Kuanjai Foodie

ຮ້ານອາຫານ 3 ສາວ (3 Sao Hotpot) ບໍລິການດີເລີດ ສຸດແສນປະທັບໃຈ

ອາຫານ ແຊບຈົນຕ້ອງບອກຕໍ່! ການບໍລິການດີເລີດ ສຸດແສນປະທັບໃຈ ບັນຍາກາດດີ ແອເຢັນສະບາຍ ສະອາດສົດໃຫມ່ ມີໃຫ້ເລືອກຫລາກຫລາຍເມນູ. ວາລະສານຂວັນໃຈ ສະບັບນີ້ ຂໍແນະນຳ ຮ້ານອາຫານ 3 ສາວ Hotpot ຮ້ານອາຫານປະເພດຈຸ່ມ ສຸກີ້ ເປັນຮ້ານອາຫານໃໝ່ ສຳລັບໃຜທີ່ຕ້ອງການກິນຈຸ່ມຮ້ອນໆແຊບໆ ຕ້ອງໄປກິນໃຫ້ໄດ້!  ບອກໄດ້ເລີຍວ່າ ຈຸດພິເສດແມ່ນຢູ່ທີ່ ນໍ້າຊຸບ 3 ຣົດຊາດຄື: ນໍ້າຊຸບມາລ້າ (ນໍ້າຊຸບເຄື່ອງເທດຈີນ), ນໍ້າຊຸບສາມສາວ (ນໍ້າຊຸບໃສ, ນໍ້າຕົ້ມຜັກ), ນໍ້າຊຸບປາແຫ້ງ ນອກຈາກຈະຂື້ນຊື່ເລື່ອງນໍ້າຊຸບແລ້ວ ນໍ້າແຈ່ວກະບໍ່ໄດ້ນ້ອຍໜ້າມີ 3 ຣົດຊາດໃຫ້ເລືອກ ຖືວ່າມາຮ້ານດຽວມີທັງອາຫານເພື່ອສຸຂະພາບ ແບບກິນເຈ ຫຼື ສຳລັບໃຜທີ່ມັກຣົດຊາດເດັດເຜັດຮ້ອນ ເຊິ່ງມີຄົບໝົດທຸກຣົດຊາດໃຫ້ທ່ານສາມາດເລືອກກິນໄດ້ຕາມຄວາມມັກ. ຈຸດພິເສດອີກຢ່າງໜຶ່ງຂອງຮ້ານແມ່ນການຕົກແຕ່ງ, ບັນຍາກາດພາຍໃນຮ້ານ ແມ່ນອີງໃສ່ໃຫ້ເປັນບັນຍາກາດຂອງຮ້ານຈຸ່ມສຸກີ້ ຮູບແບບລັກສະນະໃຫ້ມັນແທດເໝາະ ບໍ່ວ່າຈະເປັນອຸປະກອນ, ໂຕະຕັ່ງ ທີ່ມີຄວາມສະດວກສະບາຍໃຫ້ກັບລູກຄ້າທີ່ມາກິນ. ໂລໂກ້, ສີສັນຂອງຮ້ານເຂົ້າກັນໄດ້ຢ່າງລົງຕົວເບິິ່ງແລ້ວສົດໃສສະບາຍໆຕາ ສົດຊື່ນ …

Read More »

ຮ້ານກາເຟທີ່ແຊບທີ່ຊຸດໃນນະຄອນຫຼວງ

ລະດູໜາວເລີ່ມເຂົ້າມາເຮັດໃຫ້ຮ່າງກາຍຂອງຫຼາຍຄົນຂາດຄວາມອົບອຸນ ຖ້າຫາກທ່ານຕ້ອງການຄວາມອົບອຸນໂດຍການດືື່ມນໍ້າກາເຟແຊບໆຮ້ອນໆຈັກຈອກ ເພື່ອບັນເທົາຄວາມໜາວເຢັນ ທ່ານຄິດວ່າຮ້ານໃດທີ່ເໝາະສົມລັບທ່ານ ຫຼື ຮ້ານໃດທີ່ທ່ານຄິດວ່າແຊບທີ່ສຸດສຳລັບທ່ານ ຈົ່ງບອກຄວາມຮູ້ສຶກຂອງທ່ານເພື່ອໃຫ້ຄົນອື່ນໄດ້ຮັບຮູ້ນໍາ

