7 ນິໄສເລື່ອງຄວາມງາມ ທີ່ຫ້າມເຮັດເດັດຂາດ!!! ໃຊ້ຄວາມຮ້ອນກັບເສັ້ນຜົມຕອນເສັ້ນຜົມປຽກ. ບາງທ່ານຢາກຫຼຸດເວລາທີ່ຈະເຮັດໃຫ້ເສັ້ນຜົມແຫ້ງໄວຂຶ້ນໂດຍການໃຊ້ເຄື່ອງລີດຜົມ, ໄດລີດຜົມເພື່ອຫວັງວ່າຄວາມຮ້ອນຈະຊ່ວຍໃຫ້ເສັ້ນຜົມແຫ້ງໄດ້ໄວຂຶ້ນ ແລະ ຈັດຊົງໄປໃນຕົວ ແຕ່ທ່ານຮູ້ບໍ່ວ່າເສັ້ນຜົມຂອງເຮົານັ້ນອ່ອນແອທີ່ສຸດໃນເວລາທີ່ມັນກໍາລັງປຽກ ແລະ ຖ້ານໍາເອົາຄວາມຮ້ອນໄປກະທົບໃສ່ກັບໂມເລກຸນຂອງນໍ້າຈະເຮັດໃຫ້ນໍ້າຮ້ອນຂຶ້ນລະເຫີຍອອກໄປ ແລະ ນໍາພາຄວາມຊຸ່ມຊື່ນອອກຈາກເສັ້ນຜົມໄປນໍາເສັ້ນຜົມຈຶ່ງແຫ້ງເສຍແຕກປາຍງ່າຍຂຶ້ນ. ແຖຂົນເທິງໃບໜ້າ. ໃຜທີ່ຄິດຈະແຖຂົນໜ້າຕົນເອງດ້ວຍການໃຊ້ມີດແຖນັ້ນໃຫ້ຢຸດຄິດໄດ້ເລີຍ ແມ່ນຢູ່ວ່າການໃຊ້ມີດແຖຂົນນັ້ນມັນອາດຈະໄວ ແລະ ສະດວກສະບາຍແຕ່ໃຫ້ຍົກເວັ້ນການແຖຂົນໃບໜ້າການແຖຂົນເທິງໃບໜ້າຈະເຮັດໃຫ້ຂົນທີ່ຂຶ້ນມາໃໝ່ກາຍເປັນສ້ຽນນ້ອຍໆ ແລະ ສ່ຽງຕໍ່ການເປັນບາດແຜເພາະຖືກມີດແຖບາດ. ບີບສິວ. ຖ້າທ່ານໃດຄິດທີ່ຈະກໍາຈັດສິວດ້ວຍການບີບມັນອອກມາ ທ່ານຮູ້ບໍວ່າຈະເຮັດໃຫ້ເກີດຮອຍດຳ ແລະ ຮອຍແຜເປັນທີ່ປິ່ນປົວໄດ້ຍາກກວ່າເກົ່າ. ບໍ່ເຮັດຄວາມສະອາດອຸປະກອນແຕ່ງໜ້າ. ທ່ານຮູ້ບໍວ່າຖ້າຫາກທ່ານບໍ່ເຮັດຄວາມສະອາດອຸປະກອນແຕ່ງໜ້າເລີຍນັ້ນມັນຈະກາຍເປັນແຫຼ່ງຕົກຄ້າງຂອງເຄື່ອງສໍາອາງເມື່ອປະສົມກັບຄວາມມັນ ແລະ ເຊວຜິວໜັງທີ່ຕາຍແລ້ວຈາກຜິວໜ້າຈະຖືກສະສົມຢູ່ເທິງອຸປະກອນແຕ່ງໜ້າມັນອາດຈະກາຍເປັນແຫຼ່ງສະສົມຂອງເຊື້ອພະຍາດ ແລະ ອາດເປັນສາເຫດໜຶ່ງທີ່ເຮັດໃຫ້ສິວເກີດຂຶ້ນໄດ້. ນອນທັງທີ່ຍັງແຕ່ງໜ້າ. ບາງຄົນຫຼັງຈາກໄປທ່ຽວກັບມາກໍເຂົ້ານອນເລີຍໂດຍທີ່ບໍ່ໄດ້ລ້າງເຄື່ອງສໍາອາງອອກ ເພາະອາດຈະຄິດວ່າການໄດ້ພັກຜ່ອນໃຫ້ພຽງພໍນອນຫຼັບໃຫ້ເຕັມອີ່ມພຽງເທົ່ານີ້ກໍຈະເຮັດໃຫ້ຜິວໜ້າສົດໃສໜ້າຕາສົດຊື່ນໄດ້ແລ້ວ ແຕ່ທ່ານຮູ້ບໍ່ວ່າການລ້າງເຄື່ອງສໍາອາງນີ້ກໍເປັນເລື່ອງທີ່ສໍາຄັນເຖິງແມ່ນວ່າທ່ານຈະໄດ້ພັກຜ່ອນໄດ້ນອນເຕັມອີ່ມປານໃດ  ແຕ່ຖ້ານອນຫຼັບທັງທີ່ມີເຄື່ອງສໍາອາງຢູ່ນັ້ນມັນມີໂອກາດທີ່ຈະເຮັດໃຫ້ຜິວໜ້າໝອງຄໍ້າ ແລະ ສິວກໍອາດຈະເກີດຂຶ້ນມາອີກດ້ວຍ. ແຕ່ງໜ້າທັບລົງໃບໜ້າທີ່ມີ Make-up ຢູ່ແລ້ວ. ການແຕ່ງໜ້າທັບລົງໃບໜ້າທີ່ມີ Make-up ຢູ່ແລ້ວນັ້ນໃຊ້ໄດ້ຖ້າເປັນການແຕ່ງແບບເພີ່ມເລັກໆນ້ອຍໆເຊັ່ນ: ການເພີ່ມສີໜ້າ, ເພີ່ມຄິ້ວ, ເພີ່ມສີປາກ, ເພີ່ມສີຂອບຕາ ແຕ່ຖ້າເປັນການແຕ່ງແບບທາຄຣີມຮອງພື້ນ, ທາແປ້ງເພີ່ມນັ້ນຈະເຮັດໃຫ້ຜິວໜ້າຂອງທ່ານນັ້ນໝອງຄໍ້າ …

ວິທີບໍາລຸງມືໃຫ້ນຽນນຸ້ມຊຸ່ມຊື່ນ ສາວໆແຕ່ລະຄົນໄດ້ເຄີຍລອງສັງເກດເບິ່ງມືຂອງຕົນເອງບໍ່ວ່າຄວາມປ່ຽນແປງຂອງມືເປັນຢ່າງໃດ? ໂດຍໃຫ້ສັງເກດເລັບ ຖ້າເລັບເລີ່ມມີສີເຫຼືອງ ແລະ ມີດອກເລັບຂຶ້ນມາ ກໍ່ສະແດງວ່າສຸຂະພາບມື ແລະ ເລັບຂອງທ່ານນັ້ນບໍ່ຄ່ອຍດີປານໃດ ດັ່ງນັ້ນ ວາສະສານ ຂັວນໃຈ ຈຶ່ງໄດ້ຫາສູດກະຊັບ ບໍາລຸງມືມາຝາກ ຖ້າສາວໆທ່ານໃດທີ່ມີອາການດັ່ງກ່າວທີ່ເວົ້າມາລອງເອົາສູດນີ້ໄປນໍາໃຊ້ແລ້ວຈະໄດ້ມືທີ່ນຽນນຸ້ມ ດັ່ງນີ້: ປະສົມນໍ້າຕານຊາຍກັບ Baby Oil ແລ້ວເອົາທາຖູມື ນວດຄ່ອຍໆນວດເປັນວົງມົນ 2-3 ນາທີ ແລ້ວລ້າງອອກດ້ວຍນໍ້າທໍາມະດາ ແລະ ເຊັດມືໃຫ້ແຫ້ງ. ປະສົມນໍ້າຕານຊາຍ 1/2 ຖ້ວຍກັບໂຍເກີດ 1 ຈອກ ແລະ ເປືອກໝາກນາວຊອຍບາງໆ 1/2 ຖ້ວຍ ແລ້ວນໍາມາປະສົມໃຫ້ເຂົ້າກັນແລ້ວນໍາມາຖູຄ່ອຍໆ. ທາມືດ້ວຍໂຍເກີດລົດທໍາມາະຊາດ ປະໄວ້ປະມານ 20 ນາທີ ເຮັດອາທິດລະ 2 ເທື່ອ. ປະສົມນໍ້າຕານ, ນໍ້າໝາກນາວ ແລະ ຄຣີມສົດ ແນວລະ 1 ບ່ວງແກງ …

