Beauty

ຮູ້ສຶກຕື່ນເຕັ້ນກັນເຂົ້າມາອີກແລ້ວ ຈື່ຄວາມຮູ້ສຶກທີ່ຄົນລາວທົ່ວປະເທດໄດ້ເຊຍ ນ້ອງ ນຸ້ຍ ສຸພາພອນ ໃນເວທີ Miss Universe 2017 ກັນໄດ້ບໍ່??? ຄວາມຮູ້ສຶກນັ້ນກຳລັງຈະກັບມາອີກຄັ້ງໃນຊ່ວງທ້າຍປີນີ້ເດີ້ແຟນໆ… ເຊິ່ງປີນີ້ແນ່ນອນວ່າ ສາວງາມທີ່ຈະໄປເປັນຕົວແທນປະເທດລາວເຮົາກໍ່ຄື ນ້ອງ ອອນອະນົງ ຫອມສົມບັດ ຮອງອັນດັບ 1 ມິສຍູນິເວຣີດ 2017 ແຕ່ໃນປີນີ້ເປັນປີຂອງນາງທີ່ຖືກພິຈາລະນາວ່າມີຄວາມເໝາະສົມທີ່ຈະລົງສະໜາມ ແຂ່ງຂັນໃນເວທີ Miss Universe 2018 ທີ່ຈະມາຮອດໃນທ້າຍປີນີ້. ຫຼາຍໆປະເທດກໍ່ເລີ່ມໄດ້ຕົວແທນສາວງາມເພື່ອກຽມຕົວ ກຽມຄວາມພ້ອມເພື່ອໄປປະກວດຕໍ່ທີ່ເວທີ Miss Universe 2018 ເຊິ່ງນອກຈາກ ນ້ອງ ອອນ ທີ່ກຳລັງເປັນກະແສຮ້ອນແຮງກັນສຸດໆໃນເວລານີ້ ກໍ່ຍັງມີບັນດາສາວງາມປະເທດເພື່ອນບ້ານຕ່າງໆ ເຊິ່ງໃນມື້ນີ້ ຊະນີIndy ໄດ້ໄປຊອກເອົາ ສາວງາມໃນເຂດອາຊີເຮົາມາຝາກທັງໝົດ 10 ປະເທດ, ລອງມາເບິ່ງກັບວ່າຈະມີປະເທດໃດແດ່… Miss Universe Laos 2018 (ອອນອະນົງ ຫອມສົມບັດ) Miss Universe Thailand 2018 …

ຮ່າງກາຍຮູ້ສຶກໄດ້ຮັບສານພິດ ເຊິ່ງເປັນຜົນມາຈາກອາຫານການກິນ ຫຼື ມົນລະພາວະຕ່າງໆອ້ອມຕົວເຮົາ, ເຊິ່ງແຟນໆຮູ້ບໍ່ວ່າການກິນອາຫານມັນກໍ່ສາມາດລ້າງພິດທີ່ຢູ່ຮ່າງກາຍເຮົາໄດ້ເຊັ່ນດຽວກັນ ນອກຈາກຈະລ້າງສານພິດແລ້ວ ຍັງມີອີກໜຶ່ງຄຸນປະໂຫຍດດີໆເພາະອາຫານຈຳພວກນີ້ສາມາດເຜົາຜານໄຂມັນທີ່ສະສົມໃນຮ່າງກາຍອີກດ້ວຍ ມາເບິ່ງກັນມີຫຍັງແດ່.. ໝາກນາວ ເປືອກໝາກນາວມີສານທີ່ຊ່ວຍກະຕຸ້ນການເຜົາຜານຂອງຮ່າງກາຍ ແລະກະຕຸ້ນການໄຫຼວຽນຂອງເລືອດ ພຽງແຕ່ດົມກິ່ນກໍສາມາດບັນເທົາອາການວິນຫົວປວດຮາກ ຫອມຫົວໃຫ່ຍ ເນື່ອງຈາກຫອມຫົວໃຫ່ຍມີວິຕາມິນບີ 1 ຊຶ່ງຊ່ວຍໃນການເຜົາຜານອາຫານ ແລະຍັງຊ່ວຍຂັບສານພິດໃນຮ່າງກາຍອອກມາທາງປັດສາວະອີກດ້ວຍ ນໍ້າສົ້ມສາຍຊູ ມີຄຸນປະໂຫຍດຊ່ວຍຫຼຸດ Cholesterol ທີ່ບໍ່ດີ ແລະຍັງຊ່ວຍເພີ່ມປະລິມານ Cholesterol ທີ່ດີໃຫ້ຮ່າງກາຍ ນອກຈາກນີ້ຍັງກະຕຸ້ນການເຜົາຜານໃນລະບົບຮ່າງກາຍ -ຂິງ ຊ່ວຍໃຫ້ຮ່າງກາຍອົບອຸ່ນ ຂັບເຫື່ອ ຊ່ວຍປັບອຸນຫະພູມໃນຮ່າງກາຍ ຊ່ວຍເຜົາຜານໄຂມັນ ແລະນໍ້າຕານໃນຮ່າງກາຍ ເພີ່ມການເຜົາຜານໄຂມັນໃນຮ່າງກາຍ ຄວນດື່ມນໍ້າຂິງ ຫຼຶນຳມາເປັນສ່ວນປະກອບຂອງອາຫານເປັນປະຈຳ -ກະທຽມ ນອກຈາກຊ່ວຍໃນການຂັບໄລ່ສານພິດແລະເສີມສ້າງພູມຄຸ້ມກັນໃນຮ່າງກາຍແລ້ວ ກະທຽມຍັງຊ່ວຍກະຕຸ້ນການເຜົາຜານໄຂມັນແລະທາດນໍ້າຕານໃນຮ່າງກາຍ ຊ່ວຍໃນການດູດຊຶມທາດເຫຼັກ -ໝາກເລັ່ນ ເປັນຜັກທີ່ມີໄຂມັນຕໍ່າ ເສັ້ນໃຍອາຫານສູງ ກິນແລ້ວຮູ້ສຶກອິ່ມໄວ ເຮັດໃຫ້ກິນອາຫານໄດ້ໜ້ອຍລົງ ເໝາະສຳລັບຄົນທີ່ຕ້ອງການຫຼຸດນໍ້າໜັກ -ງາ ມີແຮ່ທາດຕ່າງໆຫຼາກຫຼາຍ ໂດຍສະເພາະວິຕາມິນຊີ ແລະແຮ່ທາດທີ່ຊ່ວຍຫຼຸດລະດັບສານ Triglyceride (ເຊິ່ງສານນີ້ຖ້າມີໃນເລືອດຫຼາຍຈະເຮັດໃຫ້ເກີດອັນຕະລາຍ) …

ວ້າວໆໆໆ! ເປັນກະແສຮ້ອນແຮງໃນໂລກອອນລາຍ ເມື່ອມີຊາວເນັດແຊຣພາບຂອງແມ່ຍິງຈາກປະເທດເພື່ອນບ້ານ (ປະເທດໄທ) ທີ່ຂ້ອນຂ້າງມີອາຍຸ ແຕ່ປະເດັນກໍ່ຄື ແມ່ຍິງຄົນນີ້ຍັງງາມ ຍັງສາວ ແລະ ຍັງຫຸ່ນດີເວີ້ ຈົນສາວໆແບບເຮົາຍັງຕ້ອງອາຍ, ເຊິ່ງຫຼ້າສຸດ ຊະນີIndy ກໍ່ບໍ່ພາດທີ່ຈະມາອັບເດດຂໍ້ມູນຂອງແມ່ຍິງຄົນນີ້ໃຫ້ແຟນໆໄດ້ຮູ້ເຊັ່ນດຽວກັນ. ບອກກ່ອນວ່າເຫັນອາຍຸເພິ່ນແລ້ວບໍ່ກ້າເອີ້ນ ແມ່ ຫຼື ປ້າ ເພາະ ໂສພິດ ສຸນທອນທະນະສະຖິດ ຫຼືຊື່ຫຼິ້ນຂອງເພິ່ນກໍ່ຄື (ນ້ອງ) ອາຍຸໄດ້ 55 ປີແລ້ວ (ວ້າວວວວ) ແຕ່ຍັງມີເຄົ້າໂຄງຄວາມງາມແບບສາວໆເລີຍ ຍອມຮັບວ່າເພິ່ນເບິ່ງແຍງຕົວເອງດີອີ່ຫລີ ແລະ ເພິ່ນຍັງມີໄລ້ສະຕາຍການໃຊ້ຊີວິດ ມີທັດສະນະຄະຕິທີ່ດີ ຈົນກາຍເປັນໄອດໍ້ຂອງສາວໆຍຸກໃໝ່ຈຳນວນຫຼາຍ. ເບິ່ງໃຫ້ແຈ້ງໆໄປເລີຍ ນີ້ແຫຼະຄົນອາຍຸ 55 ປີ (ເຫັນຫຸ່ນເພິ່ນແລ້ວກົ້ມເບິ່ງພຸງຕົວເອງດ່ວນນນ 555) ຮູບພາບ: fb/Sopit Soonthorntanasatit

ການເຮັດສະປາຜິວ ໝາຍເຖິງ ການທໍາຄວາມສະອາດຜິວ ແລະ ເພີ່ມອາຫານເສີມບໍາລຸງຜິວໃຫ້ເລິກເຂົ້າສູ່ຊັ້ນພາຍໃນ ໂດຍມີວິທີຕ່າງໆທີ່ແຕກຕ່າງກັນອອກໄປເຊັ່ນ: ການເຮັດສະປາດ້ວຍການນວດ, ຂັດ, ອົບອາຍນໍ້າ​ ຫຼື ພອກ ເຊິ່ງວິທີການເຫຼົ່ານີ້ຖ້າເຮັດຕະຫຼອດຢ່າງຕໍ່ເນື່ອງ ກໍຈະເຫັນໄດ້ເຖິງຄວາມປ່ຽນແປງທີ່ເກີດຂຶ້ນກັບຜິວໄດ້ຢ່າງຈະແຈ້ງ ເຊິ່ງຖືວ່າເປັນຜົນປະໂຫຍດທີ່ໄດ້ຈາກການເຮັດສະປາຜິວໂດຍກົງ ແຕ່ສາວໆຮູ້ບໍ່ວ່າ ນອກຈາກຄວາມສະບາຍທີ່ສາວໆຈະໄດ້ຮັບແລ້ວ ການເຮັດສະປາຍັງມີຜົນປະໂຫຍດອື່ນໆອີກຫຼາກຫຼາຍນຳອີກ ຜ່ອນຄາຍ ສະບາຍໃຈ. ທຸກມື້ນີ້ຄວາມຕຶງຄຽດມັກຈະເປັນສາເຫດຫຼັກໆ ເຮັດໃຫ້ບັນຫາຜິວຊຸດໂຊມລົງກວ່າເກົ່າ ເພາະຄວາມຕຶງຄຽດຈະເຮັດໃຫ້ລະບົບປ້ອງກັນຜິວໜັງອ່ອນແອລົງ ດັ່ງນັ້ນ ການເຮັດສະປາຜິວຈະຊ່ວຍຜ່ອນຄາຍຄວາມຕຶງຄຽດລົງໄດ້ເປັນຢ່າງດີ ບວກກັບຖ້າໄດ້ຟັງເພງຄ່ອຍໆສະບາຍໆ ກໍຈະຊ່ວຍໃຫ້ສະໝອງປອດໂປ່ງຫຼາຍຂຶ້ນໄດ້. ຊ່ວຍໃຫ້ຜິວພັນສົດໃສຂຶ້ນ. ການເຮັດສະປາຜິວເຊັ່ນ: ການຂັດຜິວ ແລະ ການອົບອາຍນໍ້າ ຈະຊ່ວຍກະຕຸ້ນການໄຫຼວຽນຂອງເລືອດໃຫ້ດີຂຶ້ນ ເຊິ່ງມັນຈະສົ່ງຜົນໃຫ້ການລໍາລຽງອົກຊີແຊນ ແລະ ສານອາຫານໄປຫາຜິວຊ່ວຍໃຫ້ເຮັດວຽກໄດ້ດີຂຶ້ນ ນອກຈາກນີ້ ຍັງຊ່ວຍກໍາຈັດສິ່ງຕົກຄ້າງ ແລະ ສິ່ງເສດເຫຼືອອອກຈາກຮ່າງກາຍ, ຊ່ວຍກໍາຈັດຈຸລັງ (Cells) ຜິວທີ່ຕາຍແລ້ວໃຫ້ຫຼຸດລອກອອກໄປ ເຊິ່ງຈະເຮັດໃຫ້ຜິວພັນສົດໃສຂຶ້ນ. ຊ່ວຍທໍາຄວາມສະອາດຜິວໄດ້ດີ ແລະ ກໍາຈັດສິ່ງອຸດຕັນຈາກຮູຂົນ. ຄົນສ່ວນຫຼາຍມັກຈະມີນໍ້າມັນ ແລະ ສິ່ງເປິເປື້ອນທີ່ຕົກຄ້າງຢູ່ບໍລິເວນຜິວໜັງ ຈາກການລ້າງໜ້າ …

ລັດເລາະໄປເວທີ Miss Universe Spain ກັນແດ່, ຫຼ້າສຸດເພິ່ນກໍ່ໄດ້ມາແລ້ວກັບສາວງາມທີ່ເໝາະສົມກັບຕຳແໜ່ງອັນຊົງກຽດນີ້ ແລະ ປີນີ້ເຮັດເອົາ ຮືຮາ ໄປທົ່ວໂລກ ເນື່ອງຈາກວ່າ ສາວງາມທີ່ຄວ້າມົງກຸດ  Miss Universe Spain 2018 ມີນາມວ່າ Angela Ponce ເປັນສາວງາມຂ້າມເພດ (ສາວປະເພດສອງ) ຖືໄດ້ວ່າເປັນປະຫວັດສາດໜ້າໃໝ່ ສຳລັບການປະກວດນາງງາມໃນທີ່ Miss Universe. ເຊິ່ງ Angela Ponce ເປັນສາວປະເພດສອງຄົນທຳອິດ ທີ່ໄດ້ມີໂອກາດເປັນຕົວແທນປະເທດລົງປະກວດໃນເວທີໃຫ່ຍລະດັບໂລກຢ່າງເວທີ ນາງງາມຈັກກະວານ (Miss Universe) ສຳລັບສາວງາມຄົນນີ້ມີອາຊີບເປັນ ນາງແບບ ແລະ ບອກໄດ້ເລີຍວ່າໃນປີ 2018 ນີ້ບໍ່ແມ່ນປີທຳອິດທີ່ນາງໄດ້ເຂົ້າມາປະກວດ ເພາະນາງເລີ່ມມາປະກວດຕັ້ງແຕ່ປີ 2015 ແຕ່ພາດມົງກຸດໄປ ແຕ່ຍ້ອນຄວາມຮັກ ແລະ ມັກໃນສິ່ງທີ່ຢາກເຮັດ ເລີຍບໍ່ຍອມແພ້ ແລະ ມີຄວາມພະຍາຍາມສູງ ນາງຈຶ່ງກັບເຂົ້າມາສະໝັກປະກວດໃໝ່ໃນປີນີ້ ພ້ອມກັບສ້າງປະຫວັດສາດໜ້າໃໝ່ໃຫ້ກັບເວທີ ນາງງາມຈັກກະວານ ແລະ Angela Ponce ຍັງເອີ້ນສຽງຮືຮາ ແລະ …