Home

ກໍລັງເປັນກະແສທີ່ມາແຮງນະຕອນນີ້!!! ກໍລະນີຜູ້ຕິດເຊື້ອ 59 ສາວ ຕຶນ່າ ກໍໄດ້ອອກມາຊີ້ແຈງ ແລະ ຂໍໂທດຕໍ່ສັງຄົມກັບເລື່ອງທີ່ເກີດຂຶ້ນ ໂດຍໂພສຜ່ານເຟສບຸກສ່ວນໂຕວ່າ: ກ່ອນອື່ນໝົດຕິນ່າຕ້ອງຂໍໂທດມາຍັງພໍ່ແມ່ອ້າຍເອື້ອຍນ້ອງປະຊາຊົນທຸກຄົນທີ່ໄດ້ເຮັດໃຫ້ສັງຄົມເກີດຄວາມວຸ້ນວາຍ ແລະ ມີຜົນກະທົບຫລາຍໆຢ່າງແບບນີ້…. ແລະ ຕິນ່າເອງກໍ່ຢາກຂໍຂອບໃຈສຳລັບຫລາຍໆຄົນທີ່ໄດ້ໃຫ້ຄຳແນະນຳ ແລະ ການແກ້ໄຂເພື່ອເປັນທາງອອກໃຫ້ເລື່ອງດັ່ງກ່າວທີ່ເກີດຂື້ນ…. ສະນັ້ນໃນຕອນນີ້ແມ່ນຕິນ່າເອງໄດ້ແຈ້ງທາງໜ່ວຍສະເພາະກິດກ່ຽວກັບສະຖານທີ່ໆເອື້ອຍຮັກອາໄສຢູ່ ແລະ ສະຖານທີ່ປັດຈຸບັນເປັນທີ່ຮຽບຮ້ອຍແລ້ວ…..ຂໍ້ມູນກ່ຽວກັບນາງພາວະດີ ວິພາກອນ ບ້ານນາເຫລັກ ເມືອງສາລະວັນ ແຂວງສາລະວັນ ເຊິ່ງລາວໄດ້ໄປຫລີ້ນຢູ່ສະຫວັນນະເຂດ ແລະ ພົບເຈີະກັບຄົນໄທເຊິ່ງປັດຈຸບັນໄດ້ປິ່ນປົວຕົວເອງທີ່ໂຮງຫມໍຫນອງຄາຍ ປະເທດໄທ1. ບໍ່ໄດ້ຮູ້ຈັກກັບຄົນໄທເປັນການສ່ວນຕົວ2. ຖືກຕົວະວ່າເຂົາມາຢູ່ລາວດົນແລ້ວ3. ພາຍໃນເດືອນ04/2021ເປັນຕົ້ນມາຕິນ່າຢູ່ແຕ່ວຽງຈັນບໍ່ໄດ້ອອກໄປສະຫວັນນະເຂດ ຫລື ແຂວງອື່ນໆ4. ຄົນທີ່ຕິດເຊື້ອບາງຄົນແມ່ນຕິດພ້ອມກັນກັບຕິນ່າເພາະຫລີ້ນຢູ່ກຸ່ມດຽວກັນກັບຄົນໄທ5. ບໍ່ແມ່ນເຈົ້າຂອງຮ້ານອາຫານຟັນນີ້896. ວັນທີ08/04/21 ບໍ່ໄດ້ໄປຮ້ານຟັນນີ້897. ຄົນໃນຄິບເຕັ້ນຢູ່ຄາລາໂອກະບໍ່ແມ່ນຂ້າພະເຈົ້າ8. ຮູບໃນກ້ອງວົງຈອນປິດກອດກັບຜູ້ຊາຍບໍ່ແມ່ນຂ້າພະເຈົ້າ9. ຄົນໃນຄິບທີ່ມີຄິບຫລຸດບໍ່ແມ່ນຂ້າພະເຈົ້າສະຖານທີ່ດັ່ງກ່າວແມ່ນຂ້າພະເຈົ້າໄດ້ແຈ້ງໃຫ້ຄະນະສະເພາະກິດຮັບຮູ້ກ່ອນແລ້ວຈຶ່ງມາໂພສລົງ ສະນັ້ນຕິນ່າເອງກໍ່ຂໍໂທດ ແລະ ຂໍອະໄພມາຍັງພໍ່ແມ່ປະຊາຊົນທຸກໆຄົນທີ່ເຮັດໃຫ້ເກີດເຫດການແບບນີ້ເກີດຂື້ນ…

