Home

ສົມກັບທີ່ແຟນໆນາງງາມໃຫ້ການລໍຄອຍກັບການເປີດເຜີຍ ຊຸດປະຈຳຊາດຂອງ ອອນອະນົງ ຫອມສົມບັດ Miss Universe Laos 2018 ທີ່ຈະໃຊ້ເຂົ້າໃນການປະກວດໃນເວທີການແຂ່ງຂັນ ນາງງາມຈັກກະວານ (Miss Universe 2018)ທີ່ປີນີ້ພິເສດສຸດໆ ເພາະຈັດຂຶ້ນທີ່ປະເທດເພື່ອນບ້ານ (ປະເທດໄທ). ເຊື່ອເລີຍວ່ານອກຈາກການແຂ່ງຂັນໃນຮອບອື່ນໆແລ້ວ ສິ່ງທີ່ພໍ່ແມ່ພີ່ນ້ອງໃຫ້ການສົນໃຈ ແລະ ຖ້າລຸ້ນຖ້າເຊຍໃຫ້ກຳລັງໃຈສາວງາມທີ່ເປັນຕົວແທນປະເທດລາວກໍແມ່ນ ໃນຮອບຊຸດປະຈຳຊາດ “ເຊິ່ງປີນີ້ຊຸດປະຈຳຊາດທີ່ເປັນສິ່ງບົ່ງບອກເອກກະລັກລາວຂອງເຮົາ ກໍມາໃນ “ຊຸດທານນ້ຳໃຈສູ່ປະເທດລາວ” ເຊິ່ງຊຸດນີ້ແນ່ນອນວ່າມີທີ່ມາທີ່ໄປ ມີຄວາມໝາຍ ໄດ້ແຮງບັນດານໃຈມາຈາກນາງກິນນະລີທີ່ເປັນສັດເຄິ່ງຄົນເຄິ່ງນົກທີ່ຢູ່ໃນນິຍາຍຂອງລາວ ແລະ ໄດ້ນຳເອົາປະເພນີວັດທະນະທຳພື້ນເມືອງ, ການສະແດງຟ້ອນກິນນະລີມາດັດແປງໃນການນຳສະເຫນີຊຸດ”. “ຮູບແບບຂອງຊຸດແມ່ນໃຊ້ເຕັກນິກການສະແດງແບບຫຸ່ນເຕັ້ນເປີດຫມວກ ເພື່ອສົມທົບທຶນ ທີ່ພົບເຫັນໄດ້ຢູ່ທົ່ວໄປຕາມສະຖານທີ່ທ່ອງທ່ຽວຕ່າງໆ. ການຜະລິດຊຸດໃນຄັ້ງນີ້ແມ່ນໄດ້ແຮງບັນດານໃຈມາຈາກເຫດການໄພພິບັດທີ່ເກີດຈາກເຫດການເຂື່ອນເຊປຽນ-ນ້ຳນ້ອຍແຕກ, ທັງນີ້ກໍເພື່ອສົ່ງກຳລັງໃຈໃຫ້ກັບຜູ້ປະສົບໄພ ແລະ ຜູ້ທີ່ສູນເສຍ ໂດຍການນຳໃຊ້ຊຸດນີ້ເປັນສື່ກາງ, ສື່ຄວາມຫມາຍ ເພື່ອຂອບໃຈທຸກໆກຳລັງໃຈທີ່ສົ່ງມາໃຫ້ ສປປ ລາວ. ຄວາມຫມາຍຂອງຊຸດນີ້ແມ່ນສື່ເຖິງ ແລະ ແທນຄຳຂອບໃຈທຸກໆຄົນ ທັງໃນ ແລະ ຕ່າງປະເທດ ທີ່ໃຫ້ການຊ່ວຍເຫລືອຕ່າງໆ ໂດຍຜ່ານຮູບແບບຂອງຊຸດທີ່ສື່ເຖິງການບໍລິຈາກເງິນ ແລະ ວັດຖຸຕ່າງໆ ເພື່ອຊ່ວຍເຫລືອສັງຄົມ ພຽງແຕ່ນຳໃຊ້ນາງກິນນະລີເປັນຕົວສື່ສານ …

