Beauty

ການນອນເອີ້ນໄດ້ວ່າເປັນກິດຈະກຳສຳຄັນໃນຊີວິດເລີຍກໍວ່າໄດ້ ເພາະການນອນເຮັດໃຫ້ທຸກສ່ວນຂອງຮ່າງກາຍໄດ້ຢຸດພັກ ໄດ້ສ້ອມແຊມ ປັບສົມດູນ ແລະ ຟື້ນຟູທຸກສ່ວນຕ່າງໆຂອງຮ່າງກາຍ ແລະ ສະໝອງ ໃນ 1 ມື້, ເຮົາຄວນໃຊ້ເວລາໃນການນອນໃຫ້ພຽງພໍຢ່າງໜ້ອຍມື້ລະ 8 ຊົ່ວໂມງ ແຕ່ຍັງມີຄົນຈຳນວນບໍ່ໜ້ອຍທີ່ລະເລີຍ ອາດຈະບໍ່ໃສ່ໃຈໃນການນອນຫຼັບພັກຜ່ອນຢ່າງພຽງພໍ ດ້ວຍສາເຫດນີ້ເພື່ອຕ້ອງການລົນນະລົງໃຫ້ທຸກໆຄົນໃນໂລກຫັນມາໃສ່ໃຈໃນຄວາມສຳຄັນຂອງການນອນ ທາງສະມາຄົມການແພດ(World Association of Sleep Medicine : WASM) ຈື່ງໄດ້ມີການກຳໜົດໃນວັນສຸກຂອງ ອາທິດທີ 2 ໃນເດືອນມີນາຂອງທຸກປີ ໃຫ້ເປັນ ວັນ ນອນຫຼັບໂລກ ເຊິ່ງໃນປີນີ້ກົງກັບວັນທີ 16 ມີນາ 2018 ນັ້ນເອງ. ສຳລັບວັນນອນຫຼັບໂລກມີຂຶ້ນຄັ້ງທຳອິດໃນວັນທີ 14 ມີນາ 2008 ຫຼັງຈາກນັ້ນກໍໄດ້ຈັດຕິດຕໍ່ກັນມາເລື້ອຍໆທຸກໆປີ ເຊິ່ງໃນແຕ່ລະປີຈະມີັການຕັ້ງຄຳຂວັນປະຈຳປີນັ້ນໆຂຶ້ນມາ ເພື່ອດຶງດູດຄວາມສົນໃຈຂອງຜູ້ຄົນ ໂດຍປີ 2018 ໄດ້ມີກຳໜົດຄຳຂວັນອອກມາວ່າ  “Join the Sleep World, …

ຊ່ວງອາທິດທີ່ຜ່ານມາມີອິນບ໋ອກເຂົ້າມາຖາມ ຊະນີIndy ກັນຢ່າງຫຼວງຫຼາຍຍ້ອນວ່າເຫຼົ່າແຟນໆບາງຄົນກໍຍັງງົງ ບໍ່ເຂົ້າໃຈ ແລະ ເລົ່າເຫດການວ່າ 2 ອາທິດທີ່ຜ່ານມາທຸກໆວັນສຸກຈະເຫັນ ເຊເລບບິຕີ້  ນັກຮ້ອງ ນັກສະແດງ ນາງງາມ ນາງແບບ ພິທີກອນ ເວົ້າແບບງ່າຍໆກໍແມ່ນເຫຼົ່າຄົນດັງຂອງວົງການບັນເທີງ ແມ່ນພວກເຂົາລວມຕົວກັນເຮັດຫຍັງ? ດັ່ງນັ້ນ ຊະນີIndy ເລີຍຈະມາໄຂຂໍ້ຂ້ອງໃຈໃຫ້ແຟນໆເປັນບ່ອນທຳອິດເລີຍວ່າ ເຫຼົ່າຄົນບັນເທີງທີ່ແຟນໆໄດ້ເຫັນພວກເຂົາລວມຕົວກັນໃນແຕ່ລະວັນສຸກນັ້ນ ແມ່ນພວກເຂົາອອກມາລະດົມທຶນໃຫ້ແກ່ໂຄງການ “Bike For Her 2018” ເພື່ອບໍລິຈາກໃຫ້ແກ່ ສູນໃຫ້ຄຳປຶກສາ ແລະ ປົກປ້ອງແມ່ຍິງ ແລະ ເດັກນ້ອຍ ເຊິ່ງພວກເຂົາເປັນຈິດອາສາທີ່ຈະມາລະດົມທຶນກັບພໍ່ແມ່ພີ່ນ້ອງຊາວລາວທຸກໆຄົນ ເຊິ່ງສະຖານທີ່ໆພວກເຂົາໄປກໍຈະແມ່ນຕາມສະຖານທີ່ສາທາລະນະ ບ່ອນຊຸມນຸມຊົນທົ່ວໄປນັ້ນເອງ. ການເປັນຈິດອາສາຂອງເຫຼົ່າຄົນດັງບໍ່ວ່າຈະເປັນ ເຈນນີ່ ຕົ້ນຄຳ ພົນຈັນເຮືອງ ມິສເວີລາວ 2017, ນ້ອງ ພຸດທະສອນ ສີດາວັນ ນັກສະແດງ-ນາງແບບ, ນໍ້າຝົນ ນັກຮ້ອງຊື່ດັງແຫ່ງຄ້າຍ ອິນດີ້ ເຣກຂອດ, ຕານ້ອຍ ພອນສຸດາ ນາງແບບ, ກູ່ …

ການດື່ມນໍ້າທີ່ໜ້ອຍເກີນໄປ ຫຼາຍເກີນໄປ ຫຼືບໍ່ເໝາະສົມກັບເວລາ ອາດຈະສົ່ງຜົນສ່ຽງກັບຮ່າງກາຍໄດ້… ສາວໆ ຮູ້ບໍ່ວ່າ 4 ໃນ 5 ສ່ວນຂອງຮ່າງກາຍຄົນເຮົານັ້ນປະກອບໄປດ້ວຍນໍ້າ ນໍ້າຄືສິ່ງທີ່ຮ່າງກາຍຂາດບໍ່ໄດ້ ເນື່ອງຈາກລະບົບໂລຫິດຂອງຮ່າງກາຍຕ້ອງຂັບເຄື່ອນດ້ວຍນໍ້າ ເພື່ອໃຫ້ອະໄວຍະວະຕ່າວໆເຮັດວຽກໄດ້ຢ່າງເປັນປົກກະຕິ ແລະການດື່ມນໍ້າໃຫ້ຖືກວິທີຈະສົ່ງຜົນໃຫ້ຮ່າງກາຍມີສຸຂະພາບທີ່ດີຫຼາຍຍິ່ງຂຶ້ນ ສະນັ້ນ ສາວໆລອງມາປະຕິບັດຕາມຄໍາແນະນໍາດັ່ງຕໍ່ໄປນີ້ເບິ່ງ… ບໍ່ດື່ມນໍ້າຫຼາຍເທື່ອດຽວ ແຕ່ໃຫ້ດື່ມນໍ້າໜ້ອຍໆ ແຕ່ດື່ມຕະຫຼອດແທນຈະດີກວ່າການດື່ມນໍ້າໃນຄັ້ງດຽວຫຼາຍເກີນໄປຈົນເຮັດໃຫ້ຈຸກ ແລະສົ່ງຜົນເຮັດໃຫ້ເລືອດຈາງ ທີ່ເອີ້ນກັນວ່າອາການ ນໍ້າເປັນຜິດ ບໍ່ດື່ມມນໍ້າເຢັນແຮງ ຍັງຄົງເປັນທີ່ຖົກຖຽງກັນຢູ່ວ່າ ການດື່ມນໍ້າເຢັນເປັນໂທດກັບຮ່າງກາຍຫຼາຍປານໃດ ຕາມຫຼັກການແພດບໍ່ພົບວ່າເປັນໂທດກັບຮ່າງກາຍ ແຕ່ທາງແພດແຜນຈີນຕະຄ້ອນຂ້າງບໍ່ນິຍົມໃຫ້ດຶ່ມນໍ້າເຢັນໆ ແຕ່ການດື່ມນໍ້າເຢັນແຮງຄືພວກ ໃສ່ນໍ້າແຂງນັ້ນ ເປັນຜົນເສຍກັບຮາກແຂ້ວ ແລະເຮັດໃຫ້ທ້ອງອືດ ການຍ່ອຍອາຫານເປັນໄປໄດ້ຍາກກວ່າດື່ມນໍ້າອຸນຫະພູມປົກກະຕິ ດື່ມນໍ້າຫຼັງຕື່ນນອນສໍາຄັນທີ່ສຸດ ແນະນໍາໃຫ້ດື່ມນໍ້າອຸ່ນຫຼັງຈາກຕື່ນນອນຈັກ 1 ຈອກ ເນື່ອງຈາກຕອນນອນເປັນໄລຍະທີ່ຂາດນໍ້າເປັນເວລາດົນເລືອດຈະຂຸ້ນ ການດື່ມນໍ້າອຸ່ນຫຼາຍຈະຊ່ວຍໃຫ້ລະບົບການໄຫຼວຽນໂລຫິກດີຂຶ້ນ ບໍ່ເຮັດໃຫ້ເຈັບຫົວ ແລະສົ່ງຜົນດີກັບການຂັບຖ່າຍເຊິ່ງຄວນເຮັດໃຫ້ຕິດເປັນນິໄສ ບໍ່ດື່ມນໍ້າຫຼາຍກ່ອນ ແລະຫຼັງກິນອາຫານ ລະຫວ່າງກິນອາຫານບໍ່ຄວນດື່ມນໍ້າຫຼາຍເພາະຈະເຮັດໃຫ້ໄປລົບກວນລະບົບການຍ່ອຍອາຫານ ຄວນດື່ມກ່ອນອາຫານ 15 ນາທີ ແລະຫຼັງອາຫານ 45 ນາທີ ລວມເຖິງໄລຍະຮັບປະທານອາຫານນໍາ …

Positive Thinking Positive Life ພຽງຄິດບວກຊີວິດເຮົາກໍປ່ຽນໄປ ພຽງຄິດບວກ ຊີວິດກໍປ່ຽນ ຄິດບວກຕີ່ລະ ຊີວິດຈະໄດ້ດີຂຶ້ນ ສາບາຍດີວັນຂອງການເລີ່ມຕົ້ນເດືອນແຫ່ງຄວາມຮັກເດີ່ສາວໆ ຂວັນໃຈ ທັງຫຼາຍ ນີ້ກໍເປັນເດືອນທີ 2 ຂອງປີ 2018 ກັນແລ້ວ ເວລາມັນຊ່າງໄວອີ່ຫຍັງປານນີ້ເນາະ! ສາວໆເວລາຜ່ານໄປໃນແຕ່ລະນາທີ ແຕ່ລະຊົ່ວໂມງ ກາຍເປັນມື້ ເປັນເດືອນ ເປັນປີ ເວລາມັນບໍ່ເຄີຍລໍຖ້າເຮົາເລີຍ! ແລ້ວສາວໆເດຫັນກັບມາຊີວິດຕົວເອງແລ້ວບໍວ່າ ມັນເປັນແນວໃດພໍໃຈກັບສິ່ງທີ່ເປັນຢູ່ ຫຼືຍັງ ມີຄວາມສຸກກັບຊີວິດຕົວເອງໄດ້ພຽງໃດແລ້ວ ຖ້າຍັງລອງເປີດໃຈວ່າຄວາມຈິງແລ້ວຕົວເອງເປັນຄົນແນວໃດ? ມີຫຍັງທີ່ຕ້ອງປ່ຽນແປງ? ບັນຫາຫຍັງທີ່ເຮັດໃຫ້ເຮົາບໍ່ປະສົບຄວາມສໍາເລັດຕາມທີ່ຕົວເອງຕັ້ງໃຈໄວ້ ຖ້າເຈົ້າຈະປະສົບຄວາມສໍາເລັດຕາມເປົ້າໝາຍທີ່ຕັ້ງໄວ້ໃນປີໜ້າ ລອງມາປ່ຽນແປງຕົວເອງຕາມວິທີທີ່ເຮົາຈະເອົາມາຕ້ອນກັນໃນມື້ນີ້ເບິ່ງ… ເພິ່ນວ່າ ພຽງປ່ຽນຄວາມຄິດ ຊີວິດຈະມີແຕ່ບວກ ບວກ ບວກ!!! ເລີ່ມສໍາລວດຕົວເອງກັນເລີຍສາວໆ… ຄິດ (ຫຼາຍ) ໃຫ້ໜ້ອຍລົງ ຍິ້ມໃຫ້ຫຼາຍຂຶ້ນ ເປັນທໍາມະດາທີ່ມື້ໆໜຶ່ງເຮົາຕ້ອງພົບບັນຫາຫຼາກຫຼາຍຕັ້ງແຕ່ຕື່ນນອນ ແນ່ນອນວ່າປັດໃຈເຫຼົ່ານີ້ມັນເຮັດໃຫ້ເຈົ້າເກີດຄວາມຮູ້ສຶກທີ່ຫຼາກຫຼາຍໃນແຕ່ລະມື້ ການທີ່ເຮົາຄິດຫຼາຍເກີນໄປກັບເລື່ອງທີ່ຍັງບໍ່ເກີດຂຶ້ນ ຈຶ່ງເຮັດໃຫ້ເຮົາເກີດຄວາມກັງວົນເພາະສະໝອງຍຶດຕິດຢູ່ກັບຄວາມຮູ້ສຶກທີ່ວ່າ ຢ້ານວ່າຈະ… ທັ້ງໆທີ່ຄວາມຈິງມັນອາດຈະບໍ່ເກີດຂຶ້ນກໍໄດ້ ດັ່ງນັ້ນ …

ບອກໄວ້ກ່ອນ!!! 5 ເລື່ອງທີ່ບໍ່ຄວນເວົ້າກັບພໍ່ແມ່ຖ້າເພິ່ນຍັງມີຊີວິດຢູ່… ລູກທຸກຄົນຮູ້ດີວ່າ ພໍ່ແມ່ຄືຜູ້ທີ່ໃຫ້ກໍາເນີດ ແລະລ້ຽງດູເຮົາມາຕັ້ງແຕ່ຕີນເທົ່າຝາຫອຍ ເມື່ອເຕີບໃຫຍ່ມາກໍຍັງຕ້ອງຊອກຫາເງິນເພື່ອສົງເສີມໃຫ້ລູກໄດ້ຮຽນໜັງສືສູງ ຈະໄດ້ມີອາຊີບທີ່ໝັ້ນຄົງ ແລະສະບາຍກວ່າພໍ່ແມ່ທີ່ເປັນຢູ່ ແຕ່ໃນບາງຄັ້ງລູກໆຄືເຮົາກໍອາດຈະເຮັດໃຫ້ພໍ່ແມ່ເສຍໃຈ ເສຍນໍ້າຕາໄປແດ່ ທັງເລື່ອງທີ່ຕັ້ງໃຈ ແລະບໍ່ໄດ້ຕັ້ງໃຈ ບາງເທື່ອກໍຫຼົງເວົ້າສິ່ງທີ່ບໍ່ໄດ້ຄິດໄປແບບບໍ່ຕັ້ງໃຈກໍມີ ແລະກໍບໍ່ຮູ້ວ່າສິ່ງທີ່ເວົ້າໄປນັ້ນຈະເຮັດໃຫ້ຜູ້ເປັນພໍ່ແມ່ເສຍໃຈ ຫຼືບໍ່? ມື້ນີ້ເຮົາຈະມາບອກເຖິງ 5 ເລື່ອງທີ່ຫ້າມເວົ້າກັບພໍ່ແມ່ເດັດຂາດໃນຕອນທີ່ເພິ່ນມີຊີວິດຢູ່ ໄປເບິ່ງກັນເລີຍ… ຢ່າໂທດພໍ່ແມ່ວ່າ ຂາດຄວາມສາມາດ ບໍ່ມີໃຜທີ່ເກັ່ງໄປທຸກເລື່ອງ ແລະບໍ່ມີໃຜເຮັດທຸກເລື່ອງໄດ້ສົມບູນ ເຖິງພໍ່ແມ່ຂອງເຮົາຈະສູ້ພໍ່ແມ່ຂອງຄົນອື່ນບໍ່ໄດ້ໃນບາງເລື່ອງ ແຕ່ເພິ່ນກໍສາມາດລ້ຽງດູເຮົາມາຈົນເຕີບໃຫຍ່ ແລະເພິ່ນກໍຄືຄົນທີ່ຮັກເຮົາທີ່ສຸດ ຖ້າໃຜທີ່ຄິດດູຖູກຄວາມສາມາດຂອງພໍ່ແມ່ອາດຈະເປັນຕາບາບໄປທັງຊີວິດຂອງເຈົ້າເລີຍແຫຼະ ຢ່າໂທດພໍ່ແມ່ວ່າ ມັກຊູຊີ ພໍ່ແມ່ເກີດມາກ່ອນເຮົາມີປະສົບການຫຼາຍກວ່າເຮົາ ຢ່າເວົ້າແຮງໃສ່ເມື່ອທ່ານຊູຊີໃຫ້ເຮົາກິນເຂົ້າ ໃຫ້ໃສ່ເຄື່ອງໜາໆໃນຍາວໜາວ ໃຫ້ໃສ່ໝວກກັນນ໋ອກຍາມຊິອອກໄນອກ ໃຫ້ກັບເຮືອນໄວໆ ໃຫ້ມ້ຽນຫ້ອງນອນ ແລະອື່ນໆ ເພາະບໍ່ມີໃຜຈະມາຫຍຸ້ງກັບຊີວິດເຮົາດອກ ຖ້າເຂົາບໍ່ໄດ້ຮັກເຮົາ ພໍ່ແມ່ບໍ່ມີທາງຊູຊີີຄົນອື່ນທີ່ບໍ່ແມ່ນລູກແມ່ນຫຼານຂອງເພິ່ນແນ່ນອນ ຢ່າໂທດພໍ່ແມ່ວ່າ ມັກຈົ່ມມັກດ່າ ທີ່ພໍ່ແມ່ເພິ່ນຈົ່ມເພິ່ນວ່າກໍຍ້ອນເຮົາເຮັດບໍ່ດີ ແລະທີ່ເພິ່ນຈົ່ມວ່າກໍບໍ່ແມ່ນຍ້ອນເພື່ອຕົວເພິ່ນເອງ ແຕ່ເພື່ອເຮົາ ບໍ່ມີພໍ່ແມ່ຄົນໃດທີ່ບໍ່ຮັກລູກຂອງຕົວເອງ ບໍ່ມີພໍ່ແມ່ຄົນໃດບໍ່ຢາກໃຫ້ລູກຕົວເອງມີຄວາມຈະເລີນກ້າວໜ້າກວ່າຕົນເອງ ເມື່ອພໍ່ແມ່ຈົ່ມຢ່າຄິດວ່າເພິ່ນດ່າ ຄິດວ່າເປັນຄໍາສັ່ງສອນດີໆ ທີ່ອອກມາຈາກຄວາມຫວັງດີຂອງຜູ້ເປັນພໍ່ແມ່ທີ່ຢາກໃຫ້ລູກເຕີບໃຫຍ່ …