ມື້ນີ້ ຊະນີIndy ຈະພາໄປຮູ້ຈັກກັບສາວລາວຄົນງາມທີ່ແຈ້ງເກີດມາໄດ້ຍ້ອນການເປັນ Pretty ຕາມງານອີ່ເວັ້ນຕ່າງໆ ບໍ່ວ່າຈະມີງານໃຫ່ຍໆເປີດໂຕສິນຄ້າຕ່າງໆ ເປັນໄປບໍ່ໄດ້ເລີຍທີ່ຈະບໍ່ມີສາວຄົນນີ້ນັ້ນກໍຄື ກີ້ ທັດສະໄນ ລາມາງກຸນຣ ອາຍຸ 25 ປີ ຈົບການສຶກສາປະລິນຍາຕີ ສາຂາບໍລິຫານການໂຮງແຮມ-ທ່ອງທ່ຽວ, ເຊິ່ງສາວຄົນນີ້ນອກຈາກຈະເປັນ Pretty ສຸດ Hot ແລ້ວນາງຍັງເປັນທັງພີເຊັນເຕີ້, ນາງແບບ, ນາງເອກເອັມວີ ແລະ ສະແດງຮູບເງົາ (ໂອ້ຍ…ຈັ່ງແມ່ນວຽກຫຼາຍມາແບ່ງໃຫ້ ຊະນີIndy ແດ່ແມ້) ແລະ ຍັງບໍ່ພຽງແຕ່ເທົ່ານີ້ເດີ້ເພາະສາວກີ້ຄົນນີ້ຈະວ່າໄປນາງຍັງເປັນ Net Idol ອີກໄດເພາະມີຄົນຕິດຕາມນາງຫຼາຍ ແບບວ່ານາງຈະລົງຮູບໃດກໍມີຄົນກົດໄລ້ກົດແຊຣແບບລົວໆ. ຝອຍກັນຫຼາຍແລ້ວ ເພື່ອນໆລອງມາເບິ່ງເລີຍວ່າສາວ ກີ້ ຄົນນີ້ຈະງາມ ແລະ ເຊັກຊີ່ສົມກັບທີ່ ຊະນີIndy ເວົ້າໄວ້ແທ້ບໍ່…! #ແຊຣວົນໄປໃຫ້ໂລກຮູ້ວ່າສາວລາວງາມຫຼາຍ     ຂໍ້ມູນ ແລະ ຮູບພາບຈາກ: KY Ramangkoun

ໃນຕອນຄໍ່າ ວັນທີ 2 ກຸມພາ 2017 ຢູ່ທີ່ ໜ້າໄອເຕັກມໍ, ຖະໜົນກໍາແພງເມືອງ, ນະຄອນຫຼວງວຽງຈັນ.  ຮ້ານ ຮາດລັອກ ຄາເຟ ໄດ້ສະເຫຼີມສະຫຼອງ ເປີດຮ້ານໃໝ່ອີກຄັ້ງຢ່າງເປັນທາງການ ພ້ອມປະກາດຄູ່ຮ່ວມພັນທະມິດ ໃໝ່ ແລະ ຈະເປັນຜູ້ບໍລິຫານຮ້ານ ຮາດລັອກ ຄາເຟ ວຽງຈັນ ຄື ບໍລິສັດ ລາວ ເບເວເຣດຊ ຈຳກັດຜູ້ດຽວ. ພາຍໃນງານ ມີແຂກທີ່ຖືກເຊີນ, ລູກຄ້າ ແລະ ໝູ່ເພື່ອນ ເຂົ້າຮ່ວມງານຢ່າງຫຼວງຫຼາຍ ແລະ ໄດ້ມ່ວນຊື່ນກັບສຽງເພງ, ສຽງດົນຕີ ເຊິ່ງມີອາຫານ ແລະ ເຄື່ອງດື່ມ ພ້ອມເສີບຕະຫຼອດງານ. ຮາດລັອກ ຄາເຟ ວຽງຈັນ ຈະເປັນສູນລວມຄວາມມ່ວນຊື່ນ ແຫ່ງສຽງດົນຕີ, ຄວາມບັນເທີງ, ຂອງທີລະນຶກທີ່ເປັນເອກະລັກ ແລະ ອາຫານດັ້ງເດີມຂອງຊາວອາເມຣິກາ. ເປີດບໍລິການທຸກໆມື້ ວັນຈັນ-ວັນສຸກເວລາ …

ດາລານັກສະແດງ ອໍ້າ ພັດຊະລາພາ ມາກໍວ່າຫຼາຍແລ້ວ ແຕ່ມາມື້ນື້ແຫ່ງຫຼາຍກວ່າ ໃນໂອກາດຄົບຮອບ 15 ປີຂອງສາຍການບິນ lao skyway ໃນບັນຍາກາດຂອງມວນຊົນຈໍານວນຫຼາຍພັນຄົນແຮ່ກັນໄປຊື້ປີ້ຍົນພາຍໃນປະເທດໃນລາຄາ 150,000 ກີບ ທີ່ສູນການຄ້າວຽງຈັນເຊັນເຕີ ເບິ່ງຈາກພາບຄົນຫຼາຍພິລຶກອີຫຼີ! ຮູບພາບ: Sengphachanh

  ຖ້າຈະເວົ້າເຖິງສາວ ລູກນໍ້າ ທິດາລັດ ວົງສິຣິ ນາງສາວລາວປີ 2012 (MISS LAOS ) ຄົນນີ້ກໍຄົງຈະບໍ່ມີໃຜທີ່ບໍ່ຮູ້ຈັກນາງ ເພາະຫຼັງຈາກທີ່ໄດ້ຕຳແໜ່ງມາແລ້ວນາງກໍຖືວ່າກ້າວເຂົ້າສູ່ວົງການບັນເທິງຢ່າງເຕັມຕົວ ຜົນງານຂອງນາງກໍມີໃຫ້ເຫັນຢ່າງຫຼວງຫຼາຍທັງເດີນແບບ ສະແດງເອັມວີ ເປັນພີເຊັນເຕີ້ສິນຄ້າແບຼນດັງ ແລະ ການສະແດງຮູບເງົາ,​ ແຕ່ທີ່ເຮົາຈະເວົ້າເຖິງນາງໃນມື້ນີ້ກໍຄືພັດທະນາການຄວາມງາມຂອງນາງທີ່ນັບມື້ງາມຂຶ້ນ ຈົນເຮັດໃຫ້ຂາເມົ້າມີຄວາມສົງໃສວ່າສາວລູກນໍ້າຄົນງາມໄປກິນຫຍັງ ຫຼື ໄປເຮັດຫຍັງມານໍ…ຈຶ່ງໄດ້ງາມຂຶ້ນທຸກມື້ແບບນີ້ເພາະທຽບໃສ່ຮູບພາບເກົ່າໆທີ່ນາງໄດ້ໂພສໄວ້ໃນອິນສະຕາແກຼມຂອງນາງ ຖືວ່າແຕກຕ່າງກັນຫຼາຍ ປ່ຽນໄປເປັນຄົນລະຄົນຈົນຈະບໍ່ຈື່ກັນເລີຍ ຫຼືວ່າອາດຈະເປັນທີ່ນາງໃຫ່ຍຂຶ້ນເປັນສາວຂຶ້ນ ຈົນເຮັດໃຫ້ຮູບໜ້ານາງປ່ຽນ! ຖ້າລູກນໍ້າມີເຄັດລັບດີໆຊ່ວຍມາບອກ ຊະນີIndy ແລະ ແຟນໆແດ່ ຈະໄດ້ງາມໆຄືກັບສາວລູກນໍ້າ!!! #ແຊຣວົນໄປໃຫ້ໂລກຮູ້ວ່າສາວລາວງາມຫຼາຍ ມາເບິ່ງຮູບພາບເກົ່າໆຂອງສາວລູກນ້ຳ:   ຮູບພາບປັດຈຸບັນຂອງ ລູກນ້ຳ ທິດາລັດ ວົງສິຣິ ຂໍຂອບໃຈຮູບພາບຈາກ: louknum_misslaos

ວັນທີ 2 ກຸມພາ 2017 ນີ້ ຢູ່ຫໍປະຊຸມແຫ່ງຊາດ, ນະຄອນຫຼວງວຽງຈັນ, ລັດຖະບານໄດ້ປະກາດວ່າຈະເປີດໄຟຂຽວໃຫ້ທຸກພາກສ່ວນທົ່ວສັງຄົມສາມາດເຂົ້າມາປະມູນຊື້ລົດປະຈຳຕຳແໜ່ງຈຳນວນ 15 ຄັນໃນງວດທໍາອິດນີ້ ປະກອບດ້ວຍ ລົດ BMW/Series7/730li ຈຳນວນ 7 ຄັນ ແລະ ລົດ BENZ/MERCEDES/S350 ຈຳນວນ 8 ຄັນ ສໍາລັບລົດຈຳນວນດັ່ງກ່າວ ແມ່ນຈະໄດ້ຈັດການປະມູນຂາຍດ້ວຍຮູບແບບເປີດກວ້າງທົ່ວສັງຄົມ, ມີຄວາມໂປ່ງໃສ, ຖືກຕ້ອງຕາມລະບຽບກົດໝາຍທີ່ກຳນົດໄວ້ຢ່າງເຂັ້ມງວດ. ໂດຍຄາດວ່າ ຈະສາມາດເລີ່ມເປີດຂາຍຊອງປະມູນ ໃນອາທິດທີ 2 ຂອງເດືອນກຸມພາ 2017. ເຊິ່ງໃນຕໍ່ໜ້າຍັງຈະໄດ້ສືບຕໍ່ຈັດຕັ້ງປະຕິບັດ ດໍາລັດສະບັບດັ່ງກ່າວຕື່ມອີກຈົນກວ່າຈະສຳເລັດ. ສຳລັບຜູ້ທີ່ມີຄວາມສົນໃຈຢາກເຂົ້າຮ່ວມປະມູນຊື້ ແມ່ນສາມາດສອບຖາມຂໍ້ມູນ ແລະ ເບິ່ງສະພາບລົດຕົວຈິງໄດ້ທີ່ ຫໍປະຊຸມແຫ່ງຊາດ, ນະຄອນຫຼວງວຽງຈັນ (ໃນໂມງລັດຖະການ). ສ່ວນວັນເວລາເລີ່ມຂາຍຊອງປະມູນ ແລະ ກຳນົດການເປີດຊອງປະມູນຢ່າງເປັນທາງການນັ້ນ ຄະນະຮັບຜິດຊອບຈະໄດ້ແຈ້ງໃຫ້ຊາບຕາມພາຍຫລັງຕື່ມອີກ. ຂໍມູນຈາກ: ຂ່າວສານປະເທດລາວ