Read More »

ຮ້ານເຂົ້າຈີ່-ກາເຟ ​ມົນສະ​ເໜ່​ແຫ່ງ​​ລົດ​ຊາດ ​ກັບບັນ​ຍາ​ກ​າດ​ແບບປະ​ທັບ​ໃຈ

ໄລຍະແຫ່ງການຜັນປ່ຽນລະດູການ ຈາກລະດູຝົນເລີ່ມເຂົ້າສູ່ລະດູໜາວ ອາກາດກໍເລີ່ມເຢັນໆມາໜ້ອຍໜຶ່ງແລ້ວ ຖ້າໄດ້ກາເຟຮ້ອນຈັກຈອກ ແລະ ເຂົ້າຈີ່ແຊບໆຈັກອັນ ມານັ່ງຊຸມກັນເພື່ອຜ່ອນຄາຍບັນຍາກາດໜາວໆເຢັນໆແບບນີ້ຄົງຈະດີຂຶ້ນຢ່າງແນ່ນອນ. ຊັ້ນຈະຊັກຊ້າໄປເຮັດຫຍັງ ມາຮູ້ຈັກກັບ ຮ້ານເຂົ້າຈີ່-ກາເຟ ກັນດີກວ່າ ຂວັນໃຈ ຂໍແນະນໍາຮ້ານກາເຟ ທີ່ກຳລັງໄດ້ຮັບຄວາມນິຍົມຫລາຍທີ່ສຸດໃນກຸ່ມຄົນຍຸກໃໝ່ ທີ່ຕ້ອງແລ່ນນຳເວລາ ເພື່ອຮັບປະທານອາຫານທີ່ສະດວກສະບາຍ, ລົດຊາດແຊບ, ບໍລິການປະທັບໃຈ ແລະ ວ່ອງໄວທັນໃຈກັນດີກວ່າ. ຮ້ານດັ່ງກ່າວມີຊື່ວ່າ: ຮ້ານເຂົ້າຈີ່-ກາເຟ ຕັ້ງຢູ່ຂ້າງສໍານັກງານນາຍົກ ລັດຖະມົນຕີ ແລະ ຢູ່ດ້ານຫຼັງໂຮງຮຽນອຸດົມສຶກສາວຽງຈັນ ໃນຕຶກບໍລິສັດ ເຄ&ຊີ ເຊິ່ງບໍລິການອາຫານປະເພດເຂົ້າຈີ່ທຸກຊະນິດ, ກາເຟທີ່ເປັນແບບລາວແທ້ ແລະ ເຄື່ອງດື່ມທົ່ວໄປ ທີ່ໃຫ້ລົດຊາດຖືກໃຈແກ່ບັນດານັກຊິມທັງຫຼາຍໄດ້ເປັນຢ່າງດີ. ເມື່ອເວົ້າເຖິງເຂົ້າຈີ່ ແລະ ກາເຟ ຫຼາຍທ່ານອາດຈະຮູ້ດີວ່າ: ເປັນອາຫານທີ່ຊອກຫາກິນງ່າຍ ທັງໃຫ້ຄວາມສະດວກສະບາຍຫລາຍທີ່ສຸດໃນຍາມຫິວທີ່ຟ້າວຟັ່ງ ແລະ ຮີບດ່ວນ ເໝາະສົມສໍາລັບຄົນເຮັດວຽກໃນຍຸກປັດຈຸບັນ ທີ່ຕ້ອງປະຕິບັດໂມງເວລາຢ່າງເຂັ້ມງວດ ເຂົ້າຈີ່ຍັງສາມາດຕອບໂຈດໃນຝັນຂອງການກິນອາຫານໃນຕອນເຊົ້າ ຊື້ອອກໄປກິນເອງໄດ້ ຫຼື ບາງທ່ານທີ່ຕ້ອງການນັ່ງກິນຢູ່ພາຍໃນຮ້ານ ທາງຮ້ານກໍມີບ່ອນນັດພົບປະສັງສັນທີ່ມີບັນຍາກາດແບບເປັນກັນເອງ, ອົບອຸ່ນ, ມີມູມໂລແມນຕິກ, …

