Home

ຕ້ອງຍອມຮັບວ່າ ໃນປັດຈຸບັນມີຄົນທີ່ມີຄວາມສາມາດຫລາຍຂຶ້ນທຸກມື້ ຄົນໜຶ່ງຄົນສາມາດເຮັດວຽກໄດ້ຫຼາຍກວ່າ 1 ວຽກ ປະກອບກັບໂລກເຮົາໄດ້ມີການພັດທະນາຂຶ້ນ ແລະ ກ້າວສູ່ຄວາມເປັນທຶນນິຍົມຢ່າງເຕັມຕົວແລ້ວ ຄົນໄວເຮັດວຽກສ່ວນຫຼາຍຈື່ງມີຄວາມຕ້ອງການ Make Money  ຫາເງິນ ສ້າງລາຍໄດ້ໃຫ້ຫຼາຍທີ່ສຸດ ເທົ່າທີ່ຈະເປັນໄປໄດ້ ບາງຄົນຕ້ອງການເຮັດວຽກເປັນ “Freelance” ເພື່ອເຕີມເຕັມຄວາມຮູ້ສຶກບາງຢ່າງທີ່ຂາດຫາຍໄປຈາກວຽກປະຈໍາ ຫຼືການຝຶກທັກສະ  ແຕ່ບໍ່ແມ່ນໄດ້ໃຊ້ກັບວຽກປະຈໍາຕະຫຼອດ  ແຕ່ອາຊີບ “Freelance” ນັ້ນ ຕ້ອງມີທັງຂໍ້ດີ ແລະ ຂໍ້ເສຍຢູ່ໃນຕົວຂອງມັນເອງຢູ່ແລ້ວ ສະນັ້ນ, ມື້ນີ້ຂວັນໃຈຈະຂໍນໍາສະເໜີ ຂໍ້ດີ ແລະ ຂໍ້ເສຍ ຂອງການເຮັດວຽກເປັນ “Freelance” ເພື່ອຕ້ອງການໃຫ້ຜູ້ທີ່ກຳລັງຫາໂອກາດສ້າງລາຍໄດ້ຈາກອາຊີບນີ້ລວມໄປເຖິງຄົນທີ່ກຳລັງເຮັດ “Freelance” ນໍາຂໍ້ມູນໄປປັບໃຊ້ໃຫ້ເກີດປະໂຫຍດ ເຮົາມາເບິ່ງນໍາກັນເລີຍ!!! ຂໍ້ດີຂອງການເຮັດອາຊີບ “Freelance”  1. ມີເວລາ ສາມາດເລືອກໄດ້ວ່າຈະເຮັດວຽກໃນເວລາໃດ ເປີດ-ປິດຮ້ານຂອງຕົນເອເວລາໃດ ບໍ່ມີໃຜບັງຄັບ ຖ້າຮູ້ສຶກບໍ່ສະບາຍກໍສາມາດພັດຜ່ອນໄດ້ ຕ່າງຈາກມະນຸດເງິນເດືອນ ທີ່ຄ່ອນຂ້າງເຄັ່ງຄັດກັບເວລາເຂົ້າວຽກ-ເລິກວຽກ ທັງນີ້ຍັງຕ້ອງມີເຫດຜົນທີ່ພຽງພໍຕໍ່ການຂໍພັກວຽກນໍາອີກ 2. ປ່ຽນບັນຍາກາດຂອງການເຮັດວຽກໄດ້ຕາມໃຈມັກ ຈະເຮັດວຽກຢູ່ສະຖານທີ່ໃດກໍໄດ້ ອາຊີບ “Freelance” ມີສິດກຳນົດສະຖານທີ່ເອງ ເພື່ອໃຫ້ຕົນເອງເຮັດວຽກໄດ້ຢ່າງສະບາຍໃຈ ຕ່າງຈາກມະນຸດເງິນເດືອນທີ່ຢູ່ແຕ່ບ່ອນເກົ່າ …

