Breaking News

Home

3 ສິ່ງທີ່ບໍ່ຄວນມີຫຼາຍເກີນໄປ ເພາະຈະເຮັດໃຫ້ຊີວິດບໍ່ມີຄວາມສຸກ

ໃນການໃຊ້ຊີວິດ ຫຼືທຸກຄວາມສໍາພັນສິ່ງໃດທີ່ຂຶ້ນຊື່ວ່າເກີນໄປເກີນຄວາມພໍດີມັັນຍ່ອມກາຍເປັນໂທດທັງນັ້ນ ແລະ 3 ສິ່ງຕໍ່ໄປນີ້ຖ້າມີຫຼາຍເກີນໄປມັນຈະເປັນອັນຕະລາຍຕໍ່ໂຕເຮົາ 1 ການເຊື່ອໃຈຫຼາຍເກີນໄປ ຄວາມເຊື່ອໃຈເປັນສິ່ງທີ່ດີຖ້າຄົນທີ່ເຮົາໃຫ້ຄວາມເຊື່ອໃຈສື່ສັດ ແຕ່ໃນບາງຄັ້ງເຮົາກໍບໍ່ຮູ້ດອກວ່າຄົນທີ່ເຮົາເຊື່ອໃຈຈະບໍ່ທໍາຮ້າຍເຮົາ ຄວາມເຊື່ອໃຈຖ້າມີຫຼາຍເກີນໄປອາດເປັນໄພຕໍ່ໂຕເຮົາກໍໄດ້ ເຊື່ອໃຈແຕ່ກໍຕ້ອງເພື່ອໃຈ ເພາະຄົນທີ່ເຈັບປວດທີ່ສຸດບໍ່ແມ່ນຄົນອື່ນຄົນໄກ ແຕ່ແມ່ນໂຕຂອງເຮົາເອງ ຜຸ້ທີ່ຊື່ສັດຕໍ່ຄວາມຮູ້ສຶກຂອງຕົນ ແລະ ເປັນເຈົ້າຂອງຄວາມໄວ້ເນື້ອເຊື່ອໃຈນັ້ນ. 2 ການຮັກຫຼາຍເກີນໄປ ແມ່ນຢູ່ວ່າຄວາມຮັກເປັນສິ່ງທີ່ດີແຕ່ການຮັກຫຼາຍເກີນໄປມັນຈະບໍ່ດີຕໍ່ຕົນເອງ ແລະ ຄວາມສໍາພັນແນ່ນອນ ການທີ່ເຮົາຮັກຄົນໆໜຶ່ງຫຼາຍເກີນໄປກັບເປັນໂຕຂອງເຮົາເອງທີ່ຕ້ອງພົບກັບຄວາມເຈັບປວດ. ມັນຈະເຮັດໃຫ້ເຮົາຍອມໃຫ້ເຂົາໄປໝົດທຸກຢ່າງແມ່ນແຕ່ຄວາມສຸກຂອງໂຕເອງ ຄວາມຮັກເຮັດໃຫ້ຄົນຕາບອດ ເບີ່ງບໍ່ເຫັນແມ່ນກະທັ້ງໂຕເອງ. ຮັກໃຫ້ໜ້ອຍລົງໃຫ້ຢູ່ໃນຄວາມພໍດີກໍໄດ້ແລ້ວ ຈາກນັ້ນມາເຕີມເຕັມສ້າງຄຸນຄ່າໃຫ້ໂຕເອງແນ່. 3 ການຄາດຫວັງຫຼາຍເກີນໄປ ຄົນເຮົາຈະດໍາເນີນຊີວິດໄປບໍ່ໄດ້ເລີຍຫາກບໍ່ມີຄວາມຫວັງ ແຕ່ການຂຶ້ນໄປສູງເທົ່າໃດຕົກລົງມາຍິ່ງເຈັບເທົ່ານັ້ນ ຄວາມຜິດຫວັງມັນເກີດຂຶ້້ນໄດ້ຕະຫຼອດ ແລະ ໃນບາງສິ່ງບາງຢ່າງເຮົາຕ້ອງປ່ອຍໃຫ້ມັນເປັນໄປຕາມທິດທາງທີ່ມັນຄວນຈະເປັນ ບໍ່ຈໍາເປັນຕ້ອງຄາດຫວັງກັບທຸກຢ່າງແລ້ວເຮົາຈະເຈັບປວດໜ້ອຍລົງ.

