Home

ສ່ອງ!!! ຄູ່ຮັກເນັດໄອດໍ້ສາວລາວ-ບ່າວໄທ “ອ໊ອຟ-ນູ່ນີ່” ຫວານແຮງຈົນແຟນຄຣັບພາກັນລຸ້ນວ່າມື້ໃດຈະແຕ່ງ… ເມື່ອເວົ້າເຖິງຄູ່ຮັກເນັດໄອດໍ້ ສາວລາວ-ບ່າວໄທ ຄູ່ທໍາອິດທີ່ຈະຄິດພໍ້ຄົງຈະໜີບໍ່ພົ້ນຄູ່ຮັກສຸດຫວານຄູ່ນີ້ ສາວນູ່ນີ່ ແລະ ໜຸ່ມອ໊ອຟ ທີ່ພົບຮັກກັນໃນລາຍການຊອກຄູ່ Take me out Thailand ແລະ ປັດຈຸບັນນີ້ກໍຍັງຮັກກັນດີ ແຖມຍັງເພີ່ມທະວີຄູນຄວາມຫວານຂຶ້ນນັບມື້ ຈົນຊາວເນັດ ແລະ ແຟນຄຣັບຕ່າງກໍລຸ້ນຢູ່ວ່າ ມື້ໃດຈະມີຂ່າວດີຈັກເທື່ອ. ແລະ ເມື່ອບໍ່ດົນມານີ້ທັງສອງກໍໄດ້ຄວງຄູ່ກັນໄປງານແຕ່ງດອງຂອງໝູ່ຄົນສະນິດຂອງສາວນູ່ນີ່ ນັ້ນກໍຄື ສາວສຸດາ ທີ່ໄດ້ແຕ່ງດອງໄປເມື່ອວັນເສົາແລ້ວນີ້ເອງ. ຍິ່ງເຫັນວ່າໝູ່ສະນິດເຂົ້າພິທີວິວາໄປແລ້ວແບບນີ້ ແຟນຄຣັບຍິ່ງເຊຍ ແລະ ລຸ້ນເຂົ້າໄປອີກ ເພາະຕັ້ງແຕ່ຄົບກັນເປັນແຟນກໍຈະວ່າ ທັງສອງແມ່ນໂຕຕິດກັນຕະຫຼອດ ບໍ່ວ່າຈະໄປເຮັດວຽກ ຫຼືອອກງານ ເຫັນນູ່ນີ່ຈະຕ້ອງເຫັນອ໊ອຟເກືອບວ່າທຸກງານເລີຍແຫຼະ… ໂອ໊ຍຍຍ ເວົ້າໄປແລ້ວກໍລັກອິດສານູ່ນີ່ເບົາໆທີ່ໄດ້ແຟນທັງຫລໍ່, ທັງເທ້ ແລະ ຮັກແບບສະເໝີຕົ້ນສະເໝີປາຍແບບນີ້!!! ເອົາເປັນວ່າຂໍອວຍພອນໃຫ້ທັງສອງຮັກກັນໄປດົນໆໆໆໆ ແອັດມິ້ນ ແລະ ແຟນຄຣັບຈະຄອຍເຊຍ, ຕິດຕາມຜົນງານ ແລະ ຖ້າມື້ທີ່ທັງສອງຕັດສິນໃຈເຂົ້າສູ່ປະຕຸວິວາກະແລ້ວກັນເດີ້!!!    ຂອບໃຈຮູບພາບຈາກ: …

ໂອ໊ຍ… ລູກຊາຍຍຍ!!! “ນ້ອງຄູເປີ ລູກເຄິ່ງ ເກົາຫລີ-ແຄນນາດາ” ໜຸ່ມນ້ອຍໄວ 5 ປີ ທີ່ໜ້າຕາດີຈົນໃຜເຫັນຕ້ອງຕົກຂຸມຮັກ… ຊາວເນັດ (ຕ່າງປະເທດ) ຮືຮາກັບຄວາມໜ້າຕາດີຂອງໜຸ່ມນ້ອຍທີ່ມີຊື່ວ່າ ຄູເປີ  ໜຸ່ມນ້ອຍລູກເຄິ່ງເກົາຫລີ-ແຄນນາດາ ເຊິ່ງບໍ່ວ່າໃຜເຫັນກໍຈະຮ້ອງເປັນຄໍາອຸທານວ່າ “ໂອ໊ຍ… ລູກຊາຍ” ແລະ ຕົກຂຸມຮັກໄປຕາມໆກັນຢ່າງແນ່ນອນ ລວມທັງຕົວແອັດມິ້ນເອງ ທີ່ພຽງແຕ່ໄດ້ເຫັນຮູບຂອງໜຸ່ມນ້ອຍຄົນນີ້ກໍຕົກຂຸມຮັກເຂົ້າໄປແລ້ວ ບໍ່ຮູ້ວ່າຕົວຈິງຈະໜ້າຮັກ ໜ້າຊັງ ໜ້າຕາດີຂະໜາດໃດ? ແລະ ເຊື່ອວ່າຖ້າໜຸ່ມນ້ອຍຄົນນີ້ໄດ້ເປັນນາຍຮັບຮອງວ່າອະນາຄົດໄກຢ່າງແນ່ນອນ… ເອົາເປັນວ່າໃຫ້ຜູ້ອ່ານ ແລະ ຜູ້ຊົມມາເບິ່ງກັນເອົາເອງວ່າແມ່ນຄວາມແອັດມິ້ນບໍ່? ລອງມາເບິ່ງກັນເລີຍ…  