ກໍລະນີມີຄລິບສຽງທາງສື່ອອນລາຍ ແລະ ສົ່ງໄປຕາມກຸ່ມວ໋ອດແອັບວ່າມີຄົນຕິດເຊື້ອໂຄວິດ-19 ວັນນີ້ 3 ຄົນຢູ່ນະຄອນຫລວງວຽງຈັນ ນັ້ນ ບໍ່ມີຄວາມຈິງ, ຂໍໃຫ້ສັງຄົມໃຊ້ດຸນພິນິດໃນການຮັບຂໍ້ມູນຂ່າວສານ ໂດຍບໍ່ແຕກຕື່ນ, ໃຫ້ຕິດຕາມຂໍ້ມູນຂ່າວສານທາງການ ເປັນສໍາຄັນ. ກອງເລຂາຄະນະສະເພາະກິດ ເຕືອນສັງຄົມ ຢ່າເຊື່ອກໍລະນີນີ້ທີ່ມີການປ່ອຍຄລິບສຽງຜູ້ຊາຍຄົນໜຶ່ງທາງສື່ສັງຄົມອອນລາຍວັນນີ້ວ່າມີຄົນຕິດເຊື້ອໂຄວິດ-19 ຢູ່ນະຄອນຫລວງວຽງຈັນ ສາມຄົນ ຊຶ່ງພວມຕິດຕາມເອົານັ້ນ ບໍ່ແມ່ນຄວາມຈິງ. ເປັນການປ່ອຍຂ່າວຂອງຄົນບໍ່ຫວັງດີ, ຂໍຢ່າແຕກຕື່ນຕໍ່ກໍລະນີຄລິບສຽງດັ່ງກ່າວ, ໃຫ້ຕິດຕາມຂ່າວທາງການ ໂດຍສະເພາະການຖະແຫລງຂ່າວຂອງຄະນະສະເພາະກິດ ເທົ່ານັ້ນ. ສະພາບການແພ່ລະບາດຂອງພະຍາດໂຄວິດ-19 ຢູ່ລາວເຮົາ ໄລ່ມາຮອດວັນທີ 17/4/2021 ຕົວເລກການຕິດເຊື້ອສະສົມແມ່ນ 58 ຄົນ, ປິ່ນປົວດີແລ້ວ 49ຄົນ, ພວມປິ່ນປົວ 9 ຄົນ. ແຫຼ່ງຂ່າວ: ຂປລ

ພີ່ນ້ອງຮ່ວມຊາດ ທີ່ຮັກແພງທັງຫລາຍ !ໃນໂອກາດສົ່ງທ້າຍປີເກົ່າ “ ປີຊວດ” ແລະ ຕ້ອນຮັບປີໃໝ່ “ ປີສະຫລູ” ພ.ສ 2564, ຂ້າພະເຈົ້າ ຂໍຖືໂອກາດເອົາເລີກງາມຍາມດີ ວັນທີ່ເປັນມົງຄຸນນີ້, ສົ່ງຄໍາອວຍພອນໄຊອັນປະເສີດ ມາຍັງພີ່ນ້ອງຮ່ວມຊາດ ຕະຫລອດເຖິງພີ່ນ້ອງເຊື້ອຊາດລາວ ທີ່ອາໄສຢູ່ຕ່າງປະເທດ ກໍຄືຊາວຕ່າງ ປະ ເທດທີ່ດໍາລົງຊີວິດ, ປະຕິບັດໜ້າທີ່ ແລະ ທໍາມາຫາກິນ ຢູ່ ສປປ ລາວ ຂໍໃຫ້ທຸກໆທ່ານ ຈົ່ງປາ ສະຈາກໂລກໄພໄຂ້ເຈັບ, ປອດໄພຈາກພະຍາດ ໂຄວິດ-19, ມີພະລານາໄມສົມບູນ, ສຸກກາຍ ສຸກໃຈ ແລະ ມີຄວາມຈະເລີນກ້າວໜ້າທຸກປະການ.ໃນປີເກົ່າ ພສ 2563 ທີ່ພວມຜ່ານພົ້ນໄປນີ້, ເວົ້າລວມແລ້ວ ກໍເປັນອີກປີແຫ່ງຄວາມພະ ຍາຍາມບຸກບືນ ຂອງທົ່ວພັກ, ທົ່ວລັດ ແລະ ທົ່ວປວງຊົນລາວທັງຊາດ ໃນການອອກເຫື່ອເທແຮງ, ສຸມທຸກກໍາລັງຂອງຕົນ ເຂົ້າໃນການພັດທະນາ, …

ມາຮູ້ຈັກ!!! ກັບສາວຄົນນີ້ໃຫ້ຫຼາຍຂຶ້ນ ເຈສຊີ່ ວາດ ນາງແບບຊື່ດັງຈາກປະເທດອັງກິດ ເຈສຊີ່ ໄດ້ມາອາໄສຢູ່ທີ່ະເທດໄທເປັນຫຼາຍປີແລ້ວ ຈົນເຮັດໃຫ້ເວົ້າພາສາໄທໄດ້ຢ່າງຄ່ອງແຄ້ວ ແລະ ເປັນທີ່ຮຸ້ຈັກກັນດີໃນນາມນາງແບບສຸດເຊັກຊີ່ ແລະ ບໍ່ພຽງແຕ່ເປັນນາງແບບເທົ່ານັ້ນ ເຈສຊີ່ ຍັງມີຄວາມສາມາດອີກດ້ານນັ້ນກໍຄືການຮ້ອງເພງ ທີ່ໄປເວທີໃດກໍສາຍແວວປັງສຸດໆ…​ມືນີ້ຂວັນມໃຈຈະພາແຟນໆມາຮຸ້ຈັກກັບສາວຄົນນີ້ກັນເລີຍ!!!

