Career Advice

ຕ້ອງຍອມຮັບວ່າ ການເປັນມະນຸດເງິນເດືອນ ໃນຍຸກສະໄໝນີ້ນໍາມາເຊິ່ງຄວາມຕຶງຄຽດຫຼາກຫຼາຍ ທັງຈາກບັນຫາທີ່ເກີດຈາກຫົວໜ້າວຽກຈອມນ໋ຽບ ເພື່ອນຮ່ວມງານເຫັນແກ່ຕົວ ພາລະວຽກທີ່ຫຼາຍຂຶ້ນ ສະພາບແວດລ້ອມໃນການເຮັດວຽກທີ່ບໍ່ເປັນອິດສະຫຼະ ຫຼືແມ່ນແຕ່ບັນຫາການເດີນທາງທີ່ແສນລໍາບາກ ລ້ວນແລ້ວແຕ່ມີອິດທິພົນຫຼາຍ ຈົນເຮັດໃຫ້ຫຼາຍໆຄົນຕັດສິນໃຈລາອອກ ປ່ຽນວຽກໃໝ່ວົນໄປເລື້ອຍໆ ແນວໃດກໍຕາມ ທ່າມກາງຄວາມຕຶງຄຽດເຫຼົ່ານີ້ ກໍມີແສງສະຫວ່າງທີ່ສາມາດເຮັດໃຫ້ຄົນເຮົາສາມາດເຮັດວຽກໄດ້ຢ່າງມີຄວາມສຸກ ແລະ ສໍາເລັດຜົນໄດ້ກໍຄື ການມີໝູ່ຢ່າງໜ້ອຍໜຶ່ງຄົນທີ່ດີ ແລະ ຈິງໃຈຢູ່ບ່ອນເຮັດວຽກ ໂດຍການສຶກສາຂອງ Gallup ບໍລິສັດທີ່ຊ່ຽວຊານດ້ານຊັບພະຍາກອນມະນຸດ ພົບວ່າ ການມີເພື່ອນຮ່ວມງານທີ່ດີຈະຊ່ວຍໃຫ້ເຈົ້າເຮັດວຽກໄດ້ດີ ແລະ ມີຮີປະສິດທະພາບຫຼາຍຍິ່ງຂຶ້ນ ຈົນສາມາດນໍາໄປສູ່ລາຍໄດ້ທີ່ສູງຂຶ້ນອີກດ້ວຍ ເຫດຜົນກໍເພາະວ່າ ການມີໝູ່ເພື່ອນຊ່ວຍສ້າງຄວາມເປັນໄປໄດ້ຈະເຮັດສິ່ງຕ່າງໆ ໃຫ້ສໍາເລັດໄດ້ຫຼາຍຍິ່ງຂຶ້ນນັ້ນເອງ. ນັກຈາການີ້ ການມີໝູ່ໃນບ່ອນເຮັດວຽກສາມາດກະຕຸ້ນໃຫ້ເຈົ້າຮູ້ສຶກຢາກໄປເຮັດວຽກໄດ້ຫຼາຍຂຶ້ນ ເນື່ອງຈາກວ່າ ມັນຈະກາຍເປັນສະຖານທີ່ທີ່ເຈົ້າສາມາດໃຊ້ເວລາກັບຄົນທີ່ເຈົ້າມັກ ແລະ ມີຄວາມສຸກໄດ້ ແລະ ເປັນພື້ນທີ່ປອດໄພທີ່ຢາກຈະເຮັດວຽກໃນທຸກໆມື້ ດ້ວຍເຫດນີ້ຈຶ່ງມີຄວາມເປັນໄປໄດ້ວ່າ ສິ່ງນີ້ຈະເຮັດໃຫ້ເຈົ້າມີຄວາມຕ້ອງການໃນການມີສ່ວນຮ່ວມກັບໂຄງການຂອງບໍລິສັດຫຼາຍຂຶ້ນ ສູງເຖິງ 7 ເທົ່າ ນອກຈາກນີ້ ຍັງສາມາດຫຼຸດໂອກາດທີ່ເຮັດໃຫ້ເຈົ້າຢາກລາກອອກໄດ້ໜ້ອຍລົງເຖິງ 20% ເພື່ອນຮ່ວມງານດີ ການສຶກສາຍັງສະແດງໃຫ້ເຫັນອີກວ່າ 50% ຂອງພະນັກງານທີ່ເຮັດວຽກຮ່ວມກັບເພື່ອນຮ່ວມງານທີ່ດີ …

