Entertainment Lao

“ຈັນດາລີ ສິດພະໄຊ” ຫຼືທີ່ທຸກຄົນຮູ້ກັນດີໃນນາມ “ໝໍແນ່ງ”  ບໍ່ວ່າບ້ານເຮົາຈະປະເຊີນກັບວິກິດໃດເພິ່ນກໍເປັນອີກໜື່ງຄົນທີ່ເຂົ້າມາຊ່ວຍເຫຼືອສັງຄົມເຮົາຕະຫຼອດມາບໍ່ວ່າຈະເປັນວິກິດການນໍ້າຖ້ວມພາກໃຕ້ທີ່ມາ ແລະ ສະພາວະພະຍາດລະບາດໂຄວິດແຜ່ລະບາດໝໍແນ່ງຄົນນີ້ກໍໄດ້ໃຫ້ການຊ່ວຍເຫຼືອຫຼາຍພາກສ່ວນບໍ່ວ່າຈະເປັນແພດໝໍ, ໜ່ວຍງານກູ້ໄພ… ເມື່ອບໍ່ດົນມານີ້ ໜໍແນ່ງຄົນເກັ່ງເຮົາ ກໍໄດ້ສົມທົບທຶນຊ່ວຍເຫຼືອ ໄຟໄໝ້ປ່າຢູ່ທີ່ແຂວງຫຼວງນໍ້າທາ ທາງພາກເໜືອຂອງປະເທດລາວເຮົາທີ່ໄດ້ຮັບຜົນເສຍບໍ່ໜ້ອຍ!!! ຂວັນໃຈຂໍຊົມເຊີຍ ໝໍແນ່ງ ທີ່ຄອຍຊ່ວຍເຫຼືອສັງຄົມລາວເຮົາຕະຫຼອດມາບໍ່ວ່າຈະພົບກັບວິກິດໃດກໍຕາມ ສົມກັບເປັນນາງຟ້າຂອງເມືອງລາວອີຫຼີ! ຂອບໃຈຂໍ້ມູນຈາກ: Chandaly Ningnang Sitpraxay  

ເປັນນາງງາມລາວທີ່ມີສາຍາ ນາງງາມໃຈບຸນອີກຄົນໜຶ່ງທີ່ໄດ້ຮັບຄວາມນິຍົມ-ຍົກຍ້ອງຈາກແຟນນາງງາມ ແລະ ສັງຄົມມາໂດຍຕະຫຼອດ ສໍາລັບ ເຈນນີ່ ຕົ້ນຄໍາ ພົນຈັນເຮືອງ Miss World 2017 ທີ່ຕັ້ງແຕ່ໄດ້ຮັບຕໍາແໜ່ງອັນຊົງກຽດນັ້ນມາ ເຮົາກໍຈະເຫັນວ່າ ເຈນນີ່ ໄດ້ເຮັດຫຼາຍໆຢ່າງເພື່ອຊ່ວຍເຫຼືອສັງຄົມລາວມາໂດຍຕະຫຼອດ ແລະ ຫຼ້າສຸດມື້ນີ້ ເຈນນີ່ ກໍໄດ້ສ້າງຄວາມປະທັບໃຈຈົນຢາກບອກວ່າ ຫຼົງງຮັກນາງແຮງອີກຄັ້ງ ເນື່ອງຈາກສະພາບການບ້ານເມືອງເຮົາເກີດວິກິດ ໂຄວິດ-19 ເຮັດໃຫ້ຫຼາຍຄົນບໍ່ມີວຽກເຮັດງານທໍາ ຫຼືບາງຄົນກໍບໍ່ມີບ້ານມີເຮືອນຢູ່ແລ້ວ ອາໄສຂໍກິນຕາມຮ້ານຕ່າງໆ ເມື່ອຫ້າງຮ້ານປິດກໍບໍ່ມີແມ່ນແຕ່ເຂົ້າຈະກິນ ແລະ ເຈນນີ່ ກໍໄດ້ຢູ່ເສີຍບໍ່ໄດ້ ຈຶ່ງເດີນສາຍແຈກເຂົ້າ-ນໍ້າ ໃຫ້ກັບຄົນວ່າງງານ, ບໍ່ມີວຽກເຮັດ, ບໍ່ມີເງິນກິນເຂົ້າ, ບໍ່ມີບ່ອນນອນ ຫຼືບາງຄົນກໍກັບບ້ານບໍ່ໄດ້… ໂອ່ຍ!!! ຄົນອີ່ຫຍັງທັງງາມທັງເກັ່ງຢູ່ແລ້ວ ຍັງມີແຕ່ຈິດໃຈເມດຕາ ສົມກັບສາຍາ ນາງງາມໃຈບຸນ ອີ່ຫຼີເດີ່… ຂວັນໃຈກໍຂໍສະແດງຄວາມຂອບໃຈ ສາວເຈນນີ່ ແທນສັງຄົມລາວເຮົານໍາຫຼາຍໆເນີ່ ພ້ອມທັງຂໍໃຫ້ເຈນນີ່ມີແຕ່ຄວາມຈະເລີນຍິ່ງໆຂຶ້ນໄປເດີ້…. ໂພສດັ່ງກ່າວ:   Cr: Tonkham Phonchanheuang

ເມ ເນລະມິດ Miss World Laos 2019  ເປັນນາງງາມອີກໜື່ງຄົນຂອງລາວ ທີ່ທັງງາມ ທັງເກ່ັ່ງ ແລະ ມີຄວາມສາມາດທີ່ຫຼາກຫຼາຍ ພ້ອມນັ້ນກໍຍັງມີຄວາມນ່າຮັກ ສົດໃສ!  ດັ່ງທີ່ເຮົາຮູ້ກັນແລ້ວວ່າຜ່ານມາທ້າຍປີ 2019  ສາວ ເມ ກໍໄດ້ເປັນຕົວແທນນາງງາມລາວໄປປະກວດ Miss World 2019 ຢູ່ທີ່ກຸງລອນດອນ ປະເທດອັງກິດ ມື້ນີ້ຂວັນຈະພາແຟນໆໄປເບິ່ງວ່າສາວ ເມ ເພິ່ນໄດ້ຜ່ານຫຍັງມາແດ່ກວ່າຈະໄປຮອດຈຸດນັ້ນ ເຮົາໄປເບິ່ງນໍາກັນເລີຍ… ] ຈາກເດັກນ້ອຍບ້ານນອກກັບການເດີນທາງຄົນດຽວໄປປະກວດ ຢູ່ກຸງລອນດອນ, ມັນເປັນເລື່ອງທີ່ທ້າທາຍຫຼາຍ ແລະ ເປັນຄັ້ງທໍາອິດໃນຊີວິດ ທີ່ຕ້ອງເດີນທາງໃຊ້ເວລາຢູ່ເທິງຍົນ 13ຊົ່ວໂມງ ເພາະ ເມ ບໍ່ເຄີຍເດີນທາງໄກປານນີ້ຈັກເທື່ອ, ພໍແຕ່ຍົນແຕະຮອດພື້ນສະໜາມບິນ ຮີດໂທຣ ລອນດອນ ເບິ່ງໄປອ້ອມຮອບບໍ່ຄຸ້ນໜ້າໃຜເລີຍຄືກັບວ່າຫຼຸດເຂົ້າໄປໃນໜັງຕ່າງປະເທດ, ສັງເກດປ້າຍໄປເລື້ອຍໆຈົນເຫັນເຈົ້າໜ້າທີ່ຜູ້ໜຶ່ງຢືນຈັບເຈ້ຍທີ່ມີຊື່ເມຢູ່ ຄວາມຮູ້ສຶກຕອນນັ້ນຄືໂລ່ງໃຈແຮງ ເພິ່ນບອກວ່າ ການບິນໄທ ທີ່ເປັນສະປອນເຊີ້ ໂທລະເລກມາໃຫ້ຖ້າຮັບ ແລ້ວພາໄປເອົາກະເປົາທີ່ເດີນທາງມາພ້ອມກັບເມ 6 ຫີບໃຫຍ່, ອອກມາແລ້ວກໍເຫັນທີມງານກອງປະກວດ …

ສະພາບການບ້ານເມືອງເຮົາໃນປັດຈຸບັນຖືວ່າກຳລັງຢູ່ໃນຊ່ວງພະຍາດບາດໂຄວິດ COVID_19 ແຜ່ລະບາດ ແລະ ຫຼ້າສຸດໃນ ສ ປປລາວເຮົາກໍມີຈໍານວນຜູ້ຕິດເຊື້ອເພີ່ມຂຶ້ນເປັນ 10 ຄົນແລ້ວ!  ເຖິງບ້ານເຮົາຈະຕົກຢູ່ໃນຊ່ວງວິກິດແບບນີ້ແຕ່ຄົນລາວເຮົາກໍບໍ່ໄດ້ລະເລີຍນໍ້າໃຈຕໍ່ກັນ ຍັງມີຫຼາຍຄົນ, ຫຼາຍພາກສ່ວນຮ່ວມແຮງຮ່ວມໃຈກັນສາມັກຄີກັນຊ່ວຍເຫຼືຶອສັງຄົມ… ເພື່ອຕໍ່ສູ້ກັບ COVID_19 ຂວັັນໃຈ ເຊື່ອວ່າແຟນໆຫຼາຍຄົນຍັງຈື່ຈໍາ ແລະ ຄິດຮອດ ນັກຮ້ອງດັງລາວຄົນນີ້ ສໍາຫຼັບ ໜຸ່ມ “ບູຣາຕິໂນ້ ວົງປະກາຍ” ເພາະໜຸ່ມຄົນນີ້ໄດ້ຝາກຜົນງານຄຸນະພາບໄວ້ຢ່າງຫຼາກຫຼາຍ ໂດຍສະເພາະແມ່ນຜົນງານສຽງເພງທີ່ຫຼາຍໆຄົນອາດຈະຄຸ້ນຫູກັນມາກ່ອນນັ້ນກໍຄືເພງ: “ເຊົາຫຼາຍໃຈໄດ້ບໍ່” ແລະ ເພງ “ຂາດເຈົ້າຂາດໃຈ” ຖືໄດ້ວ່າເປັນຜົງານເພງຮິດທີ່ໄດ້ຮັບກະແສຕອບຮັບຢ່າງລົ້ນຫຼາມຈາກແຟນເພງ… ຫຼ້າສຸດເມື່ອບໍ່ດົນມານີ້ມານີ້ໜຸ່ມ “ບູຣາຕິໂນ້” ກໍໄດ້ໂພສຜ່ານເຟສບຸກສ່ວນຕົວວ່າ: “ມື້ນີ້ໄດ້ມອບອຸປະກອນການແພດ ເປັນກ່ອງອະຄຣີລິກປ້ອງກັນການແພ່ກະຈາຍເຊື້ອລະຫວ່າງຄົນເຈັບກັບຫມໍ ໃຫ້ທ່ານຫມໍໄວ້ກວດຫາເຊື້ອພະຍາດໂຄວິດ-19 ຈຳນວນ 4 ກ່ອງ ມູນຄ່າ 2,800,000 ກີບ ໃຫ້ແກ່ທີມແພດຫມໍ ໂຮງຫມໍ 150 ຕຽງ… ກ່ອງອະຄຣີລິກເປັນກ່ອງທີ່ສາມາດປ້ອງກັນການແຜ່ກະຈາຍເຊື້ອລະຫວ່າງຄົນເຈັບ ແລະ ທ່ານໝໍໄດ້ທັງເປັນປະໂຫຍດຢ່າງຫຼວງຫຼາຍໃນວິກິດການແບບນີ້ ຂວັນໃຈຂໍຊົມເຊີຍ ໜຸ່ມ ບູຣາຕິໂນ້ ທີ່ໃນຍາມບ້ານວິກິດແບບນີ້ຍັງມີນໍ້າໃຈເປັນສ່ວນໜື່ງໃນການຊ່ວຍເຫຼືອສັງຄົມແບບນີ້ …

