ເບິ່ງແລ້ວເປັນມິດຕໍ່ສາຍຕາ… ງົດງາມຫຼາຍໆ…ບໍ່ເວົ້າເຖິງບໍ່ໄດ້ເລີຍເດີ້ສຳລັບຮູບພາບທີ່ກຳລັງເປັນກະແສໃນເວລານີ້ ນັ້ນກໍຄືຄົນບັນເທີງຈາກສອງຝັ່ງຂອງບໍ່ວ່າຈະເປັນ ຄຣິດຕິນ້າ ລາສະສິມມາ (Miss Laos 2012) ແລະ ສີຣິຕ້າ ເຈັນເຊັນ ນັກສະແດງຊື່ດັງຈາກປະເທດໄທ ທີ່ງານນີ້ມາໃນລຸກສາວລາວ ນຸ່ງສິ້ນໄໝ-ເກົ້າຜົມບ່ຽງແພໃນແບບສາວ ນະຄອນຫຼວງພະບາງ, ໂອ້ຍ!!! ເຫັນແລ້ວກໍອົດໃຈທີ່ຈະອຸທານອອກມາວ່າ “ງົດງາມຫຼາຍໆ” ບໍ່ໄດ້ອີ່ຫລີ!!! ຍິ່ງທັງສອງໄດ້ມາຮ່ວມເຟມຖ່າຍຮູບຮ່ວມກັນ ຍິ່ງເບິ່ງແລ້ວຍິ່ງງົດງາມ ບໍ່ວ່າຈະເປັນສາວລາວ ຫຼື ສາວໄທ ກໍບໍ່ມີໃຜເປັນຮອງໃຜກັນເລີຍ, ບໍ່ເຊື່ອລອງເບິ່ງກັນເອງເລີຍເດີ້…ຊຸດໄໝລາວໃຜໃສ່ກໍ່ງາມແທ້ໆ!!! ເບິ່ງແລ້ວເປັນແນວໃດງົດງາມສົມກັບທີ່ ຊະນີIndy ຍ້ອງກັນແດ່ບໍ່ ແຟນໆເດເບິ່ງແລ້ວວ່າແນວໃດ??? ສອງສາວ ລາວ-ໄທ ໃນຊຸດໄໝລາວເປັນແນວໃດແດ່? ຄອມເມັ້ນບອກກັນແດ່ເດີ້ແຟນໆ!!! ທີ່ມາຮູບພາບ: FB/Christina Lasasimma , IG/sriritajensen

ຫົວເຫວີຍນຳສະເໜີສະມາດໂຟນ ສຸດຍອດຄວາມສະຫຼາດດ້ວຍ AI ທີ່ເໜືອກວ່າ. ໃນວັນທີ 11 ພະຈິກ 2018 ທີ່ຜ່ານມາ, ຢູ່ທີ່ສູນການຄ້າວຽງຈັນເຊັນເຕີ້,  ຫົວເຫວີຍໄດ້ຈັດ ງານເປີດຕົວ ແລະ ຈໍາໜ່າຍ HUAWEI Mate20’’ ແລະ ‘’HUAWEI Mate 20 Pro ຢ່າງເປັນທາງການໃນລາວ;  ດ້ວຍຈຸດເດັ່ນຂອງສະມາດໂຟນທັງ 2 ລຸ້ນນີ້ກໍຄື: ຂຸມພະລັງຊິບເຊັດ Kirin 980 ທີ່ຜະລິດຈາກຂະບວນການຜະລິດ 7 ນາໂນເມດຕົວທຳອິດຂອງໂລກແລະມາພ້ອມກ້ອງຫຼັງ 3 ຕົວໃໝ່ຂອງໄລກ້າທີ່ຈັດລຽງຢູ່ໃນກອບ 4 ຫຼ່ຽມຈະຕຸລັດ. ພາຍໃນງານທາງຫົວເຫວີຍຍັງໄດ້ຈັດໃຫ້ລູກຄ້າໄດ້ສໍາຜັດປະສົບການແລະທົດລອງນະວັດຕະກຳໃໝ່ໆທີ່ລ້ຳສະໄໝໃນ Huawei Mate20 ແລະ Mate 20 Pro ຢ່າງເຕັມທີ່ດ້ວຍ Experience zone ທີ່ສ້າງສຽງຮືຮາແລະ ສ້າງຄວາມຕື່ນເຕັ້ນໃຫ້ກັບຜູ້ມາຮ່ວມງານເປັນຢ່າງດີກັບນະວັດຕະກຳໃໝ່ໆ. ພາຍໃນງານຍັງໄດ້ມີການສຳພາດພິເສດຈາກ ໂຈໂຈ້ ມິຣາໂຄ ຜູ້ກຳກັບໜຸ່ມໄຟແຮງທີ່ມີຊື່ສຽງໃນລາວ …

ມາອັບເດດຜົນງານຂອງສາວ ລູກນໍ້າ ທິດາລັດ ວົງສິລິ ນັກສະແດງສາວຊື່ດັງຂອງບ້ານເຮົາ ທີ່ຫຼ້າສຸດອອກມາໂພສຜ່ານເຟສບຸກສ່ວນຕົວໃຫ້ບັນດາແຟນຄລັບທັງຫຼາຍໄດ້ຕິດຕາມວ່ານາງໄດ້ຮ່ວມສະແດງໃນລະຄອນເລື່ອງ “ສິ້ນລາຍຫົງ” ເປັນລະຄອນຈາກປະເທດເພື່ອນບ້ານ ຈະອອກອາກາດໃນວັນທີ 13 ພະຈິກ 2018 ນີ້ທາງໂທລະພາບຊ່ອງ 8 (ປະເທດໄທ). ເຊິ່ງລະຄອນເລື່ອງນີ້ ລູກນ້ຳ ທິດາລັດ ໄດ້ຮັບບົດ ແມ່ເຈົ້າດາລາໄລ ຄູ່ຮັກຄົນໃຫມ່ຂອງ ພະຂັດຕິຍະລາດສະມັງກູນ ເປັນຜູ້ດີເຊື້ອສາຍເຈົ້າ ລາວ ຫລວງພະບາງ ເຮັດໜ້າທີ່ເປັນແມ່ລ້ຽງດູອັງກູນຢ່າງສົມບູນ ເປັນທີ່ຮັກ ແລະ ສະໜິດໃຈຂອງອັງກູນ ທ່ານນາງເປັນຄົນມີທຳມະ ຈິດໃຂເຂັ້ມແຂງ ບໍ່ຢ້ານໃນອຳນາດຄວາມຮ້າຍກາດຂອງສະອາງ. (ຕົວຢ່າງລະຄອນ) #ซิ่นลายหงส์ | ความรัก ต้องห้าม ที่ไม่สามารถครอบครองได้ เริ่ม 13 พ.ย.นี้ ทางช่อง8 ความรักต้องห้าม ที่ไม่สามารถครอบครองได้ คำสาปแช่งถูกส่งต่อโดยผ้าซิ่นลายหงส์ จากรุ่นสู่รุ่น ความอาฆาตที่ไม่มีวันลบเลือน ละครฟอร์มยักษ์กับนักแสดงมากฝีมือ พร้อมประชันความแซ่บ #ซิ่นลายหงส์ เริ่มตอนแรก อังคารที่ 13 …

ໂອ້ຍ ໂອ້ຍ ໂອ້ຍຍຍ…ເວລານີ້ມາແຮງຢຸດບໍ່ຢູ່ອີ່ຫລີສຳລັບເພງ “ຄົນເຫັນແກ່ໂຕ” ຂອງນັກຮ້ອງນ້ອງໃໝ່ແຫ່ງວົງການບັນເທິງບ້ານເຮົາ ນ້ອງ ກະຕ່າຍ pepsi ພຽງແຕ່ປ່ອຍ Music Video ຜ່ານເພສ ໂກດັງ Go-DunK ໃຫ້ແຟນໆໄດ້ເບິ່ງກັນບໍ່ພໍຂ້າມຄືນກໍເຮັດໃຫ້ມີຍອດກົດໄລ້ ກົດແຊຣ ຈຳນວນຫຼາຍ ແລະ ຍອດວິວທະລຸແສນກວ່າວິວໄປແລ້ວໃນເວລານີ້ ແລະ ຄາດວ່າຈະເພີ່ມຂຶ້ນເລື້ອຍໆ… ສຳລັບເພງ “ຄົນເຫັນແກ່ໂຕ” ມີເນື້ອຫາໂດນໃຈຄົນໃນຍຸກປັດຈຸບັນ ເພງນີ້ຂຽນຂື້ນມາຈາກປະສົບການຈິງຂອງຜູ້ຊາຍຄົນໜຶ່ງ ທີ່ມີຄວາມຄິດເປັນຂອງໂຕເອງສູງ ໝັ້ນໃຈໃນການຕັດສິນໃຈຂອງໂຕເອງສູງ ຄິດແຕ່ວ່າໂຕເອງຖືກໂຕເອງເກັ່ງ ທັງໆທີ່ໂຕເອງເຮັດຜິດ ຍັງໝັ້ນໃຈ ແລະ ເຊື່ອວ່າໂຕເອງຖືກ ຍ້ອນເຂົາຄົນນັ້ນຄິດວ່າ ມັນເປັນເລື້ອງປົກກະຕິຂອງຜູ້ຊາຍທີ່ລົມສາວພ້ອມກັນສອງຄົນ ສາມຄົນໄດ້ ຈົນບໍ່ຄິດ ແລະ ບໍ່ແຄຄວາມຮູ້ສຶກຂອງຄົນທີ່ຮັກເຮົາເລີຍ ວ່າຄົນຄົນນັ້ນຈະເປັນຈັ່ງໃດ ທີ່ຕ້ອງເຈີກັບເລື້ອງແບບນີ້ ສຸດທ້າຍກວ່າຊິຄິດໄດ້ວ່າໂຕເອງເປັນ “ຄົນເຫັນແກ່ໂຕ” ມັນກະອາດຈະຊ້າເກີນໄປ ແລະ ອາດຈະເຖິງຂັ້ນເຮັດໃຫ້ຕົນເສຍຄວາມຮັກ ທີ່ຈິງໃຈໃນທີ່ສຸດ,ຂໍຝາກຜົນງານເພງນີ້ໃຫ້ກັບທຸກຄົນໂດຍສະເພາະຜູ້ຊາຍ ເພື່ອທີ່ໄດ້ຟັງແລ້ວຈະເບິ່ງເຫັນຄຸນຄ່າຂອງຄວາມຮັກດີໆຈາກຜູ້ຍິງຂອງທ່ານເອງ. ຢ່າງໃດກໍຂໍຝາກສະໜັບສະໜູນບົດເພງລາວເຮົາດ້ວຍການກົດໄລ້ ກົດແຊຣກັນໄປຫຼາຍໆແດ່ເດີ້ແຟນໆ!!!

ຊ່ວງນີ້ວົງການບັນເທີງປະເທດລາວເຮົາຖືວ່າຄຶກຄັກ ຄືກຄື້ນແບບບໍ່ເຄີຍມີມາກ່ອນ, ຫຼ້າສຸດກໍມີຂ່າວດີມາຝາກພໍ່ແມ່ພີ່ນ້ອງຊາວລາວເຮົາອີກແລ້ວ ເນື່ອງຈາກວ່າ “ທີມມິດຕະພາບກັນເອງ” ນັກກາຍະສິນຈາກລາວໄດ້ໄປຄວ້າລາງວັນ ຮອງຊະນະເລີດອັນດັບ 2 ໃນລາຍການ Thailand’s Got Talent (ຊົມເຊີຍ! ຂໍສະແດງຄວາມຍິນດີນຳຫຼາຍໆ) ສຳລັບການເດີນທາງໄປສະແດງຂອງນັກກາຍະສິນຈາກລາວ “ທີມມິດຕະພາບກັນເອງ” ທີ່ລາຍການ Thailand’s Got Talent  ແມ່ນເພື່ອຕ້ອງການຢາກມາສະແດງ ແລະ ໂຊທັກສະ ຄວາມສາມາດໃຫ້ທຸກໆຄົນໄດ້ເຫັນ ເຖິງຄວາມສາມາດຂອງຄົນລາວ ແລະ ກໍຖືວ່າພວກເຂົາໄດ້ເຮັດສຳເລັດແລ້ວ ໄດ້ໂຊທັກສະຄວາມສາມາດຈົນຕິດ 1 ໃນ 3 ແລະ ຍັງເອົາລາງວັນ ແລະ ຊື່ສຽງມາຝາກພໍ່ແມ່ພີ່ນ້ອງຊາວລາວເຮົາອີກດ້ວຍ. #ແຊຣໄປໃຫ້ໂລກຮູ້ເຖິງຄວາມສາມາດຂອງຄົນລາວ ?? ທີ່ມາ: Thailand’s Got Talent