Read More »

ຄວາມເກງໃຈທີ່ດີຄືມີຄວາມເກງໃຈຕໍ່ຜູ້ອື່ນຢ່າງເໝາະສົມ ແລະ ສົມດູນກັບຄວາມເກງໃຈຕໍ່ໂຕເອງຢ່າງພໍດີ

ຄວາມເກງໃຈເປັນຄຸນສົມບັດຢ່າງໜຶ່ງທີ່ທຸກຄົນຄວນມີ ແລະ ຕ້ອງໄດ້ຝຶກຝົນ ບາງຄົນບໍ່ມີຄວາມເກງໃຈຕໍ່ຜູ້ອື່ນເລີຍ ອັນນີ້ກໍເປັນເລື່ອງຍາກທີ່ຈະຖືກຍອມຮັບ ເພາະມັນເປັນການເສຍມາລະຍາດ ແລະ ບໍ່ເຄົາລົບບໍ່ໃຫ້ກຽດຄົນອື່ນ ແຕ່ໃນຂະນະດຽວກັນຄວາມເກງໃຈກໍເປັນສາເຫດທີ່ເຮັດໃຫ້ເຮົາຖືກເອົາປຽບ “ຖ້າມີຫຼາຍເກີນໄປ” ເຈົ້າເຄີຍບໍ່? ຖືກຄົນອື່ນເອົາປຽບພຽງເພາະເຈົ້າເປັນຄົນຂີ້ເກງໃຈ. ຖືກຄົນອື່ນໃຊ້ໃຫ້ເຮັດວຽກແທນທັງທີ່ຄວາມຈິງເຮົາບໍ່ເຮັດກໍໄດ້ເພາະມັນບໍ່ແມ່ນໜ້າທີ່ຂອງເຮົາ. ໃນບາງຄັ້ງຕໍ່ຄິວຊື້ເຄື່ອງດົນໆແຕ່ຢູ່ໆກໍຖືກຄົນອື່ນລັດຄິວ ທັງທີ່ບໍ່ພໍໃຈແຕ່ກໍບໍ່ກ້າຮ້າຍເພາະເກງໃຈ ແລະ ຍັງມີອີກຫຼາຍໆເລື່ອງທີ່ເຮົາຖືກເອົາປຽບຈາກຄວາມເກງໃຈ ສະນັ້ນຈຶ່ງເວົ້າໄດ້ວ່າ: ຄວາມເກງໃຈມີຫຼາຍໄປກໍບໍ່ດີມີໜ້ອຍໄປກໍບໍ່ດີ ມີຢ່າງພໍດີຈຶ່ງເປັນເລື່ອງດີ ເພາະເກງໃຈຄົນອື່ນຫຼາຍເກີນໄປກໍຈະເຮັດໃຫ້ລືມເຄົາລົບໂຕເອງ ແຕ່ເກງໃຈໜ້ອຍເກີນໄປກໍຈະກາຍເປັັນຄົນທີ່ເຫັນແກ່ໂຕບໍ່ເຄົາລົບຄົນອື່ນ ສະນັ້ນຈຶ່ງຄວນເຝິກຝົນໃຫ້ຄວາມເກງໃຈຂອງເຮົາເປັນທັງການເຄົາລົບຕົນເອງ ແລະ ເຄົາລົບຄົນອື່ນພ້ອມ.

Read More »

ຍິ່ງອາຍຸຫຼາຍຂ້ອຍຍິ່ງເກັ່ງ!!! 8 ຢ່າງທີ່ແມ່ຍິງຄືພວກເຮົາຢ່າຢຸດເຮັດ ເພາະພວກເຮົາຄືແມ່ຍິງຍຸກໃໝ່