HUAWEI  ມ່ວນຊື່ນບຸນອອກພັນສາ ຈັດໂປຣໂມຊັ້ນພິເສດ ຫຼຸດແລກແຈກແຖມກະໜ່ຳ! ຫົວເຫວີຍຂົນຄວາມສຸກໄປເສີບໃຫ້ແກ່ມວນຊົນທີ່ບຸນອອກພັນສາປະວໍລະນາ ຫຼືບຸນຊ່ວງເຮືອປະຈຳປີ 2016 ໃນລະຫວ່າງວັນທີ 14-18 ຕຸລາ ທີ່ທ່າວັດຈັນ, ນະຄອນຫຼວງວຽງຈັນ ໂດຍມີການຈັດກິດຈະກໍາຮ່ວມມ່ວນຊື່ນ ແຈກລາງວັນ ແລະ ມອບໂປຣໂມຊັ້ນສຸດພິເສດໃຫ້ກັບລູກຄ້າທີ່ຊື້ສະມາດໂຟນຂອງຫົວເຫວີຍທຸກຮຸ່ນ. ພາຍໃນບູດຂອງຫົວເຫວີຍ ນອກຈາກຈະມີການຍົກຂະບວນສະມາດໂຟນ ຫຼາຍຮຸ່ນທີ່ມີຄຸນນະພາບມານຳສະເໜີ ແລະ ໃຫ້ລູກຄ້າທົດລອງສຳຜັດແລ້ວ ທີມງານກໍໄດ້ມີການຈັດກິດຈະກຳເພື່ອຮ່ວມມ່ວນຊື່ນກັບພໍ່ແມ່ພີ່ນ້ອງຊາວນະຄອນຫຼວງວຽງຈັນ ກໍຄືຊາວຕ່າງແຂວງທີ່ມາທ່ຽວບຸນຄັ້ງນີ້ ບໍ່ວ່າຈະເປັນ ການຫຼິ້ນເກມລຸ້ນຮັບລາງວັນສຸດພິເສດ, ການແຈກຂອງທີ່ລະນຶກຢ່າງຫຼວງຫຼາຍ ເຊິ່ງກໍໄດ້ຮັບຄວາມສົນໃຈ  ແລະ ກະແສຕອບຮັບຈາກມວນຊົນຢ່າງລົ້ນເຫຼືອ ເຮັດໃຫ້ຍອດຂາຍໂທລະສັບມືຖືພາຍໃຕ້ແບຣນຫົວເຫວີຍທະລຸເປົ້າເກີນຄາດໝາຍ. ຫົວເຫວີຍມີຄວາມຍິນດີເປັນຢ່າງຍິ່ງທີ່ຮ່ວມເປັນສ່ວນໜຶ່ງໃນເທດສະການ ແຫ່ງຄວາມສຸກ ແລະ ໄດ້ສົ່ງມອບຮອຍຍິ້ມໃຫ້ກັບປະຊາຊົນ. ຂອບໃຈລູກຄ້າ ທຸກທ່ານທີ່ໄວ້ວາງໃຈໃນຜະລິດຕະພັນຂອງຫົວເຫວີຍທຸກຮຸ່ນ ແລະ ກິດຈະກຳ ແຫ່ງຄວາມສຸກຂອງພວກເຮົາຍັງບໍ່ໝົດພຽງເທົ່ານີ້ທ່ານຍັງສາມາດສຳຜັດໂປຣໂມຊັ້ນພິເສດໄດ້ທີ່ຕົວແທນຈຳໜ່າຍຫົວເຫວີຍທຸກສາຂາໃນທົ່ວປະເທດ.