ເລື່ອງສຸຂະພາບເປັນສິ່ງທີ່ທຸກຄົນຕ້ອງໃຫ້ຄວາມສໍາຄັນ ຍິ່ງເປັນໄລຍະທີ່ຕ້ອງສູ້ກັບພະຍາດໂຄວິດ – 19 ກໍຕ້ອງເພີ່ມການເບິ່ງແຍງສຸຂະພາບໃຫ້ແຂງແຮງ ພ້ອມທັງປະຕິບັດຕາມກະຊວງສາທາລະນະສຸກ ເພິ່ນແນະນຳເພື່ອປ້ອງກັນຕົວເອງ ແລະ ຄົນອື່ນ… ມື້ນີ້ຂວັນໃຈຈະພາໄປຕິດຕາມ ຄໍາຄິດເຫັນຂອງນັກຮ້ອງໜຸ່ມສຸດຮ໋ອດ ໂຈໂຈ້ miracle… ໂຈໂຈ້ ນັກຮ້ອງຄົນດັງລາວ ແລະ ຜູ້ກຳກັບ ໄດ້ໃຫ້ສໍາພາດວ່າ: ສຳລັບຕົນເອງພະຍາດໂຄວິດ – 19 ຖືວ່າເປັນພະຍາດໃໝ່ ແລະ ການແຜ່ລະບາດແມ່ນວ່ອງໄວກວ່າທີ່ເຮົາຄິດ, ຖ້າຈະໃຫ້ເວົ້າເຖິງການປ້ອງກັນຈາກພະຍາດຊະນິດນີ້ຄິດວ່າເຮົາຄວນເລີ່ມຈາກຕົວເຮົາເອງໃນການຮັກສາຄວາມສະອາດ, ໝັ່ນລ້າງມື ຫຼື ຂ້າເຊື້ອດ້ວຍແອລກໍຮໍ ແລະ ສິ່ງສຳຄັນໃນສະຖານະການສຸ່ມສ່ຽງແບບນີ້ທຸກຄົນຄວນຫຼີກລຽງການພົບປະຜູ້ຄົນຢູ່ໃນສະຖານທີ່ຊຸມຊົນ ຫຼື ມີຈຳນວນຄົນຫຼາຍໆ ເພາະພະຍາດນີ້ມັນສາມາດແຜ່ເຊື້ອຜ່ານການໄອ, ການຈາມ ແລະ ການສຳຜັດຂອງຄົນຕໍ່ຄົນໄດ້. ນອກຈາກການປ້ອງກັນຕົນເອງແລ້ວໃນຖານະທີ່ຕົນເອງເປັນປະຊາຊົນຄົນໜຶ່ງ ແລະ ຕອນນີ້ຂ່າວຂອງພະຍາດກໍລະບາດໃນຫຼາຍປະເທດ. ສະນັ້ນ, ກໍບໍ່ຢາກໃຫ້ທຸກຄົນຖືເບົາ, ເສບຂ່າວຢ່າງມີສະຕິ ແລະ ຕ້ອງເລີ່ມຈາກຕົວເຮົາເອງທີ່ຕ້ອງລະມັດລະວັງໃຫ້ຫຼາຍຂຶ້ນ. ຕົນເອງກໍບໍ່ຮູ້ລາຍລະອຽດຢ່າງຈະແຈ້ງແຕ່ສິ່ງທີ່ເຮົາເຮັດໄດ້ເພື່ອຫຼີກລຽງພະຍາດນີ້ເຮົາສາມາດຫາຂໍ້ມູນໃນອິນເຕີເນັດທີ່ໜ້າເຊື່ອຖື ເພື່ອກວດເບິ່ງວິທີປ້ອງກັນ ແລະ ວິທີເບິ່ງແຍງຮ່າງກາຍ ລວມທັງການເບິ່ງແຍງສຸຂະພາບ, ພະຍາຍາມບໍ່ອອກໄປໃນສະຖານທີ່ແອອັດ …