ເພາະຊີວິດບໍ່ແມ່ນເລື່ອງງ່າຍ ໃນແຕ່ລະມື້ມີບັນຫາຫຼາຍຢ່າງເຂົ້າມາໃຫ້ແກ້ໄຂ ຄວາມຄຽດສະສົມຈາກຫຼາຍໆເລື່ອງ ເຮັດໃຫ້ເຮົາອາດຈະເປັນຄົນຄິດຫຼາຍ ກັງວົນ ແລະ ສ້າງກໍາແພງໃຫ້ຕົວເອງ ຈົນກາຍເປັນຄົນເບິ່ງໂລກໃນແງ່ລົບໄປໂດຍບໍ່ຮູ້ຕົວ ໃນເມື່ອຮູ້ແບບນີ້ແລ້ວ ວ່າບັນຫາບາງຢ່າງ ເຮົາກໍບໍ່ສາມາດຄວບຄຸມໄດ້ ຊັ້ນລອງປ່ຽນມາເປັນ ແມ່ຍິງຄິດບວກ ເບິ່ງໂລກໃນແງ່ດີກັນດີກວ່າ!!! ເຊິ່ງວ່າຈະເຮັດໄດ້ແນວໃດນັ້ນ ຂວັນໃຈ ມີເຄັດບໍ່ລັບມາຕ້ອນ… 1. ຢ່າມົວແຕ່ໂທດໂຊກສະຕາ ຈື່ໄວວ່າ ທຸກສິ່ງຢ່າງທີ່ເກີດຂຶ້ນ ລ້ວນແຕ່ມີທີ່ໄປທີ່ມາ ມີເຫດ ແລະ ຜົນຢູ່ສະເໝີ ຖ້າມົວແຕ່ໂທດໂຊກສະຕາ ເຈົ້າຈະບໍ່ມີວັນເຫັນທາງແກ້ໄຂໄດ້ ແຕ່ຖ້າເຈົ້າເບິ່ງວ່າບັນຫາ ຫຼືອຸປະສັກທີ່ພົບນັ້ນ ເປັນເລື່ອງທີ່ເກີດຈາກຄວາມບໍ່ຮອບຄອບຂອງເຈົ້າເອງ ຫຼືເກີດຈາກຄົນອື່ນ ເຈົ້າມີເຫດຜົນ ແລະ ຄິດຊອກຫາທາງແກ້ໄຂໄວ້ປັບໃຊ້ໃນຄັ້ງໜ້າ… 2. ຢູ່ກັບປັດຈຸບັນ ຢ່າັງວົນກັບເລື່ອງທີ່ຍັງບໍ່ເກີດ ຫຼາຍຄັ້ງທີ່ເຈົ້າມັກຈະມາຄິດຫຼາຍກັບເລື່ອງທີ່ຍັງບໍ່ເກີດ ຄິດວົນໄປວົນມາວ່າ ສິ່ງທີ່ກໍາລັງຈະເກີດຕ້ອງມີແຕ່ເລື່ອງບໍ່ດີ ທັ້ງໆທີ່ຍັງບໍ່ມີເຫດການໃດໆເກີດຂື້ນເລີຍ ການຢູ່ກັບປັດຈຸບັນຈຶ່ງຈໍາເປັນຫຼາຍ ເຮັດປັດຈຸບັນໃຫ້ດີ ໃຫ້ເຕັມທີ່ ແລ້ວຜົນທີ່ຕາມມາຈະດີເອງ ແລະ ທີ່ສໍາຄັນ ຄວນມີແຜນສໍາຮອງຢູ່ທຸກຄັ້ງ ຈະໄດ້ອຸ່ນໃຈວ່າ ຖ້າເກີດບັນຫາຂຶ້ນມາຈະແກ້ໄຂແນວໃດແດ່… …