ຄັ້ນເວົ້າເຖິງການ “ສັກລາຍ” ສາວໆຫຼາຍຄົນກໍອາດຈະຄິດຢ້ານ ແລະ ບໍ່ຄິດຈະສັກຢູ່ແລ້ວແມ່ນບໍ່? ເພາະຂະໜາດບໍ່ສະບາຍໄປໂຮງໝໍ ໝໍສັກຢາໃຫ້ເຂັມນ້ອຍໆຍັງຮ້ອງຊິເປັນຊິຕາຍແລ້ວ ແລ້ວຊິຜີບ້າໄປສັກລາຍເຮັດຫຍັງ ເຂັມກະບັກໃຫຍ່ໆ ບໍ່ມີຄວາມຈໍາເປັນຫຍັງຕ້ອງໄປເຮັດໃຫ້ຕົວເອງເຈັບເລີຍແມ່ນບໍ່ທຸກຄົນ??? ແອັດມິ້ນກະຄິດແບບນັ້ນແຫຼະ! ແຕ່ມື້ນີ້ບໍ່ຮູ້ເປັນຫຍັງຢູ່ໆກະຢາກສັກລາຍຂຶ້ນມາທັນທີ ຮູ້ວ່າເຈັບແຕ່ຢາກສັກ ແລະ ບ່ອນອື່ນກະບໍ່ຢາກໄປສັກໃດ໋ ຢາກຈະສັກແຕ່ກັບຊ່າງຄົນນີ້ ຄົນດຽວ… ເພາະເບິ່ງຈາກຊົງ ແລະ ລີລາການສັກແລ້ວ ແອັດມິ້ນເຊື່ອວ່າເຈັບສໍ່າໃດກະທົນໄດ້ 555+ ຖ້າບໍ່ເຊື່ອແອັດມິ້ນກະລອງມາເບິ່ງນໍາກັນກະໄດ້ ວ່າຊ່າງສັກຄົນນີ້ງານດີຂະໜາດໃດ? ແຕ່ບອກໄວ້ກ່ອນວ່າ ເຫັນແລ້ວຢ່າມາຖາມເດີ້ ວ່າຮ້ານຢູ່ໃສ??? ເພາະແອັດມິ້ນກະບໍ່ຮູ້ຄືກັນ ຮູ້ແຕ່ Facebook ສ່ວນຕົວຊື່ ອ້າຍແຟ້ງ ດີ-ແມັກ ນີ້ແຫຼະ… ລອງເຂົ້າໄປສ່ອງເບິ່ງກະໄດ້! ແຕ່ກ່ອນຈະໄປສ່ອງ  Facebook ເພິ່ນ ກະມາເບິ່ງຕົວຢ່າງທີ່ແອັດມິ້ນໄປສ່ອງມາກ່ອນເນາະ!!!   ຂອບໃຈຮູບພາບຈາກ Facebook: ອ້າຍແຟ້ງ ດີ-ແມັກ

“ຊິນເຈຍຢູອີ່ ຊິນນີ່ຮົ່ວໄຊ”  ໄລຍະນີ້ກໍໃກ້ຈະຮອດເທສະການກຸດຈີນ ກັນແລ້ວ ເຊິ່ງເປັນເທສະການໜຶ່ງທີ່ສໍາຄັນທີ່ສຸດຂອງຄົນຈີນເພາະຖືໄດ້ວ່າເປັນວັນຂຶ້ນປີໃໝ່ຂອງຈີນ. ສໍາລັບຄົນລາວທີ່ເປັນເຊື້ອສາຍຈີນ ຫລືຄົນຈີນທີ່ອາໄສຢູ່ລາວກໍກຽມພາກັນສະເຫຼີມສະຫຼອງກຸດຈີນຢ່າງຄຶກຄື້ນບໍ່ໜ້ອຍໜ້າກວ່າປະເທດອື່ນແນ່ນອນ.  ເວົ້າຮອດກຸດຈີນກັນແລ້ວ ເລື່ອງ ຄອສສະຕູມ ເສື້ອຜ້າໜ້າຜົມກໍເປັນອີກໜຶ່ງຈຸດເດັ່ນທີ່ຈະໄດ້ເຫັນການໃນເທສະການນີ້ ງາມລໍ້ານໍາເທຣນ Fashion ຕ້ອງຍົກໃຫ້ຄົນດັງວົງການບັນເທິງລາວເລີຍໂດຍສະເພາະບັນດາ ນາງງາມ, ນາງແບບ, ດາລາ, ເນັດໄອດໍຄົນດັງ ທີ່ພາກັນ ນຸ່ງຊຸດກີ່ເພົ້າຖ່າຍແບບ  ເອີ້ນໄດ້ວ່າເປະປັງຕ້ອນຮັບປີໃໝ່ກຸດຈີນກັນເລີຍ ງານນີ້ຈະໝວຍ ຫຼືບໍ່ໝວຍນັ້ນ  ຂວັນໃຈຊິພາໄປສ່ອງເບິ່ງນໍາກັນ!!! ເລີ່ມຈາກ ນາງເອກເບີ 1 ຂອງລາວ ລູກນໍ້າ ທິດາລັດ       ນາງແບບສຸດໝັ້ນແຫ່ງວົງການ… ຕຸກ The Wow    ນາງແບບ – ເນັດໄອດໍຄົນດັງ ແກ້ວຕາ ພອນປະເສີດ     ເມ ເນລະມິດ Miss World LAOS 2019   …

