Home

ໄຂ່ໄກ່ ໄຂ່ໄກ່ເປັນສຸດຍອດອາຫານທີ່ຫາໄດ້ງ່າຍ ແລະ ລາຄາຍັງຖືກອີກ ໄຂ່ໄກ່ນັ້ນເປັນແຫຼ່ງຂອງໂປຣຕິນທີ່ມີຄຸນນະພາບສູງ ທີ່ຈະເຮັດໃຫ້ທ່ານໄດ້ພະລັງງານແຕ່ບໍ່ຕຸ້ຍ ແລະ ຍັງມີປະໂຫຍດໃນການບຳລຸງສາຍຕາ, ຍັງມີລູທີນ(Lutein)ທີ່ຈະປ້ອງກັນຜິວຈາກການທຳລາຍຂອງແສງແດດອີກດ້ວຍ. 2. ຖົ່ວ ຖົ່ວເປັນແຫຼ່ງຂອງເຫຼັກ ເຊິ່ງເປັນສານອາຫານທີ່ຊ່ວຍໃນການສົ່ງຜ່ານ oxygen ຈາກປອດໄປຫາເຊວຕ່າງໆຂອງຮ່າງກາຍ ໃນຖົ່ວ 1 ຖ້ວຍ ຈະໃຫ້ທາດເຫຼັກປະມານ 16 ມິນລີກະກຼາມ ເຊິ່ງຖືວ່າເປັນປະລິມານທີ່ສູງ ນອກຈາກນີ້ຖົ່ວຍັງມີໄຟເບີຊ່ວຍໃຫ້ຮ່າງກາຍຂັບຖ່າຍໄດ້ງ່າຍອີກດ້ວຍ. 3. ໝາກກ້ຽງ ເປັນແຫຼ່ງວິຕາມິນ C ທີ່ມີປະໂຫຍດຕໍ່ການສ້າງເມັດເລືອດຂາວ, ຊ່ວຍສ້າງພູມຕ້ານທານພະຍາດ ແລະ ຍັງມີໄຟເບີສູງ ເປັນແຫຼ່ງຂອງແອນຕີ້ອ໋ອກຊີເດນ( anti oxidant )ທີ່ຈະຊ່ວຍປົກປ້ອງເຊວຜິວຈາກການຖືກທຳລາຍ ແລະ ເສີມສ້າງຄໍລາເຈນ(collagen)ໃນຜິວອີກດ້ວຍ. 4. ຊາ ແມ່ນວ່າຊາຈະເປັນເຄື່ອງດື່ມທີ່ບໍ່ໄດ້ໃຫ້ຜົນດີຕໍ່ສຸຂະພາບປານໃດແຕ່ຮູ້ບໍວ່າການດື່ມຊາໃນປະລິມານທີ່ພໍດີ ຈະຊ່ວຍຫຼຸດຄວາມສ່ຽງຕໍ່ການເປັນຄວາຈຳເຊື່ອມ, ມະເຮັງ, ເຮັດໃຫ້ສຸຂະພາບແຂ້ວ ແລະ ກະດູກແຂງແຮງຂຶ້ນ ເພາະໃນຊານັ້ນມີສານແອນຕີ້ອ໋ອກຊີເດນ( anti oxidant )ທີ່ຮ້ອງວ່າ ຟຣາໂວນອຍ …

ຢ່າຄໍ້າປະກັນໃຫ້ໃຜ ຂໍ້ນີ້ສໍາຄັນຫຼາຍບໍ່ຄວນຄໍ້າປະກັນໃຫ້ໃຜແບບງ່າຍດາຍ ບໍ່ວ່າຈະຄົນຮັກແພງໃກ້ຊິດກັນກໍ່ຕາມ ເພາະຫຼາຍໆຄົນມັກເຈີປັນຫາກັບເລື່ອງແບບນີ້ມາຫຼາຍ ເພາະວ່າການຄໍ້າປະກັນໃຫ້ບຸກຄົນໃດໜຶ່ງຖ້າເຂົາບໍ່ຊໍາລະກໍຖືວ່າຜູ້ຄໍ້າປະກັນຕ້ອງທົດແທນລູກໜີ້ທີ່ບໍ່ຍອມຊໍາລະເງິນ ໃນຍາມວິກິດແບບນີ້ກໍ່ມີລູກໜີ້ຈໍານວນຫຼາຍທີ່ສວຍໂອກາດຫຼືກໜີໜິ້ນສິນ 2. ບໍ່ຄວນລົງທຶນເຮັດທຸລະກິດໃໝ່ ໃນເວລາທີ່ເສດຖະກິດບໍ່ດີແນ່ນອນ, ການຄ້າ, ການຂາຍ ຫລື ຜົນກຳໄລຈະຫຼຸດລົງຢ່າງແນ່ນອນ. ຜູ້ປະກອບການທັງຫຼາຍກໍກຳລັງຊອກຫາວິທີທາງເພື່ອເພີ່ມລາຍໄດ້ເພື່ອເຮັດໃຫ້ຍອດຂາຍ ແລະ ຜົນກຳໄລກັບມາ. ວິທີໜຶ່ງໃນການເພີ່ມກຳໄລແມ່ນການລົງທືນເພີ່ມເຕີມຈະເປີດສາຂາ ໃໝ່ເພື່ອເພີ່ມຍອດຂາຍ ຫຼື ຢ່າງອື່ນທີ່ຕ້ອງການເງິນຫຼາຍ, ຂໍບອກວ່າໃຫ້ຢຸດພັກກ່ອນເພາະມັນອາດຈະເປັນຄວາມສ່ຽງທີ່ເພີ່ມຂື້ນ. ນອກຈາກນັ້ນ, ຖ້າການລົງທືນເພີ່ມຕ້ອງໄດ້ຢືມໜີ້ຫຼາຍຂື້ນ. ຕ້ອງການເພີ່ມຄວາມລະມັດລະວັງເພາະວ່າໄລຍະເວລາການຄຸມທຶນ ແມ່ນແຕ່ເວລາທີ່ເສດຖະກິດບໍ່ດີຈະມີຫຼາຍ. ຖ້າຫາກຕ້ອງການເພື່ອເພີ່ມຍອດຂາຍໃຫ້ກັບມາ, ອາດຈະເລີ່ມຈາກການຫຼຸດຜ່ອນລາຍຈ່າຍ ຫຼື ຖ້າເປັນຄົນຄ້າຂາຍອາດຈະຕໍ່ ຫຼື ຂະຫຍາຍເວລາການເປີດ - ປິດອອກໄປ 3. ຢ່ານໍາເອົາເງິນເກັບມາໃຊ້ ບາງຄົນບໍ່ໄດ້ມີບັນຫາເລື່ອງການເງິນ ຫຼື ເສດຖະກິດ ຫຼື ອາດຈະຍັງບໍ່ຮູ້ສຶກວ່າຕົນໄດ້ຮັບຜົນກະທົບຈາກພາວະເສດຖະກິດ ເລີຍເຮັດໃຫ້ບໍ່ມີຄວາມບໍ່ກັງວົນ ຈຶ່ງນໍາເງິນທີ່ເກັບອອກມາໃຊ້ແບບບໍ່ຈໍາເປັນ ຈົນສຸດທ້າຍໃຍບາມເສດຖະກິດບໍ່ດີອາດແບບນີ້ເກີດເຫດສຸກເສີນເຮັດໃຫ້ບໍ່ມີເງິນມາຮອງຮັບໃນຍາມຈໍາເປັນໄດ້ ແລະ ການທີ່ນໍາເອົາເງິນມາໃຊ້ບໍ່ແມ່ນສິ່ງທີ່ຖືກຕ້ອງ ຄວນໃຊ້ໃຫ້ພໍໂຕຖຶວ່າດີ 4. ຫຼີກລ້ຽງການເປັນໜີ້ ແມ່ນຫຍັງທີ່ບໍ່ຈໍາເປັນຄວນພັກໄວ້ກ່ອນ ບໍ່ວ່າເຈົ້າຈະວາງແຜນຊື້ເຄື່ອງໃໝ່ …

