News

ມາແລ້ວຈາ ຊະນີIndy ຂາເມົ້າຂາຝອຍ ຄົນເກົ່າກັບມາແລ້ວ ມື້ນີ້ຈະມາອັບເດດຄວາມເຄື່ອນໄຫວຂອງອະດີດ ນາງງາມ ແລະ ເປັນດາລາໃນປັດຈຸບັນ ຜູ້ມີຄວາມສາມາດຫຼາຍຢ່າງ ເປັນໃຜຄົນໃດບໍ່ໄດ້ເລີຍນັ້ນກໍຄື ລູກນໍ້າ ທິດາລັດ ວົງສິຣິ ນັ້ນເອງ ແລະ ສາວຄົນນີ້ກໍງາມຂຶ້ນຫຼາຍ ແບບວ່າໂດດເດັ່ນໃນວົງການບັນເທິງບ້ານເຮົາສຸດໆ ແລະ ຫຼ້າສຸດນາງກໍໄດ້ໂພສຮູບພາບງາມໆ ເບິ່ງແລ້ວດູດີມີ Style ໃນແບບຂອງຕົວເອງ ເບິ່ງແລ້ວກໍງາມລຽບຫຼູດີ ແລະ ຊະນີIndy ບໍ່ໄດ້ມາເວົ້າລ້າໆຊວນໃຫ້ແຟນໆເຊື່ອໄດ  ແຕ່ຍັງມີຮູບພາບງາມໆຂອງສາວ ລູກນໍ້າ ຄົນນີ້ມາຝາກນໍາເດີ້…ຊ້າຫຍັງຢູ່ ມາເບິ່ງນຳກັນດ່ວນ!!! #ຢ່າລືມແຊຣໃຫ້ໂລກຮູ້ເຖິງຄວາມສາມາດແລະຄວາມງາມຂອງສາວລາວ ຍັງມີຮູບພາບງາມໆຂອງ ລູກນໍ້າ ມາຝາກຕື່ມ ມາຝາກເພີ່ມນຳນະຈະ ຂໍຂອບໃຈຮູບພາບ: Louknum Vongsili

ເນື່ອງໃນໂອກາດ ປີໃຫມ່ລາວ 2017 ໂຮງຫມໍສະໂຫສົດ ຮ່ວມກັບ ສະມາຄົມມະເຮັງເຕົ້ານົມລາວ (ABCD) ຂໍມອບຂອງຂວັນໃຫ້ແມ່ຍິງລາວ ທຸກຄົນທີ່ຕ້ອງການ ກວດຫາມະເຮັງເຕົານົມຂັ້ນເລີ່ມຕົນ. ສຳລັບ ແມ່ຍິງທີ່ອາຍຸ 45 ປີ ແມ່ນບໍ່ເສຍຄ່າໃຊ້ຈ່າຍ ສະຖານທີ່ຢູ່ຫ້ອງປະຊຸມໃຫຍ່ ໂຮງຫມໍສະໂຫສົດ ເວລາ 9:00-15:00 ໂມງ ໃນວັນທີ 13 ເມສາ 2017 ທີ່ຈະມາເຖິງນີ້. ສາມາດຕິດຕໍ່ລົງທະບຽນໄດ້ທີເບີ Whatapp ຫຼື Line 020 77110244, 020 29816209, 020 55618978 ຫຼື ສົ່ງອີເມວ [email protected]

ໃນວັນທີ 1 ເມສາ 2017 ທີ່ຜ່ານມາ, ບໍລິສັດ ໂຕໂຍຕ້າ ມໍເຕີ້ ປະເທດໄທ ຈຳກັດ ໄດ້ຈັດໃຫ້ມີ ພິທີມອບ-ຮັບລາງວັນ ລະດັບປະເທດຈາກ ໂຄງການປະກວດແຕ້ມຮູບໃນຫົວຂໍ້ “ລົດໂຕໂຍຕ້າ ໃນຝັນຂອງຂ້ອຍ” ປະຈໍາປີ 2017 ຂຶ້ນ ເພື່ອເປັນການສົ່ງເສີມການສຶກສາໃຫ້ກັບເຍົາວະຊົນລາວ ໂດຍການເຂົ້າຮ່ວມເປັນປະທານຂອງ ທ່ານ ຮອງສາດສະດາຈານ ປະລິນຍາເອກ ຄຳຜ່າຍ ສີສະຫວັນ ຮອງລັດທະມົນຕີ ກະຊວງສຶກສາທິການ ແລະ ກິລາ,  ທ່ານ ປະກອນ ວົງວິທະຍາພິຣົມ ປະທານ ຝ່າຍປະຕິບັດການ ສາຍງານຍ່ອຍ ເຂດພູມມິພາກແມ່ນໍ້າຂອງ ບໍລິສັດ ໂຕໂຍຕ້າ ມໍເຕີ້ ປະເທດໄທ ຈຳກັດ ພ້ອມດ້ວຍຕົວແທນຈຳໜ່າຍໂຕໂຍຕ້າຢ່າງເປັນທາງການ ໃນ ສປປ ລາວ, ຄະນະກຳມະການຜູ້ຊົງຄຸນນະວຸດທິ, ພາກສ່ວນທີ່ກ່ຽວຂອງເຂົ້າຮ່ວມ ແລະ ສື່ມວນຊົນເປັນຈຳນວນຫຼວງຫຼາຍ. …

