News

ເປັນອີກມຸມໜ້າຮັກໆ ມຸມປະທັບໃຈ ທີ່ຢາກຈະມາເລົ່າຂ່າວສູ່ແຟນໆຟັງ ເປັນເລື່ອງລາວຂອງເດັກນັກຮຽນມັດທະຍົມປາຍຈາກ ສະຫະລັດອາເມລິກາ (USA) ທີ່ມີໂອກາດໄດ້ມາຢ້ຽມຢາມ ນະຄອນຫຼວງພະບາງ ປະເທດລາວ ເຊິ່ງພວກເຂົາໄດ້ໄປທີ່ວັດຊຽງທອງ ວັດເກົ່າແກ່ບູຮານ ເພື່ອຮຽນຮູ້ກ່ຽວກັບວັດທະນະທຳລາວ ນຳພາໂດຍບັນດາທູດວັດທະນະທຳໄວໜຸ່ມຈາກລາວຈຳນວນ 5 ນ້ອງຈາກ @Mylibrary ທີ່ແຂວງຫຼວງພະບາງ, ເຊິ່ງແຟນໆຮູ້ຫຼືບໍ່ວ່າເມື່ອນ້ອງໆນັກຮຽນຈາກ ສະຫະລັດອາເມລິກາ ໄດ້ເຫັນພວກເຂົາຕ່າງກໍ່ພາກັນຕົກຕະລຶງກັບຄວາມສວຍສົດງົດງາມຂອງວັດວາອາຮາມ ບໍ່ຄິດວ່າຈະມີສະຖານທີ່ໃດໃນໂລກທີ່ສວຍງາມ ສົມແລ້ວທີ່ເປັນເມືອງມໍລະດົກໂລກ. ເຊິ່ງຕົວແທນນ້ອງໆນັກຮຽນຈາກ ສະຫະລັດອາເມລິກາ ຍັງໄດ້ກ່າວວ່າ: “ຢູ່ນີ້ຮ້ອນໜ້ອຍໜຶ່ງ, ແຕ່ວ່າປະຊາຊົນລາວ ໃຈດີຫຼາຍ ແລະ ວັດວາອາຮາມກໍງາມອີ່ຫຼີ! ປະສົບການໃນ ສປປ ລາວຂອງຂ້າພະເຈົ້າຕອນນີ້ແມ່ນມ່ວນຫຼາຍ! ຂ້າພະເຈົ້າພ້ອມແລ້ວທີ່ຈະຮຽນຮູ້ຕື່ມອີກ!” (ຢ່າງໃດກໍ່ຍິນດີຕ້ອນຮັບ ນ້ອງໆນັກຮຽນຈາກ ສະຫະລັດອາເມລິກາ ທຸກໆຄົນ, ຂໍໃຫ້ທ່ອງທ່ຽວ ປະເທດລາວ ຢ່າງມ່ວນຊື່ນ ແລະ ມີຄວາມສຸກ) ທີ່ມາ: fb/U.S. Embassy Vientiane

ວ້າວໆໆໆ! ເປັນກະແສຮ້ອນແຮງໃນໂລກອອນລາຍ ເມື່ອມີຊາວເນັດແຊຣພາບຂອງແມ່ຍິງຈາກປະເທດເພື່ອນບ້ານ (ປະເທດໄທ) ທີ່ຂ້ອນຂ້າງມີອາຍຸ ແຕ່ປະເດັນກໍ່ຄື ແມ່ຍິງຄົນນີ້ຍັງງາມ ຍັງສາວ ແລະ ຍັງຫຸ່ນດີເວີ້ ຈົນສາວໆແບບເຮົາຍັງຕ້ອງອາຍ, ເຊິ່ງຫຼ້າສຸດ ຊະນີIndy ກໍ່ບໍ່ພາດທີ່ຈະມາອັບເດດຂໍ້ມູນຂອງແມ່ຍິງຄົນນີ້ໃຫ້ແຟນໆໄດ້ຮູ້ເຊັ່ນດຽວກັນ. ບອກກ່ອນວ່າເຫັນອາຍຸເພິ່ນແລ້ວບໍ່ກ້າເອີ້ນ ແມ່ ຫຼື ປ້າ ເພາະ ໂສພິດ ສຸນທອນທະນະສະຖິດ ຫຼືຊື່ຫຼິ້ນຂອງເພິ່ນກໍ່ຄື (ນ້ອງ) ອາຍຸໄດ້ 55 ປີແລ້ວ (ວ້າວວວວ) ແຕ່ຍັງມີເຄົ້າໂຄງຄວາມງາມແບບສາວໆເລີຍ ຍອມຮັບວ່າເພິ່ນເບິ່ງແຍງຕົວເອງດີອີ່ຫລີ ແລະ ເພິ່ນຍັງມີໄລ້ສະຕາຍການໃຊ້ຊີວິດ ມີທັດສະນະຄະຕິທີ່ດີ ຈົນກາຍເປັນໄອດໍ້ຂອງສາວໆຍຸກໃໝ່ຈຳນວນຫຼາຍ. ເບິ່ງໃຫ້ແຈ້ງໆໄປເລີຍ ນີ້ແຫຼະຄົນອາຍຸ 55 ປີ (ເຫັນຫຸ່ນເພິ່ນແລ້ວກົ້ມເບິ່ງພຸງຕົວເອງດ່ວນນນ 555) ຮູບພາບ: fb/Sopit Soonthorntanasatit

ການດື່ມເບຍເອີ້ນໄດ້ວ່າເປັນການພັກຜ່ອນສະໝອງຢ່າງໜຶ່ງ ແຕ່ລະຄົນເວລາດື່ມກະສິມີປະເພດທີ່ດື່ມໄດ້ຫຼາຍດື່ມໄດ້ໜ້ອຍຫຼືເອີ້ນວ່າຄໍແຂງຄໍໍອ່ອນກະວ່າກັນໄປແຕ່ຫຼ້າສຸດທາງເບຍລາວໄດ້ເຮັດເບຍສາມລົດຊາດອອກມາໃຫ້ກັບຄົນລາວໄດ້ທົດລອງລົດຊາດໃໝ່ເໝາະກັບທຸກແບບທຸກສະຕ໋າຍຂອງນັກດື່ມແຕ່ລະຄົນໃນນັ້ນຈະມີ: Beerlao White ລົດຊາດນຸ່ມນວນ – ມີສີຂາວຂຸ່ນອັນໂດດເດັ່ນ, ພ້ອມທັງມີກິ່ນຫອມຂອງເປືອກໜາກກ້ຽງໃຫ້ຄວາມສົດຊື່ນທີ່ເປັນເອກະລັກ. ຜ່ານຂະບວນການຜະລິດທີ່ພິຖີພິຖັນເຮັດໃຫ້ໄດ້ເບຍທີ່ມີລົດຊາດລະມຸນນຸ່ມນວນ. Beerlao Hoppy ລົດຊາດກົມກ່ອມ – ມີກີ່ນຫອມອ່ອນໆຂອງຄາຣາເມວ ແລະ ເປືອກໝາກນາວໃຫ້ລົດຊາດສົດຊື່ນ, ຜ່ານຂະບວນການຜະລິດທີ່ພິຖີພິຖັນເຮັດໃຫ້ ມອລ ແລະ ຮັອບປະສົມປະສານກັນຢ່າງລົງໂຕ ຈົນໄດ້ນ້ຳເບຍສີເຫຼືອງທອງ, Beerlao Amber ລົດຊາດເຂັ້ມຂຸ້ນ – ມີສີນໍ້າຕານແດງໃຫ້ລົດຊາດເຂັ້ມຂຸ້ນ, ມີກິ່ນຫອມຂອງຄາຣາເມວທີ່ໂດດເດັ່ນ. ຜ່ານຂະບວນການຜະລິດທີ່ພິຖີພິຖັນເຮັດໃຫ້ໄດ້ລົດຊາດທີ່ລົງໂຕ. ຖ້າຫາກວ່າເບຍທີ່ເຈົ້າໄຝ່ຝັນມາຕະຫຼອດຄືກັບສາມລົດຊາດເບຍທີ່ເບຍລາວໄດ້ຜະລິດອອກມາເຂົ້າໄປໂຫວດລົດຊາດທີ່ຖືກໃຈເຈົ້າໄວໆເພາະເບຍນັ້ນຈະໄດ້ຢູ່ຕໍ່ ໂຫວດໄດ້ທີ website: http://www.votebeerlao.la/ ໃຜທີ່ຍັງບໍ່ເຄີຍເຫັນໂຄສະນາເບຍໃໝ່ສາມາດຮັບຊົມໄດ້ແລ້ວທີ່ Link: https://www.youtube.com/watch?v=Hxwn-kQotdE ຢ່າລືມເດັດຂາດໄປ Vote ລົດຊາດເບຍທີ່ທ່ານມັກເພື່ອໃຫ້ເບຍລົດຊາດນັ້ນໄດ້ຢູ່ຕໍ່ http://www.votebeerlao.la/

ເປັນກະແສຮືຮາ ຫຼອນໄປຕາມໆກັນ ເມື່ອມີຜູ້ໃຊ້ ເຟສບຸກ ລາຍໜຶ່ງໄດ້ໄປທີ່ຈັງຫວັດ ຊຽງໃໝ່ (ປະເທດໄທ) ແຕ່ເລື່ອງຂອງເລື່ອງກໍ່ຄືວ່າ ນາງໄດ້ຝັນຫາແມ່ຍິງເກົ່າຍຸກບູຮານ ມາບອກວ່າລໍຖ້າຕົນມາໄດ້ 115ປີແ້ລວ,  ເຊິ່ງສາວຄົນນີ້ກໍ່ໄດ້ຂຽນໂພສ ພ້ອມຮູບພາບວ່າ: “ມື້ນີ້ມາຮອດຊຽງໃຫມ່ເວລາສາມໂມງແລງ ແລະ ຮູ້ສຶກເມື່ອຍເພາະບໍ່ໄດ້ນອນ ຮອດຫ້ອງຄອບເຈົ້າທີ່ກະນອນພັກໂລດ (ກ່ອນຈະເລົ່າຂໍບອກກ່ອນວ່າຂ້າພະເຈົ້າບໍ່ເຄີຍມຊຽງໃຫມ່ຈັກເທື່ອ) ນອນປຸບກະຝັນຄືໂຕເອງຍັງຫລີ້ນໂທລະສັບຢູ່ ແນມໄປຫ້ອງນໍ້າ..ມີຜູ້ຍີງນຸ່ງຄືຊຸດກິນດອງ ສີມ້ວງ ຊຸດລາວຍ່າງອອກມາ ຮອດຕີນຕຽງ ລາວເວົ້າຄໍາເມືອງຊຽງໃຫມ່ວ່າ ມືງໄປກັບກູໄປທ່ຽວໄປ້ ຂ້ອຍກະລຸກ ໄປນໍາໂລດລາວພາຍ່າງເຂົ້າຫ້ອງນໍ້າ ຂ້ອຍເຫັນຂັນໂຕກ ສາມຂັນ ກະເອະໃຈວ່າເອົາຝັນຫວານິ!! ຍ່າງນໍາກົ້ນລາວໄປ ພາຂ້ອຍຍ່າງເຂົ້າວັດ ຂຽນຊື່ວັດວ່າ (วัดภูคํา) ຂ້ອຍກະຍ່າງໄປນໍາລາວໆພາອ້ອມສິມຄ້າຍກັບວັດຢູ່ເມືອງຫລວງ ລະໄປຈົບຢູ່ທີ່ພະທາດ ສີ່ຫລ່ຽມສີເກົ່າໆ ລະບອກຂ້ອຍວ່າ ອັນນີ້ພະທາດຂອງກູ ກູຖ້າມືງມາ115ປີ ມືງຕິດຫນີ້ກູ ມືງມາມາໃຊ້ກູດຽວນິ ຂ້ອຍຕອບວ່າ ຂ້ອຍຕິດຫຍັງເຈົ້າ? ຂ້ອຍໃຊ້ແບບອຶ່ນໄດ້ບໍ່? [ບາດນິປ່ຽນເປັນຊຸດຊົນເຜົ່າ] ບໍ່! ຊາດກ່ອນມືງເປັນສ່ຽວກູ! ມືງບອກກູຕາຍມືງກະຕາຍ!ກູຍັງມືງກະຕ້ອງຍັງຂ້ອຍກະວ່າຂ້ອຍຈື່ຊາດອະດີດບໍ່ໄດ້ ໃຫ້ຂ້ອຍເຮັດແນວໄດ?