ຕ້ອງຮູ້ຈັກຮັບຟັງຄົນຮັກແດ່ ຫລາຍຄົນທີ່ໃຊ້ຊີວິດຢູ່ ຕົວຄົນດຽວມາດົນ ຈົນອາດສົ່ງຜົນໃຫ້ກາຍເປັນຄົນບໍ່ຮັບຟັງໃຜນອກຈາກຕົວເອງແລະຕາມໃຈແຕ່ຕົວເອງຫຼາຍກວ່າທີ່ຈະຮັບຟັງຄວາມຄິດເຫັນຂອງຄົນອື່ນໆແດ່ ເຊິ່ງຟັງເບິ່ງແລ້ວກໍ່ບໍ່ຄ່ອຍດີເລີຍແມ່ນບໍ່ລະ ນີ້ຈຶ່ງເປັນສິ່ງທີ່ສາວໆ ບາງຄົນຄວນຕ້ອງປັບຕົວ ກ່ອນຄິດຈະເລີ່ມຕົ້ນຄວາມສຳພັນຄັ້ງໃຫ່ ເພາະເຮົາຈະຕ້ອງບໍ່ລືມວ່າ ຕໍ່ໄປໃນອະນາຄົດເຮົາອາດຈະບໍ່ໄດ້ໃຊ້ຊີວິດຢູ່ຕົວຄົນດຽວຄືເກົ່າແລ້ວ ການຫັດທຳຄວາມເຂົ້າໃຈໃນສິ່ງທີ່ຄົນຮັກຂອງເຮົາຕ້ອງການ ກໍ່ຖືເປັນອີກຫນຶ່ງວິທີທີ່ຈະຊ່ວຍຮັກສາ ຄວາມສຳພັນໃຫ້ຄົງຢູ່ໄດ້ຢ່າງຍາວນານ ແລະ ຍັງຖືເປັນການເອົາໃຈໃສ່ໃນຄວາມສຳພັນທີ່ບໍ່ໄດ້ປ່ອຍໃຫ້ອີກຝ່າຍຕ້ອພະຍາຍາມ ຢູ່ຄົນດຽວອີກດ້ວຍ. ຮູ້ຂໍ້ບົກພ່ອງຂອງຕົວເອງ ແລະ ແກ້ໄຂ ປະຕິເສດບໍ່ໄດ້ວ່າຄວາມຮັກ ຄັ້ງທີ່ຜ່ານໆມາ ໃຜຫລາຍຄົນເອງຕ່າງກໍ່ມີສ່ວນທີ່ເຮັດໃຫ້ເກີດຄວາມຜິດພາດຈົນບໍ່ສາມາດຍ່າງຫນ້າໄປຕໍ່ໄດ້ ເຊິ່ງສຸດທ້າຍແລ້ວ ຄວາມສຳພັນກໍ່ຕ້ອງປິດສາກລົງ ຫລາຍຕໍ່ຫລາຍຄັ້ງ ແລະ ກໍ່ໃຫ້ເກີດເປັນຄວາມເຈັບປວດທັ້ງຕໍ່ຕົວເຮົາເອງ ແລະ ອີກຝ່າຍ ຢ່າງຫລີກລ່ຽງບໍ່ໄດ້ຕາມມາ ເພາະສະນັ້ນການຮູ້ໃຫ້ທັນຂໍ້ບົກພ່ອງຂອງຕົວເອງແລະພະຍາຍາມຍັບຍັ້ງບໍ່ໃຫ້ມັນເກີດຂຶ້ນອີກ ກໍ່ເປັນສິ່ງທີ່ສາມາດຊ່ວຍປະຄັບປະຄອງຄວາມສຳພັນບໍ່ໃຫ້ຕ້ອງເກີດຈຸດຈົບຢ່າງທີ່ເຄີຍເປັນຂຶ້ນໄດ້ ຍອມຮັບວ່າທຸກສິ່ງປ່ຽນແປງໄດ້ສະເຫມີ ຄວາມປ່ຽນແປງ ເປັນເລື່ອງທີ່ສາມາດເກີດຂຶ້ນໄດ້ຕະຫລອດເວລາ ບໍ່ເວັ້ນແມ້ກະທັ້ງ ຄວາມຮັກ ທີ່ບໍ່ວ່າຈະປ່ຽນໄປໃນດ້ານຄວາມຮູ້ສຶກລຶກໆ ຫລື ພຶດຕິກຳ ຂອງຕົວບຸກຄົນເອງ ນັ້ນກໍ່ລ້ວນເປັນຄວາມປ່ຽນແປງດ້ວຍກັນທັ້ງສິ້ນ ການຍອມຮັບຄຳວ່າ ປ່ຽນ ໃຫ້ໄດ້ ຈຶ່ງຖືເປັນເລື່ອງ ຈຳເປັນສຳຫລັບທຸກໆ ເລື່ອງ ທີ່ຈະຊ່ວຍເຮັດໃຫ້ຫຍັງຕໍ່ຫຍັງຫລາຍໆຢ່າງງ່າຍດາຍຍິ່ງຂຶ້ນກວ່າເກົ່າໂດຍສະເພາະ ຖ້າຫາກມື້ໃດມື້ຫນຶ່ງ …

Httpool Laos (ເອຈ໌ທີທີພູລ ລາວ) ແມ່ນບໍລິສັດໃນເຄືອຂອງ Aleph Holding (ອາເລັບ ໂຮນດີ້ງ), ຄູ່ຮ່ວມມືລະດັບໂລກທີ່ໃຫຍ່ທີ່ສຸດຂອງບັນດາແພຼັດຟອມຫຼັກດ້ານສື່, ເຊິ່ງໄດ້ສະເຫຼີມສະຫຼອງຄົບຮອບໜຶ່ງປີໃນເດືອນພຶດສະພານີ້. ການສ້າງຕັ້ງຫ້ອງການທ່າມກາງການແຜ່ລະບາດຂອງພະຍາດແຕ່ຍັງໄດ້ສຳເລັດ Facebook Advertising Campaign (ແຄັມເປນໂຄສະນາທາງເຟສບຸກ) ຫຼາຍກວ່າ 8.600 ແຄັມເປນ ຖືເປັນການລິເລີ່ມທີ່ໜ້າຕື່ນເຕັ້ນແລະທ້າທາຍຂອງບໍລິສັດ. ປັດຈຸບັນ Httpool ກຳລັງເຮັດໜ້າທີ່ເປັນຄູ່ຮ່ວມຄ້າດ້ານການຂາຍຢ່າງເປັນທາງການຂອງເຟສບຸກ (Facebook Authorized Sales Partner), ເພື່ອຊ່ວຍເຫຼືອບັນດາບໍລິສັດແລະແບຣນຕ່າງໆໃນການເຮັດໂຄສະນາຂອງພວກເຂົາຜ່ານແພຼັດຟອມຍັກໃຫຍ່ລະດັບໂລກດັ່ງກ່າວ. ໃນຖານະທີ່ເປັນແພຼັດຟອມດີຈີຕ້ອນທີ່ສຳຄັນທີ່ສຸດໃນປະເທດລາວ, ເຟສບຸກໄດ້ຖືກນຳໃຊ້ປະມານ 3,4 ລ້ານຄົນ (ແຫຼ່ງຂໍ້ມູນ: https://datareportal.com/reports/digital-2021-laos?rq=laos) ເຊິ່ງເປັນຊ່ອງທາງທີ່ດີທີ່ສຸດໃຫ້ກັບທຸລະກິດພາຍໃນປະເທດສຳລັບການເຂົ້າເຖິງບັນດາຜູ້ບໍລິໂພກ, ນໍາສະເໜີແບ່ງປັນຂໍ້ສະເໜີຕ່າງໆ, ແຈ້ງໃຫ້ລູກຄ້າຊາບກ່ຽວກັບຜະລິດຕະພັນໃໝ່ແລະຍົກສູງໃຫ້ແບຣນເປັນທີ່ຮູ້ຈັກຫຼາຍຂຶ້ນ. ການຊ່ວຍເຫຼືອ, ຄວາມຊ່ຽວຊານ, ແລະ ການສຶກສາ ທີມງານຜູ້ຊ່ຽວຊານດ້ານແພຼັດຟອມເຟສບຸກຂອງ Httpool ໄດ້ສະໜອງຜົນປະໂຫຍດຂໍ້ໄດ້ປຽບດ້ານການເພີ່ມຄຸນຄ່າເຊັ່ນ: ການໃຫ້ຄໍາປຶກສາດ້ານການສ້າງແຄັມເປນໂຄສະນາ, ການແກ້ໄຂບັນຫາ, ແນວຄວາມຄິດສ້າງສັນ (Creative), ແລະ ການປະເມີນຜົນທີ່ໄດ້ຮັບ (Measurement) ພ້ອມທັງຈັດສໍາມະນາດ້ານການສຶກສາທາງອອນລາຍ, ທັງໝົດທີ່ກ່າວມາແມ່ນບໍ່ມີຄ່າໃຊ້ຈ່າຍ …

ຄະນະຜູ້ຊ່ຽວຊານການແພດຈີນພ້ອມອຸປະກອນການແພດໄດ້ເດີນທາງມາເຖິງສະໜາມບິນສາກົນວັດໄຕ ນະຄອນຫຼວງວຽງຈັນແລ້ວ ໃນຕອນບ່າຍວັນທີ 4 ພຶດສະພານີ້ ເພື່ອຊ່ວຍເຫຼືອຕ້ານ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ຮອບໃໝ່ຢູ່ ສປປ ລາວ. ໃນໂອກາດກ່າວຕ້ອນຮັບຄະນະຜູ້ຊ່ຽວຊານການແພດຈີນ, ທ່ານ ກິແກ້ວ ໄຂຄໍາພິທູນ ໄດ້ສະແດງຄວາມຂອບໃຈ ແລະ ຕີລາຄາສູງຕໍ່ການຊ່ວຍເຫຼືອທີ່ທັນການ ໃນການສະກັດກັ້ນການແຜ່ລະບາດຂອງເຊື້ອພະຍາດໂຄວິດ-19 ຂອງ ສປ ຈີນ ໃຫ້ແກ່ ສປປ ລາວ ໃນຄັ້ງນີ້ ແລະ ຄັ້ງທີ່ຜ່ານມາ ເຊິ່ງເປັນການສະແດງເຖິງຄວາມເປັນຫ່ວງເປັນໄຍ ແລະ ຄວາມເອົາໃຈໃສ່ຂອງພັກ, ລັດຖະບານ ແລະ ປະຊາຊົນຈີນ ຢ່າງສະເຫມີຕົ້ນສະເຫມີປາຍ ທີ່ມີຕໍ່ພັກ-ລັດ ແລະ ປະຊາຊົນລາວ ຕະຫຼອດມາ. ພ້ອມນີ້, ລັດຖະບານລາວ ຍັງໃຫ້ຄວາມເຊື່ອໝັ້ນຢ່າງໜັກແໜ້ນວ່າ ການເດີນທາງມາຊ່ວຍເຫຼືອໃນຄັ້ງນີ້ ຈະສາມາດເອົາຊະນະໃນການເເຜ່ລະບາດຂອງພະຍາດໂຄວິດ-19 ຄືຄັ້ງທີ່ຜ່ານມາ ໄດ້ຢ່າງແນ່ນອນ. ທ່ານ ຈ່ຽງຈ້າຍຕົ່ງ ເອກອັກຄະລັດຖະທູດຈີນປະຈຳລາວ ກ່າວວ່າ: …