ປັດຈຸບັນ ບັນຫາຝຸ່ນລະອອງເປັນພິດ ຫຼືທີ່ເອີ້ນກັນວ່າ “ຝຸ່ນ PM 2.5” ທົ່ວພື້ນທີ່ນະຄອນຫຼວງວຽງຈັນ ກາຍເປັນອີກໜື່ງບັນຫາທີ່ຫຼີກລ່ຽງໄດ້ຍາກ ແຕ່ກໍຍັງມີອີກຫຼາຍຄົນທີ່ເຂົ້າໃຈຜິດວ່າ ທ້ອງຟ້າທີ່ເຫັນໃນຕອນເຊົ້າເກີດຈາກຄວັນ ທັງໆ ທີ່ຄວາມຈິງແລ້ວ ສິ່ງນັ້ນຄືການຮວມຕົວກັນຂອງມົນລະພິດທາງອາກາດທີ່ເກີນສູງກວ່າຄ່າມາດຕະຖານ ແລະ ຍັງເປັນອັນຕະລາຍຕໍ່ສຸຂະພາບອີກດ້ວຍ ຄໍາວ່າ PM ຫຍໍ້ມາຈາກ  Particulate Matters ເປັນຄໍາທີ່ເອີ້ນວ່າມາດຕະຖານຂອງຝຸ່ນລະອອງຂະໜາດນ້ອຍທີ່ເປັນອັນຕະລາຍຕໍ່ສຸຂະພາບ ຝຸ່ນ PM 2.5 ເປັນມົນລະພິດຕໍ່ສຸຂະພາບຂອງມະນຸດຕາມທີ່ອົງການອະນາໄມໂລກໃຫ້ຄວາມສໍາຄັນ ແລະ ອອກມາແຈ້ງເຕືອນ ເພາະເປັນຝຸ່ນລະອອງມີຂະໜາດນ້ອຍ (ນ້ອຍກວ່າເສັ້ນຜົນ 20 ເທົ່າ) ເມື່ອຫາຍໃຈເຂົ້າໄປແລ້ວ ສາມາດເຂົ້າໄປຫາປອດ ແລະ ຫຼອດເລືອດໄດ້ງ່າຍ ຈົນສົ່ງຜົນຕໍ່ຮ່າງກາຍໄລຍະຍາວ ຈາກຄ່າວັດ ລະດັບຄວາມເຂັ້ມຂຸ່ນ ຂອງຝຸ່ນລະອອງ ຂະຫນາດນ້ອຍ ຫຼື PM 2.5 ຢູ່ນະຄອນຫຼວງວຽງຈັນ ຕອນບ່າຍເວລາ 13:00  ຂອງວັນທີ 22/01/2020 ແລະ ອີກຫຼາຍແຂວງ ໂດຍໃຊ້ AirVisual ແລະ …

ເປັນອີກຂ່າວທີ່ເສົ້າສະຫຼົດໃຈແຕ່ເຊົ້າ ເພາະຕື່ນຂຶ້ນມາກໍພົບຂ່າວທີ່ເສົ້າໂສກເສຍໃຈ ໄວ້ອາໄລເຖິງອາດີດ ພິທີກອນ, ນາງແບບ, ນາງງາມ ແລະ MC ສາວ ແອັບເປິ່ນ ສຸດາລັດ ຄູນມາລາ ທີ່ໄດ້ຈາກພວກເຮົາໄປໂດຍບໍ່ມີວັນຫວນຄືນມາ ຂອງບັນດາໝູ່ເພື່ອນ ຄົນສະໜິດຂອງສາວແອັບເປິ່ນ ໂດຍສະເພາະ ອ້າຍຕຸ້ຍ ໂອເວີ້ ແດ້ນສ ທີ່ໄດ້ໂພສຜ່ານ Face book ສ່ວນຕົວ Touy Overdance ເປັນການໄວ້ອາໄລແກ່ ໝູ່ສະນິດທີ່ເຄີຍເຮັດວຽກໃນວົງການທັນເທິງນໍາກັນມາດົນວ່າ “ເສຍໃຈທີ່ໄດ້ຍີນຂ່າວແບບກະທັນຫັນ ? ແຕ່ຕ້ອງຍອມຮັບ ເພາະມັນເຖິງເວລາທີ່ນາງຟ້າຕ້ອງກັບສະຫວັນແລ້ວ…RIP Apple Khounmala “ພວກເຮົາຈົ່ງຮັກແພງກັນໄວ້ ຕອນທີ່ຍັງມີຊີວີດຢູ່ ເພາະຊີວິດຄົນເຮົາມັນແສນສັ້ນ…ຈາກກັນມື້ໃດກໍ່ບໍ່ຮູ້” ອ້າຍTar Bannokໄດ້ກ່າວໄວ້ ;(” ຫຼັງຈາກນັ້ນກໍໄດ້ມີໝູ່ເພື່ອນໃນວົງການ ພ້ອມດ້ວຍແຟນຄຣັບເຂົ້າໄປສະແດງຄວາມເສຍໃຈກັບການຈາກໄປຂອງ ສາວແອັບເປິ່ນ ເປັນຈໍານວນຫຼວງຫຼາຍ… ເຊິ່ງສາເຫດການເສຍຊີວິດຂອງ ສາວແອັບເປິ່ນ ໃນຄັ້ງນີ້ ແມ່ນຄາດວ່າອາດຈະເກີດຈາກ ອາການພູມແພ້ (ຕິດເຊື້ອໃນກະແສເລືອດ) ທີ່ຫາກໍເກີດຂຶ້ນກັບສາວແອັບເປິ່ນເມື່ອບໍ່ດົນມານີ້ ແລະ ມື້ວານນີ້ເອງ (ມື້ທີ່ນາງເສຍຊີວິດ) ຕອນເຊົ້າອາການກໍຍັງປົກກະຕິ ຍັງສາມາດໄປເຮັດວຽກໄດ້ …