ຖ້າເຈົ້າເປັນຄົນໜຶ່ງທີ່ກົດປຸ່ມເລື່ອນໂມງປຸກໃນຕອນເຊົ້າຫຼາຍກວ່າ 10 ຄັ້ງກ່ອນຈະລຸກອອກຈາກບ່ອນນອນ ໃຊ້ເວລາແຕ່ງໜ້າ ແຕ່ງຕົວດົນ ຫຼືຟ້າວໆ ກິນເຂົ້າເຊົ້າລະຫວ່າງຂັບລົດໄປເຮັດວຽກ ບອກເລີຍວ່າຕາລາງກິດຈະກໍາຕອນເຊົ້າຂອງເຈົ້າ ຄວນປ່ຽນແປງໄດ້ແລ້ວແຫຼະ ຖ້າຕ້ອງການຈະມີຊີວິດທີ່ປະສົບຄວາມສໍາເລັດ!!! ແລະນີ້ຄື ສິ່ງທີ່ແມ່ຍິງປະສົບຄວາມສໍາເລັດ ມັກເຮັດກ່ອນ 9 ໂມງເຊົ້າ… 1.​ ເຄື່ອນໄຫວຮ່າງກາຍໃນຕອນເຊົ້າ ບໍ່ຈໍາເປັນຕ້ອງເຖິງຂັ້ນລຸກຂຶ້ນມາອອກກໍາລັງການ ພຽງເຝິກ ໂຍຄະ ຫຼືໄປຍ່າງຫຼິ້ນ ກໍຊ່ວຍເຮັດໃຫ້ເລືອດລົມສູບສີດ ຫຼຸດຄວາມຕຶງຄຽດ ແລະ ເສີມສ້າງອາລົມໄດ້ແລ້ວ 2. ບໍ່ກົດປຸ່ມເລື່ອນເວລາໂມງປຸກ ການກົດປຸ່ມເລື່ອນເວລາໂມງປຸກ ຈະເຮັດໃຫ້ໂມງຊີວະພາບຂອງເຈົ້າເກີດອາການວົນກັບ ເຊິ່ງອາດຈະເຮັດໃຫ້ຮູ້ສຶກບໍ່ສົດຊື່ນ ແລະ ອ່ອນເພຍຫຼາຍເປັນພິເສດ ໂດຍອາການດັ່ງກ່າວຈະກິນເວລາດົນເຖິງ 2-4 ຊົ່ວໂມງເລີຍແຫຼະ!! ຍ້ອນແບບນີ້ ເຫຼົ່າແມ່ຍິງຜູ້ທີ່ປະສົບຄວາມສໍາເລັດ ຈຶ່ງຕ້ອງເຝິກຕົວເອງໃຫ້ຕື່ນທັນໂມງປຸກດັງ 3. ຮັບປະທານອາຫານເຊົ້າ ອາຫານເຊົ້າ ຄືແຫຼ່ງພະລັງງານທີ່ເຈົ້າຕ້ອງການ ເພື່ອເລີ່ມຕົ້ນວັນໃໝ່ຢ່າງແທ້ຈິງ ເຊິ່ງຄົນທີ່ເຮັດວຽກໄດ້ດີ ແລະ ຜູ້ປະສົບຄວາມສໍາເລັດທັງຫຼາຍ ຈຶ່ງມັກໃຫ້ຄວາມສໍາຄັນກັບການຮັບປະທານອາຫານເຊົ້າເພື່ອສຸຂະພາບສະເໝີ ເພາະຊ່ວຍເພີ່ມປະສິດທິພາບໃນການເຮັດວຽກຂອງສະໝອງ ດັ່ງນັ້ນ ພວກນາງຈະບໍ່ມີອາການສະໝອງເບີ …

