ວງທີ່ຜູ້ຄົນຈະຊອກກາວຽກເຮັດ ແລະ ຈະມີເອີ້ນໄດ້ວ່າເປັນລະດູແຫ່ງການສະໝັກວຽກເລີຍກໍວ່າໄດ້ ເຮັດໃຫ້ເວລາຍ່າງໄປໃສໃນປະເທດດັ່ງກ່າວກໍຈະພົບເຈິແຕ່ຄົນທີ່ແຕ່ງຕົວຄ້າຍໆກັນໄປໝົດ ໂດຍສະເພາະນັກສຶກສາຍິງຈົບໃໝ່ທີ່ຕ້ອງມາພ້ອມກັບສູດສີດຳ ແລະ ກະໂປງສີດຳ ໃສ່ຖົງຕີນ ກັບເກີບສົ້ນສູງ ແຕ່ທີ່ຂາດບໍ່ໄດ້ເລີຍຄືທົງຜົມລວບຫາງມ້າ ພ້ອມກັບໜ້າມ້າປາດ ເຮັດໃຫ້ Pantene ປະເທດ ຍີ່ປຸ່ນ ຕັດສິນໃຈເຮັດແບບສຳຫຼວດກັບແມ່ຍິງທີ່ກຳລັງຊອກວຽກກວ່າ 1,000 ຄົນ ແລະ ພົບວ່າພວກນາງຕ່າງກໍພາກັນຢາກມີອິດສະຫຼະໃນການແຕ່ງກາຍ ເວລາທີ່ໄປສະມັກວຽກຫຼາຍຂຶ້ນ ໂດຍສະເພາະເລື່ອງຊົງຜົມ ແຕ່ທຸກໆຄົນກໍເຂົ້າໃຈເຖິງຄວາມຍາກທີ່ຈະປ່ຽນແປງ, ດັ່ງນັ້ນ Pantene ຈຶ່ງ Tweet ຮູບພາບເພື່ອສະແດງໃຫ້ເຫັນວ່າແມ່ຍິງທຸກຄົນສາມາດເຮັດເລື່ອງນີ້ໄດ້ ນອກຈາກນີ້ຍັງຊື້ໂຄສະນາໜັງສືພິມການເງິນຢ່າງNikkei ແບບເຕັມໜ້າ ເພື່ອສະແດງຮູບພາບ ແລະ ຂໍ້ຄວາມດຽວທີ່ໃຊ້ໃນTwitterດ້ວຍ ເຊິ່ງປະໂຫຍກກໍຄົງບໍ່ພົ້ນ …

ແວະວຽນມາອີກໜຶ່ງເວທີປະກວດນາງງາມ Miss international laos 2018 ປະກາດຜົນກັນໄປແບບສົດໆຮ້ອນໆໃນຄໍ່າຄືນຂອງວັນທີ 14 ຕຸລາ 2018 ແລະ ເຮົາກໍ່ໄດ້ຮູ້ກັນແລ້ວວ່າ ສາວງາມທີ່ຄວ້າມົງກຸດອັນຊົງກຽດໃນປີນີ້ໄປກໍຄື ປິຍະມາດ ພູນປະເສີດ (ບາບີ້) ໄດ້ເປັນ Miss international laos 2018 ແລະ ຈະໄດ້ເປັນຕົວແທນສາວງາມຈາກປະເທດລາວ ໄປປະກວດ Miss international 2018 ທີ່ປະເທດຍີ່ປຸ່ນ ໃນວັນທີ 9 ພະຈິກ 2018 ນີ້. (ຂໍສະແດງຄວາມຍິນດີນຳຫຼາຍໆ) ສ່ວນຕຳແໜ່ງຮອງ Miss international laos 2018 ມີດັ່ງນີ້: ຮອງອັນດັບ1 ນາງ ຢາດຟ້າ ພົມມະວົງໄຊ ຮອງອັນດັບ2 ນາງ ຄຸນນະສິນ ພິມພາ ຢ່າງໃດກໍ່ຂໍສະແດງຄວາມຍິນດີກັບບັນດານ້ອງໆສາວງາມທີ່ໄດ້ຮັບຕຳແໜ່ງ ແລະ ກຳລັງຈະໄດ້ເປັນສາວງາມຕົວແທນປະເທດລາວ ໄປປະກວດໃນເວທີລະດັບໂລກ ແລະ ຈົ່ງເຮັດໜ້າທີ່ອັນຊົງກຽດທີ່ໄດ້ຮັບໃນຄັ້ງນີ້ ໃນການເຜີຍແຜ່ໃຫ້ຕ່າງຊາດໄດ້ຮູ້ຈັກວ່າປະເທດລາວເຮົາກໍ່ເປັນປະເທດທີ່ມີດີຫຼາຍຢ່າງ ແລະ ຄົນລາວເຮົາກໍ່ມີຄວາມສາມາດບໍ່ແພ້ຊາດອື່ນໃນໂລກ. …

ໄດ້ແລ້ວເດີ້… ຢາກຈະມາຝອຍເລື່ອງປະເດັນ Talk of the town ໃນຊ່ວງທ້າຍອາທິດທີ່ຜ່ານມາ ຫຼັງຈາກໄດ້ຮູ້ກັນໄປຄ່າວໆແລ້ວວ່າ ສຸກ ສາຍສີ ອາຍຸ 23 ປີ ອາຊີບນັກຮ້ອງ ເປັນໜຸ່ມໂສດຈາກປະເທດລາວ ໄດ້ໄປອອກລາຍການເລືອກຄູ່ຊື່ດັງ Take Me Out Thailand ທີ່ປະເທດໄທ, ຫຼ້າສຸດເພິ່ນກໍ່ໄດ້ສາວມາຄວງແລ້ວເດີ້ ເປັນສາວໄທ ໜ້າຕາໜ້າຮັກ ນາມວ່າ ຝ້າຍ, ຫັນແນ່…ເວົ້າມາແລ້ວກໍ່ຢາກເຫັນແມ່ນບໍ່ວ່າສາວໄທຂອງໜຸ່ມລາວຄົນນີ້ຈະມີນິດໃສໃຈຄໍ ແລະ ມີຄວາມໜ້າຮັກປານໃດ ລອງມາເບິ່ງຄລິບທີ່ ຊະນີIndy ໄດ້ເອົາມາຝາກກັນນີ້ເບິ່ງເນາະ.   ເບິ່ງແລ້ວເປັນແນວໃດແດ່ ທັງສອງເໝາະສົມກັນແດ່ບໍ່? ສ່ວນຄວາມສຳພັນຂອງທັງສອງຈະເປັນແນວໃດຕໍ່ໄປ ກໍຄົງຕ້ອງໄດ້ຕິດຕາມກັນໄປແບບຍາວໆ ແລະ ຈັບຕາກັນແບບບໍ່ໄດ້ຫຼັບ ບໍ່ໄດ້ນອນກັນເລີຍເດີ້ງານນີ້!!! ຮູບພາບ ແລະ ຄລິບຈາກ: Take Me Out Thailand

ອາເລັກຊານດຼ້າ ບຸນຊ່ວຍ ນັກຮ້ອງ-ນັກສະແດງ ຊື່ດັງຈາກປະເທດລາວ ທີ່ຫຼ້າສຸດບິນລັດຟ້າໄປຮ່ວມກອງປະຊຸມ Illegal Wildlife Trade ທີ່ນະຄອນຫຼວງລອນດອນ ປະເທດ ອັງກິດ ແລະ ທີ່ເຮັດໃຫ້ແຟນໆປະທັບໃຈໄປກວ່ານັ້ນກໍ່ຄືນາງມີໂອກາດໄດ້ຂຶ້ນປາຖະກະຖາ ໃນງານກອງປະຊຸມ ກ່ຽວກັບການຄ້າຂາຍສັດປ່າ ແບບຜິດກົດຫມາຍ ຢູ່ນະຄອນຫຼວງລອນດອນ ປະເທດອັງກິດ. ລອງມາຟັງວ່າ  ອາເລັກຊານດຼ້າ ຈະກ່າວແບບໃດ??? ເປັນແນວໃດກັນແດ່ກັບບົດກ່າວຂອງນາງ! ບອກເລີຍວ່າ ອາເລັກຊານດຼ້າ ບຸນຊ່ວຍ ນັກຮ້ອງ-ນັກສະແດງຈາກລາວເຮົາ ຂຶ້ນກ່າວໄດ້ໜ້າປະທັບໃຈຫຼາຍໆ!!! (ຂໍສຽງຕົບມືໃຫ້ສາວຄົນນີ້ແດ່ໄວໆໆໆ…) ທີ່ມາ: Alexandra Bounxouei – ອາເລັກຊານດຼາ ບຸນຊ່ວຍ