ຄັ້ງທໍາອິດໃນລາວ!!! ກັບເວທີທີ່ເປີດໂອກາດໃຫ້ສາວປະເພດສອງມາປະຊັນຄວາມງາມ ແລະ ສະແດງຄວາມສາມາດ “Miss Power Queen Laos” ເມື່ອເວົ້າເຖິງເພດທີ່ສາມ ຫຼືສາວປະເພດສອງ ຫຼືທີ່ຫຼາຍຄົນມັກເອີ້ນວ່າ “ກະເທີຍ” (ຖ້າເປັນຄໍາບໍ່ສຸພາບຕ້ອງຂໍອະໄພ) ຢູ່ບ້ານເຮົາກໍມີຫຼາຍທັງຄົນງາມ ແລະ ມີຄວາມສາມາດຫຼາກຫຼາຍ ແຕ່ກະຄືທີ່ຮູ້ວ່າໃນບ້ານເຮົາບາງພາກສ່ວນ (ສ່ວນໜ້ອຍ) ກໍຍັງບໍເປີດກວ້າງໃຫ້ພວກເຂົາໄດ້ສະແດງຄວາມສາມາດໄດ້ຢ່າງເຕັມທີ່ເທື່ອ ຕົວຢ່າງ ເມື່ອ 2 ປີກ່ອນ ທີ່ມີສາວປະເພດສອງຄົນໜຶ່ງໄດ້ໂພສຂໍ້ຄວາມຜ່ານ ເຟສບຸກ (Facebook) ສ່ວນຕົວວ່າ “ຕົນເອງໄດ້ໄປສະໝັກວຽກກັບຫ້ອງການແຫ່ງໜຶ່ງແຕ່ຍັງບໍ່ທັນໄດ້ສະແດງຄວາມສາມາດກໍຖືກປະຕິເສດກ່ອນ ຍ້ອນເຫດຜົນທີ່ເຈັບແສບຄື ອົງກອນນັ້ນບໍ່ຮັບສາວປະເພດສອງເຂົ້າເປັນພະນັກງານ” (ລາຍລະອຽດຂ່າວແມ່ນຂວັນໃຈໄດ້ນໍາສະເໜີໄປເມື່ອ 2 ປີກ່ອນ) ເຊິ່ງໃນຕອນນັ້ນກໍມີຊາວເນັດເຂົ້າໄປສະແດງຄວາມຄິດເຫັນຕ່າງໆນາໆ ກ່ຽວກັບການບໍ່ຍອມຮັບເພດທີ່ສາມ ຫຼືສາວປະເພດສອງຂອງອົງກອນດັ່ງກ່າວ… ແຕ່ນັ້ນມັນກໍເປັນສິ່ງທີ່ຜ່ານມາແລ້ວຕັ້ງ 2 ປີ ແອັດມິ້ນກໍບໍ່ຢາກຈະໄປຕອບໂຕ້ວ່າມັນຜິດ ຫຼືບໍ່ຜິດແນວໃດເນາະ!!! ເພາະປັດຈຸບັນ ປີ 2019 ນີ້ມັນໄດ້ປ່ຽນໄປຈາກ 2 ປີກ່ອນຫຼາຍ ເພາະຄົນລາວ ແລະ ຫຼາຍໆອົງກອນໃນປະເທດລາວເຮົາໄດ້ໃຫ້ການຍອມຮັບໃນຄວາມສາມາດຂອງເພດທີສາມຫຼາຍຂຶ້ນ …