ເທິງໂລກທີ່ເຄື່ອນໄຫວໄປຢ່າງໄວວາ ຜູ້ຄົນແຂ່ງຂັນ-ເລັ່ງດ່ວນ ບໍ່ຄ່ອຍໃຫ້ຄວາມສໍາຄັນກັບສິ່ງອ້ອມຕົວ ບາງຄົນຈົນຫຼົງລືມຄວາມສຸກນ້ອຍໆ ທີ່ສາມາດສ້າງຂຶ້ນໄດ້ດ້ວຍຕົວເອງໄປແລ້ວ ມື້ນີ້ Kuanjai ຈຶ່ງຢາກຂໍແນະນໍາເຕັກນິກດີໆ ໃນການໃຊ້ຊີວິດໃຫ້ມີຄວາມສຸກໃນທຸກໆມື້ ເຊິ່ງຈະຊ່ວຍສ້າງພູມຄຸ້ມກັນຈິດໃຈໄດ້ຢ່າງດີ… 1. ເຝິກໃຫ້ເປັນຄົນຫຼົງຮັກວັນຈັນ ຈາກການວິໄຈຈາກ Highland Spring Sparkling ພົບວ່າຄົນສ່ວນໃຫຍ່ຍົກໃຫ້ວັນຈັນເປັນວັນທີ່ເປັນຕາຢ້ານທີ່ສຸດຂອງອາທິດ ເພາະຕ້ອງດຶງຕົວເອງຂຶ້ນມາຈາກຄວາມສຸກໃນມື້ສຸດທ້າຍຂອງອາທິດ ແລ້ວຕ້ອງມາເລີ່ມຕົ້ນເຮັດວຽກໃນວັນຈັນ ດັ່ງນັ້ນ ວິທີທີ່ຈະເຮັດໃຫ້ວັນຈັນຂອງທຸກຄົນມີຊີວິດຊີວາຫຼາຍຍິ່ງຂຶ້ນນັ້ນ ມີສິ່ງດຽວຄື ປ່ຽນທັດສະນະຄະຕິ ຈົ່ງຄິດວ່າ ວັນຈັນ ຄືຈຸດເລີ່ມຕົ້ນຂອງການສ້າງສັນສິ່ງໃໝ່ໆ ເຮັດໃຫ້ວັນຈັນເປັນວັນເລີ່ມຕົ້ນຂອງອາທິດທີ່ດີ ຈະມີແຕ່ສິ່ງດີໆຕາມມາຈົນຮອດທ້າຍອາທິດ. 2. ໝັ່ນກອດກັນຕະຫຼອດ ຮູ້ຫຼືບໍ່ວ່າ ການໂອບກອດດັນນັ້ນມີປະໂຫຍດຫຼາຍ ແລະ ໄລຍະເວລາການກອດທີ່ມີປະສິດທິພາບນັ້ນຕ້ອງໃຊ້ເວລາປະມານ 7 ວິນາທີຂຶ້ນໄປ ເພື່ອສະແດງເຖິງຄວາມຮັກ ແລະ ຄອຍໃຫ້ກໍາລັງໃຈແກ່ກັນ 3. ຄິດເຖິງແຕ່ເລື່ອງດີໆ ກ່ອນນອນຫຼັບ ສໍາລັບຄົນທີ່ມີບັນຫານອນບໍ່ຫຼັບ ແທນທີ່ຈະນັບແກະໄປເລື້ອຍໆ ກໍປ່ຽນມາເປັນຄິດເຖິງສິ່ງດີໆ ທີ່ເຮັດໃຫ້ເຮົາມີຄວາມສຸກໂດຍລຽງລໍາດັບຕາມຕົວອັກສອນ ກ-ຮ ເບິ່ງເດີ້!! ເຊັ່ນ ກະຕ່າຍເປັນສັດທີ່ເຮົາມັກ, …