ລາວວ່າ ມືງຈື່ເດີ້ ກູຊື່ ພູຄໍາ ກູຢາກໃຫ້ມືງໃຊ້ຫນີ້ກູ ສັງຄະທານ ຂະຫນົມ ຕົ້ນເງີນ ມືງມາເຈິກູບໍ່ແມ່ນເລື້ອງບັງເອີນເນີ້ ຂ້ອຍກະໄດ້ເເຕ່ຂໍອ້ອນວອນວ່າກັບລາວ ແລ້ວຈະໄປເຮັດໃຫ້ເດີ້ ຂ້ອຍຮູ້ແລ້ວບາດນິ ສັນຍາຊິເຮັດໃຫ້ອີ່ຫລີ ຂໍໄປນອນຕໍ່ໄດ້ບໍ່ໂຄດເມື່ອຍ ກາບຕໍ່ຫນ້າພະທາດສາມບາດ ລະກະຕື່ນ ຕື່ນມາລອງເຊີສໃສ່ຄໍາວ່າ (วัดภูคำ เชียงใหม่) ຜົນທີ່ໄດ້ຄື ມີແທ້ ມີພະທາດ ມີສິມອັນດຽວກັນເລີຍ ອີ່ຫວື້ງບໍ່ໄດ້ບ້າໄບ່ ບ້ານອນ ຫລືເມົາຢາປ່າລ້າແຕ່ຢ່າງໄດ??‍♀️ຟ້າເອີ້ຍຕາຄ້າງ???????ຕາມຮູບລຸ່ມນີ້“ ເຊິ່ງໂພສດັ່ງກ່າວເຮັດໃຫ້ມີຄົນສົນໃຈ ຫຼອນໄປຕາມໆກັນ ແລະ ຍັງມີເຂົ້າມາສະແດງຄວາມຄິດເຫັນກັນຕ່າງໆນາໆ ແຖມກົດໄລ້ ກົດແຊຣໂພສດັ່ງກ່າວຢ່າງຫຼວງຫຼາຍ (ກະລຸນາໃຊ້ວິຈາລະນະຍານ) ທີ່ມາ: fb/Ningnöng Laos Windwest

ຂໍ້ຫ້າມສໍາລັບຜູ້ສອບເສັງ ຫ້າມນັກສຶກສາຂອງ ມຊ ທີ່ກໍາລັງຮຽນຢູ່ໃນແຕ່ລະຄະນະວິຊາ ສະໝັກສອບເສັງເດັດຂາດ. ຫ້າມນຳເອົາປຶ້ມຕຳລາຮຽນ, ສຳເນົາສູດຄິດໄລ່, ບົດຮຽນ ຫຼື ບົດຄຳຕອບ, ອຸປະກອນອີເລັກໂຕຣນິກ (ໂທລະ ສັບມືຖື, ເຄື່ອງຄິດໄລ່, ໂມງດີຈິຕອນ, ບັນທັດທີ່ມີສູດຄິດໄລ່ ແລະ ອື່ນໆ) ເຂົ້າໃນຫ້ອງສອບເສັງ, ຜູ້ລະເມີດ ຈະຖືກຕັດສິດສອບ ເສັງ. ສໍາລັບອຸປະກອນທີ່ຢຶດມາໄດ້ນັ້ນຄະນະກຳມະການຈະສົ່ງຄືນຜູ້ເຂົ້າສອບເສັງພາຍຫຼັງ ສິ້ນສຸດການສອບເສັງ. ຫ້າມໃສ່ເລກລະຫັດບັດເຂົ້າຫ້ອງສອບເສັງຂອງຄົນອື່ນ ຫຼື ປ່ຽນແທນກັນ, ມາເສັງແທນຄົນອື່ນ, ໃສ່ເຄື່ອງໝາຍ ຫຼື ສັນຍາລັກຕ່າງໆໃສ່ເຈ້ຍຄຳຕອບ. ຫ້າມຖືອາວຸດ, ຂອງມີຄົມທຸກຊະນະນິດ, ສານເຄມີທີ່ຮ້າຍແຮງເຂົ້າໃນຫ້ອງສອບເສັງ, ເຊິ່ງອາດຈະນຳເປັນ ເຄື່ອງມືໃນການກໍ່ຄວາມບໍ່ສະຫງົບ ຫຼື ທຳຮ້າຍຮ່າງກາຍຄົນອື່ນ. ຫ້າມກ່າຍໝູ່ ຫຼຶ ເອົາໃຫ້ໝູ່ກ່າຍ ແລະ ໃຊ້ສັນຍານຕ່າງໆທີ່ເປັນເຄື່ອງມືທຸຈະລິດໃນການສອບເສັງ. ຫ້າມເວົ້າ, ສົນທະນາ ຫຼືສົ່ງສຽງດັງໃນເວລາສອບເສັງ, ຫ້າມນຳເຄື່ອງກິນ ແລະເຄື່ອງດື່ມເຂົ້າໃນຫ້ອງສອບເສັງ. ຫ້າມອອກຈາກຫ້ອງໃນເວລາສອບເສັງຢູ່ ຍົກເວັ້ນກໍລະນີຈຳເປັນ, …