ໄດ້ອອກໄປທ່ຽວທັງທີ ສາວໆກໍຕ້ອງຢາກມີຮູບງາມໆ ເກັບເປັນໂມເມັ້ນຄວາມຊົງຈຳ ແລະ ອວດໝູ່ເພື່ອນໃນໂຊຊ່ຽວ ໄປທ່ອງທ່ຽວທັງທີກໍຕ້ອງມີການກະກຽມຕົວກັນແດ່ ບໍ່ວ່າຈະເປັນເສື້ອຜ້າ ເກີບ ກະເປົ໋າ ທັງແຕ່ງໜ້າເຮັດຜົມ ເອີ້ນໄດ້ວ່າຈັດເຕັມກັນສຸດໆ ແຖມຈະຖ່າຍຮູບແບບທຳມະດາໆ ກໍຄືຈະບໍ່ແມ່ນວ່າບໍສາວໆ (555) ຮູບກໍຈະຕ້ອງອອກມາງາມ ອອກມາເລີດທີ່ສຸດ, ດັ່ງນັ້ນ!! ລອງມາເບິ່ງວ່າວິທີການຖ່າຍຮູບອອກມາໃຫ້ ວ້າວວວວ ທີ່ສຸດນັ້ນຈະເປັນແນວໃດ ມາໆນຳມາເບິ່ງພ້ອມໆກັນເລີຍ… ຫຼີກເວັ້ນການຖ່າຍຮູບແບບມຸມເສີຍ ສາວໆຫຼາຍຄົນອາດຈະຮູ້ຢູ້ແລ້ວວ່າ ມຸມຕໍ່າ ມຸມເສຍ ທຳຮ້າຍຄົນມາແລ້ວ ເພາະນອກຈາກຈະເຮັດໃຫ້ຮູບເບິ່ງບໍ່ງາມ ຍັງເຮັດໃຫ້ເບິ່ງແລ້ວຕຸ້ຍກວ່າຄວາມເປັນຈິງຫຼາຍເທົ່າ ຊ່ວງທີ່ດີທີ່ສຸດຄືການຖ່າຍໃນໄລຍະດຽວກັບສາຍຕາຂອງເຮົາຈະດີທີ່ສຸດ 2. ຫຼີກເວັ້ນການຖ່າຍຮູບມຸມສູງເກີນໄປ ການຖ່າຍຮູບມຸມສູງ ເຮົາອາດຈະມັກ ແລະ ເຮັດເລື້ອຍໆ ເພາະເບິ່ງແລ້ວເຮັດໃຫ້ໜ້າຄົມ ແຕ່…ມັນເຮັດຈະເຮັດໃຫ້ເຮົາເບິ່ງຄືໃຫ່ຍຜິດປົກກະຕິ ແລະ ຍັງບໍ່ແມ່ນຮູຸບທີ່ດີເທົ່າທີ່ຄວນ 3. ຫາມຸມທີ່ແມ່ນຂອງຕົວເອງ ເຊື່ອເລີຍວ່າສາວໆທຸກຄົນຕ້ອງມີມຸມທີ່ແມ່ນຂອງຕົວເອງ ພຽງແຕ່ຕ້ອງຫາມັນໃຫ້ເຈິເທົ່ານັ້ນ ອາດເປັນການອຽງໜ້າ 20 ອົງສາ ອາດຈະເປັນຝັ່ງຊ້າຍຂອງໜ້າ ຫຼືອາດເປັນຮອຍຍິ້ມ ຍິ້ມເຫັນແຂ້ວ ດັ່ງນັ້ນເຈົ້າເອງນັ້ນແຫລະທີ່ຈະຮູ້ມຸມຂອງຕົວເອງດີກວ່າຄົນອື່ນ …

ອີກບໍ່ພໍເທົ່າໃດເດືອນກໍຈະໝົດປີ 2018 ກັນແລ້ວ ແຟນໆຫຼາຍໆຄົນມັກຈົ່ມວ່າ “ເວລາຊ່າງຜ່ານໄປໄວເຫຼືອເກີນ…” ແຕ່ບໍ່ເປັນຫຍັງເນາະ ເອົາເປັນວ່າທຸກຢ່າງບໍ່ສາຍທີ່ຈະເລີ່ມລົງມືເຮັດ ແລະ ເລີ່ມຕົ້ນໃໝ່ກັບສິ່ງດີໆສະເໝີ, ນອກຈາກເວລາທີ່ຜ່ານໄປໄວແລ້ວນັ້ນ ແຟນໆຮູ້ ຫຼື