Read More »

ຮ້ານອາຫານ ລາວ-ຫຼວງພະບາງ

ສຳລັບໃຜທີ່ຢາກກິນອາຫານທ້ອງຖິ່ນແຂວງຫຼວງພະບາງ ບໍ່ຈຳເປັນຕ້ອງໄປຮອດຫຼວງພະບາງກໍໄດ້ແລ້ວເດີ ເພາະຢູ່ໃນນະຄອນຫຼວງກໍສາມາດກິນໄດ້. ໃຜທີ່ເບື່ອອາຫານແບບອີຕາລີ, ຈີນ, ໄທ ອາຫານແບບສາກົນ ແນະນໍາໃຫ້ລອງມາຮ້ານນີ້ ຮັບຮອງຄວາມແຊບແບບທ້ອງຖິ່ນຕົ້ນຕຳລັບຣົດຊາດຈາກຫຼວງພະບາງແທ້ໆ ພ້ອມທັງວັດຖຸດິບ, ເຄື່ອງ ປຸງຕ່າງໆ ເຊັ່ນ: ປາແດກ, ໝາກກອກ, ໝາກເຂືອ… ແມ່ນສົ່ງມາຈາກຫຼວງພະບາງເມືອງມໍລະດົກໂລກ. ຮ້້ານອາຫານລາວ-ຫຼວງພະບາງ ທາງທີມງານຂວັນໃຈແມ່ນຢາກແນະນຳສຸດໆ ເພາະໄດ້ໄປທົດລອງຊີມມາແລ້ວຮັບຮອງຄວາມແຊບ, ສະອາດ ແລະ ການບໍລິການດີ ເປັນກັນເອງ ຕັ້ງຢູ່ຈຸດໃຈກາງເມືອງ ຫຼັງພະທາດຫຼວງວຽງຈັນ ສະຖານທີ່ສຳຄັນຂອງນະ ຄອນຫຼວງວຽງຈັນນີ້ເອງ. ຈຸດເດັ່ນທີ່ແຕກຕ່າງຈາກຮ້ານອາຫານອື່ນໆໃນນະຄອນຫຼວງແມ່ນ ມີແຕ່ສະເພາະອາຫານທາງພາກເໜືອແຂວງຫຼວງພະບາງເທົ່ານັ້ນ. ເມນູອາຫານກໍຫຼາກຫຼາຍຢ່າງ ເຊັ່ນ: ອາຫານປະເພດຕໍາ, ປະເພດໝົກ ຕາມລະດູການ ເຊັ່ນ: ໝົກໄຄ, ໝົກໝາກເຜັດ, ໝົກດອກແຄ, ໝົກປານໍ້າຂອງ, ເອາະຫລາມ, ໝ້ຽງປາແດກ….ສ່ວນເມນູພິເສດທີ່ຢາກແນະນຳ ເມືອມາຮອດຮ້ານອາຫານລາວ-ຫຼວງພະບາງແລ້ວຕ້ອງກິນແມ່ນ ຕໍາຫຼວງພະບາງ, ອົ່ວສີໄຄ, ອົ່ວຫຼວງພະບາງ, ໝົກປາຟອກ, ພິເສດສຸດແມ່ນ ເອາະຫລາມ, ເອາະບອນ, …