ປູນາ ອາລິນ່າ ສີວົງໄຊ ນາງເອກ Music Video ເພງ “ຍອມ” ຂອງໜຸ່ມ Tou Hero ທີ່ພໍແຕ່ປ່ອຍເພງກໍສ້າງປະກົດການມີຄົນເວົ້າເຖິງເພງນີ້ເປັນຈຳນວນຫຼວງຫຼາຍ ເພາະນອກຈາກເນື້ອຮ້ອງທີ່ກິນໃຈຄົນໃນສັງຄົມປັດຈຸບັນແລ້ວ ຍັງມີອີກໜຶ່ງຢ່າງທີ່ສາມາດດຶງດູດຜູ້ຄົນເຂົ້າໄປເບິ່ງເພງນີ້ກໍຄື ນ້ອງ ປູນາ ນາງເອກ MV  ເພາະສາວຄົນນີ້ມີດີກຼີເປັນເຖິງນັກຮ້ອງສາວສຽງດີຢູ່ທີ່ຮ້ານບັນເທິງຊື່ດັງແຖວສີຫອມ ແລະ ຍັງເປັນເນັດໄອດໍ້ສາວທີ່ມີຄົນຕິດຕາມເປັນຈຳນວນຫຼວງຫຼາຍ ແລະ ພໍແຕ່ນາງໄດ້ມາສະແດງເພງດັ່ງກ່າວກໍບອກເລີຍວ່າເຮັດໄດ້ດີຫຼາຍ ຫຼາຍໆຄົນຕ່າງພາກັນຍ້ອງວ່ານາງສະແດງໄດ້ດີ ເຖິງໃຈເຖິງອາລົມ ເຮັດໃຫ້ມີຄວາມອິນໄປຕາມໆກັນ, ຈົນຫຼາຍໆຄົນບອກເປັນສຽງດຽວກັນວ່າ ປູນາ ນິແຫຼະທີ່ເປັນນາງເອກ MV ທີ່ມາແຮງທີ່ສຸດໃນຕອນນີ້!!! #ແຊຣໄປໃຫ້ໂລກຮູ້ເຖິງຄວາມສາມາດແລະຄວາມໜ້າຮັກຂອງສາວລາວ ຮູບພາບຈາກ: Alina Sivongxay

ບັນດາພະນັກງານ ຈຳນວນ 96 ຄົນ ຂອງບໍລິສັດຣາຊ-ລາວ ບໍລິການ​ ຈຳກັດ ທີ່​ເຮັດໜ້າທີ່​ຮັບຜິດຊອບ​ເດີນ​ເຄື່ອງ ​ແລະ ບຳລຸງ​ຮັກສາ ໂຮງໄຟຟ້າພະລັງ​ຄວາມ​ຮ້ອນ ຖ່ານຫີນ ເປັນໜຶ່ງໃນບໍລິສັດທີ່ຮັບເໝົາ​ຍ່ອຍໃນໂຄງການໄຟຟ້າຟ້າຫົງສາ ເຊິ່ງບໍ່ໄດ້ກ່ຽວກັບບໍລິສັດອື່ນໆທີ່ເຮັດວຽກຢູ່ໂຄງການດຽວກັນນີ້.  ໄດ້ພ້ອມກັນ ຂຽນໃບລາອອກ ທັງໝົດ 96 ຄົນ ໃນວັນທີ 28 ມີນາ 2017 ຜ່ານມາ, ​ເນື່ອງ​ຈາກ​ບໍ່ພໍ​ໃຈ ທີ່ໄດ້ສະເໜີ ຂໍໃຫ້ພິຈາລະນາ ປັບ​ຂຶ້ນເງິນເດືອນ ແລະ ສະຫວັດດີການຕ່າງໆ ​ໃຫ້​ມີ​ຄວາມເໝາະສົມ ​ແຕ່ບໍ່ໄດ້ຮັບການແກ້ໄຂ. ​ໃນ​ຂະນະ​ທີ່ ບໍລິສັດ ຣາຊ-ລາວ ລະບຸ​ວ່າ​ມີ​ຄວາມ​ຍິນ​ດີ​ຮັບ​ຂໍ້​ສະ​ເໜີ ດັ່ງກ່າວ ​ແລະ ພ້ອມ​ທີ່​ຈະຮ່ວມ​ກັນ​ປຶກສາ​ຫາລື ກັບ​ທຸກ​ຝ່າຍ ​ເພື່ອ​ຫາ​ທາງ​ອອກ​ທີ່​ດີກ​ວ່າ​ນີ້. ໜຶ່ງ​ໃນຕົວ​ແທນ​ຜູ້​ອອກ​ແຮງ​ງານ ​ເປີດ​ເຜີຍ​ວ່າ: ກ່ອນທີ່ພະນັກງານທັງ 96 ຄົນຈະພ້ອມກັນສະໝັກໃຈຂຽນໃບລາອອກ ​ເກີດ​ຂຶ້ນ​ພາຍຫຼັງ​ທີ່​ໄດ້​ຍື່ນ​ຂໍ້​ສະ​ເໜີ ຮຽກຮ້ອງ​ໃຫ້ບໍລິສັດ ຣາຊ-ລາວ ​ເພື່ອ​ຂໍ​ປັບ​ຂຶ້ນເງິນເດືອນ …