ບໍ່ວ່າໃນອີກບໍ່ດົນນີ້ກໍຈະມີການປະກວດນາງງາມອີກໜຶ່ງເວທີໃຫ່ຍລະດັບໂລກ Miss Universe 2018 ທີ່ປີນີ້ພິເສດສຸດໆ ເພາະຈັດຂຶ້ນທີ່ປະເທດເພື່ອນບ້ານ (ປະເທດໄທ), ແນ່ນອນວ່າ ນ້ອງ ອອນອະນົງ ຫອມສົມບັດ Miss Universe Laos 2018 ທີ່ຫຼ້າສຸດໄດ້ເດີນທາງໄປຮ່ວມເກັບຕົວກັບ Miss Universe 2018 ທີ່ປະເທດໄທ ໃນວັນທີ 29 ພະຈິກ 2018 ຕ້ອງບອກວ່າເປັນອີກໜຶ່ງສາວງາມທີ່ມີແຟນໆນາງງາມໃຫ້ການຕິດຕາມ ແລະ ສົ່ງກຳລັງໃຈໃຫ້ຢ່າງຫຼວງຫຼາຍ ສຳລັບ ນ້ອງ ອອນອະນົງ ຫອມສົມບັດ Miss Universe Laos 2018 ປັດຈຸບັນ ອອນອະນົງ ແມ່ນເດີນທາງຮອດ ປະເທດໄທ ເປັນທີ່ຮຽບຮ້ອຍແລ້ວ ພ້ອມທັງໄດ້ຮັບການຕ້ອນຮັບຢ່າງອົບອຸ່ນ ແລະ ກຽມເກັບຕົວຮ່ວມກັບສາວງາມອີກຫຼາຍປະເທດຈາກທົ່ວໂລກ ແລະ ການປະກວດ Miss …

ບໍ່ວ່າຈະໄປຢ້ຽມຢາມຈາກເມືອງບູຮານໄປຈົນຮອດເມືອງທີ່ໂຣແມນຕິກທີ່ສຸດໃນໂລກ?  ຫຼື ວ່າຢາກຈະສຳຜັດມໍລະດົກໂລກ ແລະ ວັດທະນະທຳທີ່ເກົ່າແກ່ທີ່ສຸດໃນໂລກ ຫຼື ສະຖານທີ່ມີຊື່ສຽງລະດັບໂລກບໍ່? ພວກເຮົາກໍຮູ້ສຶກຄືກັນ. ເພື່ອໃຫ້ມັນງ່າຍຂຶ້ນ, ພວກເຮົາໄດ້ລວບລວມ 5 ເມືອງ ຊື່ດັງຂອງໂລກ ທີ່ເຮົາມັກສຸດໆ ແລະ ເປັນເມືອງທີ່ທ່ານຄວນໄປໃນຊີວິດນີ້!! ກວາງໂຈ ກວາງໂຈເປັນໜຶ່ງທີ່ໃຫຍ່ທີ່ສຸດຮອງຈາກ ເມືອງປັກກິ່ງ ແລະ ເມືອງຊຽງໄຮ້. ກວາງໂຈຍັງເປັນເມືອງທີ່ຂຶ້ນຊື່ວ່າເປັນເມືອງແຫ່ງດອກໄມ້ໃນປະເທດຈີນ, ທ່ານສາມາດສຳຜັດຄວາມງາມຂອງສວນອຸທະຍານດອກໄມ້ ແລະ ເບິ່ງຕາເວັນຕົກດິນທີ່ ພູ Baiyun(白云山). ແຕ່ຖ້າທ່ານມັກທ່ອງທ່ຽວໃນເມືອງຫຼາຍກວ່າ ຂໍບອກເລີຍວ່າທ່ານມາຖືກບ່ອນແລ້ວ, ເພາະກວາງໂຈຍັງເປັນເມືອງທີ່ຮູ້ກັນດີວ່າເປັນແຫຼ່ງຊອບປິ້ງອັນດັບໃຫຍ່ ແລະ ຍັງມີອາຫານລົດຊາດດີເລີດໄວ້ໃຫ້ທ່ານໄດ້ ຊ໋ອບ ແລະ ຊີມອາຫານໃນລາຄາສະບາຍໆກະເປົາ! ຂໍບອກອີກວ່າອາຫານທີ່ກວາງໂຈ ຫຼື ເມືອງແຫ່ງອາຫານ ມີຫຼາກຫຼາຍອາຫານໄວ້ໃຫ້ທ່ານໄດ້ລອງຊິມ ບໍ່ວ່າຈະເປັນ ຊາວເຂົາ (ປິ້ງຈີນ), ຕິມຊຳ, ອາຫານປະເພດເສັ້ນ ແລະ ຂອງຫວານອີກຫຼາກຫຼາຍເຊິ່ງຄົນຈີນເອງກໍບອກກັນເອງປາກ-ຕໍ່-ປາກໃນພາສາພື້ນເມືອງທີ່ວ່າ ‘ກິນຢູ່ກວາງໂຈ’ (吃在廣州)ເຊິ່ງນັ້ນກໍໝາຍຄວາມວ່າຖ້າບໍ່ລອງອາຫານທ້ອງຖິ່ນຂອງກວາງໂຈແປວ່າມາບໍ່ຮອດ. ປັກກິ່ງ (ເປີຍຈິ່ງ) …

ການລ່ວງລະເມີດທາງເພດບໍ່ແມ່ນການ “ສົມຍອມ” ປັດຈຸບັນມີຂ່າວຄວາມເຄື່ອນໄຫວໜຶ່ງຂອງປະເທດ “ໄອແລນ” ທີ່ໜ້າສົນໃຈຫຼາຍ ນັ້ນກໍຄືການປະທ້ວງຂອງແມ່ຍິງຊາວໄອຣິສ ທີ່ມີຕໍ່ຄໍາຕັດສິນຍົກເລີກຄໍາຝ້ອງຂອງຄະດີລ່ວງລະເມີດທາງເພດຄະດີໜຶ່ງ; ເປັນຄະດີຂົ່ມຂືນຍິງສາວອາຍຸ 17 ປີ ແລະ ສາເຫດທີ່ສານຕັດສິນຍົກຝ້ອງເນື່ອງຈາກວ່າ ຈໍາເລີຍໄດ້ນໍາເອົາຊຸດຊັ້ນໃນຂອງຜູ້ຖືກເຄາະຮ້າຍມາເປັນຫຼັກຖານວ່າ ການແຕ່ງຕົວມີຄວາມຢົ່ວຢວນເກີນໄປ ພ້ອມກ່າວປະນາມການແຕ່ງຕົວຂອງນາງໃນຄືນທີ່ເກີດເຫດວ່າ “You have to look at the way she was dressed. She was wearing a thong a lace front” ແປວ່າ “ເຈົ້າຕ້ອງເບິ່ງທີ່ການແຕ່ງຕົວຂອງນາງ ນາງໃສ່ຊຸດຊັ້ນໃນທີ່ມີລູກໄມ້ຢູ່ທາງໜ້າ” ຈາກຄໍາກ່າວອ້າງດັ່ງກ່າວ ສານຈຶ່ງຕັດສິນໃຫ້ຈໍາເລີຍເພດຊາຍອາຍຸ 27 ປີ ພົ້ນຜິດຈາກຄະດີຂົ່ມຂືນໃນໄລຍະຕົ້ນເດືອນພະຈິກທີ່ຜ່ານມາ. ຈາກເຫດການດັ່ງກ່່າວ ໄດ້ສ້າງຄວາມບໍ່ພໍໃຈໃຫ້ແມ່ຍິງຊາວໄອຣິສເປັນຈໍານວນຫຼວງຫຼາຍ ຈົນເກີດມີການປະທ້ວງຂຶ້ນ; ເຊິ່ງມີແມ່ຍິງຫຼາຍກວ່າ 600 ຄົນ ຮວມພະລັງກັນເອົາເຄື່ອງນຸ່ງຂອງຕົນໄປສະແດງໃນສານ, ບາງຄົນກໍໄດ້ນໍາເອົາຊຸດຊັ້ນໃນທີ່ມີຄວາມຢົ່ວຢວນໄປວາງໄວ້ຢູ່ທາງໜ້າສານເມືອງຄອດ ພາຍໃຕ້ຄໍາຂວັນທີ່ວ່າ …