Read More »

ຮ້ານອາຫານ ມະລິ ຊີມ “ໝີ່ຈັກກະພັດ” ໃນບັນຍາກາດໂມເດິນທີ່ສຸດ

ສະບາຍດີ ! ເພື່ອນໆຜູ້ອ່ານ ວາລະສານຂວັນໃຈ ສຳລັບເດືອນນີ້ ຈະຂໍແນະນຳຮ້ານອາຫານໃໝ່ ໃຫ້ກັບນັກຊິມທັງຫຼາຍທີ່ຢາກລອງປ່ຽນບັນຍາກາດໄປນັ່ງກິນອາຫານຣົດຊາດແຊບແບບໃໝ່ ແລະ ລາຄາຖືກ. ພ້ອມທັງມີເມນູພິເສດທີ່ສຸດ ທີ່ທຸກທ່ານຕ້ອງມັກແນ່ນອນ “ຮ້ານອາຫານມະລິ” ເປັນຊື່ເອີ້ນແບບລາວໆຈື່ຈໍາກັນໄດ້ງ່າຍໆ, ເໝາະກັບທຸກໆໄວທີ່ຈະມາສ້າງສັນແບບໝູ່ເພື່ອນ, ພະນັກງານ ແລະ ຄອບຄົວ. ສິ່ງສຳຄັນແມ່ນ ຄວາມສະອາດ ແລະ ຮັບປະກັນອາຫານທຸກເມນູຈະບໍ່ໃສ່ແປ້ງນົວ. ຮ້ານອາຫານມະລິ ມີເມນູອາຫານຫຼາກຫຼາຍທີ່ທຸກໆທ່ານສາມາດເລືອກກິນໄດ້ ຫຼື ຈະເປັນແບບຕາມສັ່ງກໍມີ ແລ້ວແຕ່ລູກຄ້າສະດວກ. ແຕ່ທາງຮ້ານມະລິ ມີເມນູໃຫຍ່ທີ່ພິເສດສຸດຄຸ້ມ ຊຶ່ງຢາກແນະນຳໃຫ້ນັກຊິມໄດ້ທົດລອງກິນແລ້ວຈະຕິດໃຈນັ້ນກໍຄື: “ໝີ່ຈັກກະພັດ”  ທີ່ສາມາດກິນໄດ້ 4-6 ຄົນ ລາຄາພຽງ 150,000 ກີບເທົ່ານັ້ນ ຮັບຮອງວ່າກິນອິ່ມແບບຈຸໃຈ. ສ່ວນເມນູທີ່ເປັນອາຫານຈານດຽວຈານນ້ອຍກໍຂໍແມ່ນ ໝີ່ນໍ້າ ທີ່ມີນໍ້າແກງສູດສະເພາະຂອງຮ້ານ, ເຂົ້າຂົ້ວຂີ້ເມົາ, ຊີ້ນຕຸ່ນຮົງກົງ, ຢໍາເຊວມອນ…. ສຳລັບການຕົກແຕ່ງຂອງຮ້ານ ບອກໄດ້ເລີຍວ່າ ເນັ້ນໃຫ້ມີຄວາມແຕກຕ່າງຈາກຮ້ານອື່ນໆທົ່ວໄປທີ່ເຄີຍເຫັນ ເຊິ່ງຈະເນັ້ນລວດລາຍສິລະປະໃນການວາດແຕ້ມລົງໃສ່ກັບຝາ ໃຫ້ເຂົ້າກັບຊື່ຂອງຮ້ານ ເຊິ່ງເບິ່ງແລ້ວ ໂມເດິນສຸດໆ …

Read More »
error: ສະຫງວນລິຂະສິດ ຫ້າມນຳເອົາໄປເຜີຍແຜ່ຕໍ່ !!