ທ່ານ ດຣ ຣັດຕະນະໄຊ ເພັດສຸວັນ ຫົວໜ້າກົມຄວນຄຸມພະຍາດຕິດຕໍ່ ກະຊວງສາທາລະນະສຸກໃຫ້ຮູ້ວ່າ: ສປປ ລາວ ຍັງມີຄວາມສ່ຽງສູງທີ່ຈະມີການແຜ່ລະບາດຂອງພະຍາດໂຄວິດ-19 ພາຍໃນປະເທດຍ້ອນວ່າຢູ່ບັນດາປະເທດອ້ອມຂ້າງຍັງມີການແຜ່ລະບາດຂອງພະຍາດນີ້ຮອບໃໝ່ໂດຍມີຜູ້ຕິດເຊື້ອເພີ່ມຂຶ້ນເປັນຈຳນວນຫຼາຍໃນແຕ່ລະວັນ ແລະ ຍັງມີການລັກລອບເຂົ້າປະເທດແບບຜິດກົດໝາຍຂອງປະຊາຊົນລາວທີ່ໄປເຮັດວຽກຢູ່ປະເທດເພື່ອນບ້ານທີ່ຍັງມີການແຜ່ລະບາດຂອງພະຍາດໂຄວິດ-19 ແລະ ຍັງມີການລັກລອບເຂົ້າມາຂອງຄົນຕ່າງປະເທດດັ່ງກໍລະນີຜູ້ຕິດເຊື້ອພະຍາດໂຄວິດ-19 ຄົນທີ່ 50 ທີ່ກວດພົບເຊື້ອເມື່ອວັນທີ 9 ເມສາ 2021 ທີ່ຜ່ານມາ ເປັນຄົນສັນຊາດໄທນັ້ນ ແມ່ນຜູ້ກ່ຽວໄດ້ໄປພົບກັບຄົນໄທທີ່ລັກລອບເຂົ້າມາ ສປປ ລາວ. ທ່ານ ດຣ ຣັດຕະນະໄຊໃຫ້ຮູ້ຕື່ມວ່າ: ໃນໄລຍະບຸນປີໃໝ່ລາວ ພສ 2554 ນີ້ ຮຽກຮ້ອງໃຫ້ທຸກຊັ້ນຄົນເພີ່ມຄວາມມີສະຕິລະວັງຕົວໃນການປ້ອງກັນພະຍາດໂຄວິດ-19 ໂດຍໃຫ້ປະຕິບັດຕາມການແຈ້ງການຂອງຄະນະສະເພາະກິດຢ່າງເຂັ້ມງວດ, ໃຫ້ຫຼີກລ່ຽງການໄປທ່ຽວຢູ່ສະຖານທີ່ບັນເທິງໂດຍສະເພາະໃນໄລຍະທີ່ມີເທດສະການຍ້ອນວ່າຢູ່ສະຖານທີ່ບັນເທິງບໍ່ຮູ້ປະຫວັດຜູ້ທີ່ມາທ່ຽວ ແລະ ໃນສະຖານທີ່ບັນເທິງຍັງມີເນື້ອທີ່ຄັບແຄບ, ຫຼີກລ່ຽງການຕັ້ງວົງຊຸມແຊວໂດຍບໍ່ສາມາດປະຕິບັດໄລຍະຫ່າງໄດ້ ນອກນັ້ນການດື່ມສິ່ງມືນເມົາຍັງເຮັດໃຫ້ຂາດສະຕິໃນການປ້ອງກັນພະຍາດນີ້ອີກດ້ວຍ. ຮຽກຮ້ອງໃຫ້ນາຍບ້ານທີ່ມີບ້ານຕິດກັບປະເທດເພື່ອນບ້ານເພີ່ມມາດຕະການເວນຍາມຕາມຊາຍແດນ ແລະ ກວດກາສະມາຊິກໃນບ້ານຜູ້ທີ່ມີປະຫວັດເດີນທາງໄປເຮັດວຽກຢູ່ປະເທດເພື່ອນບ້ານຖ້າພົບເຫັນມີການລັກລອບເຂົ້າມາຂໍໃຫ້ແຈ້ງເຈົ້າໜ້າທີ່ຢ່າງຮີບດ່ວນເພື່ອຈະນຳຜູ້ກ່ຽວໄປກວດຫາເຊື້ອ ແລະ ຈຳກັດບໍລິເວນ. ຂ່າວ: ວຽງຈັນທາມ