ມາເບີ່ງຂໍ້ຄິດ 8 ຂໍ້ທີ່ຈະເຮັດໃຫ້ພວກເຮົາເປັນແມ່ຍິງທີ່ເກັ່ງ, ສະຫຼາດ ແລະ ມີຄຸນຄ່າ 1 ຢ່າຢຸດຄົບເພື່ອນດີໆ: ໝູ່ອາດຈະຫາໄດ້ບໍ່ຍາກແຕ່ໝູ່ທີ່ດີ ແລະ ຈິງໃຈຫາບໍ່ງ່າຍເລີຍໃດ໋! ແຕ່ເຊື່ອວ່າໃນຊີວິດເຮົາເຖິງຈະມີໝູ່ຫຼາຍ ແຕ່ໝູ່ທຸກຄົນກໍບໍ່ໄດ້ຫວັງດີນໍາເຮົາສະເໝີໄປ ສະນັ້ນ, ການມີໝູ່ຫຼາຍບໍ່ແມ່ນສິ່ງທີ່ສໍາຄັນແຕ່ໝູ່ທີ່ດີ ແລະ ພາຊີວິດເຮົາຈະເລີນຈົ່ງຮັກສາເອົາໄວ້ຢ່າໃຫ້ຄວາມສໍາພັນຈືດຈາງ.  2 ຢ່າຢຸດສະຫຼາດ: ໂລກປ່ຽນແປງໄວການຮຽນຮູ້ຕ້ອງປ່ຽນແປງ  ສະນັ້ນ, ມື້ໃດທີ່ເຮົາຢຸດຮຽນຮູ້ສິ່ງໃໝ່ເຮົາຈະກາຍເປັນຄົນຫຼ້າຫຼັງທັນທີ ແລະ ຜູ້ຍິງທີ່ສະຫຼາດຈະບໍ່ຢຸດຮຽນຮູ້.  3 ຢ່າຢຸດເກັບທ້ອນເງິນ: ເງິນຫາຍາກໄປໄວຖ້າບໍ່ເກັບທ້ອນໄວ້ເຮົາຈະບໍ່ມີກິນ ຢ່າຄິດແຕ່ຈະເພີ່ງພາຄົນອື່ນໄປຕະຫຼອດ ເພາະເຂົາກໍມີພາລະຂອງເຂົາ.  4 ຢ່າຢຸດທີ່ຈະຫາເງິນ: ການຫາເງິນເອງເປັນສິ່ງໜຶ່ງທີ່ແມ່ຍິງທຸກຄົນຄວນຮູ້ຈັກ ຍິ່ງເຮົາຢູ່ໃນຍຸກປັດຈຸບັນແມ່ຍິງຕ້ອງເກັ່ງຫາເງິນເອງເປັນ. ຢ່າເອົາຊີວິດໄປຝາກໄວ້ກັບໃຜ ການລ້ຽງໂຕເອງໄດ້ຈະເຮັດໃຫ້ເຮົາເຫັນຄຸນຄ່າໃນໂຕເອງຫຼາຍຂຶ້ນ 5 ຢ່າຢຸດທີ່ຈະເຮັດວຽກ: ແຕ່ງງານມີຄອບຄົວແລ້ວແຕ່ກໍຕ້ອງເຮັດວຽກ ເພາະມື້ໃດທີ່ເຮົາບໍ່ເຮັດວຽກຫາເງິນ ເຮົາຈະຖືກເບີ່ງໄຮ້ຄ່າ 6 ຢ່າຢຸດທີ່ຈະຮັກ: ໃນບ່ອນນີ້ໝາຍເຖິງການຮັກໂຕເອງ ເພາະມື້ໃດທີ່ເຮົາຮັກໂຕເອງເຮົາຈະເຮັດແຕ່ສິ່ງທີ່ດີໃຫ້ໂຕເອງ ແລ້ວກໍຈະມີແຕ່ສິ່ງດີໆເກີດຂຶ້ນກັບໂຕເຮົາ  7 ຢ່າຢຸດທີ່ຈະງາມ: ຈົ່ງງາມໃຫ້ສົມໄວ ງາມໃນແບບຂອງເຮົາ ຢ່າໃຫ້ໂຕເອງໂຊມຈົນການເປັນສິ່ງສັກສິດຂອງເຮືອນເດັດຂາດ. …

Read More »

ຫາກມື້ໜຶ່ງພໍ່ແມ່ຈາກໄປ ແລ້ວແມ່ນໃຜຈະຮັກເຮົາ?