ເຄິ່ງປີທໍາອິດຜ່ານໄປ ເຄິ່ງປີສຸດທ້າຍກໍາລັງດໍາເນີນຢູ່ ຫຼາຍຄົນມັກຈະເວົ້າເປັນສຽງດຽວກັນວ່າ ເວລາຈັ່ງແມ່ນໄວ ປີໜຶ່ງຜ່ານໄປຈົນເຮັດຫຍັງນໍາບໍ່ທັນ ແຕ່ແນ່ນອນວ່າເຄິ່ງປີທີ່ຜ່ານມາອາດຈະເປັນເຄິ່ງປີທີ່ດີຂອງຫຼາຍຄົນ ແລະ ກໍຄົງຈະຂໍໃຫ້ມີແຕ່ສິ່ງດີໆເຂົ້າມາໃນອີກເຄິ່ງປີຫຼັງ… ໃນຂະນະດຽວກັນເຮົາກໍບໍ່ສາມາດປາສະຈາກສິ່ງທີ່ບໍ່ດີ ຫຼືສິ່ງທີ່ບໍ່ພຶງປາຖະໜາໄດ້ ນັ້ນກໍຄືບັນຫາ ແລະ ອຸປະສັກຕ່າງໆ ທີ່ອາດຈະເຮັດໃຫ້ເຈັບຫົວແນ່!!! ແຕ່ມື້ນີ້ ຂວັນໃຈ ມີຂໍ້ຄິດດີໆ ເພື່ອປ່ຽນຊີວິດໃນອີກເຄິ່ງປີຫຼັງໃຫ້ມີແຕ່ຄວາມສຸກ ເຖິງວ່າຈະພົບບັນຫາ ມາເບິ່ງນໍາກັນເລີຍ… 1. ລົງມືເຮັດໃນສິ່ງທີ່ຢາກເຮັດ ສາວໆຫຼາຍຄົນກໍເຫັນແລ້ວແມ່ນບໍ່ວ່າ ເວລາປີໜຶ່ງມັນຜ່ານໄປໄວແຮງ ແມ່ນຫຍັງທີ່ລີສໄວ້ວ່າຢາກເຮັດ ແລ້ວຍັງບໍ່ໄດ້ເຮັດໃນເຄິ່ງປີຕົ້ນ ໃຫ້ລົງມືເຮັດຢ່າງຈິງຈັງໄດ້ແລ້ວ ຢ່າມົວແຕ່ເວົ້າ ຫຼືເລື່ອນມື້ອື່ນຕະຫຼອດ ບໍ່ດັ່ງນັ້ນ ມັນຈະບໍ່ມີຫຍັງເປັນຮູບເປັນຮ່າງຈັກເທື່ອ ສຸດທ້າຍກໍມາຈົບແບບເດີມໆ ໝົດປີແຕ່ບໍ່ມີຫຍັງຈັກຢ່າງ ຫຼືເຮັດຫຍັງບໍ່ສໍາເລັດຈັກຢ່າງ 2. ລຸກຂຶ້ນມາເບິ່ງແຍງສຸຂະພາບຢ່າງຈິງຈັງ ຂໍ້ນີ້ສໍາຄັນຫຼາຍ ບໍ່ວ່າຫຍັງກໍແລ້ວແຕ່ ເຮົາຄວນທີ່ຈະລຸກຂຶ້ນມາເບິ່ງແຍງສຸຂະພາບຂອງຕົວເອງໄດ້ແລ້ວ ຍິ່ງອາຍຸຫຼາຍຍິ່ງຕ້ອງລະວັງ ສ່ວນສາວໆ ທີ່ອາຍຸຍັງນ້ອຍ ກໍຢ່າວາງໃຈ ເພາະບັນຫາສຸຂະພາບມັນເກີດຂຶ້ນໄດ້ກັບທຸກຄົນ ໂດຍບໍ່ສົນວ່າເຈົ້າຈະອາຍຸເທົ່າໃດ ດັ່ງນັ້ນ ຄົງເຖິງເວລາແລ້ວທີ່ຈະລຸກຂຶ້ນມາເບິ່ງແຍງເລື່ອງ ອາຫານການກິນ ພະຍາຍາມກິນແຕ່ສິ່ງທີ່ມີປະໂຫຍດ ສານອາຫານຄົບຖ້ວນ …