    ແຕ່ງໜ້າໃຫ້ຖ່າຍຮູບພາບງາມ ປັດຈຸບັນນີ້ ເຮົາຢູ່ໃນໂລກຂອງການຖ່າຍຮູບພາບບໍ່ວ່າຈະໄປໃສ ຫຼື ເຮັດຫຍັງເຮົາກໍຖ່າຍຮູບພາບເຖິງແມ່ນວ່າເຮົາບໍ່ຖ່າຍໝູ່ເພື່ອນກໍຖ່າຍແຕ່ເມື່ອຖ່າຍອອກມາແລ້ວມັນອາດຈະບໍ່ງາມ ແລະ ມື້ນີ້ເວັບໄຊ້ ວາລະສານ ຂັວນໃຈ ໄດ້ນໍາເອົາວິທີໃນການແຕ່ງໜ້າແນວໃດເພື່ອເວລາຖ່າຍຮູບພາບອອກມາແລ້ວງາມມາຝາກ. ເຮັດໃຫ້ດວງຕາສົດໃສ: ການເຮັດໃຫ້ດວງຕາສົດໃສ ບໍ່ອິດເມື່ອຍ ຫຼື ດວງຕາຂຸ້ນມົວ ເປັນຫົວໃຈສໍາຄັນຂອງການຖ່າຍຮູບພາບ ເພາະຖ້າດວງຕາສົດໃສພາກສ່ວນອື່ນໆຂອງໃບໜ້າກໍງາມຄືກັນ ວິທີສ້າງຄວາມສົດໃສໃຫ້ດວງຕາກໍຄື ຢອດນໍ້າຢາຢອດຕາເຢັນໆລົງໄປປະມານຢອດໜຶ່ງສອງຢອດກ່ອນເລີ່ມແຕ່ງໜ້າ. ກຽມຜິວພັນໃຫ້ນຸ້ມນຽນ ບໍ່ແຫ້ງ: ດ້ວຍການລ້າງໜ້າໃຫ້ສະອາດ ແລະ ມາດສ໌ໜ້າປະມານ 10-15 ນາທີ ເພື່ອຄວາມພ້ອມ ຫຼື ອາດຈະໃຊ້ຄີມບໍາລຸງຜິວພັນເພີ່ມຄວາມຊຸ່ມໃຫ້ກັບໃບໜ້າກໍ່ໄດ້. ເລືອກຮອງພື້ນໃຫ້ເໝາະສົມກັບສະພາບຜິວພັນ ແລະ ສີຜິວພັນ: ຢ່າໃຊ້ສີທີ່ຈາງເກີນໄປ ແລະ ບໍ່ເຂັ້ມຈົນເກີນໄປເລືອກສູດທີ່ເໝາະສົມກັບສະພາບຜິວພັນຢ່າໃຫ້ມັນ ຫຼື ສະທ້ອນແສງຫຼາຍເກີນໄປ. ທາຄອນຊີເລີ (Concealer) ໃນຈຸດທີ່ຕ້ອງການເນັ້ນໃຫ້ເດັ່ນ: ໃຊ້ໃນປະລິມານພຽງເລັກໜ້ອຍກໍ່ພໍ ແລະ ຕ້ອງໃຫ້ເຂົ້າກັບສີຜິວທໍາມະຊາດ ທາໃຫ້ສະໝໍ່າສະເໝີຢ່າໃຫ້ເຫັນເປັນຈຸດ. Highlights ໃນຈຸດສໍາຄັນ ເຊັ່ນ: ບໍລິເວນແກ້ມ, …

5 ທ່າໂຍຄະຫຼຸດໄຂມັນໃຫ້ໝົດໄປ ທ່າກົງລໍ້ (Chakrasana – Wheel pose). ທ່າກົງລໍ້ເປັນທ່າໂຍຄະທີ່ຊ່ວຍເສີມສ້າງການເຮັດວຽກຂອງຕັບ ເຊິ່ງຕັບທີ່ເຮັດວຽກງານໄດ້ເຕັມປະສິດທິພາບຈະຜະລິດຄໍເລດເຕີຣອນຊະນິດທີ່ດີຂຶ້ນມາກໍາຈັດຄໍເລດເຕີຣອນຊະນິດທີ່ບໍ່ດີໄດ້ຫຼາຍຂຶ້ນ. ວິທີເຝິກ: ເລີ່ມຕົ້ນດ້ວຍທ່ານອນຫງາຍຕັ້ງເຂົ່າຂຶ້ນ ແລ້ວຍົກມືວາງໄວ້ຂ້າງຫູ ຫຼັງມືປິ່ນອອກໄປທາງດ້ານເໜືອຫົວ ( ດັ່ງໃນຮູບພາບ) ຍົກສະໂພກຂຶ້ນ ແລ້ວຄ່ອຍໆຍົກເອິກຂຶ້ນຕາມ ໂດຍທີ່ແຂນຍັງງໍ ແລະ ຫົວປິ່ນລົງທາງລຸ່ມ ຄ່ອຍໆແອ່ນລໍາຕົວຂຶ້ນຈົນສຸດໃຫ້ແຂນເຄັ່ງ ຖີ້ມນໍ້າໜັກລົງທີ່ຝາມືທັງສອງຂ້າງ ແລະ ສາມາດວາງຕີນໄວ້ກັບພື້ນໄດ້ ຄ້າງທ່ານີ້ໄວ້ 5 ລົມຫາຍໃຈແລ້ວກັບສູ່ທ່າເລີ່ມຕົ້ນ ທ່າບິດຕົວ (ArdhaMatsyendrasana – Sitting Half Spinal Twist). ຮ່າງກາຍທີ່ຜ່ອນຄາຍຈະຊ່ວຍໃຫ້ສານຜິດຕ່າງໆທີ່ສະສົມຢູ່ພາຍໃນຮ່າງກາຍຖືກກໍາຈັດໄດ້ງ່າຍຂຶ້ນ ທ່າບິດຕົວນອກຈາກຈະຊ່ວຍຢືດເສັ້ນສາຍແລ້ວກໍຍັງໄປກະຕຸ້ນການເຮັດວຽກຂອງລະບົບອະໄວຍະວະຕ່າງໆ. ວິທີເຝິກ: ເລີ່ມຕົ້ນດ້ວຍທ່ານັ່ງ ຢຽດຕີນຊ້າຍຕັ້ງພື້ນຕີນຂຶ້ນ ຕີນຂວາວາງໄຂ່ວເຂົ່າຊ້າຍ ຢຽດຫຼັງໃຫ້ຊື່ ຍົກແຂນຊ້າຍຂຶ້ນເໜືອຫົວ ແຂ້ວຍົກແຂນຊ້າຍຂັດເຂົ່າຂວາ ອ້ອມມືມາຈັບພື້ນຕີນດ້ານນອກ ຫາກຈັບບໍ່ເຖິງໃຫ້ໃຊ້ມືຊ້າຍ ກອດເຂົ່າຂວາແນບເອິກ ຍົກແຂນຂວາມາດ້ານໜ້າແລ້ວບິດຕົວໄປດ້ານຂວາ ຍົກມືຂວາວາງດ້ານຫຼັງ ບິດແອວໃຫ້ໄດ້ຫຼາຍທີ່ສຸດໂດຍໃຫ້ຫຼັງຊື່ສາຍຕາເບິ່ງຂ້າມບ່າໄຫຼ່ ຄ້າງທ່ານີ້ໄວ້ປະມານ …