ເຕືອນສະຕິຜູ້ເປັນລູກທັງຫຼາຍ ຫາກມື້ໜຶ່ງພໍ່ແມ່ບໍ່ຢູ່ແລ້ວ ຈະໃຊ້ຊີວິດຕໍ່ໄປຈັ່ງໃດ? ຖ້າມື້ໜຶ່ງພໍ່ແມ່ຕ້ອງຈາກໄປຄົງຈະບໍ່ມີໃຜທີ່ຮັກເຮົາຄືກັບພວກເພີ່ນອີກແລ້ວ ລູກຜູ້ຢູ່ໄກຖ້າວ່າງຈາກວຽກງານກໍໂທຫາເພີ່ນແນ່, ກັບໄປຢາມພວກເພີ່ນແນ່ກໍດີ ເພາະທຸກມື້ພວກເພີ່ນຄອງຖ້າການກັບໄປຂອງພວກເຈົ້າຢູ່ສະເໝີ ຢ່າເປືອງເວລາໄປກັບສະຖານທີ່ລະເລີງບັນເທີງໃຈຫຼາຍເກີນໄປເພື່ອນກິນທີ່ໄຮ້ສາລະ, ຮ້ານເຫຼົ້າຮ້ານເບຍ ເປັນພຽງບ່ອນຜ່ອນຄາຍມັນບໍ່ແມ່ນເຮືອນທີ່ໃຫ້ຄວາມອົບອຸ່ນແກ່ເຮົາ ຢ່າໄປໃຫ້ຄວາມສໍາຄັນກັບມັນຫຼາຍກວ່າພໍ່ແມ່ເລີຍ. ຖ້າມື້ໜຶ່ງທີ່ພໍ່ກັບແມ່ຈາກໄປແທ້ໆມື້ນັ້ນຈະບໍ່ມີໃຜກ້າເອີ້ນເຈົ້າກິນເຂົາໃນຍາມທີ່ເຈົ້າຮ້າຍ, ອາລົມເສຍ ດັ່ງນັ້ນ, ບໍ່ວ່າຮ້ານອາຫານທາງນອກຈະແຊບ ແລະ ຫຼູຫຼາເທົ່າໃດກໍຢ່າລືມກັບເມືອກິນເຂົ້າກັບເພີ່ນຈັກຄັ້ງຈັກຄາວກໍຍັງດີ ຢ່າໃຫ້ພໍ່ແມ່ຄອງຄອຍຫາຄອງແລ້ວຄອງອີກກໍບໍ່ເຄີຍມາ ຢ່າໃຫ້ຄວາມເສຍໃຈນັ້ນກາຍເປັນບາບ. ຢ່າຖ້າໃຫ້ພໍ່ແມ່ຈາກໄປແລ້ວຈຶ່ງໂຫຍຫາເພາະຕອນນັ້ນມັນບໍ່ມີປະໂຫຍດຫຍັງແລ້ວ. ຖ້າມື້ໜ່ຶ່ງພໍ່ແມ່ຕ້ອງຈາກໄປຈະບໍ່ມີໃຜວຸ້ນວາຍກັບພວກເຈົ້າແລ້ວ ບໍ່ມີໃຜຄອຍເປັນຫ່ວງເປັນໃຍຖາມໄຖ່ ຖ້າເກີດພໍ່ແມ່ບໍ່ສະບາຍເຈົ້າພັກວຽກໄປເບີ່ງແຍງເພີ່ນໄດ້ບໍ່? ຢ່າເອົາແຕ່ຈ້າງຄົນອື່ນເບີ່ງໃຫ້ ເພາະບາງຄັ້ງພວກເພີ່ນພຽງແຕ່ຢາກເຫັນຄົນທີ່ຮັກທີ່ສຸດໃນຊີວິດ. ຖ້າມື້ໜຶ່ງພໍ່ແມ່ຕ້ອງຈາກໄປກໍຈະບໍ່ໃຜຮັກ, ເອັນດູເຮົາ ແລະ ໃຫ້ອະໄພເຮົາທຸກເລື່ອງເຖິງແມ່ນເຮົາຈະຊົ່ວຈະດີ ຫຼືຜິດພາດ. ຢ່າພາຄົນທີ່ລັງກຽດພໍ່ແມ່ຂອງເຂົາເອງເຂົ້າເຮືອນເຮົາເດັດຂາດ ຢ່າຄົບຄົນທີ່ບໍ່ເຄົາລົບຮັກພໍ່ແມ່ຂອງເຂົາເປັນເພື່ອນ ຄົນແບບນີ້ເຂົາຈະບໍາສາມາດຮັກໃຜໄດ້.

Read More »