ຈະມ່ວນຂະໜາດໃດ໋!!! ເມື່ອ 3 ນັກຮ້ອງດັງ (ແກ໊ງສາວສາຍຮາ) ຈາກປະເທດໄທ ແທ໋ກທີມທ່ອງທ່ຽວລາວ… ເມື່ອເວົ້າເຖິງບັນດານັກຮ້ອງ, ນັກສະແດງຈາກປະເທດເພື່ອນບ້ານ (ປະເທດໄທ) ແລ້ວເຊື່ອວ່າ ແຟຣນຄັບຊາວລາວຄົງຈະຮູ້ຈັກຄ້ອນຂ້າງຫຼາຍພໍສົມຄວນ ເພາະດ້ວຍສໍານຽງສຽງເວົ້າທີ່ຄ້າຍຄືກັນ, ສາມາດເຂົ້າໃຈໂດຍບໍ່ຕ້ອງໃຊ້ຊັບແປຫຍຸ້ງຍາກພໍເທົ່າໃດ ຈຶ່ງເຮັດໃຫ້ວົງການບັນເທີງໃນປະເທດລາວ ແລະ ປະເທດໄທນັ້ນໄດ້ຮ່ວມມືກັນຢູ່ເປັນປະຈໍາ… ຄືດັ່ງ 3 ສາວນັກຮ້ອງດັງ (ທີ່ໃກ້ຈະເປັນຕໍານານ) ຄື: ຕັກ ສິລິພອນ, ສຸນາລີ ລາດສະສີມາ ແລະ ຮາຍ ອາພາພອນ ທີ່ເມື່ອເວົ້າຊື່ອອກມາແລ້ວຫຼາຍຄົນກໍຄົງຈະຮູ້ຈັກກັນດີ ລວມທັງຕົວແອັດມິ້ນເອງທີ່ເປັນແຟນຄຣັບຂອງ ແມ່ ຕັກ ສິລິພອນ (ຮ້ອງໄດ້ເກືອບທຸກເພງ 555) ເພາະເມື່ອຫວ່າງບໍ່ດົນມານີ້ທັງ 3 ສາວ ໄດ້ແທັກທີມກັນມາທ່ອງທ່ຽວປະເທດລາວ ທັງໃສ່ຊຸດໄໝລາວຖ່າຍຮູບອວດໂຊຊ່ຽວ ແລະ ພາເລາະຕະຫຼາດພ້ອມ ເຊິ່ງງານນີ້ບອກໄດ້ເລີຍຮາເປັນຮາ ເພາະເປັນການລວມຕົວກັນຂອງແກ໊ງສາວສາຍຮາທັງ 3 ຄົນ… ແລະ ມື້ນີ້ແອັດມິ້ນກໍໄດ້ນໍາຄວາມຮາຜ່ານທາງຮູບພາບມາໃຫ້ທຸກຄົນໄດ້ເບິ່ງນໍາກັນ!!! ໄປເບິ່ງເລີຍ… …

ຊົມເຊີຍສາວນ້ອຍຄົນເກັ່ງ!! “ແຮນນ້າ” ຄວ້າລາງວັນ Miss social media ຈາກເວທີ Miss Asia Global 2019 ທີ່ປະເທດອິນເດຍ… ຈົບລົງໄປແລ້ວສໍາລັບເວທີປະກວດສາວງາມ Miss Asia Global 2019 ຈັດຂຶ້ນທີ່ປະເທດອິນເດຍ ແລະ ຮອບຕັດສິນໃນຄໍ່າຄືນວັນທີ 1 ພະຈິກ 2019. ໃນນັ້ນປະເທດລາວເຮົາກໍມີມີຕົວແທນຄື ສາວນ້ອຍຫຼາກຫຼາຍຄວາມສາມາດ ນ້ອງ ແຮນນ້າ ໂຣເຊັ່ນບຣູ້ມ ເດີນທາງໄປຮ່ວມປະກວດ ແລະ ສາວນ້ອຍຄົນນີ້ກໍບໍ່ໄດ້ເຮັດໃຫ້ຄົນລາວທັງປະເທດຕ້ອງຜິດຫວັງ ເພາະເຖິງວ່າຈະບໍ່ໄດ້ມຸງກຸດ Miss Asia Global 2019 ມາຄອບຄອງ ແຕ່ ແຮນນ້າ ກໍໄດ້ຄວ້າລາງວັນ Miss social media ເຊິ່ງເປັນລາງວັນສໍາລັບສາວງາມທີ່ໄດ້ຮັບຄວາມນິຍົມຫຼາຍໃນສື່ອອນລາຍ ບໍ່ວ່າຈະເປັນການໂຫວດ ກົດໄລ໊ ກົດແຊ ສະແດງຄວາມຄິດເຫັນຕ່າງໆ ຫຼືຖ້າຈະໃຫ້ແອັດມິ້ນເວົ້າງ່າຍໆ ກໍໝາຍເຖິງ ຂວັນໃຈຊາວໂຊຊ່ຽວອີ່ຫຍັງປະມານແຫຼະເນາະ!!! ແນວໃດກໍຕ້ອງຂໍສະແດງຄວາມຍິນດີກັບນ້ອງແຮນນ້າຫຼາຍໆເດີ້ …